ЯҢАЛЫКЛАР
2014 елның 23 сентябрендә «Пирамида» мәдәни–күңел ачу комплексында Татарстан Республикасы Президенты Рөстәм Миңнеханов катнашында машина төзүчеләр Көнен бәйрәм итү тантанасы узачак.
Машина төзүчеләрнең һөнәри бәйрәме программасы чараларында Татарстан Республикасы машина төзелеше комплексы предприятиеләре җитәкчеләре, машина төзелеше предприятиеләре ветераннары һәм ххезмәт коллективлары, Татарстан Республикасы белем бирү учрежденияләренең укытучылары һәм аспиранталры катнашачак.
Машина төзүчеләр Көнен бәйрәм итү чарасы кысаларында машина төзелеше сәнәгате хезмәткәрләрен, хезмәт династияләре вәкилләрен, яшь инженерлар һәм аспирантлар, балалар техник иҗаты түгәрәкләре җитәкчеләрен бүләкләү тантанасы булачак.
Машина төзүчеләр Көнен бәйрәм итү чаралары Татарстан Республикасы Сәнәгать һәм сәүдә министрлыгы тарафыннан Татарстан Республикасы Сәнәгать һәм эшмәкәрләр ассоциациясе, республиканың машина төзелеше комплексы предприятиеләре белән берлектә хезмәт кешесен пропагандалау, эшче һәм инженер һөнәрләрен популярлаштыру максатыннан уздырыла.Коралчылар көне – оборона-сәнәгать комплексы предприятиеләре хезмәткәрләренең һөнәри бәйрәме – һәр елны 19 сентябрьдә 2012 елдан алып бәйрәм ителә. Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстанның оборона-сәнәгать комплексы предприятиеләре хезмәткәрләрен һөнәри бәйрәмнәре белән котлады.
“Хөрмәтле оборона-сәнәгать комплексы предприятиеләре хезмәткәрләре!
Татарстан Республикасы Сәнәгать һәм сәүдә министрлыгы исеменнән сезне Коралчылар көне белән котлыйм.
Бу бәйрәм – илне саклау, Ватаныбызның оборонасын ныгыту өчен, хәрби техника һәм корал эшләүчеләр хезмәтен тану билгесе.
Без Бөек Ватан сугышы елларында Татарстанның хәрби техника һәм продукция чыгаручы иң эре җитештерүче булуы белән горурланабыз. Бүген республиканың оборона предприятиеләре коллективлары данлы традицияләрне дәвам итә, Россия коралы данын күтәрә.2014 елның 19–20 сентябрендә Астанада (Казакъстан Республикасы) Татарстан Республикасы Көннәре узачак.
Чаралар программасы кысаларында Татарстан Республикасының сәнәгать һәм инвестицион потенциалы күргәзмәсен һәм мәдәни чаралар үткәрү планлаштырыла.
Татарстан Республикасы сәнәгать һәм сәүдә министрылыгы тарафыннан оештырылган әлеге күргәзмә хезмәттәшлек итү өчен зур мөмкинлекләр тәкъдим итәчәк: биредә югары уку йортлары, әйдәп баручы сәнәгать предприятиеләре һәм заманча инвестицион мәйданчыклар тәкъдим ителәчәк.
Күргәзмәдә Татарстан Республикасының 30 артык предприятие, вузлар һәм оешмалар катнашачак.
Татарстанның сәнәгать өлешен түбәндәге предприятиеләр тәшкил итәләр: «КАМАЗ» ААҖ, «Татнефть» ААҖ, «Нижнекамскнефтехим» ААҖ, «А.М.Горький исем. Зеленодольск заводы» һәм «Казан вертолет заводы» ААҖ.2014 елның 17 сентябрендә Татарстан Республикасы Премьер–министры урынбасары–Татарстан Республикасы сәнәгать һәм сәүдә министры Равил Зарипов рәислегендә Россиянең Бөтендөнья сәүдә оешмасына керү шартларында республика предприятиеләренең эшчәнлеге нәтиҗәлелеген үстерү мәсьләләренә багышланган “түгәрәк өстәл” узды. Түгәрәк өстәл эшендә 40 предприятие һәм оешма вәкилләре катнашты.
