ЯҢАЛЫКЛАР
2016 елның 29 ноябрендә Саксония Ирекле дәүләте (ГФР) Премьер-министры Станислав Тиллих башлыгында Саксония делегациясенең Татарстан Республикасына визиты кысаларында Казанда «Татарстан–Саксония» икътисади форумы үтә.
Форум эшендә ТР Президенты Рөстәм Миңнеханов, Саксония Ирекле дәүләте (ГФР) Премьер-министры Станислав Тиллих, ТР Премьер-министры урынбасары – ТР сәнәгать һәм сәүдә министры Алберт Кәримов, Татарстан һәм Саксония дәүләт хакимияте органнары һәм бизнес вәкилләре катнаша.
Татарстан Республикасының сәүдә-икътисади һәм сәнәгать потенциалы презентация белән ТР Премьер-министры урынбасары – ТР сәнәгать һәм сәүдә министры Алберт Кәримов чыгыш ясый. Саксония сәүдә-икътисади потенциалын Саксония икътисади үсеше Департаменты җитәкчелеге тәкъдим итә.
2016 елның 28 ноябрендә Татарстан Республикасы Министрлар Кабинетында ТР Хөкүмәтенең “Сыйфат өчен” премияләре 12нче республика конкурсы лауреатларын һәм дипломантларын бүләкләү тантанасы узды.
Бүләкләү тантанасында ТР Премьер-министры Илдар Халиков, ТР Премьер-министры урынбасары – ТР сәнәгать һәм сәүдә министры Алберт Кәримов, “Россия сыйфат системасы” оешмасы җитәкчесе Максим Протасов, республика бәйгесендә җиңүчеләр һәм дипломантлар, Идел буе сыйфат үзәге һәм ТР сәнәгать предприятиеләре вәкилләре катнашты.
2016 елның 25 ноябрендә А.М. Горький исемендәге Яшел Үзән заводында "Төньяк проект-конструкторлык бюросы" АҖ (Санкт-Петербург) тарафыннан проектланган 22160 проектлы серияле «Виктор Великий» бишенче патруль корабы төзелешенә нигез салу тантанасы булды.
Тантанада Россия Федерациясе оборона министры урынбасары Юрий Борисов, Татарстан Республикасы Премьер-министр урынбасары–Татарстан Республикасы сәнәгать һәм сәүдә министры Алберт Кәримов, РФ оборона министрлыгы дәүләт оборона заказын тәэмин итү буенча Департамент җитәкчесе Андрей Вернигора, РФ Кораллы Көчләр Баш коралландыру идарәсе башлыгы Анатолий Гуляев, РФ оборона министрлыгы хәрби вәкиллекләр идарәсе башлыгы Олег Степанов, РФ Хәрби-Диңгез Флоты кораблар төзелеше Идарәсе башлыгы Владимир Тряпичников, Яшел Үзән муниципаль районы җитәкчелеге, "Ак Барс" Холдинг компаниясе” АҖ, А.М.Горький исемендәге Яшел Үзән заводы, "Төньяк проект-конструкторлык бюросы" АҖ җитәкчелеге катнашты.
2016 елның 24 ноябрендә ТР Премьер-министры урынбасары – ТР сәнәгать һәм сәүдә министры Алберт Кәримов Мәскәүдә Россия Федерациясенең энергетика министры Александр Новак рәислегендә узган “2016-2017 елларның көзге-кышкы чорында электр энергетикасы субъектлары эшенә әзерлекнең барышы турында” Бөтенроссия киңәшмәсендә катнашты.
Киңәшмәдә Россия Федерациясе субъектлары дәүләт хакимияте органнары җитәкчеләре, Россия энергетика министрлыгы вәкилләре, Ростехнадзор, Россиянең монополиягә каршы федераль хезмәте җитәкчеләре, федераль һәм төбәк энергия компанияләре җитәкчеләре катнашты.
2016 елның 24 ноябрендә Чехия Республикасының Россия Федерациясендәге Илчелегендә Чехия эшлекле даирә вәкилләре өчен Татарстанның сәнәгый, инвестиция һәм туристлык потенциалын тәкъдир итү булды.
Чарада Россия Федерациясендә Чехия Республикасының Гадәттән Тыш һәм Тулы Вәкаләтле Илчесе Владимир Ремек, ТР Премьер-министры урынбасары – ТР сәнәгать һәм сәүдә министры Алберт Кәримов, ТР Премьер-министры урынбасары – Татарстан Республикасының Россия Федерациясендә Тулы Вәкаләтле вәкиле Равил Әхмәтшин, ТР туризм буенча Дәүләт комитеты Рәисе Сергей Иванов, Татарстан предприятиеләре вәкилләре һәм Чехиянең 24 компаниясе катнашты.
ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Президенты Рөстәм Миңнехановның презентациядә катнашучыларга һәм аны оештыручыларга сәламләү хатын укыды.
2016 елның 24 ноябрендә Казанда Татарстан Республикасы Президенты Рөстәм Миңнеханов рәислегендә «Татнефть» ГАҖ Директорлар Советының чираттагы утырышы узды.
