ЯҢАЛЫКЛАР

2016 елның 3 февралендә "Казан ярминкәсе" күргәзмә үзәге территориясендә TIAF Халыкара автомобиль төзелеше форумын ачу тантанасы булды. Чарада Татарстан Президенты Рөстәм Миңнеханов, ТР Премьер-министр урынбасары-ТР сәнәгать һәм сәүдә министры Алберт Кәримов, РФ сәнәгать һәм сәүдә министрлыгыннан транспорт һәм махсус машина төзелеше Департаменты директоры Александр Наумов,  Европа бизнесы Ассоциациясе генераль директоры Франк Шауфф, Россия һәм Татарстан автомобиль төзелеше предприятияләре ("КАМАЗ", ЕлАз", "АВТОВАЗ", "FordSollers", "PCMA RUS" һәм башкалар) җитәкчеләре, чит ил компанияләре вәкилләре, федераль һәм республика ведомстволарыннан, министрлыклардан хезмәткәрләр катнашты.

Татарстан Президенты Рөстәм Миңнеханов: "Әлеге Форум икенче тапкыр уза һәм европа, россия җитештерүчеләренең казанышларын берләштерүче менә дигән мәйданчык,"- дип билгеләп үтте.

2016 елның 2 февралендә "ТАНЕКО" Акционерлык Җәмгыятенең хезмәт коллективы конференциясе узды. Аның эшендә ТР Премьер-министр урынбасары-ТР сәнәгать һәм сәүдә министры Алберт Кәримов һәм ТР Түбән Кама муниципаль районы башлыгы Айдар Метшин катнаштылар.

ТР Премьер-министр урынбасары-ТР сәнәгать һәм сәүдә министры Алберт Кәримов предприятие белән танышуны "ТАНЕКО" Акционерлык Җәмгыятенең Комплексын караудан башлады. Алберт Кәримов Комплексының нефть эшкәртү һәм нефть химиясе заводларының төзелеп ятучы объектлары, шул исәптән ЭЛОУ-АВТ-6 нефтен беренчел куу буенча икенче җайланма төзелеше барышы белән танышты. 2017 ел ахырында объектта эшләрне тәмамлау ТАНЕКОда нефть эшкәртү күләмен елына 14 миллион тоннага җиткерергә мөмкинлек бирәчәк. Шулай итеп, тулаем алганда республика буенча ел саен  якынча 23 миллион тонна нефть эшкәртеләчәк.

2016 елның 2 февралендә ТР Премьер-министр урынбасары-ТР сәнәгать һәм сәүдә министры Алберт Кәримов "ТАИФ-НК" ААҖ хезмәт коллективы конференциясендә катнашты. Узган конференция барышында катнашучылар компаниянең 2015 ел өчен коллектив килешүенең үтәлеше турында фикер алыштылар һәм яңа документ имзаладылар.

Конференция башланыр алдыннан ТР сәнәгать һәм сәүдә министры Алберт Кәримов авыр нефть калдыкларын тирән эшкәртү комплексы (КГПТО) төзелеш мәйданчыгында булды, анда предприятие җитәкчесе төзелеш-монтаж эшләре барышы белән таныштырды. Алберт Кәримов шулай ук нефть эшкәртү һәм бензин заводында булды.

2016 елның 3-5 февраль көннәрендә "Казан ярминкәсе" территориясендә TIAF   supported  by Automechanika Халыкара автомобиль төзелеше форумы үткәрелә.

3 февраль көнне Форумны тантаналы ачуда һәм Форум эше барышында Татарстан Республикасы Президенты Рөстәм Миңнеханов катнашуы көтелә.  

Форумны оештыручылар- Европа бизнесы Ассоциациясе, ТР сәнәгать һәм сәүдә министрлыгы, "Казан ярминкәсе" ААҖ, "Мессе Франкфурт ГМбх" россия бүлекчәсе.

