ЯҢАЛЫКЛАР
2016 елның 18-19 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов ТР Президенты Рөстәм Миңнеханов башлыгында ТР делегациясе составында эш визиты белән Дюссельдорфта.
Эш визитының төп максаты - дөньяда химик технологияләр күргәзмәләре арасында беренче урында торган "K-2016" пластиклар һәм каучуклар Халыкара күргәзмәсендә катнашу, ул өч елга бер тапкыр үткәрелә.
Күргәзмәдә каучуклар һәм пластиклар өлкәсендә соңгы тикшеренүләр нәтиҗәсе, аларны җитештерүдә һәм эшкәртүдә яңа технологияләр, җитештерү алымнары һәм үсеш тенденцияләре тәкъдим ителгән.
Германиягә эш сәфәре кысаларында Рөстәм Миңнехановның обер-бургомистр Дюссельдорф Томас Гайзел белән әңгәмәсе планлаштырыла.
Төньяк Рейн – Вестфалия федераль җирләре эшлекле даирә вәкилләре белән очрашу узачак.
2016 елның 18 октябрендә Татарстан республикасы Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Беларусь Республикасы Президенты Александр Лукашенко һәм Беларусь Республикасы Премьер-министры Андрей Кобяков белән очрашуларында катнашты. Очрашу Татарстан Республикасы Президенты Рөстәм Миңнеханов башлыгында Татарстан делегациясенең Минск шәһәренә эш сәфәре кысаларында узды.
Беларусь Республикасы Президенты Александр Лукашенко билгеләгәнчә, Беларусьта Россиянең Татарстан кебек регионы турында күптәннән беләләр һәм аның динамикалы үсешен күзәтәләр. Татарстанның икътисадтагы, сәнәгатьтәге, инвестицияләрне җәлеп итүдәге казанышлары өчен без шат, диде Александр Лукашенко, бүген сезнең төбәк - күбесе өчен үрнәк.
Беларусь Президенты фикеренчә, Беларусь һәм Татарстанның икътисадый хезмәттәшлегенең алга таба үсешенең төп юнәлешләре сәнәгать, төзелеш һәм инновацияләр булырга тиеш.
2016 елның 18 октябрендә РФ энергетика министры урынбасары Кирилл Молодцов һәм Согуд Гарәбстаны Корольлеге энергетика. сәнәгать һәм табигый ресурслар министры урынбасары Наеф Әл-Үтәйби Казанда нефть һәм газ өлкәсендә Россия-Согуд Гарәбстаны Эшче Төркеменең технологик хезмәттәшлеге буенча Төркемчәнең беренче утырышын уздырдылар.
Чарада Россия фәнни-тикшеренү институтлары, И.М. Губкин исемендәге Россия дәүләт нефть һәм газ университеты, ТР сәнәгать һәм сәүдә министрлыгы җитәкчелеге, "Роснефть", "Газпром нефть", "НОВАТЭК", "Татнефть", "Лукойл", "Газпром георесурс" нефть-газ секторы компанияләре катнашты.
Утырышта дөньяның нефть чыгаручы ике зур илнең нефть сәнәгатендә яңа технологияләр куллану, углеводородлар эзләү һәм табу өлкәсендә, юлара газны утилизацияләү мәсьәләләре булды.
Россия фәнни үзәкләре һәм компанияләре нефть-газ өлкәсендә яңа технологияләр куллану, нефть табуда интенсификация технологияләрен кертү һәм нефть бирүне күтәрү, өлгергән чыганакларның нәтиҗәлелеген арттыру, авыр табылучы казылмалар чыганагын эшләүдә инновацион технологияләр файдалануда үзләренең эшләнмәләрен тәкъдим иттеләр. Согуд Гарәбстаны вәкилләре нефть-газ сәнәгате өлкәсендә җиһазлар җитештерүне бергәләп эшләүне оештырырга тәкъдим иттеләр.
"Безнең төп максат - энергетика өлкәсендә технологик хезмәттәшлекне үстерү. Согуд Гарәбстанында һәм Россиядә уртак проектларны тормышка ашыруда Россия һәм Гарәп компанияләре өчен фундамент эшләү алда тора.
Эшче Төркем утырышы Россия энергетика министры Александр Новакның 22-23 октябрьгә Согуд Гарәбстанына планлаштырылган визиты кысаларында узды. Согуд Гарәбстаны энергетика, сәнәгать һәм табигый ресурслар министры Хәлид әл-Фәлих белән очрашу ике ил арасында барлык дәрәҗәдәге мөнәсәбәтләрне интенсификацияләүнең тагын бер адымы булачак. Эш сәфәре кысаларында Александр Новак Согуд Гарәбстанының эре чыганакларында булачак, нефть өлкәсендә кулланыла торган технологик карарлар белән танышачак. Министрларның уртак фәнни-тикшеренү проектлары хакында фикер алышуы көтелә. Көн тәртибендә төп пункт Россиянең ягулык-энергетика комплексына инвестицияләр җәлеп итү мәсьәләсе булачак.
