ЯҢАЛЫКЛАР
2016 елның 7 декабрендә Төркия Республикасы Премьер-министры Бинали Йылдырымның Татарстан Республикасына эш сәфәре кысаларында Казанда Татарстан-Төркия эшлекле форумы узачак.
Форум эшендә Төркия Республикасы Премьер-министры Бинали Йылдырым, Татарстан Республикасы Президенты Рөстәм Миңнеханов, Төркия икътисад министры Нихат Зейбекчи, ТР Премьер-министры урынбасары – ТР сәнәгать һәм сәүдә министры Алберт Кәримов, Төркия тышкы икътисадый багланышлар Комитеты Вице-президенты Митхат Йенигюн, Татарстан һәм Төркия дәүләт хакимияте органнары, эшлекле даирә вәкилләре катнашачак.
2016 елның 7 декабрендә "Казан ярминкәсе" Күргәзмәләр Үзәге территориясендә "Машина төзелеше. Металл эшкәртү. Казан" Халыкара күргәзмәсе һәм «TeсhnoСварка» махсуслаштырылган күргәзмәсенең тантаналы ачылышы, Татарстан машина төзелеше предприятиеләренең Координация советы утырышы узачак. Чараларда Татарстан Республикасы Президенты Рөстәм Миңнехановның катнашуы көтелә.
ТР Премьер-министры урынбасары – ТР сәнәгать һәм сәүдә министры Алберт Кәримов ассызыклаганча, машина төзелеше – Татарстан икътисадының төп өлкәләренең берсе. Татарстан сәнәгать җитештерүенең гомуми күләмендә машина төзелеше 20% тәшкил итә. 2016 елның 10 аенда ТР машина төзелеше предприятиеләре тарафыннан 315,4 млрд. сумлык продукциясе төяп озатылган, сәнәгый җитештерү индексы 104,3% тәшкил иткән.
2016 елның 6 декабрендә ТР Премьер-министры урынбасары – ТР сәнәгать һәм сәүдә министры Алберт Кәримов "Сыйфат-заман автосәнәгатенең конкурентлылык нигезе" IV Халыкара конференциясе эшендә катнашты.
ТР сәнәгать һәм сәүдә министрлыгы җитәкчесе конференциядә катнашучыларга – Россия автомобиль җыючы предприятие вәкилләренә, сыйфат өлкәсендә экспертларга һәм сертификацияләү органы вәкилләренә сәламләү сүзе белән мөрәҗәгать итте. Ул билгеләп үткәнчә, автомобиль сәнәгате республика машина төзелешенең әйдәп баручы тармагы, ул республиканың икътисади һәм социаль үсеш дәрәҗәсен билгели. Татарстанның машина төзелеше үз эченә йөк һәм җиңел автомобиль техникасы җитештерүне, автомобиль заводлары өчен автокомпонентлар җитештерүне ала. Автомобиль техникасын җитештерү электротехника, химия, җиңел сәнәгать предприятиеләре һәм сәнәгатьнең башка тармаклары белән тыгыз кооперациядә гамәлгә ашырыла.
2016 елның 6 декабрендә ТР сәнәгать һәм сәүдә министрлыгында ягулык-энергетика комплексы объектларының террорчылыкка каршы тору һәм куркынычсызлыгын тәэмин итү өлкәсендә Татарстан Республикасында федераль законны гамәлгә ашыру сораулары буенча Ведомствоара эшче төркемнең утырышы узды.
Утырыш барышында ягулык-энергетика комплексы һәм сәнәгать предприятиеләре вәкилләре чыгыш ясады. Алар ягулык-энергетика комплексы объектларының террорчылыкка каршы тору буенча таләпләрнең үтәлеше турында сөйләделәр.
2016 елның 6 декабрендә ТР Премьер-министры – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Германия Федератив Республикасы эшлекле даирә вәкилләре белән очрашуында катнашты.
Очрашу барышында яклар инжиниринг тармакта мөнәсәбәтләрне киләчәктә үстерү мәсьәләләре, Татарстан Республикасы территориясендә кайбер алман компанияләренең җитештерүен локальләштерү мөмкинлекләре турында сөйләштеләр.
Wilo компаниясе (насослар һәм насос ситсемаларын җитештерү) вәкиле Йенс Даллендерфер һәм «Данго Денинтал» компаниясе (тимер чүкү һәм бастыру өчен җиһазлар) милекчесе Райнер Данго Татарстан компанияләре белән хезмәттәшлек нигезендә бизнесны үстерү планнары турында сөйләделәр.
2016 елның 5 декабрендә "Алабуга" махсус икътисадый зонасы мәйданында яңа Ford Kuga җитештерүен башлап җибәрү тантанасы узды.
Чарада Татарстан Республикасы Президенты Рөстәм Миңнеханов, Россия Федерациясе сәнәгать һәм сәүдә министры урынбасары Александр Морозов, Внешэкономбанк рәисе урынбасары - идарә әгъзасы Татьяна Сахарова, ТР Премьер-министры урынбасары- ТР сәнәгать һәм сәүдә министры Алберт Кәримов һәм башка рәсми затлар катнашты.
Тантана башланыр алдыннан Рөстәм Миңнеханов һәм башка затлар "Форд" заводы куәтләрен һәм җитештерү цехларын карадылар- кузовларны эретеп ябыштыру цехы, автомобильләр җыю цехы, сыйфат контроле линиясенең эше белән таныштылар. Кунакларга Ford Transit линейкасы экспозициясен һәм модель базасында социаль һәм махсус билгеләнештәге версияне дә күрсәттеләр.
