ЯҢАЛЫКЛАР

2011 елның 17 ноябрендә җиңел промышленность һәм текстиль промышленносте товарларының “Көзге мода һәм стиль атнасы” 23 нче махсуслаштырылган күргәзмәсе кысаларында Татарстан Республикасы Сәнәгать һәм сәүдә министрлыгы җиңел промышленность предприятиеләрендә эш урыннарын аттестацияләүгә багышланган семинар-киңәшмә үткәрде.

Татарстан Республикасы сәнәгать һәм сәүдә министры Равиль Зарипов җиңел промышленность һәм текстиль промышленносте товарларының “Көзге мода һәм стиль атнасы” 23 нче махсуслаштырылган күргәзмәсендә катнашучыларны сәламләде.

2011 елның 16 ноябрендә Татарстан Республикасы сәнәгать һәм сәүдә министры Равиль Зарипов «Кастамону Энтегре» төрек компаниясе җитәкчеләре белән очрашты. Очрашуда сүз “Алабуга" ИИЗ территориясендә МДФ җитештерү заводы төзү проектын гамәлгә ашыру кысаларында хезмәттәшлек итү мәсьәләләре хакында барды.

2011 елның 15 ноябрендә Татарстан Республикасы Министрлар Кабинетында “Нәтиҗәле процесслар – югары җитештерүчәнлек” VI Халыкара Лин-форумы»на багышланган брифинг үткәрелде. Анда Татарстан Республикасы сәнәгать һәм сәүдә министры урынбасары Гөлнара Әхмәдиева, “КАМАЗ” ААҖ, Чаллы һәм “Кама аръягы” төбәге сәүдә-сәнәгать палатасы, Туполев ис. КДТУ вәкилләре, федераль һәм республика ММЧ журналистлары катнашты.

2011 елның 14 ноябрендә Татарстан Республикасы сәнәгать һәм сәүдә министры Равиль Зарипов Словениянең Автомобиль кластеры вәкилләре белән очрашты. Бу очрашу хезмәттәшлек итү мәсьәләләре хакында фикер алышу, Татарстан Республикасы Сәнәгать һәм сәүдә министрлыгы һәм Словениянең Автомобиль кластеры арасында хезмәттәшлек итү хакында килешүгә кул кую максатыннан үткәрелде.

Россия Президенты Дмитрий Медведевның 2008 елның декабрендә Индиягә визиты кысаларында “Рособоронэкспорт” ААҖ төзегән контракт нигезендә 2011 елның 8 ноябрендә Индиягә беренче партия Ми-17В-5 вертолетлары җибәрелде.

4 ноябрь – Халыклар бердәмлеге көне. Татарстан Республикасы сәнәгать һәм сәүдә министры Равиль Зарипов әлеге бәйрәм белән тәбрик итте.
«Бу көнне без олы илдә – Россиядә яшәвебезне аермачык тоябыз. Яшькә, дингә, һөнәргә, тормыштагы максатларыбызга карамастан, без – илебез язмышы өчен җаваплылык тоеп яшәүче халык.
Һәркемгә көчле, үсешкә һәм бөтенлеккә йөз тоткан бердәм дәүләт кирәк. Кешеләргә ышанычлы иминлек гарантияләүче, алар хезмәттә дә, иҗатта да үз мөмкинлекләрен гамәлгә ашыра алырлык заманча граждан җәмгыятен уртак тырышлык белән генә төзи алачакбыз.
Халыклар бердәмлеге көне белән чын күңелдән котлыйм! Исәнлек-саулык, иминлек, тынычлык һәм һәр өйгә бөтенлек телим! Бу бәйрәм Татарстан һәм Россиянең үсеше һәм киләчәге хакына барыбызны да берләштерсен иде!

2011 елның 3 ноябрендә Татарстан Республикасы сәнәгать һәм сәүдә министры РавильЗарипов эшлекле сәфәр белән Мәскәү шәһәренә китте. Эшлекле сәфәр кысаларында РавильЗарипов Россия Федерациясе һәм Чех Республикасы арасында икътисадый, сәнәгать һәм фәнни-техник өлкәләрдә хезмәттәшлек итү буенча Хөкүмәтара комиссиянең Россия өлеше утырышында катнашачак.