ЯҢАЛЫКЛАР

Татарстанның ике вәкиле – Татарстан Республикасы сәнәгать һәм сәүдә министры Равил Зарипов һәм “КАМАЗ” ААҖ генераль директоры Сергей Когогин “Россиянең индустриаль элитасы – 100 иң яхшы җитештерү менеджерлары, 2012” рейтингы йомгаклары буенча беренче унлыкка керде.
Рейтингның төп максаты – абруйлы экспертлар ярдәмендә сәнәѓать секторының предприятие, тармак, ил икътисады үсешенә саллы өлеш керткән уңышлы менеджерларын ачыклау.
Унлыкта беренче урынны “Ростехнологияләр” ДК генераль директоры, Россия машина төзүчеләре берлеге рәисе Сергей Чемезов алып тора.

2012 елның 10 маенда Татарстан Республикасы Президенты Р. Миңнеханов “Алабуга” аерым икътисадый зонасының икенче чиратын гамәлгә кертүгә һәм ирекле таможня зонасының таможня процедурасын җибәрүгә багышланган чарада катнашты.
“Алабуга” аерым икътисадый зонасының икенче чираты 1000 га мәйданны били, биредә инженерлык инфраструктурасын төзү эшләре алып барыла. Территорияне коймалар белән әйләндереп алу эшләре төгәлләнгән инде, бу ирекле таможня зонасы процедурасын ачып җибәрергә мөмкинлек бирә.

Татарстан Республикасының сәнәгать һәм сәүдә министры Равил Зарипов сугыш һәм хезмәт ветераннарын Бөек Җиңү көне белән тәбрик итте.
“Кадерле сугыш һәм хезмәт ветераннары! Сезне Бөек Ватан сугышында Җиңү көне белән чын күңелдән котлыйм! 9 май – барыбыз өчен дә бик кадерле бәйрәм. Җиңү безгә җиңел бирелмәде. 3 миллион халкы булган Татарстаныбыз гына да 700дән артык ул-кызын фронтка озатты. Аларның яртысы сугыш кырларында мәңгегә ятып калды. Күрсәткән батырлыклары өчен 300дән артык якташыбыз Советлар Союзы Герое исеме алды, Дан Орденының тулы кавалерлары булды.

КНИТУ-КАИ Алабуга филиалында ЕлАЗ, техник университет филиалы, шәһәрнең мәгариф идарәсе һәм 9 нчы урта мәктәп арасында дүртъяклы килешүгә кул куелды. Документ ЕлАЗ шефлык итүче мәктәптә укучыларга һөнәри юнәлеш бирү буенча уртак эш алып баруны күздә тота.

«Радиоприбор» ААҖтә яшь белгечләр арасында ел саен уздырыла торган “Үз эшенең остасы – 2012” конкурсы булды. Конкурста 35 яшькә кадәрге фрезеровщиклар, токарьлар, слесарьлар, инженер-технологлар катнашты
Конкурс ике — теоретик һәм практик өлешләрдән торды, дүрт: «Иң яхшы инженер-технолог», «Иң яхшы токарь», «Иң яхшы слесарь», «Иң яхшы фрезеровщик» номинацияләре буенча үткәрелде. Конкурсантлар теорияне белүләре, гамәли күнекмәләр, эш тәртибе, хезмәтне саклау һәм иминлек техникасы таләпләрен үтәүләре буенча көч сынашты. Яшь белгечләрне конкурс комиссиясе бәяләде. Бәйгедә Зыятдинов И.Г. (токарь), Гущин С.А. (фрезеровщик), Булгаков Р.Д. (слесарь), Кәлимуллин Р.Р. (инженер-технолог) җиңеп чыкты, аларга акчалата бүләкләр бирелде.

2012 елның 29 апрелендә Татарстан Республикасына КХР делегациясе килү кысаларында, Татарстан Республикасы сәнәгать һәм сәүдә министры Р. Зарипов Казан вертолет заводында Татарстанның икътисадый, сәнәгать һәм инвестиция потенциалын презентацияләде. Очрашуда Татарстан Республикасы премьер-министры И.Халиков, Татарстан Республикасы сәнәгать һәм сәүдә министры Р. Зарипов, “КВЗ” генераль директоры вазыйфаларын башкаручы И. Бугаков, КХР Дәүләт Советы Вице-премьеры Ли Кэцян, Кытайның эре провинцияләре җитәкчеләре, бизнес-даирә вәкилләре катнашты.

2012 елның 26 апрелендә Татарстан Республикасы Сәнәгать һәм сәүдә министрлыгында предприятиеләрдәге кадрлар хезмәте һәм хезмәтне саклау мәсьәләләренә багышланган киңәшмә булды. Киңәшмәдә сәнәгать, сәүдә, сервис һәм хезмәтләр күрсәтү тармакларына караган 50 предприятиенең 90нан артык вәкиле, Татарстан Республикасы Сәнәгать һәм сәүдә министрлыгы хезмәткәрләре, Татарстан Республикасы Хезмәт, халыкны эш белән тәэмин итү һәм социаль яклау министрлыгы, Татарстан Республикасы Мәгариф һәм фән министрлыгы, эксперт оешмалары, эш бирүчеләр берлекләре вәкилләре катнашты.

2012 елның 27 апрелендә “Оборонпром" берләшкән сәнәгать корпорациясенә керүче “Россия вертолетлары” холдингы, “Казан вертолет заводы” ААҖнең берничә максатта кулланыла ала торган җиңел “Ансат” вертолетын уңышлы демонстрацияләве хакында хәбәр итте. Әлеге вертолетларга яңа идарә итү системасы урнаштырылган.

2012 елның 26 апрелендә Казахстанның Актүбә өлкәсе делегациясенең Татарстан Республикасына визиты кысаларында Татарстан Республикасының сәнәгать һәм сәүдә министры Р. Зарипов Татарстан Республикасының сәнәгать, инвестиция потенциалын презентацияләде. Министр Татарстан Республикасының Россия регионнары арасында икътисадый яктан алга киткән төбәкләрнең берсе булуын билгеләп үтте. Социаль-икътисадый үсешнең төп юнәлешләре буенча Татарстан Республикасы Россиянең 10 лидер төбәге арасына керә. 2011 елда республиканың тулаем төбәк продукты күләме 1250 млрд. сум. (42,5 млрд. доллар) яисә 2010 ел белән чагыштырганда 104,6% тәшкил итте.

2012 елның 24 апрелендә "Алабуга" аерым икътисадый зонасында "Форд-Соллерс" уртак предприятиесе чимал ташучылары конференциясе булды. Чимал ташучылар өчен Татарстан Республикасы территориясендәге мөмкинлекләр турында Татарстан Республикасының сәнәгать һәм сәүдә министры Р.Зарипов чыгыш ясады.
Конференциядә шулай ук В. Швецов (CEO), С.Оделл (Chairman & CEO, FoE), А. Рахманов (Россия Федерациясе сәнәгать һәм сәүдә министры урынбасары), A. Ширинов (СОО), Татарстан Республикасының машина төзелеше һәм нефть химиясе комплексы предприятиеләре җитәкчеләре, чит ил компанияләре вәкилләре, вузлар һәм Татарстан Республикасының Сәнәгать һәм сәүдә министрлыгы хезмәткәрләре катнашты.