2016 елның 5 декабрендә Яр Чаллыда «КАМАЗ» ГАҖ белән «Внешэкономбанк» дәүләт корпорациясе арасында экспорт стратегиясен гамәлгә ашыру хезмәттәшлеге турында Килешү имзаланды. Тантанада Татарстан Республикасы Президенты Рөстәм Миңнеханов, «Внешэкономбанк» рәисе Сергей Горьков, ТР Премьер-министры урынбасары- ТР сәнәгать һәм сәүдә министры Алберт Кәримов, «КАМАЗ» ГАҖ генераль директоры Сергей Когогин, Яр Чаллы мэры Наил Мәһдиев катнашты.
Кунаклар төп җитештерү объектларын карадылар. Алар "КАММИНЗ КАМА" уртак предприятиесендә, двигательләр заводында, төп җыю конвейерында, кабиналар җитештерү буенча яңа заводның төзелеш мәйданчыгында, шулай ук, "КАМАЗ" фәнни-техник үзәгендә булдылар.
2016 елның 5 декабрендә Татарстан Республикасы Министрлар Кабинетында Татарстан Республикасында фармацевтика сәнәгатен үстерү мәсьәләләре буенча Ведомствоара эшче төркем утырышы узды.
Утырышта "Татхимфармпрепаратлар" АҖ, “Л.Я.Карпов исемендәге химия заводы” АҖ, “Казан медик-инструменталь заводы” АҖ җитештерү эшчәнлеге нәтиҗәләре, Федераль дәүләт бюджет мәгариф учреждениесе югары белем бирүче "Казан милли тикшеренү технология университеты" фәнни һәм инжиниринг эшчәнлеге, А.Е.Арбузов исемендәге органик һәм физик химия Институты эшчәнлеге нәтиҗәләре, шулай ук, "Татарстан Медицина техникасы һәм фармациясе" ДУП даруханәләрнең эшчәнлеген оптимальләштерү буенча тәкъдимнәре каралды. Фармацевтика тармагын җайга салучы канун нормаларын кулланып көндәлек мөһим дару препаратлары Исемлегеннән дару чараларын җитештерү белән бәйле булган катлаулы мәсьәләләр турында сүз барды.
Утырыш барышында эшче төркемнең 2017 елга эшчәнлек юнәлешләре билгеләнде, шуларның иң мөһимнәре: Татарстан Республикасының фармацевтика һәм медицина сәнәгате үсеше перспективалары, фармацевтика тармагын җайга салучы канун нормаларын камилләштерү буенча тәкъдимнәр әзерләү, профиль предприятиеләрене һәм фәнни үзәкләрне үстерү проектларын тормышка ашыру, "Хелснет" технологик инициативасы проектларында катнашу билгеләнде.
2016 елның 3 декабрендә Казанда "ГоркиПарк" яңа сәүдә үзәген ачу тантанасы узды. Яңа сәүдә үзәген һәм «Лента» гипермаркетын ачу тантанасында Татарстан Республикасы сәнәгать һәм сәүдә министрлыгы, Татарстан Республикасы төзелеш, архитектура һәм торак-коммуналь хуҗалыгы министрлыгы, Казан шәһәре башкарма комитеты вәкилләре катнашты.
«ГоркиПарк» сәүдә үзәгенең мәйданы 38000 кв. м. тәшкил итә, кибетләр саны – 80. Сәүдә үзәгенең арендалаучылары арасында: «Лента» гипермаркеты, җиһазлар һәм Hoff йорт товарлары гипермаркеты, «М.видео» көнкүреш техника һәм электроника гипермаркеты, «Балалар дөньясы» («Детский мир») балалар өчен товарлар гипермаркеты, “Хәзинә утравы” (Остров Сокровищ) балалар уен үзәге, «Уютерра» йорт өчен товарлар кибете, "Kari" аяк киемнәре кибете, фудкортның 4нче концепциясе, ресторан.
2016 елның 3 декабрендә Татарстан Республикасы тегү сәнәгате предприятиеләре арасында “тегүче” белгечлеге буенча Республика һөнәри осталык бәйгесе узды.
Бәйге Татарстан Республикасы сәнәгать һәм сәүдә министрлыгы, текстиль һәм җиңел сәнәгать хезмәткәрләренең Республика профсоюз Федерациясе, Казан Милли Тикшеренү Техник Университетының мода һәм дизайн, җиңел сәнәгать технологиясе Институты, технология һәм дизайн Казан көллияте ярдәме белән үткәрелде.
Бәйгенең төп максаты – эшче һөнәрләрне популярлаштыру.
Бәйге барышында катнашучылар теория һәм гамәли күнекмәләрен күрсәттеләр.
Ярыш нәтиҗәләре буенча 1 нче урынны Надежда Никитина ("Адонис" ААҖ), 2 урынны Людмила Данилова ("Йолдыз" ҖЧҖ), 3 урынны Инна Асхадуллина (“Кукмара тегү фабрикасы" ААҖ) яуладылар.
Бәйгедә җиңүчеләр мактау грамоталары, кыйммәтле бүләкләр һәм акчалата призлар белән бүләкләнделәр.