ЯҢАЛЫКЛАР

2015 елның 17 августындаТатарстан Республикасы Премьер-министры  Илдар Халиков Россия Федерациясенең Америка Кушма Штатларындагы Сәүдә вәкиле Александр Стадник  белән узган очрашуда заманча шартларда үзара багланышлар мөмкинлеге хакында фикер алыштылар, дөньядагы икътисадый һәм сәяси хәләт мәсьәләләре турында сөйләштеләр.

Александр Стадник очрашу кысаларында ассызыклаганча, Америка Кушма Штатларының аерым штатлары һәм Россиянең бер төбәге буларак Татарстан Республикасы белән стратегик хезмәттәшлектә кызыксыну күрсәтә.

Мәгълүмат өчен:

Александр Юрьевич Стадник Россия Федерациясенең Америка Кушма Штатларындагы Сәүдә вәкиле булып  2014 елның июлендә билгеләнде.

2015 елның 14 августында Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәү өлкәсе губернаторы Андрей Воробьев белән очрашты.

Очрашу алдыннан Рөстәм Миңнеханов һәм Андрей Воробьев Татарстан Республикасы белән Мәскәү өлкәсе арасында сәүдә-икътисадый, фәнни-техник, социаль һәм мәдәни хезмәттәшлек турындагы килешү имзаладылар.

Очрашу барышында Рөстәм Миңнеханов билгеләгәнчә, Татарстан күп юнәлешләр буенча Мәскәү өлкәсе белән хезмәттәшлек итәргә тели. «Татарстан – нефть сәнәгате, нефть химиясе, машина төзелеше белән шөгыльләнүче төбәк. Бүген Татарстан белән Мәскәү өлкәсе арасындагы товар әйләнеше 30дан алып 35 млрд. сумга кадәр. Товар чыгару һәм товар кертү чагыштырмасы бертөрлерәк. Без йөк автомобильләре җибәрсәк, сез безгә җиңел автомобильләр җибәрәсез. Безнеңчә, күп кенә юнәлешләрдә хезмәттәшлегебезне үстерергә мөмкинлегебез бар», - диде Рөстәм Миңнеханов.

2015 елның 14 августында Татарстан Республикасына Мәскәү өлкәсе Губернаторы  Андрей  Воробьев җитәкчелегендә Мәскәү өлкәсе делегациясе эш визиты белән килде. Визит кысаларында Татарстан Республикасы Президенты вазыйфаларын вакытлыча башкаручы Рөстәм Миңнеханов белән очрашу планлаштырылган. Яклар алдагы төбәкара хезмәттәшлек итү мәсьәләләре хакында фикер алышачаклар. Рөстәм Миңнеханов белән Андрей Воробьев белән очрашу кысаларында  Татарстан Республикасы белән Мәскәү өлкәсе Хөкүмәте арасында сәүдә-икътисадый, фәнни-техник, социаль һәм мәдәни хезмәттәшлек итү турында Килешү имзаланачак.

Мәскәү өлкәсе делегациясе  әгъзалары Универсиада авылында  оештырылган инфраструктура, «ИТ-парк» эшчәнлеге, «Химград» технопаркы белән танышачаклар, Казан Федераль университетының фундаменталь медицина һәм биология Институты кампусының укыту лабораториясенә һәм “Медицина фәне үзәге” / “Эйдос” медицина симуляторлары төбәк инжиниринг үзәгенә барачаклар, “Чын йөрәктән” хәйрия хоккей матчында катнашачаклар.

"Татнефть" компанияләре төркеменең ышанычлы партнеры (тәэмин итүчесе)” бәйгесенең нәтиҗәләре билгеле булды. "Татнефть" компаниясе “Ышанычлы партнер (тәэмин итүчесе)” сертификатларын эшмәкәрлекнең кече һәм урта секторыннан 30 иң яхшы партнерына тапшырды. Бәйгедә 560 кече һәм урта предприятие катнашты.

Иң яхшылар өч номинация буенча сайланды: “Төп җиһазлар, чимал һәм материалларның буенча иң яхшы партнер”, “Җитештерү процессын тәэмин итү өчен хезмәт күрсәтү буенча ышанычлы партнер”, “Ярдәмче җитештерүнең ышанычлы партнеры”.

2015 елның 12 августында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Провинцияне реформалау һәм үстерү комитеты башлыгы Тан Лимин җитәкчелегендәге Сычуань провинциясе делегациясе белән очрашты.

Очрашуда Сычуань провинциясе тимер юл төзелеше канцеляриясе башлыгы урынбасары Сунь Юнь һәм Сычуань ассоциациясенең РФ һәм БДБ президенты һәм Сычуань импорт-экспорт компаниясе генераль директоры Силин Цзэн Айго катнашты.

Очрашу кысаларында Татарстан белән Кытайның Сычуань провинциясе арасында сәнәгать, транспорт, авыл хуҗалыгы, төзелеш өлкәсендә сәүдә-икътисадый хезмәттәшлеге турында фикерләштеләр.

