2015 елның 14 маенда “Алабуга” махсус икътисадый зонасында «Алабуга-Волокно» заводы ачылышы узды. Тантаналы чарада Татарстан Республикасы Президенты вазыйфаларын вакытлыча башкаручы Рөстәм Миңнеханов, Россиянең сәнәгать һәм сәүдә министрлыгы, «Росатом» ДК һәм «Композит» ХК, республика министрлыклары һәм ведомстволары вәкилләре катнашты.
«Алабуга-Волокно» углерод җепселе җитештерә торган завод «Композит» белән «Росатом»ның уртак проекты. Завод 2012 елда төзелә башлаган иде. Беренче линиянең җитештерү күәте – елына 1,5 мең тонна углерод җепселе. Проектның бәясе 3 млрд сум.