ЯҢАЛЫКЛАР
Россия Банкы “Твоя-Россия.рф” сайтында 200 һәм 2000 сум номиналлы яңа банкнотлары өчен символлар сайлау буенча тавыш бирүнең беренче этабын ачып җибәрде.
Әлеге этап 2016 елның 28 июленә кадәр дәвам итәчәк һәм ул шәһәрләрнең киңәйтелгән исемлеген, аларның шәһәр символларын формалаштыруга юнәлдерелгән. Тавыш бирү нәтиҗәләре буенча претендентлар исемлегенә биш меңгә якын тавыш җыйган шәһәр һәм аларның символлары керәчәк.
Конкурсның икенче этабында "Җәмәгатьчелек фикере" фонды гомумроссия сораштыру нәтиҗәләре буенча 10 шәһәр билгеләнәчәк, шулар арасыннан өченче тавыш бирү барышында 2 шәһәр-җиңүче сайланачак. Конкурсның ахыргы нәтиҗәләре 2016 елның 7 октябрендә игълан ителәчәк.
“Твоя-Россия.рф” сайтында теләүчеләр 200 һәм 2000 сум номиналлы яңа купюраларда Казан шәһәре символлары сурәте өчен тавыш бирүдә катнаша алалар.
Бүгенге көндә Россиядә барлык махсус икътисадый зоналар табышының 66 % "Алабуга" МИЗ на туры килә. Бу хакта 2016 елның 5 июлендә Татарстан Республикасы Президенты Рөстәм Миңнеханов "Алабуга" махсус икътисадый зонасына 10 ел тулуга һәм МИЗ эш нәтиҗәләренә багышланган киңәшмәдәге сәламләү чыгышында хәбәр итте. Киңәшмә "Алабуга" административ-эшлекле үзәгенең конференц-залында үтте.
Киңәшмәнең мактаулы кунаклары һәм катнашучылары Мәскәү шәһәре мэры Сергей Собянин, Россия Федераль салым хезмәте җитәкчесе Михаил Мишустин, Мәскәү мэрының шәһәр төзелеше сәясәте буенча урынбасары Марат Хөснуллин, РФ Президенты каршындагы Россия халык хуҗалыгы һәм дәүләт хезмәте Академиясе (РАНХиГС) ректоры Владимир Мау, Татарстан Республикасы Премьер-министры урынбасары- Татарстан сәнәгать һәм сәүдә министры Алберт Кәримов, “Алабуга” МИЗ генераль директоры Тимур Шаһивәлиев, ТР министрлык һәм ведомство җитәкчеләре катнашты.
2016 елның 5 июлендә Татарстан Республикасы Президенты Рөстәм Миңнеханов «Алабуга» махсус икътисадый зонасында урнашкан битле пыяла җитештерүче завод «Тракья Гласс Рус» АҖ булды.
Искә төшерик, Рөстәм Миңнеханов һәм аны озатып йөрүче рәсми затлар Татарстанның Алабуга муниципаль районында «Алабуга» МИЗ оешуга 10 ел тулу уңаеннан тантаналы чараларда катнашалар.
Чараларда Мәскәү мэры Сергей Собянин, Россия Федераль салым хезмәте җитәкчесе (РФ ФСХ) Михаил Мишустин, Мәскәү шәһәре төзелеш сәясәте буенча мэр урынбасары Марат Хөснуллин, Россия Федерациясе Президенты каршындагы Россия халык хуҗалыгы һәм дәүләт хезмәте Академиясе ректоры (РХХ һәм ДХ) Владимир Мау, Татарстан Республикасы Премьер-министры урынбасары - Татарстан сәнәгать һәм сәүдә министры Алберт Кәримов, “Алабуга” МИЗ генераль директоры Тимур Шаһивәлиев, ТР министрлык һәм ведомство җитәкчеләре һәм башкалар катнаша.
2016 елның 5 июлендә Татарстан Республикасы Президенты Рөстәм Миңнеханов «Ростех» Дәүләт корпорациясе һәм «Роде һәм Шварц» (ГФР) алман компаниясе бизнес-миссиясе белән очрашты. Делегацияләрне «Ростех» ДК генераль директоры урынбасары Дмитрий Шугаев һәм «Роде һәм Шварц» компаниясе президенты Кристиан Ляйхер җитәкли. Очрашу Татарстан Республикасы Хөкүмәте Йортында узды, анда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов, Татарстан Республикасы Президенты ярдәмчесе Радик Гыйматдинов, КФУ ректоры Илшат Гафуров, Татарстан Республикасы министрлыклары һәм ведомстволары вәкилләре катнашты.
2016 елның 4 июлендә Татарстан Премьер-министры урынбасары – Татарстан сәнәгать һәм сәүдә министры Алберт Кәримов Татарстан Республикасы буенча “ГЕММА - иң яхшы товарлар һәм хезмәтләр” Халыкара конкурсында җиңүчеләрне бүләкләде.
Татарстан сәнәгать һәм сәүдә министрлыгы җитәкчесе “ГЕММА - иң яхшы товарлар һәм хезмәтләр” Халыкара конкурсы 2002 елдан бирле уздырыла (баштарак регионара конкурс буларак узган). Конкурс югары күрсәткечле сыйфатка ия товарлар һәм иң яхшы сыйфатлы хезмәт күрсәтүгә ия булган оешмаларны барлауга юнәлдерелгән, Россия һәм чит ил базарларында хезмәт күрсәтүне һәм продукцияне алга этәрү максаты белән уздырыла. 2010 елда “ГЕММА – Себернең иң яхшы товарлары һәм хезмәтләре” Регионара конкурсы халыкара Проект составына керде.
