ЯҢАЛЫКЛАР

2014 елның 29 октябрендә «Түбән Кама нефть химиясе» ААҖ Татарстан Республикасы Президенты Рөстәм Миңнеханов  һәм Россия Президенты ярдәмчесе Андрей Фурсенко катнашында изопарафиннарны дегидратлауның микросферик катализаторы өчен чыганак җитештерү буенча беренче технологик өлешен файдалануга тапшыру тантанасы уздырылды.

Проект импортны алмаштыру программасы кысаларында «Түбән Кама нефть химиясе» ААҖ белгечләре һәм Казан (Идел буе) федераль университеты галимнәре белән бергәләп гамәлгә ашырылды. Җитештерүне үзләштергәннән соң монда ел саен 2,4 мең тонна КДИ-М катализаторы җитештереләчәк, ул изобутанны изобутиленга дегидатлау процессы өчен кирәк.

2014 елның 27 октябрендә Татарстан Республикасы Премьер–министры урынбасары– Татарстан Республикасы сәнәгать һәм сәүдә министры Равил Зарипов Мерсин провинциясе (Төркия) Сәүдә–сәнәгать палатасы Идарә рәисе Шәрәфетдин Ашут әфәнде җитәкчелегендәге Төркия Республикасы делегациясе белән очрашты.
Төркия делегациясен сәламләү сүзендә, ТР Сәнәгать һәм сәүдә министрлыгы җитәкчесе Равил Зарипов “Татарстан Республикасы территориясендә теркәлгән чит ил капиталы катнашындагы предприятиеләр саны буенча Төркия беренче урында тора (278 компания). Татарстанга кертелгән Төркия инвестицияләре күләме 1,5 миллиард доллар тәшкил итә”,–дип хәбәр итте.

2014 елның 24 октябрендә “КАМАЗ”да яшь инженерлар–конструкторлар арасында һөнәр белгечлеге буенча бәйге узды.
Бәйгедә 30 яшькә кадәр 30 кеше катнашты. Һәр катнашучыга яңа автомобиль конструкциясендә кулланылачак элементларны үз эченә алган биремнәр тәкъдим ителде. Һәр катнашучыга иҗадый эш өчен 3 сәгать бирелә – бу вакыт эчендә ул 3D-модель , җыю чертежын һәм бер детальнең рәсемен эшләп чыгарга тиеш иде.

2014 елның 22-23 октябрендә Швейцария Конфедерациясенең Россия Федерациясендәге Гадәттән тыш һәм Тулы вәкаләтле илчесе Пьер Хельг җитәкчелегендә Швейцария делегациясенең Татарстан Республикасына визиты уза.
Швейцария делегациясе составында - 9 бизнес-делегациясе әгъзалары, шул исәптән, Россия/ ББД Швейцариянең Берләшкән Сәүдә Палатасы һәм Швейцариянең машина төзелеше, электр һәм металл эшкәртү сәнәгате Ассоциациясе вәкилләре.
Визит кысаларында Швейцария делегациясе белән Татарстан Республикасы Премьер-министры Илдар Халиков очрашты. Очрашу барышында эшчәнлекнең төрле өлкәләрендәге ике яклы хезмәттәшлек итү мәсьәләләре каралды.

2014  елның 21 октябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Премьер-министры Илдар Халиковның Россия-Кытай дуслыгы җәмгыяте рәисе Чэнь Юань әфәнде җитәкчелегендәге Кытай Халык Республикасы делегациясе белән булган очрашуда катнашты.

Татарстан Республикасы  Премьер-министры билгеләгәнчә, бүгенге көндә Россия белән Кытай, шулай ук федерациянең бер субъекты буларак Татарстан һәм Кытай - икътисад һәм мәдәниятнең күп өлкәләрендә партнерлар булып тора. Бу процесста 1957 елда оешкан Россия - Кытай дуслыгы җәмгыяте зур роль уйный, дип ассызыклады Татарстан Республикасы Премьер-министры.

Беларусь Республикасының Минск өлкәсендә "Татнефть"нең ике яңа автоягулык станциясе ачылды.
"Татнефть"нең яңа автоягулык станцияләрендә Евро-5 стандартына туры килә торган югары сыйфатлы нефть продуктлары сатыла: Аи-92, Аи-95 маркалы бензин һәм дизель ягулыгы.
Беларусия Республикасында «Татнефть» компаниясенең автоягулык станцияләренең гомүм саны унөчкә җитте.

2014 елның 17 октябрендә Хөкүмәт Йортында Татарстан Республикасында авыл хуҗалыгы продукциясе, чимал һәм азык-төлек базарларының торышын контрольдә тотучы оператив штабның чираттагы утырышы узды. Оператив штаб әгъалары илдә, шул исәптән Татарстанда җитештерелгән товарларга ихтыяҗны стимуллаштыру буенча тәкъдимнәр карадылар.
Республикада “Татарстанныкын сатып ал!” акциясе дәвам итә. Бу акция Татарстан Республикасы Президенты Рөстәм Миңнеханов инициативасы белән башланып киткән иде.

2014 елның 16 октябрендә Татарстан Республикасы Президенты Рөстәм Миңнеханов “КАМАЗ” ААҖ фәнни-техник үзәгендә булды. Татарстан Республикасы Президенты предприятиенең яңа эшләнмәләрен карады – гибрид көч җайланмалы йөк машинасы, махсус техника өчен шасси һәм яңа двигатель.

2014 елның 16 октябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры катнашында Татарстан Республикасы Сәнәгать һәм сәүдә министрылыгында ришвәтчелеккә каршы көрәш һәм дәүләт граждан хезмәткәрләренең хезмәттәге үз-үзен тотышына карата таләпләрне үтәү һәм мәнфәгатьләр каршылыгын көйләү буенча уртак комиссия утырышы узды.