ЯҢАЛЫКЛАР
«Татнефть» САҖ күп энергия сарыф итүне киметүгә һәм җитештерүнең нәтиҗәлеген арттыруга юнәлдерелгән пласт басымын саклап калу системасын перспектив технологияләрне үстерүне дәвам итә.
Предприятиядә басымлы скважиналарның эчке скважина җиһазларын күгәрү һәм югары давлениедан саклау, шулай ук, пласт басымын саклап калу процессларын комплекслы оптимальләштерү эше алып барыла. 2015 ел эчендә «Татнефть» САҖ буенча эксплуатациягә 198 яңа басым скважиналары тапшырылган, план 111,2 процентка үтәлгән.
75 басым скважиналарына бер үк вакытта-аерым суырту технологиясе кертелде. Әлеге технология эшли башлаганнан бирле 715 скважинада кулланыла, әлеге технологияне куллану 1798,1 мең өстәмә кертем биргән.
2015 елда пласт давлениясын саклап калу системасында энергия куллануны оптимальләштерү программасын үтәү кысаларында «Елховнефть» һәм «Баулынефть» нефть газ чыгару идарәләрендә үз илебездә җитештерелгән күләмле насос агрегатлары гамәлгә кертелгән, аларның җитештерүчәнлеге тәүлеккә 500м3.
2016 елның 19 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов Казанда узачак TIAF Халыкара автомобиль төзелеше форумын оештыру мәсьәләсе буенча киңәшмә үткәрде.
ТР сәнәгать һәм сәүдә министрлыгы җитәкчесе TIAF supported by Automechanika Халыкара автомобиль төзелеше форумы икенче тапкыр үткәрелә дип хәбәр итте. Быел ул 3-5 февраль көннәрендә «Казан ярминкәсе» территориясендә узачак. Тантаналы ачылышта һәм форум эшендә Татарстан Президенты Рөстәм Миңнеханов катнашу планлаштырыла.
Форумны оештыручылар- Европа бизнесы Ассоциациясе, ТР сәнәгать һәм сәүдә министрлыгы, «Казан ярминкәсе» ААҖ, «Мессе Франкфурт ГМбх» россия бүлекчәсе.
«Казан мотор җитештерү берләшмәсе» ААҖдә югары квалификацияле белгечләр әзерләү буенча предприятие һәм Казан милли тикшеренү техник университетының үзара хезмәттәшлек программасы гамәлгә ашырыла. Әлеге программа кысаларында 2016 елның 19 гыйнварыннан максатчан сыйныфларында икенче уку яртыеллыгының дәресләре башлана, 9 февральдән Казан мотор җитештерү берләшмәсе - Казан милли тикшеренү техник университетының максатчан төркемнәре укый башлый.
Казан мотор җитештерү берләшмәсе - Казан милли тикшеренү техник университетының максатчан сыйныфларының төп бурычы - югары сыйныф укучыларын математика, физика, информатика, инженер графикасы кебек дисциплиналардан Бердәм Дәүләт Имтиханнарына (БДИ) тирәнтен әзерләү, киләчәктә Казан милли тикшеренү техник университетына (КНИТУ-КАИ) укырга керү һәм мотор төзү предприятиясенә эшкә урнашу. Укуларны вуз укытучылары үткәрәләр.
2016 елның 17 гыйнварында Айрат Мәрдиев идарәсендәге «КАМАЗ-мастер» командасы экипажы голландия командасына беренчелекне калдырып «Дакар-2016» раллисын икенче нәтиҗә белән төгәлләде.
Шунысын да әйтергә кирәк, «КАМАЗ-мастер» командасы иң титуллы команда булып тора һәм югары пробалы 13 бүләккә ия.
2016 елның 15 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов ТР Президенты Рөстәм Миңнехановның Cognitive Technologies («Когнитив технологияләр») компанияләр төркеме президенты Ольга Ускова белән очрашуында катнашты.
Очрашу барышында ике як алга таба хезмәттәшлек итү мәсьәләләре турында фикер алыштылар. Россия компаниясе Cognitive Technologies һәм «Иннополис» махсус икътисади зонасы АҖ арасында ниятләр турында килешү имзаланды.
«Когнитив технологияләр» (Cognitive Technologies)- россия компанияләреннән программа белән тәэмин итүне эшләү һәм гамәлгә кертү белән шөгыльләнүче иң эреләренең берсе. 2015 елда компания «РУССОФТ» һәм ИД Коммерсант версиясе буенча россияның эре софтвер компанияләренең рейтингында икенче урынны яулады.
Компаниянең эшчәнлек юнәлешләре корпоратив автоматлаштыру системаларын, робототехника һәм сатып алу белән идарә итү системаларын, электрон документлар әйләнешен, документларны эшкәртү, танып белү, гамәлгә кертүне үз эченә ала.
Техник-кертү үзәге булдыру Cognitive Technologies компаниясенең Татарстанда беренче проекты түгел. 2014 елда Cognitive Technologies компаниясе «КАМАЗ» ҖАҖ белән уртак проект башлап эшләү, 2020 елга «КАМАЗ» автомобиле базасында үзе идарә итүче яңа буын транспорт чарасын булдыру тәкъдим ителгән иде.
