ЯҢАЛЫКЛАР
у көннәрдә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов рәислегендә Сәнәгать һәм сәүдә министрлыгында "Безнең вакыт – Безнең заман" дигән ел саен үткәрелә торган республиканың VI ачык телевизион эшләүче яшьләр иҗаты фестивален оештыру комитетының утырышы булды.
Чарада Татарстан Республикасы мәдәният министры Ирада Әюпова, Татарстан Республикасы Профсоюзлар федерациясе рәисе вазыйфаларын башкаручы Татьяна Васильева, Татарстан Республикасы яшьләр эшләре министрының беренче урынбасары Тимур Сөләйманов һәм Оештыру комитетының башка әгъзалары катнашты. Киңәшмә кысаларында Республиканың "Безнең вакыт – Безнең заман" VI ачык телевизион эшләүче яшьләр иҗаты фестивален уздыруның план-графигы турында, шулай ук жюри составы, эш төркеме һәм фестиваль регламенты турында сүз барды һәм хупланды.
Моннан тыш, фестивальнең, быелның октябреннән ноябренә кадәр, көзен узачак сайлап алу этапларын уздыру сроклары расланачак һәм Казан, Түбән Кама, Яр Чаллы һәм Зәй шәһәрләрендә дүрт зонага бүленгән сайлап алу этапларын үз эченә алачак, супер финал һәм гала-концерт Казанда була.
Катнашу өчен 2018 елның 25 сентябренә кадәр заявка тапшырырга кирәк.
Бүген ТР Сәнәгать һәм сәүдә министрлыгында Татарстан Республикасында сәнәгать продукциясенең законсыз әйләнешенә каршы көрәш буенча комиссия утырышы булды. Көн тәртибендә – төзелә торган социаль объектларда кабель-үткәргеч продукциясенең сыйфатына кереш контроль проектына кушылу.
Фальсификацияле, техник сыйфатламаларга җавап бирми торган кабель-үткәргеч продукциясен куллану җитди куркынычларга сәбәпче булырга – техника эшендә барлыкка килгән өзеклекләрдән башлап кешеләрнең гомеренә һәм сәламәтлегенә куркыныч белән янаучы, мисал өчен, гадәттән тыш хәлләр, янгыннар китереп чыгарырга мөмкин.
Узган елның декабре азагында Россиянең Сәнәгать продукциясенең законсыз әйләнешенә каршы көрәш буенча дәүләт комиссиясе утырышында илнең кайбер төбәкләрендә төзелә торган социаль өлкә объектларында кабель-үткәргеч продукциясе сыйфатына кереш контролен гамәлгә ашыру карары кабул ителде.
Пилот проектын Татарстан Республикасы Президенты Рөстәм Миңнеханов та хуплады. Ул аны Татарстанда гамәлгә ашыру турында һәм сәнәгать продукциясенең законсыз әйләнешенә каршы көрәш буенча республика комиссиясе каршында тармакның эш төркемен төзү турында йөкләмә бирде.
Казанның "Казан ярминкәсе" күргәзмәләр үзәгендә 8-10 август көннәрендә "Авиакосмик технологияләр, заманча материаллар һәм җайланмалар" (АКТО-2018) IX халыкара махсуслаштырылган күргәзмәсе узачак. Күргәзмәне оештыручылар булып Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, Казан шәһәре мэриясе, "Авиасалон" ААҖ (Мәскәү ш.), "Казан ярминкәсе" ААҖ һәм Татарстан Республикасы Президенты Р.Н.Миңнеханов ярдәмендә Россиянең авиаҗитештерүчеләр берлеге чыгыш ясый.
Быел "АКТО-2018" һәм эшлекле чаралар авиатөзелеш тармагы тарихында атаклы галим һәм авиаконструктор А.Н. Туполевның тууына 130 ел тулу, ТУ-144 очкычының беренче мәртәбә очыш ясаган көненнән 50 ел узу һәм дөньяда беренче хатын-кыз космонавт В.В.Терешкованың космоска очкан көненнән соң 55 ел узу кебек әһәмиятле вакыйгаларга багышланачак.
