Казанда заманча чакыру шартларында тереклекне тәэмин итү системасы мәсьәләләре буенча Бөтенроссия фәнни-гамәли конференциясе үтте
2016 елның 10 ноябрендә Татарстан Республикасы Иминлек Советы патронажы астында “Заманча чакыру һәм янау шартларында тереклекне тәэмин итү системасының инновацион үсеш юллары” Бөтенроссия фәнни-гамәли конференциясе узды. Конференцияне ТР сәнәгать һәм сәүдә министрлыгы һәм "Казан химия фәнни-тикшеренү институты" АҖ оештырдылар.
Конференциянең максаты - комплекслы радиацион, химик һәм биологик яклау белән бәйле булган фәнни-тикшеренү һәм тәҗрибә-конструкторлык эшләрен үстерүнең яңа перспективаларын табу; тикшеренүләрнең лаборатор һәм сынау базасын оештыруда инновацион алымнарны кулланышка кертү; җитештерү практикасына перспектив фәнни эшләнмәләрне кулланышка кертү юлларын билгеләү.
Конференциянең тематикасы үз эченә махсус саклагыч материаллар булдыру өлкәсендә заманча технологик чишелешләр һәм эшләнмәләр; заманча саклану һәм индикация чараларын булдыруда инновацион алымнар; Россия базарында сәнәгый саклану чараларының конкурентлык сәләтлелеген арттыру һәм импортны алыштыру; махсус билгеләнештәге һәм сәнәгый саклану чараларын булдыруны техник җайга салу һәм метрологик тәэмин итү.