Татарстан Республикасы Министрлыклары Татарстан Республикасы Сәнәгать һәм сәүдә министрлыгы

ЯҢАЛЫКЛАР

июнь, 2012 ел

сишәмбе

6 һәм 7 июнь көннәрендә V Россия-Япония инвестиция форумы узачак. Анда Татарстан Республикасы Президенты Рөстәм Нургали улы Миңнеханов, Япониянең икътисад һәм сәнәгать министры Эдано Юкио әфәнде, Россия Федерациясенең икътисадый үсеш министры урынбасары Олег Генрихович Савельев, Россия регионнарының дәүләт хакимияте органнары һәм Япония префектуралары вәкилләре, эре корпорацияләр, Россия һәм Япония компанияләре җитәкчеләре катнашачак.

май, 2012 ел

пәнҗешәмбе

Татарстан Республикасының сәнәгать һәм инвестиция потенциалын презентацияләү. Татарстан-Төркия хезмәттәшлегенең перспектив юнәлешләре

Татарстан-Төркия сәүдә-инвестиция форумында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Татарстан Республикасының сәнәгать һәм инвестиция потенциалын презентацияләүне үткәрде, Татарстан-Төркия хезмәттәшлегенең өметле юнәлешләрен билгеләп үтте.
Премьер-министры урынбасары – Татарстан Республикасының сәнәгать һәм сәүдә министры Р. Зариповның Татарстан-Төркия сәүдә-инвестиция форумында ясаган чыгышы тезислары
Хөрмәтле Рөстәм Нургали улы! Хөрмәтле Зафер Чаглаян! Хөрмәтле форум кунаклары!
Сезгә Татарстан Республикасының сәнәгать һәм инвестиция потенциалы презентациясен һәм Татарстан-Төркия хезмәттәшлегенең өметле юнәлешләрен тәкъдим итәргә рөхсәт итегез.
Татарстан Республикасы һәм Төркия Республикасы арасындагы сәүдә-икътисадый хезмәттәшлек кысаларында Татарстан Республикасы һәм Төркия Республикасы арасында тышкы сәүдә әйләнеше 2011 елда 794 млн. АКШ доллары (экспорт – 563,3 млн. долл., импорт – 230,8 млн. долл.) тәшкил итте.
Әлеге Эшлекле Форум ике республика арасында ике як өчен дә файдалы үзара хезмәттәшлекне ныгытыр өчен җитди нигез булыр һәм тышкы сәүдә әйләнеше күләмен тагын арттырыр дип уйлыйм.

май, 2012 ел

чәршәмбе

Татарстан-Төркия сәүдә-инвестиция форумы – сәүдә багланышларын үстерү өчен җитди нигез

2012 елның 31 маенда Стамбул шәһәрендәТатарстан-Төркия сәүдә-инвестиция форумы булачак, анда Татарстан Республикасы Президенты Р. Миңнеханов, Россия Федерациясенең Төркиядәге Гадәттән тыш һәм Тулы вәкаләтле илчесе В. Ивановский, Төркиянең икътисад министры Зафер Чаглаян катнаша. Форум эшендә шулай ук Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан Республикасы Президенты ярдәмчесе И.Мөфлиханов, “Махсус икътисадый зоналар” ААҖ генераль директоры О. Костин, Төркиянең “Тускон” Сәнәгатьчеләр һәм эшкуарлар конфедерациясе рәисе Р. Мерал, Татарстанның машина төзелеше һәм нефть химиясе комплекслары предприятиеләре җитәкчеләре, Төркиянең автокомпонентлар эшләп чыгару кластеры, агач эшкәртү, җиһаз һәм җиңел сәнәгать компанияләре вәкилләре катнашачак.
Эшлекле форум кысаларында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов республиканың сәнәгать һәм инвестиция потенциалы презентациясе үткәрәчәк.

Лин-технологияләрне кертү мәсьәләсе сәнәгать буенча Координация советы утырышында тикшерелде

2012 елның 30 маенда Чиләбе шәһәрендә сәнәгать буенча Координация советының 2 нче утырышы булды, анда Россия Федерациясе сәнәгать һәм сәүдә министры Денис Матуров катнашты. Сыйфат белән идарә итү һәм җитештерү системаларын оптимальләштерү мәсьәләләренә багышланган утырышта Татарстан Республикасы сәнәгать һәм сәүдә министры урынбасары Г.Әхмәдиева бу өлкәдә Татарстан Республикасы тәҗрибәсе турында чыгыш ясады.
Утырышта Россиянең сәнәгать төбәкләрендәге дәүләт хакимияте органнары вәкилләре һәм Россиянең эре компанияләре җитәкчеләре Лин-технологияләрне кертү һәм җитештерү системаларын үстерү хакында фикер алышты.

