ЯҢАЛЫКЛАР

“ПОЗиС” ААҖ (POZIS “Ростех” Дәүләт Корпорациясенең “Техмаш” ДК МҖК  керә) 2014елның 9 ае эчендә,  2013 елның шул ук периоды белән чагыштырганда, җитештерү күләме 6,5% артты. 

           Суыткыч техникасын җитештерү күләме агымдагы елның өч кварталы эчендә,  2013 елның  гыйнвар- сентябрь периоды белән чагыштырганда, 2% артты. Суыткыч техникасының экспортка җибәрү үсеше 2014 елның 9 ае нәтиҗәләре буенча - 34,6%, медицина суыткыч техникасы - 34% якын тәшкил итте.

2014 елның октябре башында Алабугадагы  Ford Sollers заводы конвейрыннан 75-меңенче Ford автомобиле төште.

Алабугадагы Ford Sollers заводында Ford автомобилен җыю 2012 елның гыйнварында башланды. Хәзерге вакытта предприятие Ford Transit, Ford Transit Custom һәм  Ford Tourneo Custom, Ford Explorer, Ford Edge, Ford Kuga, Ford S-MAX, Ford Galaxy автомобилләрен җитештерә. 

2014  елның 1 октябрендә Татарстан Республикасы сәнәгать һәм сәүдә министры урынбасары Рашат Фәттахов Татарстан Республикасы Президенты Рөстәм Миңнехановның Yokogawa Electric Corporation президенты- генераль директоры Токаши Нишиджима белән булган очрашуда катнашты.

Очрашу барышында Рөстәм Миңнеханов Татарстан җитәкчелегенең “Yokogawa Electric” компаниясе белән сәнәгать проектларында хезмәттәшлек итү белән канәгатьлеген һәм киләчәктә үзара хезмәттәшлеген киңәйтүдә теләкләрен белдерде.

2014 елның сентябре ахырында Хәрби–һава көчләренең Хәрби укыту–фәнни үзәгенең Сызрань филиалының “Профессор Н.Е.Жуковский һәм Ю.А. Гагарин исем. хәрби –һава академиясе”нең беренче курсантлар төркеме «Вертолеты России» холдингының Казан вертолет заводында җитештерелгән «Ансат-У» яңа вертолетта пилот һөнәрен үзләштерделәр.
«Ансат-У» вертолетын йөртергә 29 курсант өйрәнде. Уку планы нигезендә, икенче елга алар Ми-8/17 һәм Ми-24 серияле вертолетларында өйрәнәчәкләр.

2014 елның 2 һәм 3 октябрендә реформалар һәм провинцияне үстерү буенча Комитет җитәкчесе урынбасары Чжао Хуэй җитәкчелегендә Кытай Халык Республикасы Сычуань провинциясе икътисадый делегациясенең Татарстан Республикасына визиты уза.
Татарстан Республикасына визиты кысаларында делегациянең “Казан” агросәнәгать паркында һәм “Татспиртпром” ААҖ филиалы булан “Казан ликер - аракы заводы”нда булу планлаштырылган.

2 октябрьдә Татарстан Республикасы Сәнәгать һәм сәүдә министрлыгында ENES энергия нәтиҗәлелеген үстерү һәм энергияне саклау өлкәсендәге Бөтенроссия проектлар бәйгесен уздыру буенча бәйге комиссиясенең утырышы узды (алга таба– Бәйге).
Региональ этап кысаларында 11 номинация буенча 29 заявка бирелде. Бәйгедә катнашучылар арасында сәламәтлек саклау һәм белем бирү учрежденияләре, эре сәнәгать предприятиеләре, траспорт комплексы предприятиеләре, торак –коммуналь хуҗалыгы предприятиеләре бар.

Игътибар, бәйге!

Татарстан Республикасы сәүдә предприятиеләренең эшчеләре арасында ике дәүләт телен куллану буенча” бәйге

 

Татарстан Республикасы Министрлар Кабинетының “Татарстан Республикасында дәүләт телләрен һәм Татарстан Республикасының башка телләрен саклап калу, өйрәнү һәм үстерү” 2013 елның 25 октябрендәге 794 номерлы дәүләт программасын гамәлгә ашыру чаралары кысаларында республикада Татарстан Республикасы сәүдә предприятиеләренең эшчеләре арасында ике дәүләт телен куллану буенча” бәйге старт ала.