ЯҢАЛЫКЛАР

2016 елның 6 декабрендә ТР Премьер-министры – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Германия Федератив Республикасы эшлекле даирә вәкилләре белән очрашуында катнашты.

Очрашу барышында яклар инжиниринг тармакта мөнәсәбәтләрне киләчәктә үстерү мәсьәләләре, Татарстан Республикасы территориясендә кайбер алман  компанияләренең җитештерүен локальләштерү мөмкинлекләре турында сөйләштеләр.

Wilo компаниясе (насослар һәм насос ситсемаларын җитештерү) вәкиле Йенс Даллендерфер һәм «Данго Денинтал» компаниясе (тимер чүкү һәм бастыру өчен җиһазлар) милекчесе Райнер Данго Татарстан компанияләре белән хезмәттәшлек нигезендә бизнесны үстерү планнары турында сөйләделәр.

2016 елның 5 декабрендә "Алабуга" махсус икътисадый зонасы мәйданында яңа Ford Kuga җитештерүен башлап җибәрү тантанасы узды.

Чарада Татарстан Республикасы Президенты Рөстәм Миңнеханов, Россия Федерациясе сәнәгать һәм сәүдә министры урынбасары Александр Морозов, Внешэкономбанк рәисе урынбасары - идарә әгъзасы Татьяна Сахарова, ТР Премьер-министры урынбасары- ТР сәнәгать һәм сәүдә министры Алберт Кәримов һәм башка рәсми затлар катнашты.

Тантана башланыр алдыннан Рөстәм Миңнеханов һәм башка затлар "Форд" заводы куәтләрен һәм җитештерү цехларын карадылар- кузовларны эретеп ябыштыру цехы, автомобильләр җыю цехы, сыйфат контроле линиясенең эше белән таныштылар. Кунакларга Ford Transit линейкасы экспозициясен һәм модель базасында социаль һәм махсус билгеләнештәге версияне дә күрсәттеләр.  

2016 елның 5 декабрендә Яр Чаллыда «КАМАЗ» ГАҖ белән «Внешэкономбанк» дәүләт корпорациясе арасында экспорт стратегиясен гамәлгә ашыру хезмәттәшлеге турында Килешү имзаланды. Тантанада Татарстан Республикасы Президенты Рөстәм Миңнеханов, «Внешэкономбанк» рәисе Сергей Горьков, ТР Премьер-министры урынбасары- ТР сәнәгать һәм сәүдә министры Алберт Кәримов, «КАМАЗ» ГАҖ генераль директоры Сергей Когогин, Яр Чаллы мэры Наил Мәһдиев катнашты.

Кунаклар төп җитештерү объектларын карадылар. Алар "КАММИНЗ КАМА" уртак предприятиесендә, двигательләр заводында, төп җыю конвейерында,  кабиналар җитештерү буенча яңа заводның төзелеш мәйданчыгында, шулай ук, "КАМАЗ" фәнни-техник үзәгендә булдылар.

2016 елның 5 декабрендә Татарстан Республикасы Министрлар Кабинетында Татарстан Республикасында фармацевтика сәнәгатен үстерү мәсьәләләре буенча Ведомствоара эшче төркем утырышы узды.

Утырышта "Татхимфармпрепаратлар" АҖ, “Л.Я.Карпов исемендәге химия заводы” АҖ, “Казан медик-инструменталь заводы” АҖ җитештерү эшчәнлеге нәтиҗәләре, Федераль дәүләт бюджет мәгариф учреждениесе югары белем бирүче "Казан милли тикшеренү технология университеты" фәнни һәм инжиниринг эшчәнлеге, А.Е.Арбузов исемендәге органик һәм физик химия Институты эшчәнлеге нәтиҗәләре, шулай ук, "Татарстан Медицина техникасы һәм фармациясе" ДУП даруханәләрнең эшчәнлеген оптимальләштерү буенча тәкъдимнәре каралды. Фармацевтика тармагын җайга салучы канун нормаларын кулланып көндәлек мөһим дару препаратлары Исемлегеннән дару чараларын җитештерү белән бәйле булган катлаулы мәсьәләләр турында сүз барды.

Утырыш барышында эшче төркемнең 2017 елга эшчәнлек юнәлешләре билгеләнде, шуларның иң мөһимнәре: Татарстан Республикасының фармацевтика һәм медицина сәнәгате үсеше перспективалары, фармацевтика тармагын җайга салучы канун нормаларын камилләштерү буенча тәкъдимнәр әзерләү, профиль предприятиеләрене һәм фәнни үзәкләрне үстерү проектларын тормышка ашыру, "Хелснет" технологик инициативасы проектларында катнашу билгеләнде.

2016 елның 3 декабрендә Казанда "ГоркиПарк" яңа сәүдә үзәген ачу тантанасы узды. Яңа сәүдә үзәген һәм «Лента» гипермаркетын ачу тантанасында Татарстан Республикасы сәнәгать һәм сәүдә министрлыгы, Татарстан Республикасы төзелеш, архитектура һәм торак-коммуналь хуҗалыгы министрлыгы, Казан шәһәре башкарма комитеты вәкилләре катнашты.