(РФ энергетика министрлыгы Матбугат Үзәге мәгълүматлары файдаланылды)
2016 елның 17-18 октябрь көннәрендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты башлыгында Татарстан Республикасы делегациясе составында ике көнлек эш визиты белән Беларусь Республикасында.
Агымдагы елның 18 октябрендә Минск шәһәрендә Татарстан Республикасы Президенты Рөстәм Миңнехановның Беларусь Республикасы Президенты Александр Лукашенко, Беларусь Республикасы Премьер-министры Андрей кобяков белән очрашуы, эшлекле сөйләшүләр үткәрүе көтелә.
Татарстан делегациясе Беларусь Республикасының сәнәгать предприятиеләрендә булачак: "Белкоммунмаш" холдингы Идарәче компаниясе ААҖ, "Минск мотор заводы" холдингы" Идарәче компаниясе ААҖ эшчәнлеге белән танышачак, югары технологияләр Паркында булачаклар.
2016 елның 17 октябрендә ТР Президенты башлыгында Татарстан делегациясе Беларусь татар иҗтимагый оешма вәкилләре белән очрашты.
2016 елның 17 октябрендә Татарстан Республикасы Президенты Рөстәм Миңнеханов рәислегендә узган Татарстан Республикасында Коррупциягә каршы тору эшен координацияләү Комиссиясе утырышында көнкүреш өлкәдә коррупция күренешләренә каршы көрәш мәсьәләләре каралды.
Утырыш эшендә Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, Прокуратура вәкилләре, республика министрлык һәм ведомстволары, иҗтимагый оешма җитәкчеләре, Татарстан Республикасы район башлыклары катнашты.
2016 елның 16-17 октябрь көннәрендә Әлмәтнең “Нефтьче” Мәдәният сараенда “Наше время-Безнең заман” ТР эшче яшьләр иҗаты ачык республика телевизион фестиваленең өченче зональ этабы узды. Фестиваль ел саен үткәрелә.
Әлмәттә өченче зональ этапта 10 муниципаль районнан 45 предприятие һәм оешма катнашты: Әлмәт, Ютазы, Яңа Чишмә, Чирмешән, Азнакай, Норлат, Спас, Лениногорск, Түбән Кама, Яр Чаллы.
Зональ этапның Гала-концертында ТР сәнәгать һәм сәүдә министрлыгы җитәкчелеге һәм Әлмәт муниципаль районы башкарма комитеты вәкилләре катнашты.
2016 елның 17 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов ТР сәнәгать һәм сәүдә министрлыгының энергетика идарәсе башлыгы Садриева Гүзәл Габделхак кызына республика файдасына намуслы һәм нәтиҗәле хезмәте өчен ТР сәнәгать һәм сәүдә министрлыгының Мактау грамотасын тапшырды.
2016 елның 15 октябрендә Әлмәттә Татарстан Республикасының кече нефть компанияләренең 100 миллион тонна нефть чыгаруларына багышланган тантаналы чарасы узды.
Тантаналы чарада Татарстан Республикасы Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Премьер-министры урынбасары – ТР сәнәгать һәм сәүдә министры Алберт Кәримов, "Татнефть" ГАҖ генераль директоры Наил Маһанов, «Нефтеконсорциум» ЯАҖ генераль директоры Фәнис Вәлиев һәм башкалар катнашты.
Рөстәм Миңнеханов катнашучыларны сәламләп, республикадагы истәлекле көн - Татарстанның кече нефть компанияләренең 100 млн. тонна нефть чыгару көне белән котлады, 1997 елда Татарстан Республикасының беренче Президенты Минтимер Шәймиев тиешле Указ имзалый.
2016 елның 14 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов “Татар-информ” МА һәм “Яңа гасыр” ТРК интервьюсында агымдагы елның октябрендә уздырылачак Composite Battle World Cup Kazan-2016 композитлар буенча дөнья Чемпионаты, кадрлар потенциалын үстерү һәм Татарстан сәнәгатендә импортны алыштыру буенча чаралар комплексын тормышка ашыру турында сөйләде.
ТР сәнәгать һәм сәүдә министрлыгы җитәкчесе Алберт Кәримов билгеләгәнчә, Казанда бу елның 26-29 октябрендә узачак Composite Battle World Cup композиция материаллары буенча дөнья Чемпионатының төп максатлары – яшь инженерлар һәм студентлар арасында ватан сәнәгате үсешенең өстенлекле юнәлеше булган композиция материаллары өлкәсен алга этәрү һәм популярлаштыру, аның кадрлар потенциалын үстерү.
2016 елның 15 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов, Татарстан Республикасы авыл хуҗалыгы һәм азык-төлек министрлыгы вәкилләре, Арча һәм Мамадыш муниципаль районнары Башкарма комитеты җитәкчелеге, "Татмелиорация" ААҖ вәкилләре Казанның Совет районы авыл хуҗалыгы ярминкәсендә булдылар.
Бу мәйданчыкта Арча һәм Мамадыш муниципаль районнары һәм "Татмелиорация" ТК ААҖ товар җитештерүчеләре үз продукцияләрен саталар.
Татарстан агросәнәгать комплексы оешмалары һәм авыл хезмәтчәннәре тарафыннан ярминкәгә 11 млн. сумлык продукция сатуга куелган.