ЯҢАЛЫКЛАР

2016 елның 16 августында Яр Чаллыда Ford Sollers заводында 10 меңлек субкомпактлы EcoSport кроссоверы чыгарылган.

EcoSport кроссоверы Яр Чаллының модернизацияләнгән Ford Sollers заводында җитештерелгән һәм старт алган беренче моделе булды. Автомобиль предприятиедә тулы цикл технологиясе буенча җитештерелә һәм локальләштерүнең югары өлешенә ия. Россиядә җитештерелгән EcoSport кроссоверы компания тарафыннан Казахстан, Белоруссия һәм Әрмәнстан базарларына экспортланачак.

2016 елның 7-9 сентябрендә Татарстан Республикасы Президенты Рөстәм Миңнеханов, Татарстан Республикасы сәнәгать һәм сәүдә министрлыгы, Россия табигый байлыклар һәм экология министрлыгы, Татарстан Республикасы Хөкүмәте ярдәме белән Казанда Татарстан нефть-газ-химия форумы узачак.

Форумны оештыручылар - Татарстан Республикасы сәнәгать һәм сәүдә министрлыгы, "Татнефтехиминвест-холдинг" ААҖ, "Татнефть" ГАҖ, "ТАИФ" ААҖ, "Нефтеконсорциум" ЯАҖ, Татарстан Республикасы фәннәр Академиясе, "Казан ярминкәсе" Күргәзмә Үзәге.

Татарстан нефть-газ-химия форумы-2016 тантаналы ачылышында һәм форум  эшендә Татарстан Республикасы Президенты Рөстәм Миңнехановның катнашуы планлаштырыла.

ТР Премьер-министры урынбасары – ТР сәнәгать һәм сәүдә министры Алберт Кәримов ассызыклаганча, Татарстан нефть-газ-химия форумы Россия һәм республика нефть, газ, химия комплексын үстерү мәсьәләләре буенча мөһим дискуссия мәйданы булачак. 

2016 елның 13 августында Татарстан Республикасы Президенты Рөстәм Миңнеханов Азнакай районына эш сәфәре кысаларында азнакайлыларны Азнакай районы барлыкка килүгә 85 ел тулу һәм "Азнакайнефть" НГЧИ 60 ел тулу уңае белән котлады.

Азнакай муниципаль районы - республикада иң төзекләндерелгән районнарның берсе. Бу хакта Татарстан Республикасы Президенты Рөстәм Миңнеханов  Азнакай районына 85 ел һәм "Азнакайнефть" НГЧИ 60 ел тулуга багышланган тантаналы чарада чыгышы вакытында белдерде. Чара Азнакайның "Юбилейный" стадионында үтте.

"Районыгыз бай тарихы һәм республика икътисады үсешенә керткән әһәмиятле өлеше белән горурлана ала, - диде Татарстан Президенты азнакайлыларга мөрәҗәгать итеп. - Бу - район һәм республика икътисады нигезен формалаштыручы берничә буын нефтьчеләр, барлык азнакайлыларның, авыл хуҗалыгы хезмәткәрләренең, бизнес вәкилләре, социаль өлкә һәм шәһәр хуҗалыгы хезмәткәрләре, иҗат итүчеләрнең хезмәте нәтиҗәсе - Азнакай җире элек-электән игенгә бай дип санала". 

2016 елның 12 августында Татарстанның Биектау районындагы Коркачык аэродромында авиашоу һәм “Мин күкне сайлыйм! авиация бәйрәме ачылышы узды. Вакыйга ачылышында рәсми стартны Татарстан Премьер-министры Илдар Халиков, РФ Президенты ярдәмчесе, гомуми билгеләнешле авиация үсеше мәсьәләләре буенча Комиссия рәисе Игорь Левитин бирделәр. Рәсми    сәламләү сүзләре авиация моторлары гөрелтесенә кушылып яңгырады. Трибуналар өстеннән үрнәк очышлар үтте.

Ачылыш тантанасында Татарстан Премьер-министры урынбасары – ТР сәнәгать һәм сәүдә министры Алберт Кәримов, Татарстан Президенты ярдәмчесе Равил Зарипов, Татарстан Республикасы транспорт һәм юл хуҗалыгы министры Ленар Сафин һәм башка рәсми затлар катнашты.

“Сезнең барыгызны да якынлашып килүче Россия Гражданнар авиациясе Көне белән котлыйсым һәм биредә без күргән очышларда катнашкан егетләр өчен рәхмәт әйтәсем килә. Чын-чынлап күккә ашкынганнар өчен!” - диде сәламләү чыгышында Игорь Левитин. Россиядә гомуми билгеләнешле авиация үсеше, мәгълүмати системаларны җитештерү, пилотсыз очу аппаратларын булдыру динамик һәм туктаусыз рәвештә булсын өчен барысы да югары дәрәҗәдә башкарыла, дип билгеләп үтте ул.

2016 елның 12 августында Татарстан Премьер-министры Илдар Халиков гомуми билгеләнештәге авиация үсеше мәсьәләләре буенча киңәшмә уздырды. Чара Биектау районының “Коркачык” аэродромы территориясендә “Мин күкне сайлыйм!” авиация бәйрәме кысаларында узды.

Киңәшмәдә РФ Президенты ярдәмчесе Игорь Левитин, Татарстан Республикасы Премьер-министры урынбасары – ТР сәнәгать һәм сәүдә министры Алберт Кәримов, Татарстан Президенты ярдәмчесе Равил Зарипов катнаштылар.

Илдар Халиков билгеләгәнчә, бүген авиация республиканың социаль-икътисади үсешендә әһәмиятле роль уйный. “Авиа төзелеш үсеше алган регион буларак Татарстан алдында РФ Президенты Владимир Путин тарафыннан әйтелгән җитди бурычлар тора. Аерым алганда, Ту-160 самолетларын җитештерүне яңарту”, -диде Татарстан Премьер-министры.

