ЯҢАЛЫКЛАР

Бүген Казан төзелеш көллияте территориясендә (Казан шәһәре, Липатов урамы, 25) Татарстан Республикасы Премьер-министры вазыйфаларын башкаручы Алексей Песошин (WorldSkills Russia) "Яшь профессионаллар” эшче һөнәрләр төбәк чемпионаты җиңүчеләре белән очрашты. Чарада Татарстан Республикасы сәнәгать һәм сәүдә министрлыгы вәкилләре дә катнашты.

Уку йортына килеп җитү белән ТР Хөкүмәте Башлыгы вазыйфаларын башкаручы ярыш мәйданчыгын карап чыкты, остаханәләр һәм компетенцияләр буенча төзелеш юнәлешен: маляр эшләр, штукатур, кирпеч кую, электромонтаж, ландшафтлы дизайн һ. б. Белән танышты.

Очрашуны ачып, Алексей Песошин Татарстан Президенты һәм ТР Хөкүмәте исеменнән эшче һөнәрләр чемпионаты призерларын сәламләде.

Бүген Татарстан Республикасы Дәүләт Советы бишенче чакырылышының егерме бишенче утырышы узды.

Сессия эшендә Татарстан Республикасы Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Премьер-министры урынбасары - Татарстан Республикасы сәнәгать һәм сәүдә министры Алберт Кәримов, ТР Хөкүмәте әгъзалары һәм чакырылган затлар катнашты.

Көн тәртибенә 34 мәсьәлә кертелгән иде, шул исәптән, 11 республика законы проекты, 17 федераль закон проекты һәм РФ субъектларының закон чыгару җыелышлары закон инициативасы.

Моннан тыш, парламент утырышында Татарстан Республикасы буенча эчке эшләр министры Артем Хохоринның 2016 елда полиция эшчәнлегенең хисап доклады һәм Татарстан Республикасында кеше хокуклары буенча вәкаләтле Вәкиле Сәрия Сабурскаяның “Татарстан Республикасында 2016 елда кеше һәм гражданин хокукларын һәм ирекләрен саклау турында” доклады тыңланды.

15 февральдә Яр Чаллы шәһәрендә Кама сәнәгать форумы-2017 кысаларында "Энергетика менеджменты һәм энергия нәтиҗәлелеген арттыруда энергосервис корал буларак" конференциясе һәм “Бюджет өлкәсендә һәм муниципаль берәмлекләрдә энергия ресурслары нәтиҗәлелеген һәм энергияне сак тотуны арттыру программаларын тормышка ашыру турында” семинар узды.  

Чаралар Татарстан Республикасы сәнәгать һәм сәүдә министрлыгы белән берлектә "Татарстан Республикасы Министрлар Кабинеты каршындагы энергияне саклау технологияләре Үзәге", Татарстан Республикасы Чаллы шәһәренең Башкарма комитеты һәм "ЭКСПО-КАМА" Күргәзмә үзәге тарафыннан оештырылды һәм уздырылды.

Конференциядә һәм семинарда Татарстан Республикасы башкарма хакимият органнары һәм җирле үзидарә, шулай ук, дәүләт һәм муниципаль учреждение вәкилләре катнашты.

Париж мэры Анн Идальго ханым белән бүген Татарстан Республикасы Президенты Рөстәм Миңнеханов очрашты. Чарада ТР Премьер-министры урынбасары – ТР сәнәгать һәм сәүдә министры Алберт Кәримов катнашты.

Очрашу Казан Кремленең Губернаторлар сарае сөйләшүләр алып бару залында узды.

Фото

Үзенең сәламләү сүзендә Рөстәм Миңнеханов рәхмәт белдерде Анн Идальго ханымга Казанга килергә вакыт табуы һәм республикага карата кызыксыну белдерүе өчен рәхмәтен җиткерде. Без Россия-Франция мөнәсәбәтләре кысаларында региональара дәрәҗәдәге хезмәттәшлекне югары бәялибез", - диде Рөстәм Миңнеханов.

Алман компанияләре Татарстан белән тыгыз хезмәттәшлек итүдә  кызыксыналар. Бу хакта бүген Татарстан Республикасы сәнәгать һәм сәүдә министрлыгы җитәкчелеге белән очрашу вакытында Германия машина төзүчеләр Союзы (VDMA) вәкиле Моника Холлахер белдерде. Чарада "Алабуга" МИЗ вәкилләре дә катнашты. 

Бүген беренче "КАМАЗ" йөк автомобиле чыгарылышына 41 ел тулды.

1976 елның нәкъ 16 февралендә автомобиль заводының ул вакытта бердәнбер баш җыю конвейерыннан, бүгенге көндә инде бөтен дөньяга танылган,  беренче йөк автомобильләре чыккан. Алар Мәскәүгә КПССның чираттагы съезды делегатларына күрсәтү өчен җибәрелгән.

Заманча "КАМАЗ" автомобильләре 70нче елларда конвейердан төшкән беренче автомобильләрдән бөтенләй аерыла. Алар камилрәк, сыйфатлырак, куәтлерәк һәм ышанычлырак, шулай ук чыдамлы вә авыр күтәрүле. Аларның конструкцияләрендә дөньякүләм танылган фирмаларның иң яхшы компонентлары кулланыла. РФ Президенты Владимир Путинның автографы куелган ике миллионлы "КАМАЗ-6522" әлеге абруйлы төркемнең лаеклы әгъзасына әверелде.

