Россия Федерациясе сәнәгать һәм сәүдә министры Денис Мантуровның Татарстан Республикасына эш визиты

2014 елның 17-18 июнендә Россия Федерациясе сәнәгать һәм сәүдә министры Денис Мантуровның Татарстан Республикасына эш визиты булачак.
2014 елның 18 июнендә Россия Федерациясе сәнәгать һәм сәүдә министрылыгы җитәкчесе «КЗСК-Силикон» ААҖ барачак. Анда ул “КЗСК-Силикон” яңа заводы төзелеше башлану хөрмәтенә завод территориясендә истәлек билгесе ачылышының тантаналы чарасында катнашачак.
Әлеге чарада Татарстан Республикасы Президенты Рөстәм Миңнеханов, Россия Федерациясе икътисадый үсеш министры урынбасары - дәүләт милеге белән идарә итү Федераль агентлыгы җитәкчесе Ольга Дергунова, “Внешэкономбанк” (Үсеш һәм тышкы икътисадый эшчәнлек банкы) дәүләт корпорациясе идарәсе рәисе Владимир Дмитриев, Татарстан Республикасы Премьер- министр урынбасары – Татарстан Республикасы сәнәгать һәм сәүдә министры Равил Зарипов, Казан шәһәре мэры Илсур Метшин, Татарстан Республикасының министрлыклары һәм ведомстволары, сәнәгать предприятиеләре һәм укыту заведенияләре җитәкчеләре катнашты.
Россия Федерациясе сәнәгать һәм сәүдә министры Денис Мантуровның эш визиты кысаларында “Казан вертолет заводы”на,"М.П.Симонов исем. ОКБ" ААҖ, «КАИ-Композит» инжиниринг үзәгенә бару планлаштырылган.
“Казан вертолет заводы”нда импортны алыштыру мәсьәләсе буенча киңәшмә узачак. Киңәшмә эшендә Россия Федерациясе сәнәгать һәм сәүдә министры Денис Мантуров, Татарстан Республикасы Премьер-министры Илдар Халиков, Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Равил Зарипов, Татарстан ОСК предприятиеләре җитәкчеләре катнашты.