"АКТО" күргәзмәсенең эш программасы тармак өчен әһәмиятле һәм уникаль чараларга бай булачак. Казанда беренче мәртәбә Россия авиаҗитештерүчеләренең IV съезды узачак. Съездны оештыручылар булып Россия авиаҗитештерүчеләре берлеге тора.
Берлек ел саен "Ел авиатөзүчесе" конкурсын уздыра, аның максаты булып авиатөзелеш өлкәсендә фәнни, җитештерү һәм социаль өлкәләрдә күренекле нәтиҗәләргә ирешкән һәм тармак үсешенә шактый өлеш керткән авиация сәнәгате корпорацияләренең, предприятиеләренең, учреждениеләрнең, ассоциацияләрнең һәм юридик затларның башка төрле берләшмәләренең коллективларын, шулай ук җәмгыятьләрне, оешмаларны һәм аерым физик затларны иҗтимагый стимуллаштыру системасын үстерү тора. Быел җиңүчеләрне бүләкләү тантанасы Казанда 8 август көнне узачак.
Күргәзмә эшләгән көннәрдә шулай ук "Ростех" дәүләт корпорациясенең Идел буе федераль округында урнашкан вәкиллекләре җитәкчеләренең киңәшмәсе һәм Стандартлаштыру буенча махсус Россия-Кытай эш төркеменең 6 нчы утырышы узачак, аның оештыручысы булып Техник җайга салу һәм метрология буенча федераль агентлык (Росстандарт) катнаша.
АКТО-2018 әһәмиятле вакыйгасы булып гадәттәгечә халыкара катнашулы "Россия авиакосмос тармагында яңа технологияләр, материаллар һәм җайланмалар" россиякүләм фәнни-гамәли конференциясе булачак, аны "КНИТУ-КАИ" ЮББ ФДБМУ уздыра. Конференциядә "Профессор Н.Е. Жуковский исемендәге үзәк аэрогидродинамика институты" ФДУП Дәүләт фәнни үзәге, "Авиация материалларының россиякүләм фәнни-тикшеренү институты" ФДУП, Россия Федераль Атом-төш Үзәге – академик Е.И. Забабахин исемендәге техник физика буенча россиякүләм фәнни-тикшеренү институты (Снежинск ш.), Кытай, Финляндия белем бирү йортлары вәкилләре, шулай ук Валдел Алдынгы Технологияләр компаниясе вице-президенты (Бангалор, Һиндстан) катнашачак.
"Казан ярминкәсе" күргәзмәләр үзәге территориясенең ачык мәйданчыгында статик күргәзмә оештырылачак, бирегә килгән кунаклар "Казан вертолет заводы" ГАҖ җитештерелә торган "Ансат" вертолетларын, "Фермер" самолетларын, шулай ук Казанның МВЕН фирмасында – "2017 елның иң яхшы авиатөзүчесе" номинациясендә Авиаҗитештерүчләр берлеге конкурсында җиңү яулаучы тарафыннан эшләнгән "Мурена" җиңел самолетын карый алачак.
Моннан тыш, 2018 елның 9-10 август көннәрендә "Казан" халыкара аэропортында "Тулпар" компанияләре төркеме базасында Эшлекле авиациянең региональ форумы узачак.
Форумны оештыручылар буенча Берләштерелгән Илкүләм Эшлекле Авиация Ассоциациясе (ОНАДА), Тулпар Аэро Групп һәм "Казан" халыкара аэропорты катнаша. Форум Татарстан Республикасы Сәнәгать һәм сәүдә министрлыгы, Татарстан Республикасы Транспорт һәм юл хуҗалыгы министрлыгы, "Казан ярминкәсе" ААҖ булышлыгы белән уза.
