ЯҢАЛЫКЛАР
"Камаз"да (“Ростех” Дәүләт Корпорациясенә керә) уйлап табу һәм яңалык кертү өлкәсендәге эшчәнлеккә ел йомгагы ясалды.
Компаниянең Фәнни-техник үзәге патент-лицензия һәм рационализатор эше бюросы мәгълүматлары буенча 2016 елда уйлап табу өчен ун патент алынган, шулардан беренче тапкыр өчесе – евразия, 44 патент файдалы модельгә, бер патент сәнәгать үрнәге өчен. Автор хокукы объекты буларак бер программа ЭВМ өчен теркәлгән. Россиядә һәм чит илләрдә теркәлгән товар билгеләренә 11 таныклык алынган.
Күпчелек авторлар – "КАМАЗ" ҖАҖ хезмәткәрләре, уйлап –табуга берәр патентны заводның кою һәм тимерче цехлары хезмәткәрләре алган. Кою цехы новаторлары шулай ук, файдалы модель өчен дүрт патентка ия булдылар һәм ЭВМ программасына таныклыклар яуладылар.
Татарстан Республикасы сәнәгать һәм сәүдә министрлыгында 30 гыйнварда "Evolen" Ассоциациясе генераль директоры Жерар Момплот җитәкчелегендәге француз делегациясе белән очрашу узды.
Сөйләшү барышында яклар нефть-газ тармагы өлкәсендә үзара файдалы хезмәттәшлек перспективалары, аерым алганда, Татарстан Республикасы территориясендә уртак проектларны гамәлгә ашыру мөмкинлекләрен карадылар.
Искәртеп үтик, Франция һәм Татарстан Республикасы хезмәттәшлеге актив үсә. 2015 ел нәтиҗәләре буенча Татарстан һәм Франция арасында тышкы сәүдә әйләнеше 158 млн евро тәшкил иткән. Парижда 20 елдан артык Татарстанның Тулы Вәкаләтле вәкиллеге, Казанда Франциянең мактаулы консулы эшли, ачылган виза үзәге хезмәт күрсәтә, "Альянс-Франсез" оешмасы актив рәвештә мәдәни-агарту эшчәнлеген алып бара. Моннан тыш, Татарстан территориясендә Air Liquide, "Schneider Electric", " Leroy Merlin, Decathlon, Auchan һәм башка компанияләр эшли.
"Татэнергосбыт" АҖ директорлар Советының чираттагы утырышы бүген Татарстан Республикасы Премьер-министры Илдар Халиков үткәрде. Чарада Татарстан Республикасы сәнәгать һәм сәүдә министры урынбасары Алексей Сергеев катнашты. Утырыш ТР Хөкүмәте Йортында узды.
2016 елда АҖ, "Татэнергосбыт" АҖ түбәндәге нәтиҗәләргә ирешкән: кулланучыларга электр энергиясен сату күләме сәгатенә 18,4 млрд. КВт тәшкил иткән, бу - 53,2 миллиард сум. Клиентлар базасы 12 ай эчендә физик затлар - 837 220 нән 850 767 кадәр арткан, юридик затлар - 33 305 нән 33 950 кадәр җиткән.
Бүген ТР Хөкүмәте Йортында Лондон бизнес мәктәбе (London Business School) профессоры Ричард Джолли "Заманча шартларда лидерлык" темасына чыгыш ясады.
Чарада ТР Президенты Рөстәм Миңнеханов, ТР Премьер-министры Илдар Халиков, ТР Дәүләт Советы рәисе Фәрид Мөхәммәтшин, ТР Премьер-министры урынбасары - ТР сәнәгать һәм сәүдә министры Алберт Кәримов, ТР Министрлар Кабинетының җаваплы хезмәткәрләре, башкарма хакимият органнары вәкилләре һәм башкалар катнашты.
Ричард Джолли заманча лидерлыкның үзенчәлекләрен билгеләп үтте, мисаллар китерде. Шулай итеп, элегрәк беренче урында кеше торган булса, киләчәктә исә система торачак дип, Фредерик Тейлорның "Фәнни идарә принциплары" китабыннан цитата китерде.
Тулаем лидерлык принциплары турында сөйләгәндә, лектор "лидерлык иерархик түгел", дип билгеләп үтте. Мисал сыйфатында ул Махатма Гандиның: "Дөнья үзгәрүен теләсәң – үзең шул үзгәреш бул", дигән әйтемен китерде.
Бүген "КВАРТ" Кама-Идел резина техникасы акционерлык җәмгыяте үзенең 75 яшьлек юбилеен билгеләп үтә. Регион җитәкчелеге исеменнән завод коллективын котларга Татарстан Республикасы Премьер-министры Илдар Халиков килде. Тантаналы чарада Татарстан Республикасы сәнәгать һәм сәүдә министрлыгы вәкилләре дә катнашты.