Татарстан Республикасы Премьер–министры урынбасары–Татарстан Республикасы сәнәгать һәм сәүдә министры үзенең чыгышында сәнәгатьнең һәм сәүдә итүнең заман проблемаларын билгеләде, бүгенге икътисадый шартларда регионың тотрыклы үсеше өчен Хөкүмәт тарафыннан күрелгән чаралар хакында әйтте, республика предприятиеләре белән уртак эшчәнлек алып бару кирәклеген ассызыклады. Татарстан Республикасы сәнәгать һәм сәүдә министрлыгы җитәкчесе билгеләгәнчә, “Безнең максат – нинди юнәлештә баруны билгеләү, федераль дәрәҗәдә моның өчен нинди инструментлар барлыгын күрсәтү”.2014 елның 17–18 сентябрендә Челәбе өлкәсе Хөкүмәте рәисе урынбасары Иван Феклин җитәкчелегендә Челәбе өлкәсе делегациясенең Татарстан Республикасына эш визиты узды.
Челәбе өлкәсе делегациясе составында – Челәбе өлкәсе сәнәгать һәм табигать байлыклары министры Алексей Бобраков, Челәбе өлкәсе икътисадый үсеш министры урынбасары Ирина Акбашева, «КОНАР» компаниясе вәкилләре иде.
Эш визиты кысаларында Челәбе өлкәсе делегациясе Татарстан Республикасы Премьер–министр урынбасары –Татарстан Республикасы сәнәгать һәм сәүдә министры Равил Зарипов һәм Премьер–министр урынбасары –Татарстан Республикасы авыл хуҗалыгы һәм азык–төлек министры Марат Әхмәтов белән очрашулар узды.
Кунаклар югары технологияләр өлкәсендәге «ИТ-парк» технопаркын, “М.Горький исем. Зеленодольск заводы”н, «Химград» Технополисын һәм Татарстан Республикасының кластер үсеше үзәген карадылар.
2014 елның 17 сентябрендә “Республиканың сәүдә предприятиеләрендә азык-төлек продукциясе бәяләренә мониторинг” темасына багышланган брифинг узды. Брифингта Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы сәүдә һәм сәнәгать министры урынбасары Рашат Фәттахов, Монополиягә каршы федераль хезмәтнең Татарстан Республикасы буенча идарәсе башлыгы урынбасары Руслан Биктимеров катнаштылар.
Татарстан Республикасы сәнәгать һәм сәүдә министры урынбасары Рашат Фәттахов билгеләгәнчә, Россия Президенты В.В.Путинның “Россия Федерациясенең иминлеген тәэмин итү максатларында аерым махсус икътисадый чаралар куллану” турындагы Указны гамәлгә ашыру максатында Татарстан Республикасы Сәнәгать һәм сәүдә министрлыгы сәүдә челтәрләрендәге 40 атамадан торган азык-төлек продукциясенең тәгаенләнгән җыелмасы бәяләренә көнлек мониторинг ясый.
16 сентябрьдә КМПОда һөнәри осталар үзләренең бәйремен билгеләп үттеләр. Җитештерүдә күрсәткән югары нәтиҗәләр өчен һәм коллективның иҗтимагый тормышында актив катнашкан өчен быел 4 һөнәри оста “Һөнәренә тугрылыгы өчен” номинациясендә, бер һөнәри оста “Хатын–кыз–мастер”, бер һөнәри оста “Иң оста яшь мастер”номинацияләрендә, 6 һөнәри оста “Ел мастеры” номинациясендә бүләкләнделәр.
Предприятиедә барлыгы 120 һөнәри оста эшли: 91 ир–ат, 29 хатын–кыз. Аларның өчесе – контроль осталар, 57 өлкә осталар, 5 стажер, 55 участок осталары. 45 оста югары белемле, берсе – ике югары белемле, 18 кеше гомүм урта белемле, 9 башлангыч һөнәри белемле. Өчесе ВУЗда, икесе ССуЗда белем алалар.
