ЯҢАЛЫКЛАР
2019 елда һөнәр осталыгы буенча WorldSkills Competition дөнья чемпионаты Казанда узачак. Бу хакта 2015 елның 10 августында WorldSkills Генераль Ассамблеясе утырышы йомгаклары буенча билгеле булды, утырыш Сан-Паулуда (Бразилия) узды.
Россия Федерациясеннән 2019 елда һөнәр осталыгы буенча WorldSkills Competition дөнья чемпионатын уздыруда шәһәр-кандидат буларак Казанны тәкъдир итүдә Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты. Презентациядә шулай ук Россия Федерациясе Хөкүмәте Рәисе урынбасары Ольга Голодец, WorldSkills Russia җитәкчесе Павел Черных, «Росатом» дәүләт корпорациясе гендиректоры Сергей Кириенко, Казан мэры Илсур Метшин, башка рәсми затлар катнашты.
Бразилиядә казанлыларга көч биреп торырга Россиядән делегация барган иде. Аның составында Россия Федерациясе һәм Татарстан Республикасы министрлыклары һәм ведомстволары вәкилләре, предприятиеләр һәм мәгариф учреждениеләре җитәкчеләре бар иде.
Казаннан тыш, WSC-2019 уздыру хокукын алу өчен, Париж (Франция) һәм Шарлеруа (Бельгия) шәһәрләре көрәште.
2015 елның 10 августында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Премьер-министры Илдар Халиковның Австралиянең Россия Федерациясендәге Гадәттән тыш һәм Тулы вәкаләтле илчесе Пол Майлер белән булган очрашуында катнашты. Яклар эшчәнлекнең төрле юнәлешләре буенча үзара мөнәсәбәтләрне ныгыту һәм үстерү мәсьәләләре хакында сөйләштеләр.
Безнең спорт һәм мәдәният өлкәсендәге хезмәттәшлек икътисадка да күчәргә тиеш, диде Илдар Халиков, кунакларны сәламләп, Австралия һәм Татарстан Республикасы арасындагы мөнәсәбәтләрне җайлау һәм ныгытуга ярдәм итәчәк уртаклыкны табарга мөһим.
Казанда Су спорт төрләре буенча XVI FINA дөнья чемпионатының ябылу тантанасы 2015 елның 9 августында «Татнефть Арена» боз сараенда узды. Тантанада Россия Федерациясе Хөкүмәте Рәисе Дмитрий Медведев: “Казан тагын бер кат халыкара дәрәҗәдәге теләсә нинди спорт чарасын кабул итәргә сәләтле”-, дип белдерде.
Дмитрий Медведев спортчыларга гадел ярышулары, яңа рекордлар куйганнары өчен, тренерларга призерларны һәм чемпионнар әзерләгәннәре өчен рәхмәт әйтте. Ул шулай ук тамашачыларга, волонтерларга һәм чемпионатны оештыручыларга рәхмәт сүзләрен җиткерде.
"Казанга спорт яратуы өчен рәхмәт, ул тагын бер кат теләсә нинди ярышларны кабул итәргә сәләтле икәнен исбатлады", - дип ассызыклады Россия Премьер-министры.
2015 елның 7 августында Россия Федерациясе Президентының Идел буе федераль округында тулы вәкаләтле вәкиле Михаил Бабич Кытай Халык Республикасына эш визиты кысаларында Хубэй провинциясе эшмәкәрләр даирәләре белән очрашу уздырды. Очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов та катнашты.
Чара «Дунху» яңа технологияләрне үзләштерү Зонасында Үзәк Кытайның Фәнни-техник университетының фәнни-техник паркында узды. Монда Михаил Бабич «Хуагун» ҖЧҖ лазер технологияләрен үзләштерү өлкәсендә предприятиеләрнең эшчәнлеге белән танышканнан соң, Кытай эшмәкәрләре белән очрашу үткәрде.
2015 елның 6 августында Татарстан Республикасы Президенты вазыйфаларын вакытлыча башкаручы Рөстәм Миңнеханов рәислегендә сыекландырылган табигый газ нигезендә газ-мотор ягулыгы инфраструктурасы мәсьәләләре буенча киңәшмә узды.
Киңәшмәдә «Газпром газомоторное топливо» ААҖ идарәсе рәисе – генераль директоры Михаил Лихачев, Татарстан Республикасы Премьер-министры Илдар Халиков, Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гафаров, Татарстан министрлыклары һәм ведомстволары вәкилләре, район башлыклары һәм башкалар катнашты.
