ТР Сәнәгать һәм сәүдә министрлыгында Россиянең Бөтендөнья сәүдә оешмасына керү шартларында республика предприятиеләренең эшчәнлеге нәтиҗәлелеген үстерү мәсьләләренә багышланган түгәрәк өстәл узды

2014 елның 19 сентябре, җомга

2014  елның 17 сентябрендә Татарстан Республикасы Премьер–министры урынбасары–Татарстан Республикасы сәнәгать һәм сәүдә министры Равил Зарипов рәислегендә Россиянең Бөтендөнья сәүдә оешмасына керү шартларында республика предприятиеләренең  эшчәнлеге нәтиҗәлелеген үстерү мәсьләләренә багышланган “түгәрәк өстәл” узды. Түгәрәк өстәл эшендә 40 предприятие һәм оешма вәкилләре катнашты.

Татарстан Республикасы Премьер–министры урынбасары–Татарстан Республикасы сәнәгать һәм сәүдә министры үзенең чыгышында сәнәгатьнең һәм сәүдә итүнең заман проблемаларын билгеләде, бүгенге икътисадый шартларда регионың тотрыклы үсеше өчен  Хөкүмәт тарафыннан күрелгән чаралар хакында әйтте, республика предприятиеләре белән уртак эшчәнлек алып бару кирәклеген ассызыклады. Татарстан Республикасы сәнәгать  һәм сәүдә министрлыгы җитәкчесе билгеләгәнчә, “Безнең максат – нинди юнәлештә баруны билгеләү, федераль дәрәҗәдә моның өчен нинди инструментлар барлыгын күрсәтү”.

Россия Федерациясе Сәнәгать һәм сәүдә министрлыгы тарафыннан гамәлгә ашырыла торган дәүләт ярдәме чаралары хакында Татарстан Республикасы сәнәгать һәм сәүдә министры урынбасары Алмаз Хөсәенов сөйләде. Ул финанслауның юнәлешләре һәм күләме турында җиткерде, “Сәнәгатьне үстерү һәм аның конкурентлылык дәрәҗәсен үстерү” , “Авиция сәнәгатен үстерү”, “Судно төзелешен үстерү”, “Электр һәм радио электр сәнәгатен үстерү”,“Фармацевтика һәм медицина сәнәгатен үстерү” федераль программаларның максатчан аудиториясе белән таныштырды.
           Эшмәкәрлеккә дәүләт тарафыннан ярдәм итүнең республика чаралары хакында Татарстан Республикасы икътисад министрлыгының эшмәкәрлеккә ярдәм итү Департаменты директоры Елена Шулина хәбәр итте.
           Түгәрәк өстәл барышында «ЭКСАР» ААҖ регион үсеше һәм кече һәм урта эшмәкәрлеккә ярдәм итү буенча Идарә директоры Андрей Поляков чыгыш ясады. Ул Россиянең экспортына һәм инвестицияләренә ярдәм итү юнәлешендә компаниянең мөмкинлекләре хакында сөйләде. «ЭКСАР» эшчәнлегенең максаты –Россия экспортерларына һәм инвесторларына финанс проектларны оештыруда һәрдаим ярдәм итү.
            Экспорт стратегиясен эшләү буенча  Халыкара Сәүдә Үзәге (Женева)  методологиясен  Халыкара Сәүдә Үзәгенең Көнчыгыш Европа һәм Үзәк Азия илләре белән эшләү бүлеге җитәкчесе Елена Бутримова тәкъдим итте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарның мөрәҗәгатьләре белән эшләү
Адрес: 420111, Казан шәһәре, Островский урамы, 4
Телефон: +7(843) 567-36-73 (72,74 ) - отдел делопроизводства и контроля, +7(843) 210-05-01 (министр)
E-Mail: mpt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International