Бәйрәм хөрмәтенә һөнәри осталар өчен Зөя утравына экскурсия оештырылды, бәйрәм концерты һәм бүләкләү тантанасы узды.2014 елның 12 сентябрендә Татарстан Республикасы Президенты Рөстәм Миңнеханов җитәкчелегендәге Татарстан Республикасы Министрлар Кабинеты каршындагы Икътисадый совет утырышында республика җитештерүчеләренең продукциясен базарга чыгару мәсьәләләре хакында сөйләштеләр.
Икътисадый совет утырышын ачып, Татарстан Республикасы Президенты Рөстәм Миңнеханов хәбәр иткәнчә, 2014 елның гыйнвар-июль айлары йомгаклары буенча товарлар экспорты кимеде, импорт 10%ка артты. Ул билгеләгәнчә, республика продукция җитештерүче буларак алда барса да, без товарларны читтән дә күп кертәбез. 2013 елда республикага читтән 160 млрд. сумнан артык товар кертелгән, шул исәптән Россия регионнарыннан – 200 млрд. сумга.
Рөстәм Миңнеханов билгеләгәнчә, халыкара шартлар һәм Россиягә каршы тыюлар кертү импортны алмаштыручы товарлар җитештерү өчен мөмкинлекләр ача. Ул Татарстанда җитештерелә торган продукцияне тышкы һәм эчке базарга активрак чыгару, яңа брендлар һәм заман таләпләренә туры килә торган продукцияне җитештерүгә игътибарны юнәлдерергә кирәклеген ассызыклады.
2014 елның 11 сентябрендә Татарстан Республикасы Премьер–министры Илдар Халиков җитәкчелегендә Татарстан Республикасы делегациясенең Чиләбегә эш визиты кысаларында Чиләбе өлкәсе һәм Татарстан Республикасы арасында Сәүдә-икътисад, фәнни-техник, социаль һәм мәдәният өлкәләрендә хезмәттәшлек итү турында килешүне гамәлгә ашыру буенча 2014-2017 елларга чаралар протоколы имзаланды. Документка Татарстан Республикасы Премьер-министры Илдар Халиков һәм Чиләбе өлкәсе Хөкүмәте рәисе Сергей Комяков имзаларын куйды. Кул кую чарасында Татарстан Республикасы премьер–министры урынбасары– Татарстан Республикасы авыл хуҗалыгы һәм азык–төлек министры Марат Әхмәтов, Татарстан Республикасы сәнәгать һәм сәүдә министры урынбасары Рашат Фәттахов, Татарстанның Свердловск өлкәсендәге вәкиле Ринат Садриев, Татарстан Республикасы Премьер–министрының тышкы икътисадый эшчәнлек буенча ярдәмчесе Назил Насыйбуллин катнашты.
Исегезгә төшерәбез, 2010 елның 3 октябрендә Татарстан Республикасы Президенты Рөстәм Миңнехановның Чиләбегә рәсми визиты кысаларында Чиләбе өлкәсе һәм Татарстан Республикасы арасында Сәүдә-икътисад, фәнни-техник, социаль һәм мәдәният өлкәләрендә хезмәттәшлек итү турында килешү, шулай ук килешүне гамәлгә ашыру буенча 2011–2013 елларга чаралар протоколы имзаланды.2014 елның 10 сентябрендә ЕЛАЗда традициягә кергән электр, газ белән эретеп ябыштыручылар арасында һөнәри осталык бәйгесе узды. Бәйгедә автотрактор махсуслаштырылган техника сәнәгате, җыю цехлары һәм металлы конструкцияләр цехлары вәкилләре – дүртенче–алтынчы разрядлы электр, газ белән эретеп ябыштыручылары катнашты.
Бәйгенең теоретик өлешендә катнашучылар төрле сорауларга җавап бирделәр, ә практик өлешендә бирелгән вакыт эчендә эретеп ябыштыру эшләре башкарырга тиеш иделәр.