ENES энергия нәтиҗәлелеген үстерү һәм энергияне саклау өлкәсендәге Бөтенроссия проектлар бәйгесенең нәтиҗәләре мәгълүм булды
3 октябрь 2014 ел., җомга
Региональ этап кысаларында 11 номинация буенча 29 заявка бирелде. Бәйгедә катнашучылар арасында сәламәтлек саклау һәм белем бирү учрежденияләре, эре сәнәгать предприятиеләре, траспорт комплексы предприятиеләре, торак –коммуналь хуҗалыгы предприятиеләре бар.
Татарстан Республикасы Сәнәгать һәм сәүдә министрлыгы сайтында үткәрелгән интернет –тавыш бирү нәтиҗәләрен исәпкә алып, һәр номинация буенча Бәйге комиссиясе тарафыннан 1 –3 урыннар буенча өч иң яхшы проект сайлап алынды.
Региональ этапта җиңүчеләрнең эшләре Бәйгенең федераль этабында катнашу өчен Россиянең Энергия министрлыгына җибәрелде.
Бәйгенең региональ этабы нәтиҗәләре белән Татарстан Республикасы Сәнәгать һәм сәүдә министрлыгының рәсми сайтында “Энергия нәтиҗәлелеге һәм энергияне саклау” бүлекчәсендә танышырга була http://mpt.tatarstan.ru/rus/info.php?id=617859.
Җиңүчеләр 2014 елның 20-22 ноябрендә Мәскәүдә федераль министрлыклар вәкилләре катнашындагы ENES 2014 “Энергия нәтиҗәлелеге һәм энергияне саклау” III халыкара форумын үткәрү дәверендә бүләкләнәчәкләр.
ENES-2014 форумының күргәзмәләр өлеше кысаларында Татарстан Республикасы икътисадның төрле тармакларындагы: сәнәгать, энергетика, төзелеш һәм торак–коммуналь хуҗалык, мәгълүмат технологияләр һәм башка өлкәләрдә энергияне саклау һәм энергия нәтиҗәлелеген үстерү буенча дәүләт сәясәтен гамәлгә ашыру нәтиҗәләрен күрсәтүче бердәм күргәзмә экспозициясе буларак тәкъдим ителәчәк.
Республика күргәзмәсе составында Татарстан Республикасы Сәнәгать һәм сәүдә министрлыгы, Татарстан Республикасы Төзелеш, архитектура һәм торак–коммуналь хуҗалык министрлыгы, «Татмедиа» Татарстан Республикасы матбугат һәм массакүләм мәгълүмат чаралара агентлыгы, Татарстан Республикасы Энергияне саклау технологияләре үзәге, Казан дәүләт энергетика университеты, эре сәнәгать предприятиеләре, шул исәптән, «Казаньоргсинтез» ААҖ, «Нижнекамскнефтехим» ААҖ, «КАМАЗ» ААҖ һәм башкалар.
Татарстан Республикасы Сәнәгать һәм сәүдә министрылыгы әлеге ENES форумы программасы чараларында катнашырга һәм Татарстан Республикасы күргәзмә экспозициясен карарга чакыра.
ENES форумында катнашу өчен тәкъдимнәрне: Evgeniya.Katkova@tatar.ru электрон адресына җибәрергә мөмкин. Белешмәләр өчен телефон: (843) 210-05-33).
Бүлешү:
СОҢГЫ ЯҢАЛЫКЛАР
30
июль 2020 ел.
2020 елның 30 июлендә Татарстан Республикасы белән Венгрия арасында хезмәттәшлек буенча эшче төркемнең беренче утырышы узды. Татарстан Республикасы ягыннан эшче төркемне Татарстан Республикасы сәнәгать һәм сәүдә министры урынбасары, Татарстан Республикасы ягыннан рәистәш Герман Лернер, ә Венгрия ягыннан – Венгриянең Казандагы Генераль консулы, Венгрия ягыннан рәистәш Адам Штифтер җитәкли.
Конференция барышында үзара файдалы хезмәттәшлекне алга таба үстерү мәсьәләләре, аерым алганда, сәүдә-икътисадый хезмәттәшлек өлкәсендәге мәсьәләләр каралды һәм ике илнең дә сәүдә-сәнәгать палаталары арасындагы хезмәттәшлекнең мөһим булуы ассызыкланды.
– Венгрия Татарстан өчен өстенлекле партнер булып тора. Татарстан Республикасы мәгълүмат-коммуникация технологияләре өлкәсендә ике якның да үзара хезмәттәшлеген ныгыту белән кызыксына, шул исәптән программа продуктларын эшләү, мәгълүмат-коммуникация чишелешләре һәм хезмәтләр күрсәтү өлкәсендә дә, – дип ассызыклады Татарстан Республикасы сәнәгать һәм сәүдә министры урынбасары Герман Лернер.
Венгриягә «Татнефть» ГАҖ ресурсларыннан, Венгриянең иң эре нефть-газ компаниясе – МOL GROUP өчен нефть һәм газ продуктлары китерелә, әлеге нефть компаниясе белән «Татнефть» ГАҖ озак чорлы партнерлык мөнәсәбәтләре бәйли. «Татнефть» ГАҖ компаниясе Россия Федерациясе территориясендә һәм аннан читтә геологик разведка проектларында уртак катнашу мөмкинлекләрен өйрәнү, нефть чыгару, әйләнә-тирә мохитне саклау технологияләрен куллану өлкәсендә хезмәттәшлек итәргә тели.
