ЯҢАЛЫКЛАР

2016 елның 26 маенда Түбән Камада Татарстан Республикасы Президенты Рөстәм Миңнеханов Химик Көненә багышланган тантаналы чарада катнашты. Бәйрәм тантанасы “Нефтехимик” боз сараенда узды.

Чара башланыр алдыннан Рөстәм Миңнеханов Татарстанның нефтехимия тармагы предприятияләренең күргәзмәсен карап узды.

“Бүген без Түбән Камада кабат Химик Көненә багышланган бәйрәмне билгеләп үтәбез,- диде Татарстан Президенты сәламләвендә. Әлбәттә, аерым сүзләр белән республиканың нефтехимия нигезен салычу ветераннарга мөрәҗәгать итәсе килә. Берничә дистә еллар эчендә биредә Европаның эре нефтехимия комплексы пәйда булды”.

2016 елның 26 маенда Горький исемендәге Яшел Үзән заводында Вьетнам хәрби-диңгез көчләре өчен әзерләнгән "Гепард-3.9" фрегатын суга төшерү тантанасы узды. Бу әлеге төр корабльләрне төзү турындагы икенче килешүдән икенче фрегат.  

Тантанада Татарстан Республикасы Премьер-министр урынбасары- ТР сәнәгать һәм сәүдә министры Албер Кәримов, Вьетнам Социалистик Республикасы хәрби-диңгез көчләре комиссары, вице-адмирал Динь За Тхат,  "Рособоронэкспорт" АҖ Хәрби-Диңгез Флоты Департаменты җитәкчесе урынбасары Виктор Комаров, «Ак Барс» Холдинг компаниясе» ААҖ Иван Егоров, “Горький исемендәге Яшел Үзән заводы” ААҖ генераль директоры Ренат Мистахов һәм башкалар катнаштылар.

Татарстан Республикасы Премьер-министр урынбасары- ТР сәнәгать һәм сәүдә министры Алберт Кәримов чарада катнашучыларга мөрәҗәгать итеп болай диде: бүген завод Рссия һәм республика сәнәгате үсешенә әһәмиятле өлеш кертә. Завод эшчеләренә ул хезмәтләре һәм эшләренә тугры калулары өчен рәхмәт сүзләрен җиткерде. “Безнең республикабызның Горький исемендәге Яшел Үзән заводында Вьетнам Социалистик Республикасы өчен заманча корабльләр җитештерү белән горурланабыз”, дип ассызыклады А.Кәримов.

Вьетнам Социалистик Республикасы хәрби-диңгез көчләре комиссары, вице-адмирал Динь За Тхат Вьетнам хәрби-диңгез көчләре җитәкчелеге исеменнән Россия һәм Татарстан Республикасы Хөкүмәтенә, "Рособоронэкспорт" АҖ җитәкчелегенә, завод хезмәткәрләренә хезмәттәшлек, югары сыйфатлы корабльләр өчен рәхмәтен белдерде.

Әлеге чара кысаларында заводның судно төзелеше җитештерүен үстерүгә керткән өлешләре өчен иң яхшы хезмәткәрләрне бүләкләү тантанасы булды.

2016 елның 26 маенда Түбән Каманың “Нефтехимик” Боз Сараенда Химик Көнен тантаналы бәйрәм итү узачак.

Тантаналы чараларда Татарстан Республикасы Президенты Рөстәм Миңнеханов, ТР Премьер-министр урынбасары – ТР сәнәгать һәм сәүдә министры Алберт Кәримов, Түбән Кама муниципаль районы башлыгы Айдар Метшин, федераль хакимият органнары вәкилләре, Татарстан Республикасы нефть-газ химиясе комплексы җитәкчеләре һәм ветераннары, БДБ илләре нефть химиясе предприятиеләре җитәкчеләре, Казан милли тикшеренү технологик университеты, Казан Федераль Университеты, Түбән Кама химия-технология институты укытучылары һәм студентлары, шулай ук мәктәп укучылары да катнашачак. Катнашучыларның гомуми саны - 4 мең кеше.

2016 елның 25 маенда ТР Премьер-министр урынбасары – ТР сәнәгать һәм сәүдә министры Алберт Кәримов Татарстан Республикасы Премьер-министры Илдар Халиков рәислегендә узган Composite Battle World Cup Kazan 2016 композитлар буенча беренче дөнья чемпионатын үткәрү сораулары хакында киңәшмәсендә катнашты.

Илдар Халиков искә төшереп үтте: 2015 елның октябрендә югары уку йортлары студентлары һәм предприятиеләрең яшь белгечләре арасында композитлар буенча Composite Battle- 2015 Россия чемпионаты булып узды, ярышларның финалы Мәскәүдә үтте. Агымдагы елның февралендә Туполев исемендәге КДТУ һәм Бауман исемендәге МДТУ ректорлары Татарстан Президентына композитлар буенча беренче дөнья чемпионатын Казанда үткәрү тәкъдиме белән  мөрәҗәгать иттеләр. 

2016 елның 25 маенда Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Алберт Кәримов Татарстан Президенты Рөстәм Миңнеханов рәислегендә узган "Татнефтехиминвест-холдинг" ААҖ акционерларының еллык җыелышында катнашты.

"Татнефтехиминвест-холдинг" генераль директоры Рафинат Яруллин 2015 елда компания эшчәнлеген төп юнәлешләр буенча дәвам итте, дип хәбәр итте. Инновацион һәм инвестицион проектларны тормышка ашыруда ярдәм һәм импортны алыштыру сорауларына зур игътибар бирелде. Холдинг белгечләре тарафыннан бер ел эчендә 19 юнәлеш буенча базарларның маркетинг күзәтүләре ясалды. "Татнефтехиминвест-холдинг" фәнни-техник советының 13 утырышы булып узды. Нефть, газ эшкәртү һәм чыгару нәтиҗәлелеген арттыру, яңа химия продуктлары һәм резин эшләнмәләр алу, калдыкларны эшкәртү технологияләре каралды.

Тулаем алганда Татарстанның нефть-газ-химия комплексында 2015 ел нәтиҗәләре буенча җитештерү күләме 2,5 процентка арткан.

"Татнефтехиминвест-холдинг" 2015 ел нәтиҗәләре буенча 1 млрд. 165 млн. сум. чиста табыш алган.  Акционерлар дивидендлар исәпләмәскә карар биргәннәр, ә бөтен чиста керемне компанияне үстерүгә юнәлдерергә.

Җыелышта 25 кешедән торган яңа директорлар Советы сайланды. Аңа кабат ТР Президенты Рөстәм Миңнеханов, ТР Премьер-министры Илдар Халиков,  ТР Премьер-министр урынбасары – ТР сәнәгать һәм сәүдә министры Алберт Кәримов, ТР икътисад министры Артем Здунов, ТР Президенты ярдәмчесе Ренат Сабиров, ТР Президентының нефть сәнәгате буенча ярдәмчесе Шәфәгать Тәхаутдинов, ТР Президенты нефть-газ ятмаларын һәм нефть эшләү мәсьәләләре буенча консультанты Ренат Мөслимов, ТР Премьер-министрының нефть-газ комплексы мәсьәләләре буенча ярдәмчесе Алмаз Гәлиев, ТР инвестицион үсеш Агентлыгы җитәкчесе Талия Миңнуллина керделәр.

Советка шулай ук, эре компанияләр җитәкчеләре сайланды, шул исәптән "Связьинвестнефтехим" генераль директоры Валерий Сорокин, "Татнефть" генераль директоры Наил Маганов, "ТАИФ" генераль директоры Алберт Шиһабетдинов.

Яңартылган директорлар Советы җыелыштан соң ук үзенең рәисе итеп Рөстәм Миңнехановны сайлады һәм "Татнефтехиминвест-холдинг" генераль директоры Рафинат Яруллинның вәкаләтләрен озынайтты.

 (“Татар-информ” МА материаллары кулланылды)

2016 елның 25 маенда Татарстан Республикасы Президенты Рөстәм Миңнеханов рәислегендә "Татнефть" ҖАҖ директорлар Советының чираттагы утырышы булып узды.

Утырышта 2016 елның дүрт ае эчендә компаниянең бюджет үтәлеше нәтиҗәләре каралды, агымдагы елның июнь аена бюджет расланды, агымдагы елның беренче кварталында финанс-хуҗалык эшчәнлеге нәтиҗәләре хакында сөйләшенде.

2016 елның беренче өч аенда "Татнефть" ҖАҖ чыганакларында 6 миллион 846 мең тонна нефть чыгарылган, бу узган елның шул ук чоры дәрәҗәсе белән чагыштырганда 5,4%ка югарырак. Әшәлче ятмасында 119 мең тонна югары үзле нефть чыгарылган. Җылылык методларын куллана башлаудан бирле 2016 елның 1апреле торышына 1058 мең тонна югары үзле нефть чыгарылган.

Финанс-хуҗалык эшчәнлегенең нәтиҗәләре буенча хисап чоры эчендә алынган чиста табыш 20 миллиард сум тәшкил итә.

Утырышта катнашучылар битум нефте чыганакларында эшләгәндә әйләнә-тирәне саклау өлкәсендә мониторинг торышы хакында сөйләштеләр.

Төрле экологик куркыныч хәлләр булырга мөмкинлеген искә алып "Татнефть" күпкырлы масштаблы табигатьне саклау программасын гамәлгә ашыра. Шул исәптән, һава, су, туфрак мохитын даими контрольдә тота, шулай ук, комплекслы геодинамик күзәтүләр үткәрә.

