ЯҢАЛЫКЛАР

2015 елның 1-3 апрелендә “Казан Ярминкәсе” күргәзмә үзәге территориясендә «Энергетика. Ресурсларны саклау» XVI халыкара махсуслаштырылган күргәзмә һәм «Энергия ресурсларының нәтиҗәлелеге һәм энерггияне сак тоту» XV халыкара симпозиумы узачак. Агымдагы елның 1 апрелендә чаралар программасы кысаларында түбәндәгеләр үткәреләчәк (башлана 8.30с.):
• Халыкара күргәзмәнең һәм Халыкара симпозиумның тантаналы ачылышы;
• күргәзмә экспозициясен карау;
• пресс-якын-килү;
• Татарстан Республикасы Хөкүмәте утырышы. Хөкүмәт уырышында “2014-2020 елларга энергия саклау һәм арттыру”

2015 елның 27 мартында “А.М.Горький исем. Зеленодольск заводы”нда “Ел инженеры -2014” XV Бөтенроссия бәйгесенә лаек булган завод хезмәткәрләрен котладылар.
“Ел инженеры - 2014” бәйгесе нәтиҗәләре буенча Алексей Ефимовка, Мәдинә Коченковага, Светлана Сафиуллинага һәм Илнар Хәйровка “Россиянең һөнәри инженеры” исеме белән сертификат һәм тамга бирелде.
Бәйгенең “Яшьләрнең инженерлык иҗаты” версиясе буенча Андрей Бичков, Михаил Зеленин, Леонид Кулигин лауреатлар булып танылдылар, беренче тур җиңүчеләре - Антон Антонов, Гөлнара Гыйрфанова һәм Екатерина Карева.

2015 елның 27 мартында Алабуга муниципаль районындагы «Алабуга» махсус икътисадый зонасы территориясендә “Хәят Кимья” заводының тантаналы ачылышы узды.
Чарада вакытлыча Татарстан Республикасы Президенты вазыйфаларын башкаручы Рөстәм Миңнеханов, Төркия икътисад министры Нихат Зәйбәкчи, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, “Алабуга” СПТ МИЗ” ААҖ генераль директоры Тимур Шаһивәлиев, “Хәят Холдинг” идарә рәисе урынбасары Мәхмәт Авни Кигылы, Төркия делегациясе вәкилләре, Татарстан Республикасы министрлыклары һәм ведомстволары җитәкчеләре һәм башкалар катнашты.

2015 елның 27 мартында Казанда Татарстан-Төркия эшлекле форумы уза. Хәзер Татарстан белән Төркиянең уртак проектларга инвестицияләү һәм аларны гамәлгә ашыру өчен уңай вакыт. Бүген Казанда узучы Татарстан-Төркия форумының пленар утырышыннан соң булган журналистлар белән очрашуда Төркия Республикасы Икътисад министры Нихат Зәйбәкҗы шундый фикер әйтте. Форумда төрле тармаклардан 20ләп Төркия компаниясе вәкилләре (автомобиль тәзелеше, җиңел һәм азык-төлек сәнәгате, төзелеш һәм төзү материаллары) катнаша.

2015 елның 25 мартында «Корстон» КСКК. Татарстан Республикасы Президенты вазыйфаларын вакытлыча башкаручы Рөстәм Миңнеханов, Төркия Республикасы Икътисад министры Нихат Зәйбәкҗы, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, «DEIK» Төркия Тышкы икътисадый элемтәләр советы рәисе Омәр Җиһад Вардан, төрле тармаклардан 20ләп Төркия компаниясе вәкилләре (автомобиль тәзелеше, җиңел һәм азык-төлек сәнәгате, төзелеш һәм төзү материаллары), шулай ук Татарстан дәүләт хакимияте органнары һәм предприятиеләре вәкилләре катнашында Татарстан-Төркия эшлекле форумы узачак.
Форум программасы кысаларында Татарстан Республикасының инвестицион һәм сәнәгать, авыл хуҗалыгы һәм төзелеш потенциалын чагылдыручы күргәзмә оештырылачак.
Форум барышында Теләче муниципаль районы (Татарстан Республикасы) белән Мирбай (Төркия Республикасы) компаниясе арасында инвестицион проектны гамәлгә ашыру буенча ниятләр турындагы килешүне имзалау планлаштырыла.
Шулай ук форум кысаларында Татарстан Республикасы һәм Төркия Республикасы бизнес-даирәләре вәкилләре арасында адреслы очрашулар уздырылачак.

2015 елның 25 мартында Татарстан Республикасы Премьер-министры урынбасары – Татарстан Республикасы Сәнәгать һәм сәүдә министры Равил Зарипов Татарстан Республикасы Президентының вазыйфаларын вакытлыча башкаручы Рөстәм Миңнехановның Allied Mineral Products Америка компаниясе вәкилләре белән булган очрашуда катнашты. Очрашу барышында икеяклы нәтиҗәле хезмәттәшлек итү перспективалары хакында фикер алышынды.
Мәгълүмат өчен:
Allied Mineral Products компаниясе - кою җитештерүе өчен утка чыдам монолит материаллар җитештерү, корыч һәм алюминий җитештерү буенча бөтен дөньяга мәгълүм. Продукция кою җитештерүендә, алюминий һәм корыч җитештерүдә һәм сәнәгать базарында киң кулланыла. Утка чыдам материаллар җитештерү заводлары АКШта, КАРда, Кытайда һәм башка илләрдә урнашкан.

2015 елның 25 мартында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты вазифаларын башкаручы Рөстәм Миңнеханов Даниянең Россия Федерациясендәге Гадәттән тыш һәм Тулы вәкаләтле Илчесе Томас Винклер белән булган очрашуда катнашты. Очрашу барышында сүз Татарстан белән Дания арасында хезмәттәшлек итүне ныгыту һәм киңәйтү мәсьәләләре хакында барды.
Дания делегациясе әгъзаларына мөрәҗәгать итеп Рөстәм Миңнеханов, без уртак проектларны алга этәрергә тиеш, дип әйтте. Ул ассызыклаганча, Татарстанга Даниянең энергия һәм ресурслар саклау өлкәсендәге тәҗрибәсе бигрәк тә кызыклы, бу юнәлештә “Данфосс” компаниясе белән хезмәттәшлек үстерелә.

2015 елның 23 мартында Татарстан Республикасы Сәнәгать һәм сәүдә министрлыгында ришвәтчелеккә каршы көрәш буенча комиссия һәм Сәнәгать һәм сәүдә министрлыгының дәүләт граждан хезмәтендәгеләрнең хезмәт урынында тоту таләпләрен үтәү һәм мәнфәгатьләр каршылыгын җайга салу комиссиясенең уртак утырышы узды. Утырыш кысаларында Министрлыкның ришвәтчелеккә каршы көрәш өлкәсендәге эшчәнлек мәсьәләләре хакында фикер алышынды.