ЯҢАЛЫКЛАР
2016 елның 1 апрелендә Татарстан Республикасы Премьер-министры Илдар Халиков "Халык контроле" ТР дәүләт мәгълүмат системасында хәбәрнамәләрне карау кысаларында кеше һәм гражданин иреген һәм хокукларын яклауны тәэмин итү турында” темасына ТР Хөкүмәте утырышын уздырды. Утырышта Татарстан Республикасы Премьер-министр урынбасары–Татарстан Республикасы сәнәгать һәм сәүдә министры Алберт Кәримов, республика министрлыклары һәм ведомстволары җитәкчеләре, ТР Президенты Аппараты хезмәткәрләре, ТР Министрлар Кабинеты Аппараты, муниципаль берәмлекләр башлыклары, муниципаль оешмаларның башкарма комитеты җитәкчеләре катнашты.
2016 елның 31 мартында Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Алберт Кәримов Ямал-Ненец автономияле округына эшлекле сәфәр кысаларында Бованенково чыганагында булды, әлеге чыганак нигезендә уникаль Ямал газ чыгару үзәге камилләшә. Ул төп җитештерү объектларының эше белән танышты, алдынгы технологияләрне куллану тәҗрибәсен һәм табигатьне саклау чаралары комплексының үтәлүе белән танышты.
2016 елның 30 һәм 31 март көннәрендә Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Алберт Кәримов РФ субъектларының башкарма хакимият органнары җитәкчеләре делегациясе составында Ямал-Ненец автономияле округына эшлекле сәфәр кыла.
Эш сәфәре программасы кысаларында РФ субъектлары башкарма хакимияте органнары җитәкчеләре "Газпром" ҖАҖ, "Газпромдобыча Надым" ҖЧҖ җитәкчеләре һәм Ямал муниципаль районы башлыгы белән очрашачаклар.
Эш сәфәрендә катнашучылар Бованенков нефтегазоконденсат чыганагында (НГКМ) булачаклар, газ кәсебе эше һәм "Бованенково" вахта бистәсе объектлары белән танышычаклар.
2016 елның 29 мартында Казан федераль университетында коррупциягә каршы тору өлкәсендә агарту-белем бирү мәсьәләләре буенча "түгәрәк өстәл" булып узды. "Түгәрәк өстәл" эшендә Татарстан Республикасы Премьер-министр урынбасары –ТР сәнәгать һәм сәүдә министры Алберт Кәримов, коррупциягә каршы сәясәт мәсьәләләре буенча Татарстан Республикасы Президенты Идарәсе вәкилләре, министрлык һәм ведомство җитәчеләре, югары уку йортлары, республиканың хокук саклау органнары башлыклары катнашты.
"Түгәрәк өстәл" эшендә катнашучылар алдында чыгыш ясаганда ТР Премьер-министр урынбасары – ТР сәнәгать һәм сәүдә министры Алберт Кәримов "мәгариф ул- коррупциягә каршы торуда төп коралларның берсе. Хәзерге вакытта актуаль булган сорауларның берсе - белем бирү процессына коррупциягә каршы юнәлештәге фәннәрне кертү тора”, - дип ассызыклады.
2016 елның 28 мартында Татарстан Республикасы Премьер-министр урынбасары –ТР сәнәгать һәм сәүдә министры Алберт Кәримов Татарстан Республикасы территориясендә урнашкан берничә оборона-сәнәгать комплексы предприятиясендә булды, бу - "Казан оптика-механика заводы" АҖ, "Гамәли Оптика Дәүләт Институты Фәнни-Җитештерү Берләшмәсе” АҖ һәм "Швабе технологик лабораториясе" АҖ.
ТР сәнәгать һәм сәүдә министрлыгы җитәкчесе Алберт Кәримов җитештерү цехларын карап чыкты, инвестиция программаларын тормышка ашыручы, федераль максатчан программалар кысаларында җитештерүне модернизацияләүче, алдынгы идарә технологияләрен кертүче предприятиеләр эшчәнлеге белән танышты .
2016 елның 29 мартында Казанда Казахстан һәм Татарстан эшлекле даирәләре вәкилләренең Бизнес-форумы узды. Форум эшендә ТР сәнәгать һәм сәүдә министры урынбасары Рашат Фәттахов, ТР Сәүдә-Сәнәгать Палатасы Идарәсе Рәисе Шамил Агеев, Казахстан Республикасының Казандагы Генераль Консулы Әсхәт Носкабай, "KAZNEX INVEST" Экспорт һәм инвестицияләр буенча милли агентлык" АҖ Рәисе урынбасары Мейерҗан Майкенов, "КазЭкспортГарант" Экспорт кредит иминият корпорациясе" АҖ җитәкчелеге вәкилләре, Татарстан һәм Казахстан эшлекле даирәләре вәкилләре катнашты.
Эшлекле форум программасы кысаларында казахстан һәм татарстан предприятиеләре арасында икеяклы сөйләшүләр узды.
Исегезгә төшерәбез, 2016 елның 28-30 март көннәрендә казахстан компанияләренең Татарстан Республикасына сәүдә-икътисади миссиясе уза. Казахстан делегациясе составына 20 дән артык казахстан машина төзелеше, металлургия, төзелеш, фармацевтика, азык-төлек сәнәгате экспорт юнәлешле предприятие вәкилләре керә.
