ЯҢАЛЫКЛАР
2016 елның 21 апрелендә ТР Премьер-министры урынбасары –ТР сәнәгать һәм сәүдә министры Алберт Кәримов ТР Дәүләт Советы Сессиясе барышында депутатларга "Татарстан Республикасында сәнәгый сәясәт турында" закон проектын тәкъдим итте.
ТР сәнәгать һәм сәүдә министрлыгы җитәкчесе билгеләгәнчә, Татарстан Республикасының 2030 елга кадәрге Татарстанның социаль-икътисадый үсеш Стратегиясе төп стратегик максатны билгели: "Татарстан-2030 – глобаль көндәшлеккә сәләтле тотрыклы регион". Республиканың глобаль конкурент сәләтлелеккә ирешү нигезе –сәнәгать. Икътисад структурасында аның чагыштырма авырлыгы Татарстан консолидацияләнгән бюджеты керемнәренең яртысыннан артыгын формалаштыра.
Узган елның июлендә Федераль закон "Россия Федерациясендә сәнәгый сәясәт турында" Федераль закон үз көченә керде. Ул илдә сәнәгать үсешенең төп өстенлекләрен билгели һәм реаль җитештерүне стимуллаштыруның яңа механизмнарын тәкъдим итә. Документта Россия Федерациясе субъектлары дәрәҗәсендә шундый ук законнар кабул итү каралган.
Алберт Кәримов ассызыклаганча, "Татарстан Республикасының өстенлекле үсеш һәм Федераль закон таләпләрен исәпкә алып Татарстан Республикасы Дәүләт Советының икътисад, инвестицияләр һәм эшкуарлык Комитеты каршындагы Эшлекле төркем тарафыннан "Татарстан Республикасында сәнәгый сәясәт турында" Закон проекты эшләнде.
2016 елның 21 апрелендә Татарстан Республикасы сәнәгать һәм сәүдә министрлыгында 2016-2021 елларга Татарстан Республикасы электр энергетикасы перспектив үсешенең Схемасын һәм Программасын эшләү буенча эшче төркем киңәшмәсе булып узды.
Киңәшмәдә Татарстан Республикасы сәнәгать һәм сәүдә министры урынбасары Дамир Сәфиуллин, "Сетевая компания" ААҖ, «Генерирующая компания» ААҖ, «ТГК-16» ААҖ, «Түбән Кама ТЭЦы» ҖЧҖ, «ТГК Уруссу ГРЭСы» ЯАҖ һәм «СО ЕЭС» ААҖ филиалы Татарстан Региональ Диспетчер Идарәсе.
2016 елның 21 апрелендә ТР сәнәгать һәм сәүдә министрлыгы ТР мәгариф һәм фән министрлыгы, Казан дәүләт энергетика университеты белән бергә Казанда республиканың белем бирү учрежденияләрендә су һәм энергетика ресурсларын куллануны киметүгә юнәлдерелгән техник һәм оештыру чараларын тормышка ашыру сораулары буенча семинар-киңәшмә уздырдылар.
Киңәшмә барышында 2016 елда Татарстан Республикасы белем бирү учрежденияләрендә хезмәт итүчеләр арасында энергияне сак тоту һәм энергетика нәтиҗәлелеген күтәрү өчен җаваплы булган затларны укытуны оештыру һәм бюджет өлкәсендә энергетика нәтиҗәлелеге дәүләт сәясәтен гамәлгә ашыру сорауларын карадылар.
2016 елның 21 апрелендә "Милли сәүдә маркасы” Татарстан Республикасы Дәүләт Унитар Предприятиясе Татарстан Республикасы сәнәгать һәм сәүдә министрлыгы белән берлектә “Халык өчен икътисади кулай бәяле һәм сыйфатлы азык-төлек продуктлары – илнең азык-төлек куркынычсызлыгының нигезе" темасына “түгәрәк өстәл” үткәрделәр.
"Түгәрәк өстәл"нең төп спикерлары арасында - дәүләт хакимияте органнары вәкилләре, фәнни-тикшеренү институтлары җитәкчеләре, сәүдә оешмалары вәкилләре, республика җитештерүче-тәэмин итүче оешма вәкилләре, шул исәптән "Милли сәүдә маркасы" проектында беренчеләрдән булып катнашучы "Татспиртпром" компаниясе.
Фикер алышуда үзәктә булган темаларның берсе – “сәүдә челтәрендә "Милли сәүдә маркасы" бренды астында продукцияне алга этәрү буенча хезмәттәшлек мөмкинлекләре” дискуссиясе. Сөйләшүдә Ашан, X 5 Retail Group, "Бәхетле" һәм башкалар сәүдә челтәрләре вәкилләре катнаштылар.
Дискуссия барышында республика товар җитештерүчеләренең конкурент өстенлекләре үсеше проблемалары күтәрелде.
"Түгәрәк өстәл"дә катнашучыларга республика товар җитештерүчеләренең ризыклары тәкъдим ителде, дегустация-презентация булып узды.
2016 елның 20 апрелендә ТР Премьер-министр урынбасары- ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Тюрингия Ирекле дәүләт (ГФР) делегациясе әгъзалары белән очрашуында катнашты.
Республика башлыгы билгеләгәнчә, делегация җитди һәм аның составында Тюрингия Республикасының Парламент һәм Хөкүмәт әгъзалары, сәнәгать предприятияләре вәкилләре бар.
Татарстанда булган бу ике көндә сезнең программагыз бик тыгыз иде, нәтиҗәдә сез безнең регион белән өлешчә булса да таныша алдыгыз, диде Рөстәм Миңнеханов, Тюрингия Ирекле дәүләт Премьер-министры Бодо Рамеловка мөрәҗәгать итеп.
