ЯҢАЛЫКЛАР

2014 елның 18 июнендә Казанга эш визиты кысаларында килгән Россия Федерациясе сәнәгать һәм сәүдә министры Денис Мантуров “Казан вертолет заводы”нда импортны алыштыру мәсьәләсе һәм Татарстан Республикасы территориясендә урнашкан оборона сәнәгате комплексы предприятиеләрен үстерү мәсьәләләре буенча киңәшмә уздырды. Киңәшмә эшендә Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Равил Зарипов, Татарстан ОСК предприятиеләре җитәкчеләре катнашты.
Киңәшмә башланыр алдыннан, хөрмәтле кунаклар “КВЗ” ААҖ ахыргы җыю цехында булдылар. Денис Мантуров һәм Рөстәм Миңнеханов “Ми-8”, “Ми-17”, “Ансат” вертолетларын, шулай ук яңа авыр вертолет прототибы “Ми-38”не дә карадылар.

2014 елның 18 июнендә Казанда “Казан синтетик каучук заводы -Силикон” ААҖ яңа заводы төзелеше башлану хөрмәтенә завод территориясендә истәлек билгесе ачылды. Тантанада Россия сәнәгать һәм сәүдә министры Денис Мантуров, Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, “Внешэкономбанк” (Үсеш һәм тышкы икътисадый эшчәнлек банкы) дәүләт корпорациясе идарәсе рәисе Владимир Дмитриев, Татарстан Республикасы Премьер- министр урынбасары –Татарстан Республикасы сәнәгать һәм сәүдә министры Равил Зарипов, “Казан синтетик каучук заводы” идарәсе рәисе Евгения Даутова, Татарстанның министрлыклар, ведомстволар, сәнәгать предприятиеләре, укыту оешмалары вәкилләре катнашты.

2014 елның 17-18 июнендә Россия Федерациясе сәнәгать һәм сәүдә министры Денис Мантуровның Татарстан Республикасына эш визиты булачак.
2014 елның 18 июнендә Россия Федерациясе сәнәгать һәм сәүдә министрылыгы җитәкчесе «КЗСК-Силикон» ААҖ барачак. Анда ул “КЗСК-Силикон” яңа заводы төзелеше башлану хөрмәтенә завод территориясендә истәлек билгесе ачылышының тантаналы чарасында катнашачак.
Әлеге чарада Татарстан Республикасы Президенты Рөстәм Миңнеханов, Россия Федерациясе икътисадый үсеш министры урынбасары - дәүләт милеге белән идарә итү Федераль агентлыгы җитәкчесе Ольга Дергунова, “Внешэкономбанк” (Үсеш һәм тышкы икътисадый эшчәнлек банкы) дәүләт корпорациясе идарәсе рәисе Владимир Дмитриев, Татарстан Республикасы Премьер- министр урынбасары – Татарстан Республикасы сәнәгать һәм сәүдә министры Равил Зарипов, Казан шәһәре мэры Илсур Метшин, Татарстан Республикасының министрлыклары һәм ведомстволары, сәнәгать предприятиеләре һәм укыту заведенияләре җитәкчеләре катнашты.

2014 елның 17 июнендә Татарстан Республикасының Сәүдә-икътисадый палатасында узган очрашу кысаларында, Көньяк Моравия крае губернаторы Михал Гашек җитәкчелегендәге Чехия Республикасы Көньяк Моравия крае делегациясе Татарстан Республикасының икътисадый һәм инвестицион потенциалы белән танышты.
Татарстан Респубикасы Премьер-министр урынбасары- Татарстан Республикасы сәнәгать һәм сәүдә министры Равил Зарипов катнашучыларны сәламләп, Чехия Республикасының Татарстанның әйдәп баручы сәүдә- икътисадый партнеры булуын ассызыклады. Чехиядә Татарстанның сәүдә-икътисадый вәкиллеге нәтиҗәле эшләп килә. 2013 елда Татарстан Республикасы белән Чехия арасында ике яклы тышкы икътисадый сәүдә әйләнеше 162,2 млн. долл. США, ә 2014 елның 1 кварталы нәтиҗәләре буенча ике яклы тышкы икътисадый сәүдә әйләнеше 35,8 млн. долл. США тәшкил итте.
Равил Зарипов билгеләгәнчә, Татарстан белән Чехия автомобиль төзелеше, фармацевтика, медицина, нефть химиясе, төзелеш өлкәләрендә хезмәттәшлек итә. Агросәнәгать комплексы һәм мәгариф өлкәләрендә уртак проектлар гамәлгә ашырыла.

