Австриянең инновацион компанияләре делегациясе белән очрашу

2012 елның 15 маенда Татарстан Республикасының сәнәгать һәм сәүдә министры беренче урынбасары Р.Кәбиров Австриянең инновацион компанияләре делегациясе белән очрашты. Делегацияне Транспорт, инновация һәм технологияләр министры урынбасары Андреас Рейхардт җитәкли. Очрашуда сүз Татарстан Республикасы һәм Австрия Республикасы арасында хезмәттәшлек итү мәсьәләләре турында барды.
Чарада Татарстан Республикасы ягыннан Татарстан Республикасы Транспорт һәм юл хуҗалыгы министрлыгы вәкилләре, Татарстан Республикасы Гадәттән тыш хәлләр министрлыгы вәкилләре, Татарстан Республикасы Экология министрлыгы вәкилләре, Татарстан Республикасы Сәнәгать һәм сәүдә министрлыгының структур бүлекчәләре җитәкчеләре, Австрия ягыннан – сәламәтлек саклау, авыл хуҗалыгы, транспорт системаларын төзү, иминлек системаларын эшләү тармакларында инновацион компанияләр вәкилләре, шулай ук Австриядәге “Россия терәге” вәкилләре катнашты.
Очрашу барышында Татарстан Республикасының сәнәгать һәм инвестиция потенциалы, Австриянең инновацион компанияләре презентацияләре булды. Сәүдә-икътисадый мөнәсәбәтләр һәм инновацияләр өлкәсендә Татарстан Республикасы һәм Австрия Республикасы арасында хезмәттәшлек итүне үстерү мәсьәләләре хакында фикер алышынды. Делегациянең Татарстан Республикасына визиты кысаларында республиканың кайбер министрлыкларында һәм ведомстволарында да очрашулар уздырылачак.
Мәгълүмат өчен:
2011 ел йомгаклары буенча Татарстан Республикасы һәм Австрия арасында тышкы сәүдә әйләнеше 21,67 млн. доллар, шул исәптән экспорт – 2, 36 млн. доллар, импорт – 19, 31 млн. доллар тәшкил итте.