ЯҢАЛЫКЛАР
2016 елның 20 февралендә КИФ-2016 программасы кысаларында Татарстан Республикасы Премьер-министр урынбасары - Татарстан Республикасы сәнәгать һәм сәүдә министры Алберт Кәримов түгәрәк өстәл барышында "Сәнәгатьне үстерү фонды - эшчәнлекнең беренче нәтиҗәләре нинди?" дигән тема белән чыгыш ясады.
Түгәрәк өстәлдә катнашучылар сәнәгатьне үстерү фондының Федерация субъектларының башкарма хакимият органнары белән үзара хезмәттәшлек итү сорауларын, җитештерүчеләргә ярдәм итүнең яңа юнәлешләре һәм сәнәгатьне үстерү региональ фондларын булдыру перспективалары хакында фикер алыштылар.
Түгәрәк өстәлдә катнашучыларга мөрәҗәгать итеп ТР сәнәгать һәм сәүдә министырлыгы җитәкчесе Алберт Кәримов сәнәгать предприятияләре өчен узган ел иң мөһим вакыйгаларның берсе булып, Сәнәгатьне үстерү фондының эшли башлавы булды, дип билгеләп үтте. Фонд 4 программа буенча эшли, 50 млн сумнан алып 700 млн сумга кадәр займны 5% белән финанслый (импортны алыштыру проекты, банкка кадәрге финанслау проекты, инвестиция алды финанслау проекты, консорциум проекты).
2016 елның 20 февралендә КИФ-2016 программасы кысаларында Татарстан Республикасы Премьер-министр урынбасары - Татарстан Республикасы сәнәгать һәм сәүдә министры Алберт Кәримов түгәрәк өстәл барышында "Яңа сәнәгать сәясәте контекстында махсус инвестиция контракты" дигән темага доклад белән чыгыш ясады.
Түгәрәк өстәл эшендә Россияннең сәнәгать һәм сәүдә министрының беренче урынбасары Глеб Никитин, Сәнәгатьне үстерү фонды директоры Алексей Комиссаров, Россия регионнары җитәкчеләре (Краснояр, Пермь, Забайкаль крае, Омск, Тула, Ульян өлкәләре), илнең эре сәнәгать предприятияләре җитәкчеләре катнаштылар.
Татарстан Республикасы сәнәгать һәм сәүдә министрлыгы җитәкчесе Алберт Кәримов, бугенге көндә Татарстан Республикасында сәнәгать сәясәте турындагы Канунның проекты эшләнде, диде. Татарстан исеменнән махсус инвестиция контрактын төзү тәртипләре канун проекты тарафыннан раслана.
2016 елның 19 февралендә Татарстан Республикасы сәнәгать һәм сәүдә министрлыгында Чиләбе өлкәсе делегациясе белән очрашу булып узды. Очрашуда Чиләбе өлкәсенең икътисади үсеш министры Сергей Смольников, Татарстан Республикасы сәнәгать һәм сәүдә министры урынбасары Рашат Фәттахов, Татарстан Республикасы сәнәгать һәм сәүдә министрлыгының структура бүлекчәләре җитәкчеләре, Чиләбе өлкәсенең башкарма хакимияте органнары вәкилләре катнашты.
Очрашу барышында сәнәгать предприятиеләренә дәүләт ярдәме мәсьәләләре буенча эш тәҗрибәсен уртаклаштылар, тышкы икътисадый, төбәкара һәм күргәзмә - ярминкә эшчәнлегенең үсеше, дәүләт сатып алуларын оештыру һәм уздыру хакында тәҗрибәләрен алыштылар.
2016 елның 19 һәм 20 февралендә ТР Премьер-министр урынбасары- ТР сәнәгать һәм сәүдә министры Алберт Кәримов Красноярск икътисадый форумы эшендә катнаша.
Красноярск икътисадый форумы - Россияда бизнес лидерлары, дәүләт идарәсе, сәясәт, иҗтимагый оешмалар вәкилләре өчен сөйләшүләр алып бару өчен иң яхшы мәйданчыкларның берсе. Форумны оештыручылар: Россия Федерациясе Хөкүмәте һәм Красноярск төбәге Хөкүмәте.
2016 елның Форум темасы – “Россия: 2030 Стратегиясе”. Форумның төп бурычы 2030 елга кадәрге чорда Россия Федерациясенең социаль-икътисадый үсеше Стратегиясенең эш механизмын булдыру буенча тәкъдимнәр әзерләү булып тора.
2016 елның 18 февралендә “А. М. Горький исемендәге Яшел Үзән заводы” ААҖдә “Төньяк проект-конструкторлык бюросы" ААҖ (Санкт-Петербург шәһәре) тарафыннан проектлаштырылган 22160 проектлы өченче патруль корабын салу тантанасы булып узды.
Чарада РФ оборона министрлыгы җитәкчелеге вәкилләре, Татарстан Республикасы сәнәгать һәм сәүдә министрлыгы вәкилләре, “Ак Барс” Холдинг компаниясе ААҖ, “А. М. Горький исемендәге Яшел Үзән заводы” ААҖ, Яшел Үзән муниципаль районы вәкилләре, “Төньяк проект-конструкторлык бюросы" ААҖ, контрагент оешма вәкилләре катнашты.
Россия Флоты өчен кораблар төзүгә һәм тапшыруга зур өлеш керткән завод хезмәткәрләренә РФ оборона министрлыгы һәм Татарстан Республикасы сәнәгать һәм сәүдә министрлыгының бүләкләре тапшырылды.