Форумда катнашучылар өчен эшлекле авиацияне үстерүнең актуаль мәсьәләләренә багышланган конференция оештырылачак, шулай ук "Казан" аэропортының инфраструктурасы һәм ТУЛПАР АЭРО ГРУПП җитештерү обектлары белән танышып чыгу гамәлгә ашырылачак.
Форум кысаларында бизнес-джетларның (дәүләт учреждениеләренең һәм коммерция оешмаларының рәсми затларын ташу өчен билгеләнгән самолетларның) һәм югары комфортны бәяләүчеләр һәм күктә иминлек яратучылар өчен VIP-ясалышлы вертолетлар күргәзмәсе эшләячәк.
Статик экспозициядә Bombardier Aerospace, Exclases Holdings Ltd., Pilatus, Honda, Airbus Helicopters, Robinson, Bell, Казан вертолет заводы һ.б. кебек дөньяви җитештерүчеләрнең һава суднолары күрсәтеләчәк.
Бушлай билет алу өчен сылтама: http://www.aktokazan.ru/rus/visitors/zprig
www.aktokazan.ru
Игътибар! АКТО-2018 (Авиакосмик технологияләр, заманча материаллар һәм җайланмалар) күргәзмәсе кысаларында "Казан ярминкәсе" күргәзмәләр үзәгенең 1 нче павильонында (Казан ш., Оренбург тракты, 8) беренче мәртәбә Казанда "Ел авиатөзүчесе" конкурсының эксклюзив интерактив эскпозициясе эшләячәк.
Килгән кунаклар 2200 квадрат метрлы мәйданда зур күләмле 134 экраннан канатлы кошлар ясау дөньясына керү мөмкинлеген алачак, биредә Full HD форматында әлеге гадәттә ябык өлкәгә кагылышлы иң яхшы видео һәм фотохезмәтләр күрсәтеләчәк.
Эш вакыты:
• 8 август: 10.00-17.00
• 9 август: 9.00-18.00
• 10 август: 10.00-17.00
"Казан ярминкәсе" КҮ территориясенә тиз генә үтеп керү өчен онлайн-теркәлү формасыннан файдаланыгыз: http://www.aktokazan.ru/rus/visitors/zprig
КЕРҮ ИРЕКЛЕ! Сезне көтеп калабыз!
2018 елның 5 августыннан 10сына кадәр Томск өлкәсе Губернаторының сәнәгать сәясәте буенча урынбасары Игорь Николаевич Шатурный җитәкчелегендәге Томск өлкәсе делегациясе эш визиты белән Татарстан Республикасына киләчәк.
Делегация составына төбәкнең башкарма хакимияте һәм предприятиеләре вәкилләре керәчәк.
Визитның төп максаты – “Авиакосмик технологияләр, заманча материаллар һәм җайланмалар” IX халыкара махсуслаштырылган күргәзмәсендә, Россия авиаҗитештерүчеләренең IV съездында һәм халыкара катнашулы “Россиянең авиакосмос тармагында яңа технологияләр, материаллар һәм җайланмалар” россиякүләм фәнни-гамәли конференциясендә катнашу. Делегация вәкилләре шулай ук сәнәгый җитештерү һәм урман хуҗалыгы өлкәсендә хезмәттәшлек итү мәсьәләләрен дә караячак.
10 август көнне “Казан” гаилә үзәге мәйданында Россиядә һава флоты көненә, совет галиме һәм авиаконструкторы А.Н.Туполевның 130 яшьлек туган көненә, Ту-155 самолетында беренче мәртәбә очыш ясауның 50 еллыгына, дөньядагы беренче хатын-кыз космонавт В.В.Терешкованың космоска очуының 55 еллыгына багышланган “Мин галәм сайлыйм!” авиация бәйрәме узачак.
