ЯҢАЛЫКЛАР

2015 елның 30 апрелендә  Татарстан Республикасы Президенты вазыйфаларын вакытлыча башкаручы Рөстәм Миңнеханов катнашындагы Татарстан – Төркия эшлекле форумда алга таба хезмәттәшлек итү  перспективалары хакында фикер алыштылар.  Чарада шулай ук Төркия Республикасы Икътисад министры Нихат Зәйбәкҗи, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Татарстан делегациясе әгъзалары  һәм Төркия бизнес-даирәләре вәкилләре катнашты.

2015 елның 29-30 апрелендә Татарстан Республикасы Президенты вазыйфаларын вакытлыча башкаручы Рөстәм Миңнеханов җитәкчелегендә Татарстан Республикасы делегациясенең Төркиягә эш  визиты уза. Татарстан делегциясе составында - Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы Президенты ярдәмчесе Радик Гыйматдинов, Казан шәһәре мэры Илсур Метшин, Татарстан Республикасы төзелеш, архитектура һәм торак- коммуналь хуҗалык министры Ирек Фәйзуллин, республика министрлыклары һәм ведомстволары вәкилләре.

2015 елның 28-29 апрелендә Курган өлкәсе Губернаторы урынбасары – Курган өлкәсе сәнәгать, транспорт, элемтә һәм энергетика Департаменты директоры  Алексей Татаренко җитәкчелегендә Курган өлкәсе делегацияcең Татарстан Республикасына эш визиты узды. 

2015  елның 29 апрелендә Казанда Үзәк хәрби округ гаскәрләренә эш сәфәре кысаларында Россия Оборона министры армия генералы Сергей Шойгу килде. Татарстан Республикасы Президенты вазыйфаларын вакытлыча башкаручы Рөстәм Миңнеханов белән Сергей Шойгу  “С.П.Туполев  исемендәге Казан авиация заводында” – “Туполев” ҖАҖ филиалында булды.

2015  елның 29 апрелендә  «Казаньоргсинтез»  акционерларның еллык гомуми җыелышы һәм  "Казаньоргсинтез" ААҖ  Директорлар Советы  утырышы узды. Чараларда Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты.

2015 елның 27 апрелендә Татарстан Президенты вазыйфаларын вакытлыча башкаручы Рөстәм Миңнеханов «Татнефтехиминвест-холдинг» ААҖ Директорлар советы утырышын үткәрде. «Татнефтехиминвест-холдинг» ААҖ генераль директоры Рафинат Яруллин 2015 елның беренче кварталында нефть, газ, химия комплексы предприятиеләренең эшчәнлек нәтиҗәләре турында сөйләде.

2015 елның 27 апрелендә Татарстан Республикасы  Премьер-министры урынбасары – Татарстан Республикасы сәнәгать һәм сәүдә министры Равил  Зарипов Корея Республикасы делегациясе белән очрашты. Делегация составына судно төзелеш, нефть химиясе, медицина, мәгариф өлкәсе Көньяк Корея компанияләренең вәкилләре керде.

2015 елның 27 апрелендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы сәнәгать  һәм сәүдә министры урынбасары Рашат Фәттаховка фидакарь хезмәте  һәм Татарстан Республикасында мобилизациягә әзерлек мәсьәләләрен хәл итүгә мөһим өлеш керткәне өчен, шулай ук Татарстан Республикасы сәнәгать  һәм сәүдә министрлыгы  эш башкару һәм контроль тикшерү бүлегенең төп белгече  Лилия Вершининага Татарстан Республикасының башкарма хакимият органнарындагы нәтиҗәле хезмәте һәм туган көне уңаеннан, Татарстан Республикасы Министрлар Кабинетының рәхмәт хатларын тапшырды.

2015  елның 25 апрелендә Татарстан Республикасы Сәнәгать һәм сәүдә министрлыгы хезмәткәрләре Казанны чистарту өмәсендә катнаштылар.

2015 елның 23 апрелендә Татарстан Республикасы Сәнәгать һәм сәүдә министрлыгында урта һәм кече тоннажлы химияне үстерү мәсьәләләре буенча ведомствоара эш төркеме утырышы узды.

Утырыш кысаларында суыткыч һәм туңдыргыч техникасын җитештерүдә химия продукциясенә алмаш табу, «КГАСУ» ФДББУ ЮҺБ нигезендә  «Строительная химия» инжиниринг үзәген, Казан кремнийлы органик кластерын булдыру мәсьәләләре каралды.