2020 елның гыйнварында әлеге компанияләр хезмәттәшлек турында беркетмә имзалаган.
Шулай ук Венгриягә «Казаноргсинтез» ГАҖ, «ТАТСПИРТПРОМ» АҖ, «Ай-Пласт» ҖЧҖ предприятиеләре дә үз продукциясен китерә.
Татарстан белән Венгрия арасында сәүдә-икътисад, инвестиция һәм фәнни-техник хезмәттәшлекнең перспектив юнәлешләре арасында Герман Лернер сәнәгать, сәламәтлек саклау, мәгариф, туризм, авыл хуҗалыгы, шулай ук мәгълүмат технологияләре өлкәсендә кооперация элемтәләренең алга таба үсешен билгеләп үтте.
29
июль 2020 ел.
Татарстан Республикасына эш визиты кысаларында Казакъстан Республикасы Премьер-министры урынбасары Роман Скляр җитәкчелегендәге Казакъстан Республикасы делегациясе «КАМАЗ» ГАҖ предприятиесендә булды. Визитның төп максаты – «КАМАЗ» ГАҖ һәм Казакъстан Республикасы арасында стратегик хезмәттәшлекне үстерү мәсьәләләре.
Делегацияне Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов озата йөрде. Мөхтәрәм кунаклар двигательләр заводын һәм «КАМАЗ» ГАҖ Фәнни-техник үзәген карады, анда аларга «КАМАЗ»ның яңа модель рәтен күрсәттеләр.
Ford Sollers белән Татарстан Республикасы Сәламәтлек саклау министрлыгы озак еллар дәвамында хезмәттәшлек итә, шушы вакыт эчендә Ford Transit базасында ясалган ашыгыч медицина ярдәме автомобильләре үзләрен яхшы яктан күрсәткән. Министрлыктан беренче заказ 2012 елда алынган булган, ә соңгы 3 елда Ford Sollers төбәк ихтыяҗлары өчен 300гә якын ашыгыч медицина ярдәме автомобиле җитештергән. Ни өчен Ford Transit дигәндә, ул автомобильләрнең югары дәрәҗәдә ышанычлы булуы белән аерылып тора, алар Россия шартларында эксплуатацияләүгә тулысынча җайлаштырылган, заказчы таләпләренә һәм ихтыяҗларына туры китереп җиһазлау мөмкинлегенә ия, шулай ук түбән бәяле сервис һәм югары дәрәҗәдә хезмәт күрсәтү үсеш алган дилер челтәре бар.
Автомобильләр озын базалы, 2,2 л (125 ат көче) күләмендәге дизель двигателе һәм 6 баскычлы механик көйләү тартмасы булган, алгы көпчәкләре йөртә торган Ford Transit күчмә металл фургоны базасында җитештерелгән.
«В» класслы ашыгыч медицина ярдәме автомобильләре РФ Сәламәтлек саклау министрлыгы таләпләренә туры китереп заманча җиһазлар белән җиһазландырылган. Автомобиль комплектациясенә үпкәләрне ясалма вентиляцияләү аппараты, дефибриллятор, микропроцессор идарәсе һәм дистанцион мәгълүмат тапшыру мөмкинлеге булган ЭКГ автоматик эшкәртү мөмкинлегенә ия электрокардиограф, пациентларны транспортлау өчен арба-каталка һәм башка кирәкле җиһазлар керә. Автомобильләрне югары технологияле җиһазлау ГЛОНАСС спутник навигациясе системасы һәм планшет компьютерлар белән тулыландырыла. Автомобильләрдә реанимация һәм интенсив терапия үткәрү өчен барлык шартлар да тудырылган.
28
июль 2020 ел.
Татарстанда «ВПТ» компаниясе технологияләрен кулланып, тузуга чыдам катлам ясау үзәген оештыру планлаштырыла. «ВПТ» компаниясе президенты Вячеслав Монастырский белән узган киңәшмәнең көн тәртибендәге төп мәсьәлә әлеге проектны гамәлгә ашыру буенча фикер алышудан гыйбарәт булды, чараны Татарстан Республикасы Вице-премьеры – Татарстан Республикасы сәнәгать һәм сәүдә министры Альберт Кәримов үткәрде.
Проектның максаты – җитештерүнең конкрет шартларына яраклаштырылган, хәрби һәм граждани билгеләнештәге махсус материалларны эшкәрткәндә кулланыла торган кисә һәм штамплый торган каты өслекле коралны ныгыту өчен технологик комплексларның һәм технологияләрнең сәнәгый үрнәкләрен эшләү. Технологиянең асылы – әлеге катламны алга таба модификацияләп, PVD алымы белән күп катлы итеп яки градиент катламы ясау.
Эшләнелә торган технологиянең кайбер өстенлекләре бар, әйтик: каты өслекле коралларның ныклыгын арттыру, катлам бәясен киметү һәм төзелә торган технологик комплексның югары җитештерүчәнлеге (елына бер миллион берәмлек каты өслекле кисү пластиналары һәм елына 150 мең берәмлеккә кадәр – каты өслекле күчәр коралы).
Бүгенге көндә Россиядә бу технологиянең аналоглары юк.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз