Индиягә Ми-17В-5нең беренче партиясе җибәрелде

Россия Президенты Дмитрий Медведевның 2008 елның декабрендә Индиягә визиты кысаларында “Рособоронэкспорт” ААҖ төзегән контракт нигезендә 2011 елның 8 ноябрендә Индиягә беренче партия Ми-17В-5 вертолетлары җибәрелде.
Вертолетлар “Россия вертолетлары” холдингына керүче “Казан вертолет заводы”нда (КВЗ) җитештерелгән.
Оборона оешмалары ихтыяҗлары, шулай ук дәүләттә һәм шәхси файдалану өчен вертолет техникасы эшләү һәм аны тиешле урынга илтү өлкәсендә Индия Россиянең стратегик партнеры булып тора. Хәзерге вакытта Индиягә яңа вертолетлар, запас частьләр һәм авиация техникасы мөлкәте җибәрү буенча Россия-Индия уртак проектлары гамәлгә ашырыла. 2011 елга Индиянең Хәрби Һава Көчләре составында 200 дән артык Россиядә эшләп чыгарылган Ми-8/17 вертолеты бар.
Ми-17В-5 вертолетлары – Ми-17 яңартылган модификациясе – заказчы таләпләрен искә алып эшләнгән һәм уникаль техника. Һәр вертолетта навигация һәм КНЭИ-8 электрон индикация комплексы урнаштырылган. Бу комплекс вертолетның күп системаларында мәгълүмат индикаторын дүрт күпфункцияле индикаторларга алыштырып, приборлар тактасын бушатырга мөмкинлек бирә һәм экипажга идарә итүне җиңеләйтә. Комплекс шулай ук үзара бәйле системалар датчиклары мәгълүматы һәм экипажга телдән ярдәм итү системасы ярдәмендә вертолетны очыш алдыннан тикшерүне гадиләштерә.
“Россия вертолетлары" холдингына керүче КВЗ һәм Улан-Удэ авиация заводы тарафыннан бүгенге көнгә 11 мең Ми-8/17 вертолеты җитештерелде, алар дөньяның 110 иленә озатылды.