Авиашоу программасында – Россиядәге иң югары пилотажында иң яхшы авиация төркеме булган “Русь” пилот төркеменең чыгышы көтелә. Очучылар Л-39 “Альбатрос” өйрәнү-күнекмә алу реактив очкычларында иң катлаулы элементларны ясап күрсәтәчәк.
Бәйрәм тамашачыларын шулай ук хәрби авиациянең ТУ-95, ТУ-160, ТУ-22МЗ, эшлекле авиациянең HondaJet, Л-410, гомуми билгеләнештәге авиациянең Stinson 108, Цесна-172, “Фермер” һава судноларында, “АНСАТ”, “Ми-8” һәм “Ка-32” вертолетларында демонстрацион очышлар көтә. Россиядә классик парашют спорты буенча иң яхшы парашютчылар җиргә төшү төгәллеге буенча сикерешләр ясаячак.
Һава судноларының күрсәтмә чыгышларыннан тыш программада байк-шоу, парашютларны җыю буенча мастер-класс һәм концерт та күздә тотыла. Чара дәвамында Кызыклы фән һәм техника, пилотсыз очкыч аппаратлар һәм авиамодельләр йортлары экспозицияләре эшләячәк. Иң нәни кунаклар өчен балалар мәйданчыгы оештырылачак.
Бәйрәмне тантаналы рәвештә ачып җибәрү чарасы 17.00 сәгатьтә булачак. Анда Татарстан Республикасы һәм Россия Федерациясе рәсми затлары, авиация тармагы ветераннары һәм хезмәткәрләре катнашачак, аларның иң яхшыларына дәүләт бүләкләре биреләчәк.
Сезне “Мин галәм сайлыйм!” авиация бәйрәмендә көтәбез!
Мәгълүмат “Казан ярминкәсе” КҮ матбугат хезмәтеннән җиткерелде
2018 елның 23 августыннан 26сына кадәр Казанда, Татарстан Республикасы Президенты Рөстәм Миңнеханов булышлыгы белән, Татарстан Республикасыннан читтә белем алучы студентлар форумы узачак.
Форумда түбәндәге юнәлешләр буенча 100 талантлы студент катанаша ала:
- ИТ
- инженер фәннәре
- биомедицина
- гуманитар фәннәр
Кем катнаша ала:
- Татарстанда туган һәм республикадан читтәге югары белем йортларында белем алучы студентлар.
Катнашучыларны сайлау критерияләре:
- Татарстан Республикасы белән бергәләп тормышка ашыру өчен инновацияле идеяләр яки проектлар булу;
- Татарстан Республикасы компанияләре һәм предприятиеләре өчен яңа чишелешләр тәкъдим итү.
Студентлар форумында бай мәгариф һәм мәдәният программасы, нетворкинг-сессияләр, республика җитәкчелеге, эре предприятиеләрнең һәм бизнес структураларының топ-менеджменты белән очрашулар көтә. Форумда катнашучылар шулай ук RedBullAirRace Авиаузышлар буенча дөнья чемпионатын да карый алачак.
Форумны оештыручы булып Татарстан Республикасы Сәнәгать һәм сәүдә министрлыгы катнаша. “Форум безнең республикада мәктәп тәмамлаган, ә хәзерге вакытта Татарстаннан читтә белем алучы студентларга республиканың икътисадый һәм җитештерү потенциалы белән танышу мөмкинлеген бирәчәк. Бездәге әйдәп баручы компанияләрдә яшь белгечләрне хезмәткә урнаштыру һәм беркетү мөмкинлекләре бар. Читтәге югары белем йортларында белем алучы студентлар безнең Татарстанда үз талантына кулланылыш табар, дип өметләнәбез”, – дип аңлата Татарстан Республикасы сәнәгать һәм сәүдә министры урынбасары Алмаз Хөсәенов.
Катнашу өчен 2018 елның 9 августына кадәр анкета тутырырга кирәк.
