ЯҢАЛЫКЛАР

2015 елның 24 июлендә Татарстан Республикасы Президенты вазыйфаларын вакытлыча башкаручы Рөстәм Миңнеханов Төркия Республикасы Икътисад министры Нихат Зәйбәкҗи белән очрашты. Очрашуда Татарстан Республикасы Премьер-министры Илдар Халиков, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы Президенты ярдәмчесе Радик Гыйматдинов һәм башкалар катнашты.

Очрашу барышында берничә актуаль мәсьәләләр буенча фикер алыштылар, хезмәттәшлек итү буенча алга таба адымнар турында сөйләштеләр.

2015  елның 25 июльдә  сәүдә хезмәткәрләре Көне уңаеннан Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов сәүдә хезмәткәрләрен һәм ветераннарын һөнәри бәйрәмнәре белән котлады!

"Хөрмәтле сәүдә хезмәткәрләре һәм ветераннары! Сәүдә –Татарстан икътисадының мөһим секторларының берсе буларак актив үсеш ала. Тармак тулаем төбәк продуктына өлеш кертү буенча лидерлык позициясен били, республика һәм ил бюджетына салым керемнәрен җыю буенча  шактый зур өлеш кертә. Бүгенге көндә тулаем төбәк продуктындагы сәүдә өлеше 14,2% тәшкил итә. Республика икътисадының тулаем күләменнән 17 проценты сәүдә өлкәсендә хезмәт итә.

2015 елның 23 июлендә Татарстан Республикасы Президенты вазыйфаларын вакытлыча башкаручы Рөстәм Миңнеханов Абхазия Республикасы Президенты Рауль Хаджимба белән очрашты. Очрашуда Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы Президенты ярдәмчесе Радик Гыйматдинов, Россия Федерациясе Дәүләт Думасы депутаты Фатыйх Сибагатуллин һәм башкалар катнашты.

2015 елның 22 июлендә сәүдә хезмәткәрләре Көне  алдыннан Татарстан Республикасы Сәнәгать һәм сәүдә министрлыгында сәүдәне үстерү мәсьәләсенә багышланган тармак киңәшмәсе узды.

Киңәшмәдә Татарстан Республикасы сәнәгать һәм сәүдә министры урынбасары  Рашат Фәттахов, эре сәүдә челтәрләре, «Национальная торговая марка» ТР ДУП җитәкчелеге катнашты.

Киңәшмәдә катнашучылар ваклап сәүдә итү мәcьәләләрен, кулланучылар базарындагы торышны, сәүдә итү турындагы федераль закон чыгаруда планлаштырыла торган үзгәрешләр турында фикер алыштылар.

2015 елның 22 июлендә Татарстан Республикасы Президенты вазыйфаларын вакытлыча башкаручы Рөстәм Миңнеханов рәислегендә Татарстанның төзәтү учреждениеләрендә җитештерелүче продукцияне сату мәсьәләләре буенча киңәшмә узды.

Киңәшмә эшендә Татарстан Республикасы Премьер-министры Илдар Халиков, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы буенча Россия ФҖҮХИ башлыгы Дәүфит Хәмәдишин, Татарстан Республикасы төзәтү учреждениеләре җитәкчеләре, шулай ук республика министрлыклары һәм ведомстволары җитәкчеләре катнаштылар.

2015 елның 21 июлендә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов җитәкчелегендә машина төзелеше өлкәсендә инжиниринг үзәкләрне үстерү мәсьәләсе буенча киңәшмә узды. Киңәшмәдә Чаллы шәһәре һәм Кама арты төбәге машина төзелеше Ассоциациясе җитәкчелеге вәкилләре, КНИТУ- КАИ, «КНИАТ» АҖ, «Казанский Гипронииавиапром» ЯАҖ вәкилләре катнашты.

Татарстан Республикасы сәнәгать һәм сәүдә министры Равил Зарипов ассызыклаганча, “машина төзелеше өлкәсендәге төбәк инжиниринг үзәкләре технологик модернизациягә ярдәм итә, сәнәгатьне инновацион үстерү өчен үзенә бер тармак формаллаштыра”.