2015 елның 6 августында Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов Россия Федерациясе Президентының Идел буе федераль округындагы Тулы вәкаләтле вәкиле М.В.Бабич җитәкчелегендәге Идел буе федераль округы делегациясе составында Кытайга эш визиты кысаларында Ухань шәһәрендә (Кытай Халык Республикасы, Хубэй провинциясе) мәдәни алмашулар Россия – Кытай Йортын ачу тантанасында катнашты.
Культ объектын торгызу эшләрен Кытай ягы Россия белгечләрен җәлеп итеп алып барды. Кытай ягы әлеге торгызу эшләренә 47 млн. юань (265 млн. сум) сарыф итте. Гыйбадәтханә нигезендә Россия-Кытай мәдәни алмашулар Йорты эшлиячәк.
2015 елның 25 июлендәге 542 номерлы Татарстан Республикасы Министрлар Кабинеты карары нигезендә, 2015 елның 28 июлендәге 1643-р номерлы Татарстан Республикасы Министрлар Кабинеты боерыгы нигезендә "Казылык" номинациясендә (ит эшкәртү продукциясе) “Татарстан Республикасының милли сәүдә маркасы” I республика фестиваль - бәйгесе уздырыла.
Фестивальнең максаты - югары сыйфатлылык, конкуренциягә сәләтлелек таләпләренә туры килә торган һәм экологик чиста иң яхшы ит продукциясен популярлаштыру. Фестиваль авыл хуҗалыгы товар җитештерүчеләренә ярдәм итү, кулланучыларның хокукларын, мәнфәгатьләрен һәм өстенлекләрен тәэмин итү, импортны алыштыру һәм товар базарларында республика абруен үстерүгә ярдәм итү бурычларын хәл итүгә юнәлдерелә.
2015 елның 5 августында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты вазыйфаларын вакытлыча башкаручы Рөстәм Миңнехановның Jinggong International Group Co. LTD (Цзингун Интернешнл, Кытай) компаниясе җитәкчелеге белән булган очрашуда катнашты.
Рөстәм Миңнеханов ассызыклаганча, Татарстанда күп кенә Кытай компанияләренең эшләгәне турында хәбәр итте. Әйтик, “Аммоний” проектында,”КАМАЗ” ААҖдә Кытай компанияләре эшли, “Хайер” Кытай компаниясе “Мастер” Кама индустриаль паркында көнкүреш техникасы җитештерүен ачарга планлаштыра. Кытай компанияләре шулай ук “Мәскәү – Казан” югары тизлекле тимер юл төзелеше проектын гамәлгә ашыруда катнаша.
«КАМАЗ»ның (ПСК) җитештерү системасы белән танышу максаты белән предприятиегә ике көнлек визит белән Тутаев мотор заводы делегациясе килде. «Тутаев мотор заводы» җитәкчеләре һәм башлыклары өчен “Сакчыл җитештерү” технологияләренә багышланган таныштыру семинары уздырылды.
Кунаклар «КАМАЗ»ның Генераль дирекциясендә һәм ресурсларны саклау Департаментында булдылар. Аларга Автомобиль заводының төрле участокларында лин-технологияләрнең ничек кулланылуы, шулай ук укыту-җитештерү классын һәм баш җыю конвейрын күрсәттеләр. 5 августта Тутаев мотор заводы вәкилләре өчен Процесслар фабрикасында тренинг уздырдылар.
"Татнефть-АЗС Центр" ҖЧҖда әйдәп баручы һөнәрләр - АСС мастерлары (башлыклары), АЯС операторлары, слесарь-электриклар, ягулык-салу операторлары арасында традицион һөнәрчелек осталыгы буенча XV бәйге узды. Быел һөнәрчелек буенча иң яхшылар исеме өчен оешманың 8 филиаллыннан 40 хезмәткәр катнашты. Бәйгедә Әлмәт, Баулы, Чаллы, Казан, Ульяновск, Самара, Чуашия, Марий-Эл филиалы һәм Удмурт участогы вәкилләре катнашты.
Бәйге ике этаптан - теортик һәм практик этаплардан торды.
Бәйгенең беренче этабында катнашучылар эшчәнлек юнәлешләре, хезмәтне саклау һәм куркынычсызлык техникасы кагыйдәләрен белү буенча сорауларга җавап бирделәр. Икечне этапта катнашучылар үзләренең һөнәри белемнәрен гамәлдә күрсәттеләр.