2014 елның 16 июнендә Татарстан Респубикасы Премьер-министр урынбасары- Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Көньяк Моравия крае губернаторы Михал Гашек җитәкчелегендәге Чехия Республикасы Көньяк Моравия крае делегациясе белән булган очрашуда катнашты.
Рөстәм Миңнеханов ассызыклаганча, Чехия Татарстанның алдынгы икътисадый партнерларының берсе. Татарстан Республикасы Чехия Республикасы Хөкүмәте тарафыннан рәсми расланган Россиянең 6 төбәгенең берсе. “Үзара хезмәттәшлек итү өчен яхшы механизмнар булдырылды. Беренче чиратта, Чехия Республикасында Татарстан Республикасының сәүдә-икътисадый вәкилеге - моның ачык мисалы”,- дип белдерле республика башлыгы.

2014 елның 15 июнендә Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Япония Премьер-министрының махсус киңәшчесе Эйити Хасэгава белән булган очрашуда катнашты. Очрашу кысаларында ике яклы хезмәттәшлекне үстерү буенча перспектив юнәлешләр хакында сүз барды.
Татарстан Республикасы Президенты билгеләгәнчә, “соңгы ун ел эчендә Россия–Япония мөнәсәбәтләренең киңәюе бара. Шул исәптән, товар әйләнешен, бердәм проектларны һәм инвестицион багланышларны истә тотып, Татарстан Республикасы да яхшы урында тора”,–диде Президент.

2014 елның 12 июнендә Чаллыда Сабантуйның тантаналы ачылышында Татарстан Республикасы Премьер-министры Илдар Халиков, Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Равил Зарипов һәм Чаллы шәһәре мэры Васил Шәйхразиев катнаштылар.
Илдар Халиков Чаллы халкына Татарстан Республикасы Президенты Рөстәм Миңнехановның котлавын җиткерде. “Чаллы Сабантуенда катнашучыларга һәм кунакларга чын күңелдән кызыклы ярышлардан уңай тәэсирләр алуларын телим”, диелә Президент котлавында.

2014 елның 11 июнендә Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов республиканың сәнәгать предприятиеләре җитәкчеләре белән берлектә А.Н.Туполев исем. Казан милли тикшеренү техник университеты –КАИда булдылар.
Программа кысаларында кунаклар композит технологияләр Үзәген, “Судно төзелеш” үзәген һәм КиПЛА кафедрасын, радиоэлектроника Институты каршындагы нанотехнологияләр һәм телекоммуникацияләр Үзәген, яңа укыту корпусны, Казан милли тикшеренү техник университеты –КАИның перспектив фәнни–тикшеренү лабораторияләрен һәм башка үзәкләрен карадылар.

2014 елның 11 июнендә Татарстан Республикасы Сәнәгать һәм сәүдә министрлыгында Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Равил Зарипов җитәкчелегендә республиканың энергетика комплексын үстерү мәсьәләләре буенча Фәнни- техник совет утырышы узды.
Утырышта Татарстан Республикасының алдынгы энергетика предприятиеләре, Казан дәүләт энергетика университеты, “Татарстан Республикасы предприятиеләр һәм эшмәкәрләр ассоциациясе” эш бирүчеләр оешмасы вәкилләре катнашты.

2014   елның 10 июнендә Казанда «КНИАТ» ААҖдә Татарстан Республикасы Премьер–министр урынбасары- Татарстан Республикасы сәнәгать һәм сәүдә министры Равил Зарипов җитәкчелегендә Татарстан Республикасы машина төзелеше предприятиеләренең Координация советы утырышы узды.

Утырышта Татарстан Республикасы Дәүләт Советы Икътисад, инвестицияләр һәм эшкуарлык комитеты рәисе Марат Галиев, Татарстан Республикасының алдынгы машина төзелеше предприятиеләре җитәкчелеге, «Татнефтехиминвестхолдинг» ААҖ җитәкчелеге, «КНИАТ» ААҖ, Казан милли тикшеренү техник университеты –КАИ, «ВИАМ» кебек Россиянең фәнни–тикшеренү һәм укыту үзәкләре җитәкчеләре вәкилләре, Россия машина төзелеше предприятиеләре, Татарстан Республикасы Сәнәгать һәм сәүдә министрлыгы вәкилләре катнашты.