2016 елның 20 апрелендә Тюрингия федераль җире Премьер-министры Бодо Рамелов Германия-Россия яңа технологияләр институтында (КМТТУ-КАИ) булды. Аны Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов озатып йөрде.
Тюрингия делегациясе составына Тюрингия парламенты вәкилләре, Техник унивеситет ректоры Ильменау Петер Шарфф керде.
Германия-Россия яңа технологияләр институтын карау программасы кысаларында институтны миллитранс мәгариф проекты буларак презентацияләү булды. Сәламләү сүзләре белән Тюрингия федераль җире Премьер-министры Бодо Рамелов, Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов, КМТТУ-КАИ ректоры Алберт Гыйлметдинов чыгыш ясадылар.
Татарстан Тюрингия компанияләренең россия базарында эшләү өчен старт урыны итеп республика мәйданчыкларын сайлауларында кызыксына. Бу хакта бүген 2016 елның 20 апрелендә "Татарстан – Тюрингия" икътисадый форумында Казанда ТР Президенты Рөстәм Миңнеханов хәбәр итте.
Форум эшендә Тюрингия Ирекле дәүләте Премьер-министры Бодо Рамелов, Тюрингия Ирекле дәүләте икътисад министры Вольфганг Тифензее һәм башкалар катнашты.
Тюрингия делегациясе әгъзаларын сәламләп, Рөстәм Миңнеханов хезмәттәшлекне үстерү мөмкинлеге, Россия һәм Германия җитәкчелегенә регион дәрәҗәсендә элемтәләрне ныгытуда ярдәмнәре өчен рәхмәтен белдерде.
"Бүген безнең төп бурычыбыз – бизнес үсешенең этәргечен дөрес сайларга. Дөнья базарларының күп кенә икътисад тармакларында гадәттәгечә алдынгы позицияләрне биләүче алман компанияләре белән Татарстан үзара файдалы хезмәттәшлекне киңәйтүдә кызыксына", – диде ТР Президенты.
Ул, шулай ук, Татарстан һәм Тюрингия эшлекле даирәләре тәҗрибә уртаклашачаклар, булган бизнес-мөмкинлекләр турында фикер алышачаклар, хезмәттәшлек өчен яңа юнәлешләр ачарлар, уртак проектлар турында килешерләр, дигән ышаныч белдерде.
2016 елның 20 апрелендә Татарстан Республикасы Президенты Рөстәм Миңнеханов катнашында Татарстан Республикасы машина төзелеше предприятиеләренең Координация советының 4нче утырышы булып узды.
Координация советы утырышында Тюрингия Ирекле дәүләте Премьер-министры Бодо Рамелов, Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов, Тюрингия Ирекле дәүләтенең икътисад министры Вольфганг Тифензее, Татарстан Республикасы Президенты ярдәмчесе Равил Зарипов, "Станкопром" АҖ генераль директоры Дмитрий Косов, Татарстан һәм Тюрингия машина төзелеше предприятиеләре вәкилләре катнашты.
2016 елның 20 апрелендә Тюрингия Ирекле дәүләте (ГФР) Премьер-министры Бодо Рамелов башлыгындагы Тюрингия делегациясенең Татарстан Республикасына визиты кысаларында Казанда “Татарстан-Тюрингия” икътисадый форумы булып узды.
Форум эшендә Татарстан Республикасы Президенты Рөстәм Миңнеханов, Тюрингия Ирекле дәүләте (ГФР) Премьер-министры Бодо Рамелов, ТР Премьер-министр урынбасары – ТР сәнәгать һәм сәүдә министры Алберт Кәримов, Тюрингия Ирекле дәүләтенең икътисад министры Вольфганг Тифензее, Татарстан һәм Тюрингия дәүләт хакимияте органнары һәм эшлекле даирәләре вәкилләре катнашты.
ТР Премьер-министр урынбасары – ТР сәнәгать һәм сәүдә министры Алберт Кәримов форумда катнашучыларга мөрәҗәгать итеп алман телендә сәламләү сүзе белән чыгыш ясады. Ул Тюрингия эшлекле вәкилләренә Татарстан белән хезмәттәшлек итүдә кызыксыну күрсәткәннәре өчен рәхмәт сүзләрен белдерде.
ТР сәнәгать һәм сәүдә министрлыгы башлыгы Татарстан Республикасы сәнәгать потенциалының кыскача презентациясен тәкъдим итте. Ул Татарстан Республикасы белән Германия Федератив Республикасы (ГФР) сәүдә- икътисадый хезмәттәшлеге кысаларында 2015 елда тышкы сәүдә әйләнеше 1 млрд. евродан артып китүен хәбәр итте. Татарстан Республикасы Германиянең башка регионнары белән дә озак вакытлы элемтәдә тора. Соңгы берничә елда Татарстан һәм Тюрингия арасында хезмәттәшлек үсә.
2016 елның 19 апрелендә Татарстанга эш визиты белән Тюрингия (ГФР) Премьер-министры Бодо Рамелов килде.
"Казан" халыкара аэропортында Бодо Рамеловны Татарстан Республикасы Президенты Рөстәм Миңнеханов, Татарстан Республикасы Премьер-министр урынбасары-Татарстан Республикасы сәнәгать һәм сәүдә министры Алберт Кәримов, Татарстан Республикасы Президенты ярдәмчесе Радик Гыйматдинов һәм башкалар каршыладылар.
Тюрингия Премьер-министры визитының төп максаты - 2016 елның 20 апрелендә узачак "Татарстан-Тюрингия" иктисадый форумында катнашу.
Бодо Рамелов Татарстан Республикасы машина төзелеше предприятияләренең 4-нче Координацион советы утырышында катнашачак.