Татарстан Республикасы Министрлыклары Татарстан Республикасы Сәнәгать һәм сәүдә министрлыгы

ЯҢАЛЫКЛАР

май, 2012 ел

җомга

2012 елның 24 маенда “Баскет-холлда” Химиклар көненә багышланган тантаналы чара булды. Бәйрәмдә Татарстан Республикасы Президенты Р.Миңнеханов, ТР Дәүләт киңәшчесе М.Шәймиев, Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Р.Зарипов, республиканың нефть химиясе тармагы предприятиеләре җитәкчеләре, ВУЗ укытучылары һәм студентлары, мәктәп укучылары һәм укытучылар катнашты.
Президент Р. Миңнеханов: “әлеге залга республикабызда химия һәм нефть химиясе тармагын булдырган кешеләр, шулай ук безнең киләчәгебез – мәктәп укукчылары һәм укытучылар җыелган. Химия ул – үсеш ноктасы. Республикада потенциал һәрвакыт булды, бар һәм булачак. Безнең теләсә нинди катлаулы проектларны гамәлгә ашырырлык көчебез бар. Илнең химия тармагындагы иң заманча предприятиеләр Татарстанда урнашкан,”– дип билгеләп үтте.

май, 2012 ел

пәнҗешәмбе

«В. Б. Шнепп ис. турбокомпрессор фәнни-тикшеренү институты » ЯАҖ 55 еллыгы уңаеннан предприятие коллективын котлау

2012 елның 24 маенда «В. Б. Шнепп ис. турбокомпрессор фәнни-тикшеренү институты» ЯАҖ 55 еллыгына багышланган тантаналы чара уздырылды, анда Татарстан Республикасы Премьер-министры И.Халиков, Татарстан Республикасының сәнәгать һәм сәүдә министры урынбасары И.Мингалиев, фәнни-тикшеренү институты хезмәткәрләре, “Казанкомпрессормаш” ААҖ вәкилләре катнашты. Татарстан Республикасы Хөкүмәте башлыгы предприятиенең җитештерү цехларын карады, инновацияле техник эшләнмәләрне сынау үткәрелә торган стендлар белән танышты. Предприятиенең алдынгы хезмәткәрләренә Татарстан Республикасы Премьер-министры дәүләт бүләкләре һәм мактау кәгазьләре тапшырды.
Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Равил Зарипов предприятиенең хезмәт коллективын ябык акционер җәмгыятьнең 55 еллыгы белән котлады:

Сәнәгать электроникасы заводы төзелә башлады

2012 елның 24 маенда Татарстан Республикасы Президенты Рөстәм Миңнеханов «ICL-КПО ВС» предприятиесенең яңа заводына нигез салуда катнашты. Лаеш районында булган әлеге вакыйгада Татарстан Республикасы Премьер-министры урынбасары вазыйфаларын башкаручы – Татарстан Республикасының сәнәгать һәм сәүдә министры Равил Зарипов та катнашты.
Завод өч этапта төзеләчәк. Төзелешнең беренче этабына 600 млн. сум бүлеп бирелгән. Беренча этап 2013 елның беренче кварталында тәмамланачак. Тулысынча исә завод 2017 елда төзелеп бетеп эшли башлаячак.

май, 2012 ел

дүшәмбе

Татарстан Республикасы территориясендә яшәүче төрле милләт ашлары көннәре

2012 елның 18 маенда Зеленодольск шәһәрендә кулинария әйберләре күргәзмәсе оештырылды. Бу чара Татарстан Республикасындагы төрле милләт ашлары көннәре кысаларында уздырылды. Күргәзмәдә 12 җәмәгать туклануы предприятиесе катнашты, алар рус, татар, еврей, үзбәк, украин, итальян, кытай, япон, әрмән милли ашларын тәкъдим итте.

май, 2012 ел

җомга

Татарстанның Матбугат көне белән!

Татарстан Республикасының сәнәгать һәм сәүдә министры Равил Зарипов
Республика медиа-бергәлеген һөнәри бәйрәмнәре – Татарстанның матбугат көне белән котлады:

«Хөрмәтле медиа-бергәлек вәкилләре! Сезне һөнәри бәйрәмегез – Татарстанның матбугат көне белән котлыйм!
Сезгә сәнәгать, сәүдә, хезмәт күрсәтү, республиканың халыкара һәм тышкы икътисадый эшчәнлеге мәсьәләләрен, Татарстан предприятиеләренең җитештерү системаларын һәм сыйфатны яхшырту өлкәсендәге алдынгы тәҗрибәсен дөрес һәм оператив яктыртканыгыз өчен зур рәхмәтемне җиткерәм.
Һөнәри эшчәнлегегездә зур уңышлар, иҗади планнарыгызның тормышка ашуын телим. Халык ышанычын яуларга, хөрмәт казанырга язсын!»

Уңышлар юлдаш булсын!

2012 елның 18 маенда Татарстан Республикасының сәнәгать һәм сәүдә министры урынбасары Гөлнара Әхмәдиева КНИТУ – КАИ 80 еллыгына багышланган тантанада катнашты. Ул үзенең чыгышында әлеге уку йортының Россиядәге иң яхшы техник университетлар арасында үз урыны барлыгын билгеләп үтте.

май, 2012 ел

пәнҗешәмбе

Җитештерүне Лин-технологияләр кулланып яңарту

2012 елның 17 маенда Татарстан Республикасы Сәнәгать һәм сәүдә министрлыгы каршындагы Ведомствоара эшче төркем утырышында икътисадның реаль секторындагы предприятиеләрдә җитештерүне Лин-технологияләр ярдәмендә реструктуризацияләргә и модернизацияләргә мөмкинлек бирә торган инвестиция программалары турындагы мәсьәлә каралды.

май, 2012 ел

чәршәмбе

Төркмәнстан делегациясе «Казан вертолет заводы» ААҖтә булды

Рәсми визит белән Татарстанга килгән Төркмәнстан делегациясе вәкилләре кичә “Казан вертолет заводы” ААҖнең җитештерү цехларын карады. Кунакларны Татарстан Республикасы Премьер-министры И.Халиков, Татарстан Республикасының сәнәгать һәм сәүдә министры Р.Зарипов һәм башка рәсми затлар озатып йөрде. Делегация составында Төркмәнстанның Сәүдә һәм тышкы икътисадый багланышлар министры Баяр Абаев, Икътисад һәм үсеш министры Бәшиморат Хуҗамәммәтов һәм башкалар бар.

май, 2012 ел

сишәмбе

Австриянең инновацион компанияләре делегациясе белән очрашу

2012 елның 15 маенда Татарстан Республикасының сәнәгать һәм сәүдә министры беренче урынбасары Р.Кәбиров Австриянең инновацион компанияләре делегациясе белән очрашты. Делегацияне Транспорт, инновация һәм технологияләр министры урынбасары Андреас Рейхардт җитәкли. Очрашуда сүз Татарстан Республикасы һәм Австрия Республикасы арасында хезмәттәшлек итү мәсьәләләре турында барды.

Татарстан Республикасына Төркмәнстан делегациясе визиты

2012 елның 15 маенда Татарстан Республикасына Төркмәнстанның рәсми делегациясе визиты дәвам итә. Әлеге визит Төркмәнстан Президенты Гурбангул Бердымөхәммәтовның Россия Федерациясенә рәсми визиты кысаларында үтә. “Казан” халыкара аэропортында кунакларны Татарстан Республикасы Премьер-министры И.Халиков, Татарстан Республикасының сәнәгать һәм сәүдә министры Р. Зарипов һәм башка рәсми затлар каршылады.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