ТР Премьер-министр урынбасары-ТР сәнәгать һәм сәүдә министры Алберт Кәримов: "Әлеге тармак авыр хәлдә булуына карамастан, Татарстан автомобиль төзелеше предприятияләре автокомпонентлар җитештерүчеләр белән элемтәләрне тирәнәйтә, халыкара һәм регионара хезмәттәшлекне ныгыталар"-дип билгеләп үтте. "Форумның максаты- автомобиль төзелеше үсешенә ярдәм итү, Идел буе төбәге һәм Татарстанда автокомпонентлар җитештерүне локализацияләү, автомобиль сәнәгатенә инновацион эшләнмәләр җәлеп итү, шулай ук, Россия, Европа һәм Азиянең әйдәп баручы автомобиль төзелеше компанияләре белән Идел буе предприятияләре арасында хезмәттәшлекне киңәйтү"-дип ассызыклады министр.

2016 елның 1 февралендә ТР Премьер-министр урынбасары-ТР сәнәгать һәм сәүдә министры Алберт Кәримов сыйфат өчен Татарстан Республикасы Хөкүмәте премияләренә конкурс оештыру һәм уздыруны камилләштерү турындагы сорауларны караган эшче киңәшмә уздырды.

Исегезгә төшерәбез, 2015 елның 18 декабрендә ТР Премьер-министры Илдар Халиков катнашында сыйфат өчен Татарстан Республикасы Хөкүмәте премияләренә 11 республика конкурсы лауреатларын һәм дипломантларын бүләкләү тантанасы узды.

Сыйфат өчен Татарстан Республикасы Хөкүмәте премияләрен бирү Советы Карары буенча 7 оешмага “конкурс лауреаты” исеме бирү һәм 13 конкурс дипломанты расланды.

2015 елны 61 оешма заявка бирде. Казан, Чаллы, Әлмәт, Түбән Кама, Лениногорск шәһәрләре предприятие һәм оешмалары активлык күрсәтте. Конкурста машина төзелеше, нефть химиясе предприятиеләре, шулай ук, мәгариф, сәламәтлек саклау, төзү, социаль хезмәт оешмалары катнашты.

Сыйфат өчен Татарстан Республикасы Хөкүмәте премияләренә конкурс кысаларында “2015 елның ТР сыйфат буенча иң яхшы менеджеры” һәм “Сыйфат мәсьәләләрен карауга багышланган югары уку йортлары студентлары һәм аспирантларының иң яхшы фәнни-тикшеренү эше” конкурслары да үткәрелде.

ТР сәнәгать һәм сәүдә министрлыгы җитәкчесе Алберт Кәримов: “Сыйфат белән югары эффектлы идарә итү методларын кертүгә юнәлдерелгән республика  конкурсын популярлаштыру эшен активрак үткәрергә, анда катнашачакларның географиясен киңәйтергә, уздыру процедурасын камилләштерергә кирәк,” -дип билгеләп үтте.

Киңәшмәдә катнашучылар республика конкурсын оештыру һәм уздыруны  камилләштерү буенча тәкъдимнәр турында фикер алыштылар.

2016 елның 29 гыйнварында Татарстан Республикасы Президенты Рөстәм Миңнеханов республиканың кече нефть компанияләре җитәкчеләре белән киңәшмә үткәрде. Киңәшмәдә ТР Премьер-министр урынбасары-ТР сәнәгать һәм сәүдә министры Алберт Кәримов, “Файдалы казылма запаслары буенча Дәүләт комиссиясе” ФБУ генераль директоры Игорь Шпуров, «Татнефть» САҖ җитәкчелеге һәм ТР кече нефть компанияләре, республика министрлыклары, ведомстволары катнашты.

Киңәшмәдә кече нефть компанияләренең 2015 елдагы эшчәнлегенә йомгак ясалды һәм 2016 елга булган бурычлар билгеләнде. 

2015 елда кече нефть компанияләре тарафыннан 7,1 млн. тонн нефть табылган, 2014 ел белән чагыштырганда бу 3,3 % күбрәк. Республикада гомуми күләмдә нефть чыгару буенча табылган нефтьнең чагыштырма авырлыгы 20,7%. 367,7 мең метр тау токымы борауланган, 2014 елга күрсәткечләренә караганда бу 3,7 % ка артыграк. 

2016 елның 28 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов ТР предприятиеләре һәм эшкуарлары Ассоциациясе Советының киңәйтелгән утырышында катнашты.  

ТР сәнәгать һәм сәүдә министрлыгы җитәкчесе утырышта катнашучыларга республиканың сәнәгать үсеше нәтиҗәләре һәм федераль дәрәҗәдә гамәлгә кертелгән сәнәгать предприятияләренә дәүләт ярдәме чаралары  турында мәгълүмат бирде.

