ЯҢАЛЫКЛАР

Яшь сәнәгатьчеләр клубы Елның яшь сәнәгатьче премиясенең яңа сезонын башлау турында игълан итте, анда Россиянең иң яхшы сәнәгать предприятиеләренә нигез салучылар, җитәкчеләр, баш инженерлар катнаша. Конкурс кысаларында 40 яшькә кадәрге сәнәгатьчеләр предприятиеләрнең казанышлары һәм әһәмиятле проектларны гамәлгә ашырулары өчен шәхсән бүләкләнәләр.

27 декабрьдә Сычуань провинциясенең Чэнду шәһәре күргәзмәләр залында урнаштыру өчен Татарстан Республикасыннан Кытай Халык Республикасының Казандагы Генераль консуллыгына экспонатлар тапшыру тантанасы булды. Татарстан Премьер-министры урынбасары – сәнәгать һәм сәүдә министры Олег Коробченко аларны Кытай Халык Республикасының Казандагы Генераль консулы Сян Бо әфәндегә тапшырды.

ТР Сәнәгать һәм сәүдә министрлыгында 26 декабрьдә уздырган киңәшмәнең темасы Татарстан Республикасы вәкиллекләренең 2022 елгы эш нәтиҗәләре һәм 2023 елга бурычлары булды, чараны Татарстан Республикасы сәнәгать һәм сәүдә министры урынбасары Герман Лернер уздырды. Видеоконференция режимында узган чарада Татарстанның чит илләрдәге 13 һәм Россия Федерациясенең  субъектларындагы 8 вәкиле, шулай ук Татарстан Республикасы министрлыклары һәм ведомстволары җитәкчеләре катнашты, алар шулай ук үз эшчәнлекләренә йомгак ясадылар һәм киләсе 2023 елга бурычлар билгеләделәр.

«Алабуга» махсус икътисадый зонасы территориясендә видеоконференцэлемтә режимында электр машиналары өчен 95 электрозаряд станциясе, 7 автомобильгә газ тутыру компрессор станциясе һәм 2 криоген автозаправка станциясе ачылу тантанасы  узды. Чара Татарстанның  «Сетевая компания» АҖ төзегән заряд электр станцияләре урнаштырылган берничә шәһәрендә һәм районында узды.

26 декабрьдә Татарстан Республикасы Сәнәгать һәм сәүдә министрлыгында Татарстан Вице-премьеры – сәнәгать һәм сәүдә министры Иран Ислам Республикасының Генераль консуллыгы белән очрашты.

Очрашуда билгеләп үтелгәнчә, 2021 ел нәтиҗәләре буенча Татарстанның Иран белән тышкы сәүдә әйләнеше, 2020 ел белән чагыштырганда, 3,5 тапкыр арткан. Быел да уңай динамика күзәтелә, бу сәүдә-икътисадый мөнәсәбәтләрне үстерү потенциалы турында сөйли.

Татарстан Республикасы Вице-премьеры – Татарстан Республикасы сәнәгать һәм сәүдә министры Олег Коробченко «Татнефтехиминвест-холдинг» ААҖ Директорлар советы утырышында катнашты Аны Татарстан Республикасы Президенты Рөстәм Миңнеханов Татарстан Республикасы Хөкүмәт Йортында үткәрде.

Директорлар советы әгъзалары һәм чакырылган затлар берничә инновация проектын карадылар.

Түбән Кама районында «Танеко»да комплекслы сынау режимында хуш исле углеводородлар җитештерүне эшләтеп җибәрү тантанасы булды. Анда Татарстан Президенты Рөстәм Миңнеханов, «Татнефть» ГАҖ генераль директоры Наил Мәганов, Түбән Кама районы башлыгы Рамил Муллин катнашты.

Рөстәм Миңнеханов билгеләп үткәнчә, ароматика комплексы – мөһим нефть химиясе проекты, ул «Танеко»га базарда яңа урыннар алырга мөмкинлек бирәчәк. «Татнефть» һәм «Танеко» командасына, шулай ук барлык партнерларыбызга рәхмәт белдерәм. Монда үзебезнең җиһазлар кулланылган. Без югары сыйфатлы продукт алачакбыз», – диде ТР Президенты.

Татарстан Республикасы вице-премьеры – Татарстан Республикасы сәнәгать һәм сәүдә министры Олег Коробченко Сәнәгать буенча координация советының йомгаклау утырышында катнашты. Аны Уфада Россия Федерациясе Хөкүмәте Рәисе урынбасары – Россия Федерациясе сәнәгать һәм сәүдә министры Денис Мантуров уздырды.

Координация советның төп темасы – сәнәгать экспортына ярдәм итү системасын үзгәртү, шулай ук яңа шартларда өстенлекле импортны тәэмин итү чаралары. Денис Мантуров «Халыкара кооперация һәм экспорт» илкүләм проекты кысаларында хәзер хөкүмәт, төбәкләр һәм компанияләр тарафыннан хәл ителә торган өстенлекле бурычларны билгеләде. Бу – сәнәгать продукциясенең тышкы агымнарын һәм сату каналларын хәзерге перспективалы юнәлешләргә юнәлтү, шулай ук тар урыннарны киңәйтү һәм, яңа халыкара транспорт-логистика коридорларын булдырып, тышкы сәүдә элемтәләрен киңәйтү.

Татарстан Республикасы Сәнәгать һәм сәүдә министрлыгы башлыгы чыршыдан балаларның теләкләре белән ике шар төшерде. Ул Тукай районыннан 11 яшьлек Милана һәм Тәтештән 5 яшьлек Ярослав хыяллана торган планшетларны бүләк итәчәк. «Хыяллар чынга ашарга тиеш, ә балаларныкы – бигрәк тә!» – диде Олег Коробченко.

Татарстан Республикасы Хөкүмәте һәм шәхсән үз исемемнән сезнең төп һөнәри бәйрәмегез – Энергетиклар көне белән чын күңелдән котлыйм.

Энергетика комплексы республика һәм һәр татарстанлы тормышында мөһим роль уйный. Сезнең тармак икътисадка, сәнәгать предприятиеләре һәм социаль объектлар эшенә зур өлеш кертә. Энергетикларның хезмәте аерым хөрмәткә һәм рәхмәткә лаек.

Бу ел җиңел булмады. Әмма сезнең югары һөнәри осталыгыгыз, стандарт булмаган бурычларны хәл итә алуыгыз аркасында Татарстан бу чорны лаеклы уздырып җибәрә. Яңа технологияләр һәм иң яхшы эшләнмәләр куллану энергия системасына төгәл һәм килешеп эшләргә мөмкинлек бирә.

Бу бәйрәм көнендә тармак ветераннарына энергетика үсешенә керткән өлешләре өчен рәхмәт белдерәбез. Сез яшь белгечләр өчен үрнәк булып торасыз, ә тармактагы казанышларыгыз белән без бүген дә горурланабыз.

Сезгә энергетика комплексы объектларын үстерү, модернизацияләү проектларын уңышлы тәмамлавыгызны һәм яңа казанышлар телим! Нәтиҗәле һәм аварияләрсез эшләргә, нык сәламәтлек һәм гаилә иминлеге насыйп булсын!

ТР Премьер-министр урынбасары –

Республики Татарстан

сәнәгать һәм сәүдә министры

О.В. Коробченко