ЯҢАЛЫКЛАР

2014  елның 1 октябрендә Татарстан Республикасы сәнәгать һәм сәүдә министры урынбасары Рашат Фәттахов Татарстан Республикасы Президенты Рөстәм Миңнехановның Yokogawa Electric Corporation президенты- генераль директоры Токаши Нишиджима белән булган очрашуда катнашты.

Очрашу барышында Рөстәм Миңнеханов Татарстан җитәкчелегенең “Yokogawa Electric” компаниясе белән сәнәгать проектларында хезмәттәшлек итү белән канәгатьлеген һәм киләчәктә үзара хезмәттәшлеген киңәйтүдә теләкләрен белдерде.

2014 елның сентябре ахырында Хәрби–һава көчләренең Хәрби укыту–фәнни үзәгенең Сызрань филиалының “Профессор Н.Е.Жуковский һәм Ю.А. Гагарин исем. хәрби –һава академиясе”нең беренче курсантлар төркеме «Вертолеты России» холдингының Казан вертолет заводында җитештерелгән «Ансат-У» яңа вертолетта пилот һөнәрен үзләштерделәр.
«Ансат-У» вертолетын йөртергә 29 курсант өйрәнде. Уку планы нигезендә, икенче елга алар Ми-8/17 һәм Ми-24 серияле вертолетларында өйрәнәчәкләр.

2014 елның 2 һәм 3 октябрендә реформалар һәм провинцияне үстерү буенча Комитет җитәкчесе урынбасары Чжао Хуэй җитәкчелегендә Кытай Халык Республикасы Сычуань провинциясе икътисадый делегациясенең Татарстан Республикасына визиты уза.
Татарстан Республикасына визиты кысаларында делегациянең “Казан” агросәнәгать паркында һәм “Татспиртпром” ААҖ филиалы булан “Казан ликер - аракы заводы”нда булу планлаштырылган.

2 октябрьдә Татарстан Республикасы Сәнәгать һәм сәүдә министрлыгында ENES энергия нәтиҗәлелеген үстерү һәм энергияне саклау өлкәсендәге Бөтенроссия проектлар бәйгесен уздыру буенча бәйге комиссиясенең утырышы узды (алга таба– Бәйге).
Региональ этап кысаларында 11 номинация буенча 29 заявка бирелде. Бәйгедә катнашучылар арасында сәламәтлек саклау һәм белем бирү учрежденияләре, эре сәнәгать предприятиеләре, траспорт комплексы предприятиеләре, торак –коммуналь хуҗалыгы предприятиеләре бар.

Игътибар, бәйге!

Татарстан Республикасы сәүдә предприятиеләренең эшчеләре арасында ике дәүләт телен куллану буенча” бәйге

 

Татарстан Республикасы Министрлар Кабинетының “Татарстан Республикасында дәүләт телләрен һәм Татарстан Республикасының башка телләрен саклап калу, өйрәнү һәм үстерү” 2013 елның 25 октябрендәге 794 номерлы дәүләт программасын гамәлгә ашыру чаралары кысаларында республикада Татарстан Республикасы сәүдә предприятиеләренең эшчеләре арасында ике дәүләт телен куллану буенча” бәйге старт ала. 

29 сентябрьдә узган «Алабуга» махсус экономик зонасының Күзәтү советы утырышында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равиль Зарипов катнашты.

Татарстан Республикасы Хөкүмәте Йортында узган Күзәтү советы утырышын Татарстан Президенты Рөстәм Миңнеханов алып барды.

Быел МИЗда, Рөстәм Миңнеханов сүзләренчә, 4-5 яңа җитештерү эшли башлаячак. Бер үк вакытта МИЗ социаль инфраструктураны да үстерә. 

Чехия Республикасы бизнес-бергәлегенең дискуссия клубы утырышы Праганың Муниципаль йортында узды. Диалогта Татарстан  Республикасы Премьер–министры урынбасары–Татарстан Республикасы сәнәгать һәм сәүдә министры Равил Зарипов катнашты, шулай ук Чехия сәнәгатенең флагман предприятиеләре җитәкчеләре һәм Чехия экспортына хезмәт күрсәтүче һәм аны финанслаучы структура вәкилләре чакырылган иде.

Татарстанда нефть чыгарыла һәм эшкәртелә, машина төзелеше секторына һәм агросәнәгать комплексына зур игътибар бирелә. Инновацион үсеш, Рөстәм Миңнеханов сүзләренчә, республика икътисады үсешенең драйверы булып тора. «Алабуга» МИЗ территориясендә игълан ителгән 3 млрд. АКШ долларлык инвестицияләр күләме белән 42 резидент компания эшләп килә һәм ул Россиянең сәнәгать-җитештерү тибындагы иң уңышлы икътисадый зонасы булып тора. Интенсив формалашу стадиясендә Россия масштабындагы ИТ-үзәк – яңа югары технологияле Иннополис шәһәре, шулай ук «СМАРТ Сити Казан» бизнес-мәйданчыгы.

25-26 сентябрьдә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равиль Зарипов Татарстан Президенты Рөстәм Миңнеханов белән Чехия Республикасына эш визитында катнаша.

Вацлав Гавел исемендәге халыкара аэропортта Татарстан Республикасы Президентын Чехия Республикасының Көньяк Моравия крае Гейтманы Михал Гашек, Россиянең Чехиядәге Гадәттән тыш һәм Тулы вәкаләтле Илчесе Сергей Киселев, Россиянең Чехиядәге Сәүдә вәкиле Сергей Ступарь, шулай ук Татарстан Республикасының Чехиядәге вәкиле Зөфәр Габделгалиев каршы алды.

Татарстан  Республикасы Премьер–министры урынбасары–Татарстан Республикасы сәнәгать һәм сәүдә министры Равил Зарипов Татарстан Республикасы машина төзелеше комплексы хезмәткәрләрен һәм ветераннарын машина төзүчеләр Көне белән тәбрикли:

“Хөрмәтле Татарстан Республикасы машина төзелеше комплексы хезмәткәрләре һәм ветераннары! Сезне һөнәри бәйрәмегез – машина төзүчеләр Көне белән тәбрик итәм!

          Машина төзелеше комплексының казанышлары илнең һәм республиканың сәнәгать үсешен  һәм социаль - икътисадый урынын билгели.