Министр билгеләп үтүенчә, хәзерге вакытта конкурентлыкка сәләтле булган ватан продукциясенең эскпортына ярдәм итүгә җитди әһәмият бирелә. Ул узган ел оештырылган Россия экспорт үзәге эшчәнлеге белән бәйле чараларны тасвирлады.

Алберт Кәримов республика дәрәҗәсендә сәнәгатькә дәүләт ярдәменең яңа инструментариясе булдырылуы турында хәбәр итте. Хәзерге вакытта “2016-2020 елларга Татарстан Республикасының сәнәгать үсеше”  дәүләт программасы проектын һәм “Татарстан Республикасында сәнәгать сәясәте турында” закон проектын эшләү бара.

Утырыш барышында республиканың сәнәгать предприятияләре җитәкчеләре чыгыш ясадылар, илдә агымдагы икътисади вәзгыять хакында фикер алыштылар.

2016 елның 28 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов җитәкчелегендә Академик П.А. Кирпичников исемендәге химияне тирәнтен өйрәнүче сәләтле балалар өчен Лицей-интернатның Попечительләр советы утырышы булып узды. Утырышта ТР Президент Ярдәмчесе Ринат Сабиров, КНИТУ-КХТИ җитәкчелеге, республиканың нефтехимия косплексы предприятияләре катнашты.

Утырыш башланыр алдыннан Попечительләр советы вәкилләре “Газпром” ҖАҖ махсус классларында булдылар. Әлеге экскурсия вакытында 11 сыйныф укучылары модельләштерү системасы һәм энергиянең альтернатив төрләрен визуализацияләү,  сәнәгатьтә практик кулланылышы турында сөйләделәр. Талантлы укучылар химия, биология, физикадан проект һәм фәнни-тикшеренү эшчәнлекләрен күрсәттеләр.

2016 елның 27 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов ТР инвестицион үсеш Агентлыгы Коллегиясенең киңәйтелгән утырышында катнашты.

Коллегияда катнашучылар каршысындагы чыгышында Татарстан Президенты Рөстәм Миңнеханов инвестицияләр җәлеп итү-гади бурыч түгел, дөньядагы  тышкы сәясәт вәзгыятенә һәм илдәге эчке хәлләргә бәйле дип белдерде.

Республиканың инвестицияләр эзләү мөмкинлеге, резервы күп, аның барысы да кулланылмый һәм алдыбызга амбицияле бурычлар куярга кирәк, дип билгеләп үтте ул.

“Инвестицияләр –ул тыштан кергән чаралар гына түгел, иң элек һәр илдә, республика, шәһәр, районда булган  потенциалны ачу, диде Рөстәм Миңнеханов. Әлбәттә, моның өчен тышкы инвесторлар белән эш итәргә кирәк, чөнки акчадан тыш безгә технологияләр, тәҗрибә, ышанычлы партнерлар, яна базарлар кирәк.

2016 елның 27 гыйнварында Татарстан Президенты Рөстәм Миңнеханов Татарстан Республикасы хезмәт, халыкны эш белән тәэмин итү һәм социаль яклау министрлыгы Коллегиясенең киңәйтелгән утырышында югары квалификацияле кадрлар әзерләүгә җитди игътибар бирергә кирәк дип белдерде.

Коллегия эшендә ТР Премьер-министр урынбасары-ТР сәнәгать һәм сәүдә министры Алберт Кәримов, Татарстан Республикасы хезмәт, халыкны эш белән тәэмин итү һәм социаль яклау министры Элмира Зарипова, Татарстан Республикасы муниципаль берәмлекләр Советы Председателе Минсәгыйть Шакиров, республика министрлыклары һәм ведомство җитәкчеләре катнашты.

Рөстәм Миңнеханов үз чыгышында Татарстанның иминлеге, күбесенчә, икътисад торышына бәйле, дип билгеләп үтте. Республиканың киләчәк үсеше өчен гамәлдәге куәтләрне модернизацияләргә һәм яңа тармаклар үзләштерергә кирәк, дип  ассызыклады ул. Үзгәрешләр кадрлар әзерләү өлкәсенә дә кагылырга тиеш.