ЯҢАЛЫКЛАР

2015 елның 9 июлендә «А.М. Горький исем. Зеленодольск заводы»нда 21631 проекты буенча төзелгән «Зеленый Дол» һәм «Серпухов» кече ракета корабларын Кара диңгезгә озату тантанасы узды.

Суднолар  Зеленодолькидан эчке су юллары буенча Кара диңгезгә юл тотачаклар, аларның йөзү мөмкинлекләрен сынап караганнан соң һәм дәүләт сынауы үткәрелгәннән соң, алар Кара диңгез флоты составына кабул ителәчәк.

“Заводлар эшләгәндә, ил яши”  "ПОЗиС" ААҖ корпоратив бәйрәмендә  2015 елның беренче яртыеллыкм эшчәнлеккә нәтиҗәләр чыгарылды. POZISның продукция җитештерү күләме үсешенең темплары 2014 елның шул ук дәвере белән чагыштырганда 180% тәшкил итте.

Бәйрәм кысаларында предприятиенең алдынгы хезмәткәрләре бүләкләнде.

«Сәнәгать сәясәте турында» законын куллану, локализация аша импортка алмаш табуны тәэмин итү, шулай ук Милли технологик инициативаны гамәлгә ашыру барышы мәсьәләләренә багышланган яңа индустрияләргә инвестицияләр кертү буенча Стратегик совет утырышы узды.

 2015 елның 8 июлендә Екатеринбургта узган «ИННОПРОМ-2015» халыкара сәнәгать күргәзмәсе кысаларында узган әлеге утырышны Россия Федерациясе сәнәгать һәм сәүдә министры Денис Мантуров алып барды.  Стратегик совет утырышында Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов та катнашты.

15 тапкыр уздырыла торган Татарстанның нефть саммиты бөтен ил нефть тармагы масштабында актуаль мәcьәләләр хакында фикер алышу өчен уңай мәйданчык. Моның хакта Татарстан Республикасы Президенты вазыйфаларын вакытлыча башкаручы Рөстәм Миңнеханов 2015 елның 9 июлендә Татарстан Республикасы Бөгелмә районының Карабаш поселогында узган республика нефть компанияләре җитәкчеләренең гадәттәге еллык киңәшмәсендә әйтте.

Рөстәм Миңнеханов сүзләренчә, әлеге очрашуларда билгеләнгән кайбер уртак проектлар, шул исәптән, авыр чыгарыла торган нефть, кече нефть ятмалары белән эшләргә ярдәм итү чаралары федераль дәрәҗәдәге җитәкчеләрдән яклау тапты һәм аларны Росия Федерациясенең башка төбәкләренә таратуны йөкләделәр.

2015 елның 8-10 июлендә Екатеринбургта "Иннопром-2015" халыкара сәнәгать күргәзмәсе уза. "Иннопром-2015" эшендә Россия Федерациясе Хөкүмәте Рәисе Дмитрий Медведев, Россия Федерациясе Хөкүмәте Рәисе урынбасары Аркадий Дворкович, Россия Федерациясе сәнәгать һәм сәүдә министры Денис Мантуров, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Россия төбәкләре башкарма хакимият органнары җитәкчеләре, эшлекле һәм фәнни даирәләр вәкилләре катнаша.

2015 елның 6 июлендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры  Зарипов Равил Хаммат улы Татарстан Республикасы Сәнәгать һәм сәүдә министрлыгының дәүләт заказы секторы бүлегенең әйдәп баручы белгече Гыйләҗева Венера Хәмит кызына озак еллар намуслы хезмәте өчен Татарстан Республикасы Сәнәгать һәм сәүдә министрлыгының Мактау грамотасын тапшырды.  

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил  Зарипов Татарстан белән Казахстан арасында сәүдә-икътисадый хезмәттәшлек турында “Татарстан Республикасы” газетасының икътисад һәм сәнәгать бүлеге редакторы Ирина Демина сорауларына җавап бирде.

 Евразия үзәгендә урнашкан Казахстан Республикасы борынгы цивилизацияләр урнында, мөһим траспорт юллары киселешендә урнашкан һәм континент илләре арасында сәүдә-икътисадый һәм социаль- мәдәни багланышларның үсешендә зур роль уйный. Казахстан белән Татарстан  арасында хезмәттәшлек ерак гасырларга –Бөек Ефәк юлы чорына барып тоташа. Ул ефәк белән генә түгел, атлар, сарыклар,җөн, алтын, корал һәм башка товарлар белән сату итүдә зур әһәмияткә ия булган. Республиканың бүгенге тышкы -сәүдә әйләнешендә Казахстан ничек катнаша? Бу хакта без Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов белән әңгәмә кордык.

2015 елның июнь ае ахырында Мәскәүдә узган "Нефть һәм Газ"/MIOGE XIII Мәскәү халыкара күргәзмәдә "Татнефть" үз эспозициясен тәкъдим итте. Күргәзмәдә катнашучылар арасында - Россия һәм  чит ил компанияләренең  нефть һәм газ сәнәгате белгечләре. Быел күргәзмәдә 40 илдән артык компания үз экспозицияләрен тәкъдим итте, күргәзмә чараларында 30 меңнән артык нефть, газ тармагы белгечләре катнашты. 

MIOGE күргәзмәсендә углеводородны, нефть химиясен, газ химиясен чыгару, ташу  һәм эшкәртү, ияреп чыга торган нефть газын утильләштерү, нефть газы тармагы өчен заманча җиһазлар, нефть һәм газ чыгару  тармагында перспектив эшләнмәләр өлкәсендә Россия һәм чит ил компанияләрнең соңгы казанышлары презентацияләнде.

2015 елның 2 июлендә Татарстан Республикасы Президенты вазифаларын вакытлыча башкаручы Рөстәм Миңнеханов рәислегендә Россия Федерациясе Президенты Владимир Путинның 2012 елның 7 маендагы указларын гамәлгә ашыру мәсьәләләре буенча Татарстан Республикасы Министрлар Кабинеты утырышы узды.

Утырышта шулай ук Татарстан Республикасы Премьер-министры Илдар Халиков, Татарстан Республикасы Президенты Аппараты җитәкчесе Әсгать Сәфәров, Татарстан Республикасы  Премьер-министры урынбасары – Татарстан Республикасы сәнәгать һәм сәүдә министры Равил Зарипов һәм республиканың башка министрлыклары һәм ведомстволары җитәкчеләре катнашты.

2015 елның 2 июлендә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов рәислегендә Иран Ислам Республикасының халыкара һәм технологияләр белән алмашу мәсьәләләре буенча президенты администрациясенең Вице-президенты урынбасары Али Мортаза Биранг җитәкчелегендәге Иран Ислам Республикасы делегациясе белән очрашу узды.