2016 елның 14 гыйнварында Гайдар форумы-2016 кысаларындагы панель дискуссияларның берсендә Татарстанда «ИнноКам» инновацион-җитештерү үзәген булдыру проектын тәкъдир итү узды.
Чарада ТР Президенты Рөстәм Миңнеханов, ТР Премьер-министр урынбасары-ТР сәнәгать һәм сәүдә министры Алберт Кәримов, РФ һәм ТР дәүләт хакимияте органнары вәкилләре катнашты.
Панель дискуссиянең модераторы булып Россия Президенты каршындагы Россия халык хуҗалыгы һәм дәүләт хезмәте Академиясе ректоры Владимир Мау чыгыш ясады.
2016 елның 13 гыйнварь көнне ТР Президенты Рөстәм Миңнеханов җитәкчелегендәге ТР делегациясе составында ТР Премьер-министр урынбасары-ТР сәнәгать һәм сәүдә министры Алберт Кәримов «Россия һәм дөнья: киләчәккә караш» исемле VII Гайдар форумы эшендә катнаша.
Форум 13-15 гыйнварь көннәрендә Мәскәүдә Россия Президенты каршындагы Россия халык хуҗалыгы һәм дәүләт хезмәте Академиясе мәйданчыгында уза.
Гайдар форумы-2016 пленар сессиясендә сәламләү сүзе белән Россия Хөкүмәт Рәисе Дмитрий Медведев чыгыш ясады.
Гайдар форумы-2016 программа кысаларында «Россия регионнарында инновацион бизнес» рейтингын презентацияләү булды. Рейтинг Россия Президенты каршындагы Россия халык хуҗалыгы һәм дәүләт хезмәте Академиясе тарафыннан Россия инновацион төбәкләре Ассоциациясе катнашында эшләнде.
2016 елның 13 гыйнварында ТР Премьер-министр урынбасары-ТР сәнәгать һәм сәүдә министры Алберт Кәримов ТР Президенты Рөстәм Миңнехановның Кытай Халык Республикасы Синьцзян-Уйгур автоном районы Җитештерү-төзү Корпусы Рәисе урынбасары Кун Синлун җитәкчелегендәге кытай делегациясе белән очрашуында катнашты.
Әңгәмә барышында ике як Татарстан территориясендә агросәнәгать комплексы өлкәсендә эре инвестицион проектны гамәлгә ашыру мәсьәләләре турында сөйләштеләр. Проект республиканың берничә районын колачлый, терлекчелекне һәм үсемлекчелекне үстерүне, шулай ук эшкәртүче производстволар булдыруны күздә тота. Кытай ягы җирдә сугару системаларын үстерүгә һәм авыл хуҗалыгы техникасын сатып алуга инвестицияләр кертергә ниятли.
Татарстан әлеге проект үсеше белән кызыксына, дип ассызыклады Рөстәм Миңнеханов.
Агымдагы елның 12 гыйнварында ТР Премьер-министр урынбасары- ТР сәнәгать һәм сәүдә министры Алберт Кәримов региональ һәм федераль дәрәҗәдә республика товар җитештерүчеләр продукциясен тышкы базарларга чыгару мәсьәләләре һәм республика предприятиеләренең экспорт эшчәнлекләренә дәүләт ярдәме чаралары хакында киңәшмә үткәрде.
Киңәшмә барышында ТР сәнәгать һәм сәүдә министрлыгының федераль дәүләт хакимияте органнары (Россия тышкы эшләр министрлыгы, Россия икътисадый үсеш министрлыгы, Россия сәнәгать һәм сәүдә министрлыгы) һәм махсуслаштырылган оешмалар (Внешэкономбанк дәүләт корпорациясе, Россия экспорт үзәге АҖ, «ЭКСАР» АҖ һәм башкалар) белән үзара хезмәттәшлек сораулары турында сүз барды. Киңәшмәдә республика сәнәгать предприятиеләренә халыкара, төбәкара, тышкы икътисади элемтәләр үсешендә, чит илләрдән инвестицияләр җәлеп итүдә һәм җитештерелә торган продукцияне тышкы һәм эчке базарларга танытуда ярдәм күрсәтү хакында да фикер алыштылар.
«Нефтехимия процесслары өчен югары сыйфатлы ягулык, май һәм чимал алу максатыннан авыр нефть чималының гидроконверсия технологиясен булдыру» «Татнефть» САҖ проектына милли проект статусы бирелде.
Әлеге карар Александр Новак җитәкләгән РФ энергетика министрлыгы каршындагы инновацион технологияләрне һәм энергетикада заманча материалларны гамәлгә кертү милли проектларын сайлап алу буенча эшче төркем утырышында кабул ителде. Компаниянең проекты югары күрсәткечле нефть калдыкларын тирәнтен эшкәртү, шул исәптән конверсия буенча илебезнең беренче проекты.