Мөхтәрәм кунаклар кадрлар әзерләү Уку-укыту үзәгендә булдылар, завод белгечләренең квалификациясен күтәрү программасы белән таныштылар, җитештерү цехларында булдылар, төзелүче заказлар һәм предприятиене техник яктан яңадан коралландыру программасы кысаларында куелган өр-яңа җиһазларны күрделәр.
2016 елның 18 февралендә Татарстан Республикасы Президенты Рөстәм Миңнехановның эш сәфәре программасы кысаларында Татарстан Башлыгы һәм ТР Премьер-министр урынбасары-Татарстан Республикасы сәнәгать һәм сәүдә министры Алберт Кәримов махсус киемнәр тегү буенча "Мамадыш Промкомбинат" предприятиесендә булдылар.
Махсус киемнәр тегү буенча "Мамадыш Промкомбинат" ҖЧҖ предприятиесе 2011 елда булдырылган. Хәзерге көндә анда эшләүчеләрнең саны 106 кеше. 2015 елда компания тарафыннан 74,0млн сумлык 20 717 комплект җитештерелгән.
2016 елның 17 февралендә ТР Премьер-министр урынбасары-Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның InfraONE компаниясе җитәкчелеге вәкилләре белән очрашуында канашты.
Очрашу барышында республиканы кызыксындырган берничә юнәлеш буенча хезмәттәшлек вариантлары каралды.
InfraONE инвестиция компаниясе (беренче инфраструктура компаниясе) 2011 елда төрле инфраструктура тармакларының инвестицион проектларында бер төркем тәҗрибәле белгечләр тарафыннан оештырылган иде.
InfraONE инфраструктурага туры инвестицияләр компаниясе булып тора. Компания проектлар оештыруны һәм алар белән идарә итүне тормышка ашыра, финанс килешү, инвестицион консультация сервисын бирә, аналитик ярдәм һәм проектларны алга җибәрү (энергетика, транспорт, медицина, социаль), проектлар оештыруга акцент белән һәм концессияләр, дәүләт-шәхси партнерлык инструментариясе аша инвестицияләү.
2016 елның 17-19 февраль көннәрендә Татарстан Республикасында эш визиты белән Чиләбе өлкәсенең икътисади үсеш министры Сергей Смольников җитәкчелегендәге Чиләбе өлкәсе делегациясе булачак.
Делегация составына Чиләбе өлкәсенең башкарма хакимияте органнары вәкилләре керде. Визитның максаты - стратегик планлаштыру өлкәсендә, инвестицион һәм инновацион үсеш, шулай ук тышкы икътисадый эшчәнлекне алып бару өлкәсендә Татарстаннның тәҗрибәсен өйрәнү.
Визит кысаларында Татарстан Республикасы сәнәгать һәм сәүдә, Татарстан Республикасы икътисад министрлыкларында очрашулар узачак. Чиләбе өлкәсе делегациясе югары технологияләр өлкәсендәге "IT-парк" Технопаркын, "Алабуга" Махсус Икътисади Зонасын караячаклар.
2016 елның 16 февралендә Түбән Камада Татарстан Республикасы Президенты Рөстәм Миңнеханов, ТР Премьер-министр урынбасары-ТР сәнәгать һәм сәүдә министры Алберт Кәримов, республика ведомство һәм министрлыклар, республика сәнәгать предприятияләре җитәкчеләре шәһәр һәм район советының йомгаклау сессиясе эшендә катнаштылар.
Түбәк Кама районы башлыгы, Түбән Кама шәһәре мэры Айдар Метшин, 2015 ел нәтиҗәләре буенча район тарафыннан планлаштырылган барлык икътисадый күрсәткечләргә ирешелде диярлек, гражданнар алдында бөтен социаль бурычлар үтәлде, дип билгеләде.
2015 ел нәтиҗәләре буенча Түбән Кама районы республиканың 23% сәнәгать продукциясе күләмен җитештерде. Сәнәгый җитештерү индексы 102,3% тәшкил итте. Төп капиталга инвестицияләр җәлеп итү буенча республика муниципаль берәмлекләре арасында район 2 нче урынны алды.
2016 елның 16 февралендә Татарстан Республикасы Президенты Рөстәм Миңнеханов эш сәфәре белән Түбән Кама муниципаль районында булды. Визит барышында ТР Президенты Түбән Кама нефтехимия һәм нефть эшкәртү техникумы эшчәнлеге белән танышты. Аны ТР Премьер-министр урынбасары - ТР сәнәгать һәм сәүдә министры Алберт Кәримов, ТР Премьер-министр урынбасары - ТР мәгариф һәм фән министры Энгель Фәттахов, Түбән Кама муниципаль районы башлыгы һәм Түбән Кама шәһәре мэры Айдар Метшин озата йөрделәр.
Кунакларга гамәлдәге заманча лабораторияләр һәм остаханәләрне күрсәттеләр. Ресурс үзәген җиһазландырырга һәм яңа җиһазлар сатып алу өчен 29 млн. сум. акча бүлеп бирелгән иде. Бу эштә актив булышлыкны "ТАНЕКО" һәм "Түбән Кама нефть химиясе" компанияләре күрсәтте.
Учреждение ресурс үзәге статусын нефтехимия тармагындагы предприятияләр өчен кадрлар әзерләү буенча алды, анда 8 эшче һөнәр һәм 2 белгечлек буенча кадрлар укытыла.