Утырышта узган елгы эш нәтиҗәләре буенча хисап турында мәгълүмат тыңланды, еллык бухгалтерлык хисабы, финанс ел нәтиҗәләре буенча керем һәм чыгымнарны бүлү, "ПрайсвотерхаусКуперс Аудит" ЯАҖ аудитор компаниясе һәм җәмгыятьнең ревизия комиссиясе тарафыннан компаниянең 2015 елгы финанс-хуҗалык эшчәнлеген тикшерү нәтиҗәләре, "Татнефть" ҖАҖ акционерларының еллык гомуми җыелышын үткәрү хакында сүз барды.

Шулай ук, директорлар Советында компания эшчәнлегенә бәйле башка мәсьәләләр дә каралды.

("Татнефть" ҖАҖ Матбугат хезмәте материаллары кулланылды)

2016 елның 24 маенда Татарстан Республикасы Президенты Рөстәм Миңнеханов “Кострома автокомпонентлар заводы”нда булды. Аны Кострома өлкәсе Губернаторы Сергей Ситников, Татарстан Республикасы Премьер-министр урынбасары–Татарстан Республикасы сәнәгать һәм сәүдә министры Алберт Кәримов озатып йөрделәр.

Предприятие "Мотордеталь" холдингына керә һәм үз эшчәнлеген Кострома шәһәренең күп функцияле "Индустриальный” паркы территориясендә гамәлгә ашыра. Заводта меңнән артык кеше хезмәт куя. Компаниянең еллык кереме 2,7 млрд. сумнан артык тәшкил итә.

 “Кострома автокомпонентлар заводы” ЯАҖ эчке янулы двигательләр өчен цилиндр поршньле төркем детальләрен, ягулык, май һәм һава чистарту фильтрлары, двигательләр ремонтлау өчен резина техник әйбер комплектлары чыгара.

2016 елның 24 маенда Татарстан Республикасы Президенты Рөстәм Миңнеханов Костромага эш визиты кысаларында җирле татар милли-мәдәни автономиясе вәкилләре белән очрашты. Очрашуда регион башлыгы Сергей Ситников, ТР Премьер-министр урынбасары – ТР сәнәгать һәм сәүдә министры Алберт Кәримов, "Бөтендөнья Татар Конгрессы" башкарма комитеты рәисе Ринат Закиров, Кострома өлкәсе татарларының Региональ милли-мәдәни автономиясе җитәкчелеге һәм вәкилләре катнашты.

Туган телне, мәдәният, йолаларны саклап калу сорауларына аеруча игътибар бирергә кирәк, дип ассызыклады Рөстәм Миңнеханов. Бүген без Россиядә һәм аның тышында, читтә яшәүче татарлар белән элемтәне тотарга тырышабыз, диде ул. 

Татарстан Республикасы һәм Кострома өлкәсенең сәүдә-икътисади элемтәләрен үстерү өчен яхшы мөмкинлекләре бар. Бу турыда Татарстан Республикасы Президенты Рөстәм Миңнеханов Кострома өлкәсе Губернаторы Сергей Ситников белән очрашуында белдерде. Очрашуда Татарстан Республикасы Премьер-министр урынбасары–Татарстан Республикасы сәнәгать һәм сәүдә министры Алберт Кәримов, "Бөтендөнья Татар Конгрессы" башкарма комитеты рәисе Ринат Закиров, Татарстанның эре сәнәгать предприятиеләре вәкилләре һәм Кострома өлкәсенең эшлекле даирә вәкилләре катнашты.

Татарстан һәм Кострома өлкәсен озак еллар дуслык җепләре бәйли, диде Сергей Ситников. “Бүгенге бурыч - безнең социаль – икътисади элемтәләрне үстерү. Татарстанның инвестицияләр җәлеп итүдәге һәм махсус икътисади зоналар булдырудагы тәҗрибәсен без дә актив кулланабыз”, -диде ул. 

2016 елның 24 маенда Татарстан Республикасы Президенты Рөстәм Миңнеханов Кострома өлкәсенә эш визиты кысаларында Россиядә эре ювелир  предприятияләренең берсе булган "Красносельский Ювелирпром" җәмгыятенең эшчәнлеге белән танышты. Аны регион башлыгы Сергей Ситников, Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Алберт Кәримов һәм башкалар озатып йөрделәр.

"Красносельский Ювелирпром" җәмгыятенә 1919 елда нигез салынган. Ел саен  биредә 5 тоннадан артык кыйммәтле металл эшкәртелә, елына акча әйләнеше 2 млрд. сум тәшкил итә. Компания ювелир продукциясенең эре экспортеры булып җитештергән товарының 30% тан артыгын чит илгә сата.