Утырыш барышында 2016 елның 9 аенда компаниянең финанс-хуҗалык эшчәнлеге турында мәгълүмат тыңланды. «Татнефть» компаниясе тарафыннан табылган гомуми нефть күләме (ярдәмче җәмгыятьләрне исәпкә алмаганда) 20 млн. 851 мең тонна тәшкил иткән, бу узган елның шул ук вакыт аралыгы белән чагыштырганда 4,9 процентка күбрәк. 328 яңа нефть чыгару скважинасы һәм 422 басым ясау скважинасы эксплуатациягә кертелгән. Юлдаш нефть газын җыю күләме 700 млн. куб. метр тәшкил итә, бу 2015 елның шул ук чорына караганда 4,8 процентка артыграк. Төяп озатылган продукцияне реализацияләүдән брутто-табыш 2016 елның 9 аенда 427 млрд. сум тәшкил иткән.
2016 елның 24 ноябрендә ТР сәнәгать һәм сәүдә министрлыгында сәүдә челтәрләрен яшелчә продукциясе белән тәэмин итү сораулары буенча киңәшмә узды. Киңәшмәдә ТР сәнәгать һәм сәүдә министрлыгы, Татарстан Республикасы авыл хуҗалыгы һәм азык-төлек министрлыгы җитәкчеләре, авыл хуҗалыгы предприятиеләре һәм сәүдә челтәрләре җитәкчелеге вәкилләре катнашты.
Киңәшмә барышында республика халкын сыйфатлы яшелчә продукциясе белән тәэмин итү мәсьәләләре, авыл хуҗалыгы продукциясе тәэмин итеп торучыларның компанияләрнең сәүдә челтәрләре белән хезмәттәшлегенең актуаль мәсьәләләрен карадылар.
2016 елның 24 ноябрендә Россия Федерациясе сәнәгать һәм сәүдә министрлыгы тарафыннан оештырылган III Бөтенроссия җиңел сәнәгать Форумы ачылды. Форум эшендә министрлык һәм ведомство вәкилләре, һөнәри һәм иҗтимагый оешмалар, финанс һәм банк структуралары, әйдәп баручы тармак предприятиеләре, аналитиклар һәм тармак экспертлары катнашты. Татарстан республикасыннан ТР сәнәгать һәм сәүдә министрлыгы вәкилләре, "Спартак" Аяк киеме фабрикасы” ААҖ, "Карлен" ҖЧҖ һ. б. Татарстан предприятиеләре вәкилләре катнашты.
2016 елның 23 ноябрендә Мәскәүдә ENES-2016 Халыкара форумы кысаларында “МедиаТЭК” региональ администрация һәм ягулык-энергетика комплексы компанияләренең матбугат үзәге, массакүләм мәгълүмат чаралары бөтенроссия конкурсына йомгак ясалды.
“МедиаТЭК” конкурсы нәтиҗәләре буенча Татарстан Республикасы җитәкчелеге регионда ягулык-энергетика комплексын үстерү буенча иҗтимагый чараларда актив катнашулары өчен "Шәхси игътибар" номинациясендә Татарстан беренче урынны яулады. Бүләк ТР Премьер – министры урынбасары – ТР сәнәгать һәм сәүдә министры Алберт Кәримовка тапшырылды.
Әйтеп үтәргә кирәк, “МедиаТЭК” конкурсының "Иң яхшы төбәк форумы", "Энергия нәтиҗәлелеге һәм энергияне саклау", "Заманча җитештерү һәм ягулык-энергетика комплексын үстерү" номинацияләрендә Татарстан Республикасы икенче урынны алды.
2016 елның 23 ноябрендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Премьер-министры Илдар Халиков башлыгында ENES-2016 халыкара Форумы эшендә катнаша.
Татарстан Республикасы 2013 елдан бирле бердәм күргәзмә экспозициясе белән ENES халыкара Форумында Татарстанның энергияне саклау һәм энергетика нәтиҗәлелеген күтәрү өлкәсендәге тәҗрибәсен чагылдыра. 2016 елда республика экспозициясе составында “Татнефть” ГАҖ, “Түбән Кама нефтехим” ГАҖ, “Казаноргсинтез” ГАҖ, “Казан вертолет заводы” ГАҖ, “Генерирующая компания” ААҖ, “ТГК-16” ААҖ, “Сетевая компания” АҖ, “Татэнергосбыт” АҖ, Казан дәүләт энергетика университеты, “Ледел” ҖЧҖ, “РариТЭК” ҖЧҖ катнаша.
ENES-2016 Форумы кысаларында Татарстан Республикасы делегациясе “Лидер-шәһәрләрнең уртак тырышлыгы белән тотрыклы үсешкә һәм инновацияләргә” темасына пленар утырышта һәм “Энергия нәтиҗәлелеге 2.0. Йөкләнеш” панель дискуссиясендә һәм башка программалы чараларда катнашачак.