ЯҢАЛЫКЛАР
2016 елның 8 февралендә Татарстан Республикасында эш визиты белән Россия Федерациясе сәнәгать һәм сәүдә министры урынбасары Дмитрий Овсянников булды.
Дмитрий Овсянников Татарстан Республикасы сәнәгать һәм сәүдә министрлыгы һәм Татарстан Республикасы икътисад министрлыгының Уртак коллегия утырышында катнашты.
Дәүләт ярдәме чаралары турында сөйләгәндә, Дмитрий Овсянников билгеләп үткәнчә, 2014-2015 елларда Татарстан Республикасының ике индустриаль паркының "Химград" һәм "А Плюс Парк Алабуга" идарә компанияләренә Россия сәнәгать һәм сәүдә министрлыгы субсидия формасында дәүләт ярдәме бүлеп биргән иде, әлеге субсидия чыгымнарны компенсацияләү, паркларның сәнәгать инфраструктурасын барлыкка китерү өчен 31 млн 710 мең сум тәшкил итте. 2014 елда Татарстан парклары алган финанс ярдәмнең өлеше гомумән, Россия буенча барлык финанс ярдәмнең 12% тәшкил итә. Әлеге субсидияләр РФ Хөкүмәтенең 09.09.2016 елның 916 номерлы һәм 11.08.2015 елның 831 номерлы карарларын тормышка ашыру кысаларында бирелгән иде.
2016 елның 8 февралендә Татарстан Республикасы Президенты Рөстәм Нургали улы Миңнеханов катнашында Татарстан Республикасы сәнәгать һәм сәүдә, Татарстан Республикасы икътисад министрлыкларының уртак йомгаклау коллегиясе булачак.
Уртак йомгаклау коллегиясе программасында:
Россия Федерациясе сәнәгать һәм сәүдә министр урынбасары Дмитрий Владимирович Овсянников пресс-алымы;
күргәзмә экспозициясен карау;
Татарстан Республикасы сәнәгать һәм сәүдә, Татарстан Республикасы икътисад министрлыкларының уртак йомгаклау коллегиясе утырышы;
бүләкләү тантанасы.
I.Татарстан Республикасы Президенты Рөстәм Нургали улы Миңнехановның кереш сүзе
2016 елның 5 февралендә Россия техник күзәтүе Идел буе идарәсенең киңәйтелгән киңәшмәсе булып узды.
Утырышта экологик, технологик һәм атом күзәтүе буенча Федераль хезмәт җитәкчесе Алексей Алешин, ТР Премьер-министры Илдар Халиков, ТР Премьер-министр урынбасары-ТР сәнәгать һәм сәүдә министры Алберт Кәримов, Россия техник күзәтүе Идел буе идарәсе җитәкчесе Борис Петров катнаштылар.
Киңәшмәдә химия һәм нефтехимия өлкәсендә проектларны реализацияләү сораулары, сәнәгать куркынычсызлыгы турында кануннарның үтәлешен тикшерүче прокурор күзәтүе, капиталь төзелеш объектларын тикшерү, куркыныч җитештерү объектларының технологик җиһазларын ышанычлы һәм куркынычсыз эксплуатацияләүне арттыру буенча чаралар программасын һәм башкалар каралды.
2016 елның 4 февралендә Татарстан Республикасы сәнәгать һәм сәүдә министрлыгында республикада сәүдә үсешенең актуаль сораулары турында сәүдә челтәрләре җитәкчеләре белән киңәшмә булып узды.
Утырышта Татарстан Республикасы сәнәгать һәм сәүдә министры урынбасары Рашат Фәттахов, Татарстан Республикасы хезмәт, халыкны эш белән тәэмин итү һәм социаль яклау министрлыгы җитәкчелеге, Татарстан Республикасы авыл хуҗалыгы һәм азык-төлек министрлыгы вәкилләре, Татарстан Республикасы Дәүләт алкоголь инспекциясе, "Милли Сәүдә Маркасы" Дәүләт Унитар Предприятиесе хезмәткәрләре, республиканың азык-төлек сәнәгате җитәкчеләре, сәүдә челтәрләре җитәкчеләре катнаштылар.
2016 елның 3 февралендә TIAF Халыкара автомобиль төзелеше форумының эшлекле программа кысаларында "Россияда автомобиль индустриясе: тенденцияләр, фаразлар, перспективалар" пленар утырышы булып узды. Пленар утырыш барышында Форумда катнашучылар илдә һәм республикада автомобиль төзелеше үсешенең актуаль проблемалары турында фикер алыштылар.
ТР Премьер-министр урынбасары-ТР сәнәгать һәм сәүдә министры Алберт Кәримов доклад белән чыгыш ясады. Ул Татарстан Республикасының сәнәгать потенциалын презентацияләде, ТР икътисады үсешенең кластер алымнарын тасвирлады, республикада автомобиль төзелеше үсешенең төп юнәлешләрен билгеләде.
Алберт Кәримов хәбәр итүенчә, 2015 ел нәтиҗәләре буенча сәнәгать җитештерүе индексы 100, 4% тәшкил итте, төяп җибәрелгән продукция күләме - 1 трлн. 856 млрд сум. Төяп җибәрелгән продукция күләменең 20% якыны машина төзелеше өлешенә тия. 2015 ел нәтиҗәләре буенча машина төзелеше буенча чыгарылган товар продукциясе күләме 369,4 миллиард сум тәшкил итте.