2016 елның 4 июлендә Татарстан Республикасы Президенты Рөстәм Миңнеханов "Татхимфармпрепараты" ААҖ булды, анда ул стериль күзгә сөртә торган мазьләр, тамчылар һәм стериль булмаган тышкы мазьләр, гельләр ясаучы яңа җитештерү белән танышты. Президентка цехта урнаштырылган яңа җиһазларны, продукцияне җитештерү һәм төрү буенча автоматлаштырылган яңа линияне күрсәттеләр.
"Татхимфармпрепараты" ААҖ җитәкчелеге мәгълүматларына караганда, яңа җитештерү өлешчә үз акчаларына һәм бурычка алынган акчаларга төзелгән. Бүгенге көндә илебездә бу бердәнбер стериль күз мазьләре, тамчылары җитештерүче оешма. Проектның подрядчы компаниясе Чехиядән.
Татарстан Республикасы Президентын Татарстан Премьер-министры урынбасары – Татарстан сәнәгать һәм сәүдә министры Алберт Кәримов, ТР икътисад министры Артем Здунов, "Связьинвестнефтехим" ААҖ генераль директоры Владимир Сорокин, Казан Идел буе Федераль Университеты ректоры Илшат Гафуров, КДМУ ректоры Алексей Созинов һәм башкалар озатып йөрделәр.
2016 елның 2 июлендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Россия Федерациясендә Нидерланд Корольлегенең Гадәттән Тыш һәм Тулы Вәкаләтле Илчесе Рон Ван Дартел белән очрашуында катнашты. Очрашу Казан Кремленең Губернаторлар Сараенда-Татарстан Республикасы Президентының эш резиденциясендә үтте.
Кунакларны сәламләп Рөстәм Миңнеханов Россия-Голландия мөнәсәбәтләре кысаларында хезмәттәшлекне үстерү мөмкинлеген югары бәяләвен хәбәр итте. Бу сезнең Татарстанга өченче кабат килүегез, диде Рөстәм Миңнеханов, Илчегә мөрәҗәгать итеп, әлеге сәфәр дә Нидерланд Корольлеге делегациясе әгъзалары өчен кызыклы һәм файдалы булуына ышануын белдерде (элгәре Рон Ван Дартел әфәнде Казанга 2013 һәм 2015 елларда булган иде).
2016 елның 1 июлендә Казанда Татарстан Республикасы сәнәгать һәм сәүдә министрлыгы һәм "Татмедиа" матбугат һәм массакүләм коммуникацияләр буенча Республика Агентлыгы ярдәме белән регион һәм милли массакүләм мәгълүмат чаралары VI Форумы кысаларында "Инженер белгечлекләре һәм эшче һөнәрләр престижы" журналист премиясе лауреатларын һәм җиңүчеләрен бүләкләү тантанасы булып узды.
Бүләкләү тантанасында Татарстан Республикасы Дәүләт Киңәшчесе Минтимер Шәймиев, ТР Премьер-министры урынбасары - Татарстан Республикасы сәнәгать һәм сәүдә министры Алберт Кәримов, "Казан вертолет заводы" генераль директоры Вадим Лигай катнаштылар.
Искә төшереп үтик, 2013 елда "Казан вертолет заводы" тарафыннан Республиканың сәнәгать һәм сәүдә министрлыгы һәм “Татмедиа” Республика Агентлыгы ярдәме белән инженер һәм эшче һөнәрләрне популярлаштыруда иң яхшы эш өчен журналист премиясе булдырылган иде. Конкурсның төп максаты –эшче һәм инженерларның уңай имиджын формалаштырган, матбугатта яктырткан иң яхшы журналистларны бүләкләү һәм иң яхшы журналист эшен ачыклау.
2016 елның 1 июлендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов рәислегендә Россия субъектларында һәм чит илләрдә Татарстан Республикасы Вәкиллекләре белән видеоконференцэлемтә режимында киңәшмә узды.
Киңәшмә эшендә республика министрлыклары, ведомстволары һәм иҗтимагый оешма вәкилләре катнашты.
Булып узган киңәшмә барышында Татарстан Республикасы Вәкиллекләренең 2016 елның 1 яртыеллыгындагы эш нәтиҗәләре, сәүдә-икътисадый һәм инвестицион хезмәттәшлек үсеше өлкәсендәге агымдагы сораулар, ватандашлар белән эшләү мәсьәләләре, перспектив эш планнары каралды.
Татарстан һәм Тыва Республикасының хезмәттәшлекне үстерү өчен мөмкинлекләре күп. Бу хакта Татарстан Республикасы Президенты Рөстәм Миңнеханов 2016 елның 1 июлендә Тыва Республикасы башлыгы вазыйфаларын вакытлыча башкаручы Шолбан Кара-оол белән очрашуында белдерде. Очрашу Рөстәм Миңнеханов башлыгындагы Татарстан делегациясенең Кызыл шәһәренә (Тыва) эш визиты кысаларында үтте.
Татарстан делегациясен сәламләп, Шолбан Кара-оол Тыва Республикасы Татарстан белән хезмәттәшлекне киңәйтүдә кызыксына. "Бүген без мөмкинлекләре җитәрлек дәрәҗәдә ачылмаган регион булып торабыз. Татарстан исә, үз чиратында, күп төрле юнәлешләр буенча алдынгы урыннарны били. Татарстан Республикасы нефть химиясе һәм нефть чыгару тармаклары, авыл хуҗалыгы, машина төзелеше өлкәсендәге үсешләре белән билгеле", - диде Тыва башлыгы вазыйфаларын вакытлыча башкаручы.