Илдар Халиков өстәвенчә, РФ Оборона министрлыгы заказы буенча Татарстан территориясендә гамәлгә ашырыла торган тагын бер җитди юнәлеш - авыр йөк күтәрелешле яңа пилотсыз самолётны әзерләү. Тәҗрибә моделе үзенең беренче очышын инде башкарды. Әлеге проект безнең өчен зур мәгънәгә ия, дип ассызыклады ТР Хөкүмәте Башлыгы.

2016 елның 12 августында Биектау районы Коркачык аэродромы территориясендә “Мин күкне сайлыйм! авиация бәйрәме узачак.

Чараны оештыручылар - ТР сәнәгать һәм сәүдә министрлыгы, С.П.Горбунов исемендәге Казан авиация заводы – "Туполев" ГАҖ филиалы, "Казан вертолет заводы" һәм республиканың башка авиатөзелеш предприятиеләре, Россия ДОСААФы ТР Үзәк аэроклубы, "Казан ярминкәсе" Күргәзмә Үзәге ААҖ.

Ачылыш тантанасында Татарстан Премьер-министры Илдар Халиков, РФ Президенты ярдәмчесе, гомуми билгеләнешле авиация үсеше мәсьәләләре буенча Комиссия рәисе Игорь Левитин, Татарстан Премьер-министры урынбасары – ТР сәнәгать һәм сәүдә министры Алберт Кәримов, Татарстан Президенты ярдәмчесе Равил Зарипов, Татарстан Республикасы транспорт һәм юл хуҗалыгы министры Ленар Сафин, Россия ДОСААФы  Рәисе, генерал-полковник Александр Колмаков, авиация тармагы ветераннары, Татарстан  авиация тармагы предприятиеләре җитәкчеләре һәм хезмәт коллективлары, республика студентлары һәм мәктәп укучылары катнашачак.

2016 елның 11 августында «Россия вертолетлары» холдингының («Ростех» дәүләт корпорациясенә кергән) Казан вертолетлар заводы базасында «Ростех» дәүләт корпорациясе һәм «Россия вертолетлары» АҖ җитәкчелегенең күчмә киңәшмәсе узды.

Чарада Татарстан Республикасы Президенты Рөстәм Миңнеханов, «Ростех» ДК генераль директоры Сергей Чемезов, ТР Премьер-министры урынбасары – ТР сәнәгать һәм сәүдә министры Алберт Кәримов, ТР Президенты ярдәмчесе Равил Зарипов, «Россия вертолетлары» холдингы генераль директоры Александр Михеев, КВЗ генераль директоры Вадим Лигай катнашты.

2016 елның 10 августында Татарстан Республикасы сәнәгать һәм сәүдә  предприятиеләрендә хезмәтне саклау һәм куркынычсызлык техникасы мәсьәләләре буенча ведомствоара эшче төркемнең өченче утырышы булып узды. Утырыш эшендә Татарстан Республикасы сәнәгать һәм сәүдә министры урынбасары Алмаз Хөсәенов, ТР сәнәгать һәм сәүдә министрлыгы, Татарстан Республикасы хезмәт, халыкны эш белән тәэмин итү һәм социаль яклау министрлыгы, ТР Дәүләт хезмәт инспекциясе, Татарстан Республикасы предприятиеләре һәм сәнәгатьчеләре Ассоциациясе, Татарстан Республикасы сәнәгатьнең химия тармагы хезмәткәрләре профсоюзының Республика комитеты, Регионара хезмәтне саклау Ассоциациясе, Идел Буе сыйфат үзәге вәкилләре катнашты. 

2016 елның 10 августында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның «Чиләбе торбалар прокатлау заводы» ГАҖ (”ЧТПЗ”) акционеры Андрей Комаров белән очрашуында катнашты.

Казан Кремлендә булып узган очрашу барышында яклар Татарстан Республикасы һәм Чиләбе торбалар прокатлау заводы арасында 2014 елның декабрендә имзаланган социаль-икътисадый хезмәттәшлек турындагы Килешүнең үтәлүенә кагылышлы сораулар, шулай ук, «ЧТПЗ» ГАҖ нефть сервис дивизионына керүче «Алнас» Әлмәт заводын үстерү перспективалары турында фикер алыштылар.

2016 елның 10 августында Татарстан Республикасы Президенты Рөстәм Миңнеханов Татарстан Республикасының машина төзелеше предприятиеләре Координация советының V утырышын ачты. Координация советы эшендә Татарстан Республикасы Премьер-министры урынбасары-Татарстан Республикасы сәнәгать һәм сәүдә министры Алберт Кәримов, ТР Президенты ярдәмчесе Равил Зарипов, РФ сәнәгать һәм сәүдә министрлыгының авиация сәнәгате Департаменты директоры Сергей Емельянов, Мәскәү авиация институты  ректоры Михаил Погосян, ТР һәм РФ авиатөзелеш предприятиеләре, фәнни тармак һәм уку йортлары җитәкчеләре, чит ил компанияләре вәкилләре катнашты.

"Россия һәм Татарстанның авиация сәнәгате тармагы һәм машина төзелеше вәкилләренең Казанда мондый очрашулары матур традициягә әйләнде. Соңгы елларда безгә чит ил коллегаларбыз да кушыла", – дип билгеләп үтте Рөстәм Миңнеханов. – Ышанам ки, күргәзмә һәм бу утырыш Россия Федерациясенең авиация сәнәгате тармагы һәм машина төзелеше үсешенә яңа этәргеч бирәчәк".