Чэнду шәһәрендә (Кытай Халык Республикасы, Сычуань провинциясе) пандалар тыюлыгы фәнни үзәк мәйданчыгында Россия Федерациясе Президентының Идел буе федераль округында тулы вәкаләтле вәкиле Михаил Бабич һәм Кытай Халык Республикасы Дәүләт Советы әгъзасы Ян Цзечи катнашында «Идел-Янцзы» форматында Россия –Кытай яшьләр форумының ябылу тантанасы узды.

Форумда катнашу өчен Идел буе федераль округы делегациясенә Идел буе федераль округының 50 вузыннан 160 студент керде. Яшьләр форумында Татарстан Республикасыннан Казан федераль университеты һәм Н.Г.Җиһанов исемендәге Казан дәүләт консерватория студентлары, шулай ук «iВолга 2014» Идел буе федераль округының яшьләр форумы сменасының катнашучысы Гөлназ Дәвлетбаева катнашты.

2019 елда һөнәр осталыгы буенча WorldSkills Competition дөнья чемпионаты Казанда узачак. Бу хакта 2015 елның 10 августында WorldSkills Генераль Ассамблеясе утырышы йомгаклары буенча билгеле булды, утырыш Сан-Паулуда (Бразилия) узды.

Россия Федерациясеннән 2019 елда һөнәр осталыгы буенча WorldSkills Competition дөнья чемпионатын уздыруда шәһәр-кандидат буларак Казанны тәкъдир итүдә Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты. Презентациядә  шулай ук Россия Федерациясе Хөкүмәте Рәисе урынбасары Ольга Голодец, WorldSkills Russia җитәкчесе Павел Черных, «Росатом» дәүләт корпорациясе гендиректоры Сергей Кириенко, Казан мэры Илсур Метшин, башка рәсми затлар катнашты.

Бразилиядә казанлыларга көч биреп торырга Россиядән делегация барган иде. Аның составында Россия Федерациясе һәм Татарстан Республикасы министрлыклары һәм ведомстволары вәкилләре, предприятиеләр һәм мәгариф учреждениеләре җитәкчеләре бар иде.  

Казаннан тыш, WSC-2019 уздыру хокукын алу өчен, Париж (Франция) һәм Шарлеруа (Бельгия) шәһәрләре көрәште.

2015 елның 10 августында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Премьер-министры Илдар Халиковның Австралиянең Россия Федерациясендәге Гадәттән тыш һәм Тулы вәкаләтле илчесе Пол Майлер белән булган очрашуында катнашты. Яклар эшчәнлекнең төрле юнәлешләре буенча үзара мөнәсәбәтләрне ныгыту һәм үстерү мәсьәләләре хакында сөйләштеләр.

Безнең спорт һәм мәдәният өлкәсендәге хезмәттәшлек икътисадка да күчәргә тиеш, диде Илдар Халиков, кунакларны сәламләп, Австралия һәм Татарстан Республикасы арасындагы мөнәсәбәтләрне җайлау һәм ныгытуга ярдәм итәчәк уртаклыкны табарга мөһим.

Казанда Су спорт төрләре буенча XVI FINA дөнья чемпионатының ябылу тантанасы 2015 елның 9 августында «Татнефть Арена» боз сараенда узды. Тантанада Россия Федерациясе Хөкүмәте Рәисе Дмитрий Медведев: “Казан тагын бер кат халыкара дәрәҗәдәге теләсә нинди спорт чарасын кабул итәргә сәләтле”-, дип белдерде.

Дмитрий Медведев спортчыларга гадел ярышулары, яңа рекордлар куйганнары өчен, тренерларга призерларны һәм чемпионнар әзерләгәннәре өчен рәхмәт әйтте. Ул шулай ук тамашачыларга, волонтерларга һәм чемпионатны оештыручыларга рәхмәт сүзләрен җиткерде.

"Казанга спорт яратуы өчен рәхмәт, ул тагын бер кат теләсә нинди ярышларны кабул итәргә сәләтле икәнен исбатлады", - дип ассызыклады Россия Премьер-министры.

 2015 елның 7 августында Россия Федерациясе Президентының Идел буе федераль округында тулы вәкаләтле вәкиле Михаил Бабич Кытай Халык Республикасына эш визиты кысаларында Хубэй провинциясе эшмәкәрләр даирәләре белән очрашу уздырды. Очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов та катнашты.

Чара «Дунху» яңа технологияләрне үзләштерү Зонасында Үзәк Кытайның Фәнни-техник университетының фәнни-техник паркында узды. Монда Михаил Бабич «Хуагун» ҖЧҖ лазер технологияләрен үзләштерү өлкәсендә предприятиеләрнең эшчәнлеге белән танышканнан соң, Кытай эшмәкәрләре белән очрашу үткәрде.