май, 2012 ел

дүшәмбе

Татарстанның Россия-Германия тышкы сәүдә палатасы белән хезмәттәшлеге

2012 елның 28 маенда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Россия –Германия тышкы сәүдә палатасының идарә рәисе Михаэль Хармс җитәкчелегендәге делегация белән очрашты. Очрашу барышында Татарстан Республикасы һәм Германия арасында хезмәттәшлек итүнең перспектив юнәлешләре турында фикер алышу булды.
Татарстан Республикасы Сәнәгать һәм сәүдә министрлыгында булган әлеге чарада Татарстан Республикасы сәнәгать һәм сәүдә министрының беренче урынбасары Р.Кәбиров, Татарстан Республикасы транспорт һәм юл хуҗалыгы министрының беренче урынбасары И.Хәйруллин, Татарстан Республикасы Сәнәгать һәм сәүдә министрлыгы, Татарстан Республикасы Экология һәм табигый байлыклар министрлыгы структур бүлекчәләре җитәкчеләре, А.Н. Туполев исемендәге Казан милли тикшеренү техник университет, “Химград” технополисы, “Электроприбор” ААҖ, “Казан ярминкәсе” ААҖ вәкилләре, «SAS», «ADZ Nagano», «All Impex» , «AJZ Engineering GMBH», «KWS Rus» компанияләре вәкилләре катнашты.

май, 2012 ел

җомга

Казан электротехника заводына – 70 ел

“Казан электротехника заводы” ААҖнең оешуына 70 ел уңаеннан, 2012 елның 24 маенда Г. Камал исемендәге Татар дәүләт акдемия театрында тантаналы чара оештырылды. Анда Татарстан Республикасы Премьер-министры И.Халиков, Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Р.Зарипов, завод җитәкчеләре, хезмәткәрләре һәм ветераннары катнашты.

Татарстан Республикасында Химиклар көне

2012 елның 24 маенда “Баскет-холлда” Химиклар көненә багышланган тантаналы чара булды. Бәйрәмдә Татарстан Республикасы Президенты Р.Миңнеханов, ТР Дәүләт киңәшчесе М.Шәймиев, Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Р.Зарипов, республиканың нефть химиясе тармагы предприятиеләре җитәкчеләре, ВУЗ укытучылары һәм студентлары, мәктәп укучылары һәм укытучылар катнашты.
Президент Р. Миңнеханов: “әлеге залга республикабызда химия һәм нефть химиясе тармагын булдырган кешеләр, шулай ук безнең киләчәгебез – мәктәп укукчылары һәм укытучылар җыелган. Химия ул – үсеш ноктасы. Республикада потенциал һәрвакыт булды, бар һәм булачак. Безнең теләсә нинди катлаулы проектларны гамәлгә ашырырлык көчебез бар. Илнең химия тармагындагы иң заманча предприятиеләр Татарстанда урнашкан,”– дип билгеләп үтте.

май, 2012 ел

пәнҗешәмбе

«В. Б. Шнепп ис. турбокомпрессор фәнни-тикшеренү институты » ЯАҖ 55 еллыгы уңаеннан предприятие коллективын котлау

2012 елның 24 маенда «В. Б. Шнепп ис. турбокомпрессор фәнни-тикшеренү институты» ЯАҖ 55 еллыгына багышланган тантаналы чара уздырылды, анда Татарстан Республикасы Премьер-министры И.Халиков, Татарстан Республикасының сәнәгать һәм сәүдә министры урынбасары И.Мингалиев, фәнни-тикшеренү институты хезмәткәрләре, “Казанкомпрессормаш” ААҖ вәкилләре катнашты. Татарстан Республикасы Хөкүмәте башлыгы предприятиенең җитештерү цехларын карады, инновацияле техник эшләнмәләрне сынау үткәрелә торган стендлар белән танышты. Предприятиенең алдынгы хезмәткәрләренә Татарстан Республикасы Премьер-министры дәүләт бүләкләре һәм мактау кәгазьләре тапшырды.
Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Равил Зарипов предприятиенең хезмәт коллективын ябык акционер җәмгыятьнең 55 еллыгы белән котлады:

Сәнәгать электроникасы заводы төзелә башлады

2012 елның 24 маенда Татарстан Республикасы Президенты Рөстәм Миңнеханов «ICL-КПО ВС» предприятиесенең яңа заводына нигез салуда катнашты. Лаеш районында булган әлеге вакыйгада Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Равил Зарипов та катнашты.
Завод өч этапта төзеләчәк. Төзелешнең беренче этабына 600 млн. сум бүлеп бирелгән. Беренча этап 2013 елның беренче кварталында тәмамланачак. Тулысынча исә завод 2017 елда төзелеп бетеп эшли башлаячак.

май, 2012 ел

дүшәмбе

Татарстан Республикасы территориясендә яшәүче төрле милләт ашлары көннәре

2012 елның 18 маенда Зеленодольск шәһәрендә кулинария әйберләре күргәзмәсе оештырылды. Бу чара Татарстан Республикасындагы төрле милләт ашлары көннәре кысаларында уздырылды. Күргәзмәдә 12 җәмәгать туклануы предприятиесе катнашты, алар рус, татар, еврей, үзбәк, украин, итальян, кытай, япон, әрмән милли ашларын тәкъдим итте.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