2015 елның 21 июлендә «КАМАЗ» САҖ һәм Татарстан Республикасы Министрлар Кабинеты тарафыннан гамәлгә ашырыла торган “Машина төзелешенең күпфункциональ гамәли  квалификацияләр үзәге” проекты Чаллы һәм “Камаарты” регионы предприятиеләренә презентацияләнде.

Үзәкнең беренче мәйданчыгында - Кама дәүләт автомеханика техникумында (КГАМТ) узган әлеге чарада республиканың сәнәгать һәм сәүдә, мәгариф һәм фән, хезмәт, халыкны эш белән тәэмин итү һәм социаль яклау министрлыклары, Чаллы шәһәре Башкарма комитеты, Кама  инновацион территориаль- җитештерү кластеры, эре предприятиеләр -  төбәкнең партнерлары һәм эш белән тәэмин итүчеләр катнашты.

“Машина төзелешенең күпфункциональ гамәли  квалификацияләр үзәге”- белгечләрне әзерләү буенча инновацион укыту үзәге –дөньякүләм компанияләр тәҗрибәсен исәпкә алып, заманча укыту-материаль һәм методик база белән  җиһазландырылган, эшче һөнәрчелекләрнең нигезләрен өйрәнү буенча алдынгы укыту мәйданчыгы булыр дип исәпләнә. “Машина төзелешенең күпфункциональ гамәли квалификацияләр үзәге” оештыручалары -  «КАМАЗ» САҖ, «Мастер» Кама индустриаль паркы һәм  Кама дәүләт автомеханика техникумы.

2015 елның 20 июлендә Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов Казан шәһәрендә 2015 елгы Су спорт төрләре буенча XVI дөнья чемпионатына һәм "Мастерс" категориясендә Су спорт төрләре буенча XVI дөнья чемпионатын уздыру буенча республика оештыру комитеты утырышында катнашты. Киңәшмәне Татарстан Республикасы Премьер-министры Илдар Халиков алып барды.

Илдар Халиков билгеләгәнчә, чемпионатны оештыру өчен төрле эшчәнлек юнәлешләре өчен җавап бирүче 13 эш төркеме оештырылды.

Һәр төркемнең җитәкчесе халыкара чарага  әзерлек эшләре турында сәйләделәр.

2015 елның 20 июлендә Улан – Удэ шәһәрендә Татарстан Республикасы белән Бурятия Республикасы арасында сәүдә-икътисадый, фәнни-техник һәм мәдәни хезмәттәшлек итү турында Килешүгә кул куелды. Документны Татарстан Республикасы Президенты вазыйфаларын вакытлыча башкаручы Рөстәм Миңнеханов һәм Бурятия башлыгы Вячеслав Наговицин имзаладылар.

 Эш визиты кысаларында Татарстан Республикасы Президенты вазыйфаларын вакытлыча башкаручы Рөстәм Миңнеханов җитәкчелегендәге Татарстан Республикасы делегациясе «Байкал урман компаниясе» ААҖ Ильинка агач эшкәртү комбинатын карадылар. Шулай ук татар иҗтимагый оешмалары активистлары белән очрашу узды.

2015 елның 16 июлендә Татарстан Республикасы Сәнәгать һәм сәүдә министрлыгында Татарстан Республикасы  Премьер-министры урынбасары –Татарстан Республикасы сәнәгать һәм сәүдә министры Равил Зарипов җитәкчелегендә узган “Татарстан Республикасының иң яхшы товарлары һәм хезмәт күрсәтүләре” бәйгесен оештыру комитеты утырышында республика бәйгесенең нәтиҗәләрен чыгардылар.

Татарстан Республикасы сәнәгать һәм сәүдә министрлыгы җитәкчесе Равил Зарипов ассызыклаганча, “Татарстан Республикасының иң яхшы товарлары һәм хезмәт күрсәтүләре” 2015 бәйгесендә катнашырга теләп, 192 җитештерүче оешмалардан, учрежденияләрдән һәм республиканың халык сәнгате предприятиеләреннән  443 заявка кабул ителде.