"КВАРТ" оешуга 75 ел тулу уңаеннан предприятие хезмәткәрләрен котлап Татарстан Республикасы Премьер-министры Татарстан Республикасы Президенты Рөстәм Миңнехановның иң җылы котлау сүзләрен тапшырды.
Ул, Рөстәм Миңнехановның тантанада шәхсән үзе катнашырга ниятләвен, бәйрәмдә була алмавына үкенүен җиткерде.
Илдар Халиков билгеләгәнчә, 75 ел-бик зур тарих.
2017 елның 27 гыйнварында Чуаш Республикасында Россия Федерациясе сәнәгать һәм сәүдә министры Денис Мантуров рәислегендә Сәнәгать буенча Координация советы утырышы узачак. Чарада Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов катнашачак.
Координация советы утырышында фикерләшү өчен “Россия Федерациясендә азык машина төзелешен үстерү” темасы булачак. Утырышта катнашу өчен илнең 60 регионыннан киләчәкләр.
Шул ук көнне кунаклар Моргауш районында урнашкан "Сеспель" ЯАҖ җитештерү мәйданчыгына барырга ниятли. Моннан тыш, "Чабаксар-Арена" боз сараенда Чуаш Республикасы сәнәгать комплексы предприятиеләре продукция күргәзмәсе узачак.
Бүген Татарстан Республикасы Министрлар Кабинетында ТР Инвестиция-венчур фондының Күзәтчелек советы утырышы узды.
Утырышны Күзәтчелек советы рәисе, Татарстан Республикасы Премьер-министры Илдар Халиков үткәрде. Чарада ТР Премьер-министры урынбасары –ТР сәнәгать һәм сәүдә министры Алберт Кәримов катнашты.
Көн тәртибенә Татарстан Республикасы Инвестиция-венчур фонды эшчәнлегенә кагылышлы дүрт мәсьәлә кертелгән иде. ТР Инвестиция-венчур фондының Күзәтчелек советы әгъзалары 2017 елга финанс планны карадылар. Әлеге темага доклад белән Татарстан Республикасы Инвестиция-венчур фонды директоры Айнур Айделдинов чыгыш ясады.
Моннан тыш, утырыш барышында ТР Инвестиция-венчур фондына кагылышлы портфель проектлары, төгәлрәк әйтсәк, "Актаныш агрегат заводы" ЯАҖ алга таба үсеше хакында фикер алыштылар.
Бүген Татарстан Республикасы Президенты Рөстәм Миңнеханов Төркиянең "Мир Холдинг" һәм "Дизайн Групп" компанияләренең Директорлар Советы рәисе Ибраһим Мирмәхмүт углы белән очрашты. Очрашу Татарстан Республикасы Хөкүмәте Йортында узды.
Очрашуда ТР Премьер-министр урынбасары – ТР сәнәгать һәм сәүдә министры Алберт Кәримов, ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов, ТР Президенты ярдәмчесе Радик Гыйматдинов, ТР инвестицион үсеш Агентлыгы җитәкчесе Талия Миңнуллина, "Алабуга" махсус икътисади зона генераль директоры Тимур Шаһивәлиев катнашты.
Гомумән алганда, премиягә Россиянең 11 оешмасы лаек булды.
Иң абруйлы сыйфат өлкәсендәге дәүләт бүләге Россия Федерациясе Хөкүмәтенең 1996 елда 12 апрелендә расланган 423 номерлы карары нигезендә ел саен конкурс нигезендә продукция һәм хезмәтләрнең югары сыйфатлы, сыйфат менеджменты ысулларын нәтиҗәле гамәлгә ашырулары өчен бирелә.
Премия, Россия сәнәгать һәм сәүдә министры Денис Мантуров җитәкләгән РФ Хөкүмәтенең сыйфат өлкәсендәге премияләрен бирү советы тарафыннан, ел дәвамында номинантларны махсус масштаблы сайлап алу нәтиҗәләре буенча бирелә.
Бүген Казан Кремлендә традиция буенча һәр ел уздырыла торган Татарстан Республикасының тарихи һәм мәдәни һәйкәлләрен яңарту Республика Фондының Хәйриячеләр Китабын һәм Рәхмәт хатларын тапшыру тантанасы узды.
Бу юлы да Татарстан Республикасы Дәүләт Киңәшчесе, Республика "Яңарыш" Фондының Попечительләр Советы Рәисе Минтимер Шәймиев Хәйриячеләр Китабының инде VII томын тапшырды, анда тарихи мирасын торгызуда зур өлеш керткән 20 мең хәйрияченең исеме кертелгән.