ЯҢАЛЫКЛАР

2016 елның 11 февралендә ТР Премьер-министр урынбасары-ТР сәнәгать һәм сәүдә министры Алберт Кәримов Татарстан Республикасы Дәүләт Советы бишенче чакырылышының унбишенче утырышында катнашты.

Татарстан Республикасы Дәүләт Советы ахыргы укылышта өстенлекле үсешле территорияләрнең резидентларына ярдәм итүгә юнәлтелгән ТР ике законопроектын кабул итте. “ТР Законының 3 статьясына үзгәрешләр кертү хакында “Оешмалар мөлкәтенә салым турында” һәм “ТР (моношәһәрләрнең) монопрофильле муниципаль берәмлекләр территорияләрендә булдырылган ТОСЭР резидентлары өчен оешмалар табышына салым буенча салым ставкасын билгеләү турында”.

(ТР Дәүләт Советы мәгълүмат хезмәте материаллары кулланылды)

2016 елның 11 февралендә ТР Премьер-министр урынбасары-ТР сәнәгать һәм сәүдә министры Алберт Кәримов ТР Премьер-министры Илдар Халиков рәислегендә узган Татарстан Республикасы инвестиция-венчур фонды Попечительләр советының чираттагы утырышында катнашты.

Попечительләр советы әгъзалары 2016 елга оешманың финанс планын расладылар.

Утырышта катнашучылар Татарстан Республикасы инвестиция-венчур фондының “Технополис “Химград” ААҖ, “Васильево пыяла заводы” АҖ, “Идея” инновацион-җитештерү технопаркы” Ябык Акционерлык Җәмгыятьләре  белән эшләүгә кагылышлы сорауларны карадылар.

2016 елның 10 февралендә ТР Премьер-министр урынбасары-ТР сәнәгать һәм сәүдә министры Алберт Кәримов эшмәкәрләр очрашуында катнашты. Очрашу барышында Татарстан Республикасы Президенты каршындагы эшмәкәрлек Советы турында фикер алышу һәм тәкъдир итү булды.

Очрашуда катнашучылар эшмәкәрлек Советың эш рәвеше турында фикерләштеләр. Эшмәкәрләр, дәүләт хакимияте органнары җитәкчеләре, бизнес-берләшмәләр вәкилләре һәм Татарстанның эшлекле мәгълүмат чаралары вәкилләре Советта уртак эшчәнлекнең төп юнәлешләрен карадылар.

Эшмәкәрлек Советының максаты-бизнес-климатны яхшырту һәм эшмәкәрлекнең актуаль сорауларын карау. Яңа структураны барлыкка китерү карарын Татарстан Республикасы Президенты Рөстәм Миңнеханов 2015 елның 24 августында узган “Бизнес һәм хакимият: ачык сөйләшү” дип аталган эшмәкәрләр белән очрашу барышында кабул иткән иде. Декабрь аенда Советны оештыру турында Указ чыкты. Якын киләчәктә Татарстан Республикасы Президенты Рөстәм Миңнеханов катнашында Советның беренче утырышын уздыру  планлаштырыла.    

2016 елның 10 февралендә ТР Премьер-министр урынбасары-ТР сәнәгать һәм сәүдә министры Алберт Кәримов Татарстан Республикасы Сәүдә-сәнәгать палатасы әгъзалары Ассамблеясында катнашты.

Татарстан Республикасы Сәүдә-сәнәгать палатасы әгъзалары Ассамблеясы  утырышы барышында 2016 елда Татарстан Республикасы эшмәкәрлеген үстерү һәм төбәкнең инвестицион җәлеп итүчәнлеге сораулары каралды.

Ассамблея делегатлары 2016 елның 1 мартында узачак Россия Федерациясе Сәүдә-сәнәгать палатасы әгъзаларының VII Съезды сораулары турында да фикер алыштылар.

2016 елның 9 февралендә ТР Премьер-министр урынбасары-ТР сәнәгать һәм сәүдә министры Алберт Кәримов рәислегендә республика территориясендә урнашкан стационар булмаган сәүдә объектларының урнашуын хокукый җайга салу сораулары буенча эш киңәшмәсе булып узды.

Киңәшмәдә ТР Президенты каршындагы эшкуарлар хокукларын яклау буенча вәкаләтле вәкиле Тимур Нагуманов, ТР сәнәгать һәм сәүдә министрлыгы җитәкчеләре вәкилләре, Казан шәһәренең башкарма комитеты вәкилләре катнаштылар.

Киңәшмәне ачып, ТР Премьер-министр урынбасары-ТР сәнәгать һәм сәүдә министры Алберт Кәримов, әлеге мәсьәлә агымдагы елның 22 гыйнварында ТР муниципаль берәмлекләр Советы Президиумы утырышында каралды дип билгеләп үтте.