Барлык сораулар белән Алинә Писаревага мөрәҗәгать итегез:
Тел.: +7-987-279-56-80
e-mail: compatriots.tatarstan@gmail.com
Бүген Яшел Үзәннең POZIS заводы мәйданчыгында Татарстан Республикасы Премьер-министры Алексей Песошин рәислегендә Татарстан сәнәгатендә хезмәт җитештерүчәнлеген арттыру һәм ОСК предприятиеләрендә җитештерүне диферсификацияләү тәҗрибәсенә багышланган семинар-киңәшмә булды. Чарада 50дән артык сәнәгать предприятиесеннән, ведомстволардан, республикадагы югары уку йортларыннан җитәкчеләр һәм вәкилләр катнашты.
Альберт Кәримов "Хезмәт җитештерүчәнлеген арттыру коралы буларак санлаштырылган технологияләр" темасына доклад белән чыгыш ясады һәм узган елда Татарстан Республикасы пилоты буларак чыгыш ясаучы Хезмәт җитештерүчәнлеген арттыру өстенлекле программасының Илкүләм проекты итеп үзгәртелүе хакында искәртте. Проектның әһәмиятле максатчан күрсәткечләренең берсе – чималга бәйле булмаган тармакларда эре һәм урта предприятиеләрдә хезмәт җитештерүчәнлеген ел саен 5%ка арттыру. Җитештерүчәнлекне арттыру өстәлгән бәяне арттыру һәм аны җитештерү өчен эш сәгатен киметү хисабына ирешелә. Бу мәсьәләдә әһәмиятле факторларның берсе булып санлаштыру тора, бу хакта Германия икътисады уңай таныклый: 2013-2015 елларда санлы технологияләрне кертү нәтиҗәсендә Германия икътисадының өстәлгән өстәмә бәясе 23% тәшкил иткән.
Министр ассызыклап узганча, сәнәгатьне санлаштыру юлында дәүләт институтларын камилләштерү, конкуренцияне көчәйтү һәм, робот техникасын актив кертүне, сәнәгать тармакларында конкурентлылыкка сәләтле ясалма интеллектны да кертеп, инновацияләргә булган ихтыяҗны арттыру өстенлекле булып санала.
Хәзерге вакытта бу мәсьәләдә предприятиеләргә ярдәм күрсәтү буенча берничә программа эшли. Әйтик, сәнәгатьне үстерү фонды линиясе буенча "Конверсия" программасы эшли – ул граждани һәм/яки икеләтелгән билгеләнешле югары технологияле продукцияне җитештерүгә булышлык күрсәтү өчен оборона-сәнәгать комплексы предприятиеләре өчен займнар. "Сәнәгатьне санлаштыру" программасы – санлы һәм технологик чишелешләр кертүгә юнәлдерелгән проектларга өстәмә финанс бирү. Яңа "Хезмәт җитештерүчәнлеген арттыру" программасы җәелеш алырга әзерләнә.
"Санлаштыру өлкәсендә барган үзгәрешләрнең тизлеген исәпкә алып, безнең сәнәгать предприятиеләре берникадәр куркынычларга тап булырга мөмкин, алар арасында иң мөһиме – базар позицияләрен югалту куркынычы. Югары җитештерүчәнлек – ул предприятие үсешендәге ышанычлы рычаг, ә санлаштыру өстәлгән бәя булдыруның яңа мөмкинлекләрен принципиаль рәвештә ачып җибәрә", – дип билгеләде министр.
Шулай ук хезмәт җитештерүчәнлеген арттыру һәм җитештерүне санлаштыру турында ("КАМАЗ" ГАҖ), сәнәгатьтә санлаштырып үзгәртү өчен яңа мөмкинлекләр турында ("РЕНОВА" ДК "ЦИФРА" компаниясе), сәнәгатьне санлаштыру турында ("Siemens" компаниясе), шулай ук НИОКРда сәнәгый санлы чишелешләрнең перспективалары турында (МИСиС илкүләм тикшеренү институтының "Кинетика" инжиниринг үзәге) да докладлар тыңланды.