«ГоркиПарк»  сәүдә үзәгенең мәйданы 38000 кв. м. тәшкил итә, кибетләр саны – 80. Сәүдә үзәгенең арендалаучылары арасында: «Лента» гипермаркеты, җиһазлар һәм Hoff йорт товарлары гипермаркеты, «М.видео» көнкүреш техника һәм электроника гипермаркеты, «Балалар дөньясы» («Детский мир»)  балалар өчен товарлар гипермаркеты, “Хәзинә утравы” (Остров Сокровищ) балалар уен үзәге, «Уютерра» йорт өчен товарлар кибете, "Kari" аяк киемнәре кибете, фудкортның 4нче концепциясе, ресторан.

2016 елның 3 декабрендә Татарстан Республикасы тегү сәнәгате предприятиеләре арасында “тегүче” белгечлеге буенча Республика һөнәри осталык бәйгесе узды.

Бәйге Татарстан Республикасы сәнәгать һәм сәүдә министрлыгы, текстиль һәм җиңел сәнәгать хезмәткәрләренең Республика профсоюз Федерациясе, Казан Милли Тикшеренү Техник Университетының мода һәм дизайн, җиңел сәнәгать технологиясе Институты, технология һәм дизайн Казан көллияте ярдәме белән үткәрелде.

Бәйгенең төп максаты – эшче һөнәрләрне популярлаштыру.

Бәйге барышында катнашучылар теория һәм гамәли күнекмәләрен күрсәттеләр.

Ярыш нәтиҗәләре буенча 1 нче урынны Надежда Никитина ("Адонис" ААҖ), 2 урынны Людмила Данилова ("Йолдыз" ҖЧҖ), 3 урынны Инна Асхадуллина (“Кукмара тегү фабрикасы" ААҖ) яуладылар.

Бәйгедә җиңүчеләр мактау грамоталары, кыйммәтле бүләкләр һәм акчалата призлар белән бүләкләнделәр.

2016 елның 2 декабрендә РФ Саклык банкының Корпоратив университетында  "Менеджментның заманча технологияләре һәм аларны дәүләт идарәсе реформасында куллану" темасына белем бирү семинары башланып китте.

Семинар Татарстан Республикасы Президенты Рөстәм Миңнеханов йөкләмәсе буенча Татарстан Республикасы дәүләт хакимияте органнары җитәкчеләре, ТР муниципаль берәмлек башлыклары һәм башка җитәкче хезмәткәрләр өчен оештырылды.

Семинарны ачып Рөстәм Миңнеханов хәзерге заман шартларында түрәләрне укытуның мөһимлеген ассызыклады. Аның сүзләренчә, РФ Саклык банкының Корпоратив университетында уку - яңа белем алуның югары дәрәҗәсен тәэмин итә, шулай ук, уку процессы үзенә тирәнтен җәлеп итүен әйтеп үтте.

«Ел Экспортеры – 2015» Бөтенроссия конкурсы нәтиҗәләре буенча Татарстан  Республикасы «Россия Федерациясе субъектлары арасында экспорт Лидеры» номинациясендә җиңүче булды.

«Ел Экспортеры – 2015» премиясен алу конкурсы Россия сәнәгать һәм сәүдә министрлыгы Россия экспорт үзәге (РЭЦ) белән берлектә уздырды. Катнашучыларны сайлап алуның төп критериесы 2015 елда чимал булмаган экспортны үстерү булды. Конкурс чимал булмаган җитештерү секторында эшләүче иң уңышлы оешмаларны билгеләде. 2016 елның 30 ноябрендә Мәскәүдә «Ел Экспортеры – 2015» премиясе җиңүчеләрен бүләкләү тантанасы булды. 

2016 елның 1 декабрендә Татарстан Республикасы Премьер-министр урынбасары - Татарстан Республикасы сәнәгать һәм сәүдә министры Алберт  Кәримов рәислегендә Казанда 2017 елның февраль ае башында узачак "Яшь профессионаллар" (WorldSkills Russia) Региональ чемпионатына Татарстан вәкилләрен әзерләү мәсьәләләренә караган киңәшмә үтте.

ТР сәнәгать һәм сәүдә министрлыгы җитәкчесе WorldSkills стандартлары буенча үткәрелә торган "Яшь профессионаллар" Региональ чемпионатының мөһимлеген билгеләп үтте. Ул республика сәнәгатенең кадрлар потенциалы һәм кеше капиталы үсеше өчен чемпионатның зур әһәмияткә ия булуын ассызыклады. 

2016 елның 1 декабрендә Татарстан Республикасы Премьер-министр урынбасары - Татарстан Республикасы сәнәгать һәм сәүдә министры Алберт  Кәримов республика икътисадының конкурентсәләтлелеген күтәрү нигезе буларак предприятиеләрне инновацияле үстерүнең актуаль сорауларына кагылышлы киңәшмә үткәрде.

Киңәшмәдә Татарстан Республикасы сәнәгать һәм сәүдә министрлыгы, ТР икътисад министрлыгы, Татарстан Республикасы предприятиеләре һәм сәнәгатьчеләре Ассоциациясе җитәкчелеге вәкилләре катнашты.