2016 елның 3 февралендә ТР Премьер-министр урынбасары-ТР сәнәгать һәм сәүдә министры Алберт Кәримов ТР Премьер-министры Илдар Халиков рәислегендә узган Татарстан Республикасы инвестиция-венчур фонды Попечительләр советының чираттагы утырышында катнашты.
Утырышның төп темасы булып инновацион проектларны тормышка ашыру өчен һәрвакыт гамәлдә булган халыкара мәйданчык. Бу ресурс 2015 елда XV Россия Һәм X Казан венчур ярминкәсендә Татарстан Республикасы Президенты Рөстәм Миңнеханов йөкләмәсе буенча барлыкка килгән иде.
Яңа венчур мәйданчык 2016 елда үз эшен башлаячак. Яңа венчур мәйданчыкның төп элементларының берсе инновацион компанияләрнең акселерация программасын үткәрү булачак.
2016 елның 3 февралендә "Казан ярминкәсе" күргәзмә үзәге территориясендә TIAF Халыкара автомобиль төзелеше форумын ачу тантанасы булды. Чарада Татарстан Президенты Рөстәм Миңнеханов, ТР Премьер-министр урынбасары-ТР сәнәгать һәм сәүдә министры Алберт Кәримов, РФ сәнәгать һәм сәүдә министрлыгыннан транспорт һәм махсус машина төзелеше Департаменты директоры Александр Наумов, Европа бизнесы Ассоциациясе генераль директоры Франк Шауфф, Россия һәм Татарстан автомобиль төзелеше предприятияләре ("КАМАЗ", ЕлАз", "АВТОВАЗ", "FordSollers", "PCMA RUS" һәм башкалар) җитәкчеләре, чит ил компанияләре вәкилләре, федераль һәм республика ведомстволарыннан, министрлыклардан хезмәткәрләр катнашты.
Татарстан Президенты Рөстәм Миңнеханов: "Әлеге Форум икенче тапкыр уза һәм европа, россия җитештерүчеләренең казанышларын берләштерүче менә дигән мәйданчык,"- дип билгеләп үтте.
2016 елның 2 февралендә "ТАНЕКО" Акционерлык Җәмгыятенең хезмәт коллективы конференциясе узды. Аның эшендә ТР Премьер-министр урынбасары-ТР сәнәгать һәм сәүдә министры Алберт Кәримов һәм ТР Түбән Кама муниципаль районы башлыгы Айдар Метшин катнаштылар.
ТР Премьер-министр урынбасары-ТР сәнәгать һәм сәүдә министры Алберт Кәримов предприятие белән танышуны "ТАНЕКО" Акционерлык Җәмгыятенең Комплексын караудан башлады. Алберт Кәримов Комплексының нефть эшкәртү һәм нефть химиясе заводларының төзелеп ятучы объектлары, шул исәптән ЭЛОУ-АВТ-6 нефтен беренчел куу буенча икенче җайланма төзелеше барышы белән танышты. 2017 ел ахырында объектта эшләрне тәмамлау ТАНЕКОда нефть эшкәртү күләмен елына 14 миллион тоннага җиткерергә мөмкинлек бирәчәк. Шулай итеп, тулаем алганда республика буенча ел саен якынча 23 миллион тонна нефть эшкәртеләчәк.
2016 елның 2 февралендә ТР Премьер-министр урынбасары-ТР сәнәгать һәм сәүдә министры Алберт Кәримов "ТАИФ-НК" ААҖ хезмәт коллективы конференциясендә катнашты. Узган конференция барышында катнашучылар компаниянең 2015 ел өчен коллектив килешүенең үтәлеше турында фикер алыштылар һәм яңа документ имзаладылар.
Конференция башланыр алдыннан ТР сәнәгать һәм сәүдә министры Алберт Кәримов авыр нефть калдыкларын тирән эшкәртү комплексы (КГПТО) төзелеш мәйданчыгында булды, анда предприятие җитәкчесе төзелеш-монтаж эшләре барышы белән таныштырды. Алберт Кәримов шулай ук нефть эшкәртү һәм бензин заводында булды.
2016 елның 3-5 февраль көннәрендә "Казан ярминкәсе" территориясендә TIAF supported by Automechanika Халыкара автомобиль төзелеше форумы үткәрелә.
3 февраль көнне Форумны тантаналы ачуда һәм Форум эше барышында Татарстан Республикасы Президенты Рөстәм Миңнеханов катнашуы көтелә.
Форумны оештыручылар- Европа бизнесы Ассоциациясе, ТР сәнәгать һәм сәүдә министрлыгы, "Казан ярминкәсе" ААҖ, "Мессе Франкфурт ГМбх" россия бүлекчәсе.
ТР Премьер-министр урынбасары-ТР сәнәгать һәм сәүдә министры Алберт Кәримов: "Әлеге тармак авыр хәлдә булуына карамастан, Татарстан автомобиль төзелеше предприятияләре автокомпонентлар җитештерүчеләр белән элемтәләрне тирәнәйтә, халыкара һәм регионара хезмәттәшлекне ныгыталар"-дип билгеләп үтте. "Форумның максаты- автомобиль төзелеше үсешенә ярдәм итү, Идел буе төбәге һәм Татарстанда автокомпонентлар җитештерүне локализацияләү, автомобиль сәнәгатенә инновацион эшләнмәләр җәлеп итү, шулай ук, Россия, Европа һәм Азиянең әйдәп баручы автомобиль төзелеше компанияләре белән Идел буе предприятияләре арасында хезмәттәшлекне киңәйтү"-дип ассызыклады министр.