ЯҢАЛЫКЛАР
1 февральдә Татарстан Республикасы предприятиеләре һәм сәнәгатьчеләре Ассоциациясе Советының киңәйтелгән утырышы узды. Утырышта ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов, ТР Президенты ярдәмчесе Равил Зарипов катнашты. Утырышны ТР предприятиеләре һәм сәнәгатьчеләре Ассоциациясе президенты Александр Лаврентьев алып барды. Түбәндәге сораулар каралды: 2016 елда Ассоциациянең эшчәнлек нәтиҗәләре, 2017 елга эш планы; 2016 елда финанс-хуҗалык эшчәнлеге турында хисапны раслау, 2017 елга чыгымнар сметасын раслау; ТР сәнәгать һәм сәүдә министрлыгы һәм ТР икътисад министрлыгының уртак коллегиясе эш нәтиҗәләре һәм 2017 елга бурычлар; Россия сәнәгатьчеләре һәм эшмәкәрләре берлегенең Корылтаены делегатлар сайлау.
Бүген Татарстан Республикасы сәнәгать һәм сәүдә министрлыгында ТР Премьер-министры урынбасары - ТР сәнәгать һәм сәүдә министры Алберт Кәримов Россия Федерациясендә Пакистан Ислам Республикасының Гадәттән Тыш һәм Тулы Вәкаләтле Илчесе Казый Мөхәммәд Хәлиулла белән очрашты.
"КАМАЗ" ҖАҖ идарәсенең проект һәм инвестиция департаментында (Ростех Дәүләт Корпорациясенә керә) яшьләр проектларын гамәлгә кертү нәтиҗәләрен ясадылар.
Россия Федерациясе сәнәгать һәм сәүдә министры Денис Мантуров Россия Хөкүмәте Рәисе Дмитрий Медведевның Киров өлкәсенә эш сәфәрендә катнашты. Визит барышында кораллану дәүләт программасын үтәү өчен оборона-сәнәгать комплексы оешмаларының җитештерү егәрлекләрен үстерү турында киңәшмә узды.
Беларусь Республикасына эш сәфәре нәтиҗәләре буенча Татарстан Республикасы Президенты Р.Н.Миңнехановның 2016 елның 22 октябрендә теркәлгән ПР-333 номерлы йөкләмәсен үтәү йөзеннән Татарстан Республикасының трамвай паркын яңарту һәм хезмәт күрсәтү сораулары өстендә эшләү өчен эшче төркем булдырылган иде.
31 гыйнварьда "ТАНЕКО" АҖ хезмәт коллективының конференциясе узды. Конференция барышында предприятиенең җитештерү эшчәнлегенә нәтиҗә ясалды һәм 2016 елның Күмәк шартнамәсенең шартлары үтәлү, 2017 елга бурычлар билгеләнде.
Бүген Татарстан Республикасы сәнәгать һәм сәүдә министрлыгында ТР сәнәгать һәм сәүдә министры урынбасары Денис Вәлиев Актүбә өлкәсенең Акимата туризм һәм тышкы элемтәләр идарәсе җитәкчесе Кенжеханулы Ермек башлыгында Казахстан делегациясе вәкилләре белән очрашты.
Очрашу барышында яклар Татарстан Республикасы (Россия Федерациясе) һәм Актүбә өлкәсе (Казахстан Республикасы) арасында Килешү имзалау мәсьәләсен кузгаттылар. Моннан тыш, алга таба машина төзелеше, авыл хуҗалыгы, химия өлкәсендә үзара файдалы хезмәттәшлек итү темасын да күтәрделәр. Шулай ук, Татарстан Республикасы эшлекле даирә вәкилләренең Актүбә өлкәсенә рәсми визитын оештыру мөмкинлеге хакында фикер алыштылар.
Белешмә өчен:
Актүбә өлкәсе — Казахстанның эре сәнәгать төбәге. Сәнәгать тармагының нигезе — тау һәм химия сәнәгате, кара металлургия.
"Камаз"да (“Ростех” Дәүләт Корпорациясенә керә) уйлап табу һәм яңалык кертү өлкәсендәге эшчәнлеккә ел йомгагы ясалды.
Компаниянең Фәнни-техник үзәге патент-лицензия һәм рационализатор эше бюросы мәгълүматлары буенча 2016 елда уйлап табу өчен ун патент алынган, шулардан беренче тапкыр өчесе – евразия, 44 патент файдалы модельгә, бер патент сәнәгать үрнәге өчен. Автор хокукы объекты буларак бер программа ЭВМ өчен теркәлгән. Россиядә һәм чит илләрдә теркәлгән товар билгеләренә 11 таныклык алынган.
Күпчелек авторлар – "КАМАЗ" ҖАҖ хезмәткәрләре, уйлап –табуга берәр патентны заводның кою һәм тимерче цехлары хезмәткәрләре алган. Кою цехы новаторлары шулай ук, файдалы модель өчен дүрт патентка ия булдылар һәм ЭВМ программасына таныклыклар яуладылар.
Татарстан Республикасы сәнәгать һәм сәүдә министрлыгында 30 гыйнварда "Evolen" Ассоциациясе генераль директоры Жерар Момплот җитәкчелегендәге француз делегациясе белән очрашу узды.
Сөйләшү барышында яклар нефть-газ тармагы өлкәсендә үзара файдалы хезмәттәшлек перспективалары, аерым алганда, Татарстан Республикасы территориясендә уртак проектларны гамәлгә ашыру мөмкинлекләрен карадылар.
Искәртеп үтик, Франция һәм Татарстан Республикасы хезмәттәшлеге актив үсә. 2015 ел нәтиҗәләре буенча Татарстан һәм Франция арасында тышкы сәүдә әйләнеше 158 млн евро тәшкил иткән. Парижда 20 елдан артык Татарстанның Тулы Вәкаләтле вәкиллеге, Казанда Франциянең мактаулы консулы эшли, ачылган виза үзәге хезмәт күрсәтә, "Альянс-Франсез" оешмасы актив рәвештә мәдәни-агарту эшчәнлеген алып бара. Моннан тыш, Татарстан территориясендә Air Liquide, "Schneider Electric", " Leroy Merlin, Decathlon, Auchan һәм башка компанияләр эшли.
"Татэнергосбыт" АҖ директорлар Советының чираттагы утырышы бүген Татарстан Республикасы Премьер-министры Илдар Халиков үткәрде. Чарада Татарстан Республикасы сәнәгать һәм сәүдә министры урынбасары Алексей Сергеев катнашты. Утырыш ТР Хөкүмәте Йортында узды.
2016 елда АҖ, "Татэнергосбыт" АҖ түбәндәге нәтиҗәләргә ирешкән: кулланучыларга электр энергиясен сату күләме сәгатенә 18,4 млрд. КВт тәшкил иткән, бу - 53,2 миллиард сум. Клиентлар базасы 12 ай эчендә физик затлар - 837 220 нән 850 767 кадәр арткан, юридик затлар - 33 305 нән 33 950 кадәр җиткән.