2016 елның 29 мартында Яр Чаллыда Татарстан Республикасы җиһаз кластеры Стратегиясен эшләү буенча эшче төркем утырышы булып узды. Утырышта ТР сәнәгать һәм сәүдә министрлыгы вәкилләре, ТР Яр Чаллы шәһәренең муниципаль берәмлеге Башкарма комитеты, ТР Кама аръягы төбәге һәм Яр Чаллы җиһаз һәм агач эшкәртү сәнәгате Ассоциациясе, ТР җиһаз индустриясе Ассоциациясе, “Кече һәм урта эшмәкәрлек субъектларының кластер үсеше Кама үзәге”, "Маркетинг тикшеренүләр үзәге" ҖЧҖ, "Лубян урман-техник колледжы" дәүләт бюджет профиль белем учреждениясе, "Кастамону Интегрейтед Вуд Индастри" ҖЧҖ вәкилләре катнашты.
Киңәшмә барышында эшче төркем вәкилләре Стратегия проекты буенча фикер алыштылар, аны эшләп бетерү турында тәкъдимнәр керттеләр.
2016 елның 28-30 март көннәрендә казахстан компанияләренең Татарстан Республикасына сәүдә-икътисади миссиясе уза.
Казахстан делегациясе составына 20 дән артык казахстан машина төзелеше, металлургия, төзелеш, фармацевтика, азык-төлек сәнәгате экспорт юнәлешле предприятие вәкилләре керә.
2016 елның 29 мартында Казанда Казахстан һәм Татарстан эшлекле даирә вәкилләренең бизнес-форумы узачак.
Форум эшендә ТР сәнәгать һәм сәүдә министрлыгы җитәкчелеге вәкилләре, ТР Сәүдә-Сәнәгать Палатасы, Казахстан Республикасының Казандагы Генераль Консуллыгы, "KAZNEX INVEST" Экспорт һәм инвестицияләр буенча милли агентлык" АҖ, "КазЭкспортГарант" Экспорт кредит иминият корпорациясе" АҖ, Казахстан һәм Татарстан эшлекле даирә вәкилләре катнашачак.
Эшлекле форум программасы кысаларында казахстан һәм татарстан предприятиеләре арасында икеяклы сөйләшүләр узачак.
Ятим балалар өчен Минзәлә мәктәп-интернатында тәрбияләнүчеләр "КАМАЗ" ҖАҖ автомобиль заводында булдылар. Экскурсия мәктәп-интернат җитәкчелеге соравы буенча оештырылды. Автомобиль заводында балаларга төп һәм кабиналар җыю конвейерларын күрсәттеләр. Алар двигатель белән комплектлаштырылган шассига кабиналар урнаштыру процессын күзәттеләр. Яшь кунакларга җитештерелә торган продукция һәм "КАМАЗ" компаниясе турында ролик күрсәттеләр.
Заводларга экскурсия – "КАМАЗ" заводының һөнәри юнәлеш бирү программасының бер өлеше. Ул балалар һәм яшьләр арасында җитештерүдә кирәкле һөнәрләрнең дәрәҗәсен һәм аларның абруен күтәрүне популярлаштыруга юнәлдерелгән. 2015 елда "КАМАЗ" заводларына Яр Чаллы мәктәпләрендә укучылар өчен 100 экскурсия оештырылган иде, анда якынча 2000 кеше катнашты.
2016 елның 25 мартында Татарстан Республикасы Президенты Рөстәм Миңнеханов "Федерал-Могул Холдингс" корпорациясе директорлар Советы рәистәше, "Федерал-Могул Пауэртрейн" генераль директоры Райнер әфәнде Юкшток белән очрашты. Очрашуда Татарстан Республикасы Премьер-министр урынбасары – Татарстан Республикасы сәнәгать һәм сәүдә министры Алберт Кәримов, "КАМАЗ" ҖАҖ генераль директоры Сергей Когогин, Татарстан Республикасы Президенты ярдәмчесе Алберт Нафигин һәм башкалар катнашты.
Очрашу барышында ике як Татарстан һәм "Федерал-Могул" компаниясе машина төзелеше, аерым алганда зур йөк автомобильләре җитештерү һәм автомобиль тармагы өчен җиһазлар җитештерү өлкәсендә хезмәттәшлек перспективалары хакында фикер алыштылар.
Мәгълүмат “Татар-информ” МА сайтында урнаштырылган: http://www.tatar-inform.ru/news/2016/03/25/497079/
Мәгълүмат өчен: "Федерал-Могул Холдингс" корпорациясе 1899 елда Детройтеда нигезләнгән. Хәзерге вакытта компанияда 34 илдән 50 меңнән артык хезмәткәр эшли.
"Федерал-Могул Холдингс" корпорациясе әйдәп баручы дөньякүләм транспорт чараларына хезмәт күрсәтү буенча агентлар һәм дөньякүләм җитештерүчеләр өчен продуктлар һәм автомобиль өлкәсендә җиһазлар, аз, урта, югары егәрлек коммерция автомобильләре, диңгез юлы, тимер юл сәнәгате, космонавтика, энергия белән тәэмин итү һәм сәнәгать продукциясе белән тәэмин итүче булып тора.
Компаниянең продуктлары һәм хезмәтләре ягулык чыгымнары күрсәткечләрен яхшыртуга ярдәм итә, зарарлы матдәләр чыгаруны киметү һәм транспорт чаралары куркынычсызлыгын арттыруга булыша.