2016 елның 9 февралендә ТР Премьер-министр урынбасары-ТР сәнәгать һәм сәүдә министры Алберт Кәримов «Татарстан Республикасының иң яхшы товарлары һәм хезмәтләре” конкурсын оештыру һәм уздыруны камилләштерү сораулары буенча эш киңәшмәсе үткәрде.

Киңәшмәдә ТР сәнәгать һәм сәүдә министрлыгы, Казан шәһәренең башкарма комитеты, ТР Президенты каршындагы эшкуарлар хокукларын яклау буенча вәкаләтле вәкиллек аппараты вәкилләре, ФБУ "ЦСМ "Татарстан" үзәге хезмәткәрләре катнаштылар.

Исегезгә төшерик, 2015 елда “Татарстан Республикасының иң яхшы товарлары” 12 нче конкурсында республиканың 192 товар җитештерүчесе катнашкан иде.  Алар конкурсны оештыру комитетына 443 товар исемен, продукция һәм хезмәт күрсәтүне чагылдырган гаризалар тәкъдим иттеләр. 2015 елда конкурс лауреаты исеменә 126 товар исеме, продукция һәм хезмәте лаек булды. I дәрәҗәле  Дипломга 214 товар исеме, продукция һәм хезмәте бүләкләнде, II дәрәҗәле Диплом белән 78товар исеме бүләкләнде. 

2016 елның 9 февралендә ТР Премьер-министр урынбасары-ТР сәнәгать һәм сәүдә министры Алберт Кәримов россия регионнарында, якын һәм ерак чит илләрдә Татарстан Республикасы Вәкилләре белән очрашты.

ТР сәнәгать һәм сәүдә министрлыгы җитәкчесе: “Татарстан Республикасы – Россия Федерациясенең икътисади яктан аеруча үскән субъектларының берсе, Россия регионнары арасында тышкы икътисади эшчәнлек һәм төбәкара хезмәттәшлектә актив катнашучы,- дип ассызыклады. Бәяләүләр буенча 2015 елда Татарстан Республикасының тышкы сәүдә әйләнеше 14,095 млрд АКШ доллары тәшкил иткән. Фаразлы мәгълүматлар буенча 2015 елда регионара товар әйләнеше-520 млрд. сум”.

2016 елның 9 февралендә ТР Премьер-министр урынбасары-ТР сәнәгать һәм сәүдә министры Алберт Кәримов Татарстан Президенты Рөстәм Миңнехановның “АК “Транснефть» ААҖ идарә рәисе Николай Токарев белән очрашуында катнашты.

Узган очрашу барышында Татарстан Республикасы һәм “АК “Транснефть» ААҖ арасында үзара хезмәттәшлек турында Килешү имзаланды.

2016 елның 9 февралендә ТР Премьер-министр урынбасары-ТР сәнәгать һәм сәүдә министры Алберт Кәримов Татарстан Республикасы мәгълүматлаштыру һәм элемтә министрлыгы коллегиясенең киңәйтелгән утырышында катнашты. ТР мәгълүматлаштыру һәм элемтә министрлыгының “Мәгълүматлаштыру һәм элемтә тармагының 2015 елда эш нәтиҗәләре һәм 2016 елга бурычлары” коллегиясе Татарстан Республикасы Президенты Рөстәм Миңнеханов катнашында узды.

Республика мәгълүматлаштыру һәм элемтә тармагының төп бурычы булып Иннополисны алга таба үстерү кала бара. Бу турыда ТР мәгълүматлаштыру һәм элемтә министрлыгы йомгаклау коллегиясендә Татарстан Республикасы Президенты Рөстәм Миңнеханов белдерде.

Татарстанда 2015 ел нәтиҗәләре буенча сәнәгать җитештерү күләме 2014 ел күрсәткечләреннән артып китте һәм 1, 856 трлн. сум тәшкил итте, сәнәгать җитештерү индексы-100,4 процент. Бу турыда Татарстан Республикасы сәнәгать һәм сәүдә министрлыгы һәм Татарстан Республикасы икътисад министрлыгының Уртак коллегиясе утырышында Татарстан Республикасы Премьер-министр урынбасары - Татарстан Республикасы сәнәгать һәм сәүдә министры Алберт Кәримов хәбәр итте.

Чара Идел буе физик культура, спорт һәм туризм дәүләт академиясе (Казан, Универсиада авылы) мәйданчыгында булып узды.

Коллегия эшендә Татарстан Республикасы Президенты Рөстәм Миңнеханов, Россия икътисад үсеше министры урынбасары-статс-секретарь Олег Фомичев, Россия сәнәгать һәм сәүдә министры урынбасары Дмитрий Овсянников, Татарстан Премьер-министры Илдар Халиков, Татарстан Дщълщт Советы Рәисе Фәрид Мөхәммәтшин, ТР Дәүләт Киңәшчесе Минтимер Шәймиев һәм башкалар катнашты.