Бүген Ростех дәүләт корпорациясе составында "КАМАЗ" компаниясе яңа модельләренне гамәлгә кертеп күтәрелешен дәвам итә. Яңа буын "КАМАЗ" автомобильләре техник характеристикалары белән европа аналогларыннан һич тә калышмый, шул ук вакытта, көндәшләреннән күпкә арзанрак һәм эксплуатациядә үз бәясен аз чыгымнар белән шактый тиз арада аклый. "Яңа линейка" флагманы - магистраль йөк тартучы "КАМАЗ-5490”  –Россиядә 2014 елда иң яхшы коммерция автомобиле дип табылган иде.

Америка сәүдә- сәнәгать палатасының үсеш буенча директоры Егор Заостровцев җитәкчелегендәге делегация бу көннәрдә визит белән Татарстан Республикасында. Делегация составына төрле өлкәләрдә эшчәнлек алып баручы унөч оешма вәкилләре керде: McDonald’s , Lynden, Amrustrans,  Praxair , Edwar International,  Baxter,  Antal, Tulpar,  Egorov Puginsky Afanasiev & Partners , Philip Morris,  Dupont,  ANCOR Holding , Deseret International Charities , Mars LLC.

15 февральдә "Казан ярминкәсе" Күргәзмә Үзәге территориясендә Идел Буе агросәнәгать форумы кысаларында Татарстан Республикасы кулланучылар базары мәсьәләләре буенча эшче төркем утырышы узды. Утырышта Татарстан Республикасы товар җитештерүчеләре һәм сәүдә челтәрләренең "Россия сыйфат системасы" Автономияле Коммерциячел булмаган Оешмасы белән хезмәттәшлек турында" сүз барды.

Утырышта "Россия сыйфат системасы" Автономияле Коммерциячел булмаган Оешмасы җитәкчесе урынбасары Мария Сапунцова, ТР авыл хуҗалыгы һәм азык-төлек министрының беренче урынбасары Николай Титов, ТР сәнәгать һәм сәүдә министры урынбасары Алмаз Хөсәенов, ТР сәүдә челтәр компанияләре вәкилләре һәм республика товар җитештерүчеләре катнашты.

Чара кысаларында Россия сыйфат системасын тәкъдир итү узды. Россия сыйфат системасы җитәкчесе урынбасары Мария Сапунцова Россия сыйфат билгесе белән югары сыйфатлы товарлар җитештерүне алга этәрүгә ярдәм итүче чаралар турында сөйләде.

2016 елның 28 ноябрендә ТР Министрлар Кабинеты һәм "Россия сыйфат системасы" Автономияле Коммерциячел булмаган Оешмасы арасында үзара хезмәттәшлек турында Килешү имзаланган иде. 

14 февральдә ТР Премьер-министры урынбасары - ТР сәнәгать һәм сәүдә министры Алберт Кәримов Такаеси Сайто компаниясе төркемнәренең халыкара бизнесы җитәкчесе башлыгында KITZ япон компаниясе вәкилләре белән очрашты.

Чарада ТР сәнәгать һәм сәүдә министры урынбасары Денис Вәлиев,  Татарстан Республикасы сәнәгать һәм сәүдә министрлыгының халыкара элемтәләр бүлеге башлыгы Айдар Ахтареев, "Invero Advisors Co" генераль директоры Тамерлан Абдикеев, директор урынбасары, Татарстан Республикасы Инвестиция-венчур фондының җитәкчесе урынбасары Фәнис Хәкимуллин һәм башкалар катнашты.

13 февральдә Татарстан Республикасы сәнәгать һәм сәүдә министрлыгында Татарстан Республикасы сәнәгать һәм сәүдә министры урынбасары Денис Вәлиев Redenex компаниясе генераль директоры Ольга Исакова белән очрашты. Чарада "Иннополис" МИЗ, "Югары технологияләр өлкәсендә Технопарк "ИТ-парк", "Казан-Экспо" вәкилләре, ТР министрлык һәм ведомство хезмәткәрләре катнашты.

Очрашу барышында Халыкара конгресс һәм "IoT World Russia: Интернет аша әйберләр Халыкара Саммиты" күргәзмәсен тәкъдир итү булды. Үзенең чыгышында Ольга Исакова билгеләп үткәнчә, интернет аша кирәк-яраклар (IoT) һәм челтәрле "акыллы карарлар" эшчәнлекнең барлык өлкәләрен радикаль трансформалаштыра һәм IoT цифрлы технологияләрне гамәлгә кертү төбәкләр һәм илләрнең, җитештерүнең конкурент сәләтлелеген үстерүгә китерә. Моннан тыш, Redenex генераль директоры сүзләренчә, мондый чаралар җирле предприятиеләрне санлы җитештерүнең соңгы  тенденцияләре белән таныштыруга ярдәм итүдән тыш, Татарстан Республикасы икътисадына инвестицияләр агышын булдырырга булыша.

Шунысын да әйтергә кирәк, әлеге темага сөйләшүләр дәвам итәчәк. Шулай ук, бүген компания вәкилләре Татарстан Премьер-министры урынбасары - Татарстан Республикасы мәгълүматлаштыру һәм элемтә министры Роман Шәйхетдинов белән очрашырга, "Иннополис" МИЗ танышырга ниятли.