ТР Сәнәгать һәм сәүдә министрлыгында Татарстан белән Төркия арасындагы хезмәттәшлек итү мәсьәләләре каралды

2014 елның 27 октябрендә Татарстан Республикасы Премьер–министры урынбасары– Татарстан Республикасы сәнәгать һәм сәүдә министры Равил Зарипов Мерсин провинциясе (Төркия) Сәүдә–сәнәгать палатасы Идарә рәисе Шәрәфетдин Ашут әфәнде җитәкчелегендәге Төркия Республикасы делегациясе белән очрашты.
Төркия делегациясен сәламләү сүзендә, ТР Сәнәгать һәм сәүдә министрлыгы җитәкчесе Равил Зарипов “Татарстан Республикасы территориясендә теркәлгән чит ил капиталы катнашындагы предприятиеләр саны буенча Төркия беренче урында тора (278 компания). Татарстанга кертелгән Төркия инвестицияләре күләме 1,5 миллиард доллар тәшкил итә”,–дип хәбәр итте.
Равил Зарипов билгеләгәнчә, Татарстан «Хаят Холдингом» һәм «Шешеджам» компанияләре белән актив хезмәттәшлек итә. «Алабуга» МИЗ территориясендә «Хаят Холдинг» катнашында 2 резидент теркәлгән («Кастамону Энтегре» һәм «Хаят Кимья» компанияләре); «Шешеджам» компаниясе катнашында 2 резидент теркәлгән («Тракья Гласс Рус» ЯАҖ һәм «Аутоматив Гласс Альянс Рус» ЯАҖ). «Хаят Холдинг» Чаллыда «SunRise City» торак һәм коммерция комплексы төзелешен башлады.
Машина төзелеше өлкәсендә «Чукурова Макина» компаниясе белән хезмәттәшлек актив үсә. 2013 елда Татарстан Республикасы белән Төркия арасындагы тышкы сәүдә әйләнеше 659,4 млн.долл. АКШ (экспорт – 356,6 млн. долл. АКШ, импорт – 302,8 млн. долл. АКШ) тәшкил итте.
Очрашу барышында Татарстан –Төркия хезмәттәшлегенең хәзерге торышы һәм перспектив мәсьәләләре хакында, шул исәптән, машина төзелеше һәм автокомпонентлар җитештерү, агач эшкәртү һәм җиһаз сәнәгате, Татарстан Республикасының нефть химиясе комплексы предприятиеләре продукциясен Төркия базарына җибәрү, төзелеш өлкәсендә уртак проектларны гамәлгә ашыру, логистик үзәкләр булдыру һәм туризм өлкәсендә хезмәттәшлекне үстерү хакында сүз барды.