1 август көнне Альберт Кәримов Татарстан Республикасыннан вәкилләр делегациясе составында республикадагы иң зур POZIS предприятиесен карады ("ПОЗиС" АҖ "Ростех" дәүләт корпорациясенең "Техмаш" концернына керә).
Визит пунктларының берсе көнкүреш һәм медицина техникасы җитештерү комплексына экскурсиядән гыйбарәт иде. Очрашу барышында суыткыч техникасы өчен импорталмаш программасы кысаларында "ПОЗиС" АҖнең машина төзү буенча инженерлык үзәгендә эшләнгән һәм әзерләнгән корпус детальләрен әзерләү буенча югары механикалаштырылган комплекслар һәм суыткыч җитештерүче төп конвейерда POZIS җитештерү системасы күрсәтелде. Күргәзмәләр залында чарада катнашучылар диверсификация продукциясе базарын үстерү һәм сәнгатьле рәсем ясау остаханәсе эшчәнлегенең перспективалары турында сөйләште.
«Казаньоргсинтез» ГАҖ быелның 6 аендагы эшенә йомгак ясады. Әлеге чорда предприятие 10 млрд сум табыш алган, әлеге күрсәткеч узган елның шушы чорына карата 20%ка күбрәк булып чыккан. Предприятиенең кереме узган ел күрсәткечләренә караганда 6%ка арткан һәм 2018 елның 1 июленә 39,1 млрд сумга җиткән.
«Казаньоргсинтез» активлары беренче яртыеллык йомгаклары буенча 63,7 млрд сум тәшкил итә, ә төп чараларның бәясе – 35,8 млрд сум.
«Казаньоргсинтез»ка табыш һәм керем күрсәткечләрен, иң беренче чиратта, чыгарыла торган продукция күләмен арттыру хисабына күбәйтү мөмкин булган.Соңгы елларда предприятие тотрыклы рәвештә җитештерү күләмен арттыра. 2017 елда «Казаньоргсинтез» үз эшчәнлеге барышында полиэтилен чыгару буенча рекордлы санга иреште. Полиэтилен базарындагы шартлар да: продукциягә булган бәяләрнең тотрыклылыгы һәм артуы, валюталар курсының үзгәрүе предприятиенең икътисадый эшчәнлегенә шулай ук уңай йогынты ясамыйча калмаган.
Болар белән беррәттән, 2018 елның беренче яртыеллыгында «Казаньоргсинтез»ның финанс күрсәткечләренә чималга булган бәяләрнең артуы да җитди тәэсир иткән, әлеге хәл сатуның үзкыйммәтен арттыруга китереп чыгарган. Ләкин предприятиегә ресурсларга бәя артуны өлешчә компенсацияләү мөмкин булган, ул идарәи һәм коммерция сарыфларын киметә алган. Моннан тыш, 2017 елдан аермалы буларак, 2018 елның беренче алты аенда «Казаньоргсинтез» процентлар түләүдә чыгым тотмаган, чөнки банкларга булган бөтен бурычларын бер ел алдан ук вакытыннан алда түләп бетергән.
Предприятие турында белешмә. «Казаньоргсинтез» ГАҖ – Россия Федерациясендәге иң зур предприятиеләрнең берсе (ТАИФ Компанияләре төркеменә керә). Россиядәге барлык полиэтиленның 40%ын һәм үзебезнең илдәге поликарбонатны 100% дәрәҗәсендә чыгара. Продукция исемлегендә – полиэтилен, полиэтилен трубалар, фенол, ацетон, бисфенол А, поликарбонатлар. Еллык җитештерү күләме – 1,7 миллион тонна. РФ җитештерүчләре арасында предприятие полиэтилен буенча иң зур экспортлаучыларның берсе булып тора. Продукцияне дөньяның 31 иленә экспортка тапшыра.
Материал «Казаньоргсинтез» ГАҖ матбугат хезмәтеннән алынды