Алабугада Бөек Җиңүнең 70 еллыгын бәйрәм иттеләр

 2015 елның 9 маенда Алабугада Җиңү Көнен  бәйрәм иттеләр. Тантана “Без – Бөек Җиңү варислары”  театральләштерелгән тамаша белән башланды. Бәйрәм чараларында катнашучыларны Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов, Алабуга районы башлыгы Геннадий Емельянов, шәһәр ветераннары советы рәисе Рәкыйп Мөбәрәкшин котладылар.

Митинг барышында Алабуганың 7 ветераннарын Алабуга районының  “Хөрмәт” мактау билгесе белән бүләкләделәр. Ветераннар алдында шәһәрнең  мәктәп укучылары, югары һәм урта – белем бирү махсус учрежденияләре укучыларының  парады үтте. Алар артыннан “Үлемсез полк” – йөзләгән кеше кулларына ветераннар, тыл хезмәтчәннәре, концлагерь тоткыннарының фотоларын тотып, бер рәткә төзелеп узды.

Хөрмәтле кунаклар, ветераннар, шәһәр предприятиеләре һәм оешмалары вәкилләре, шәһәр халкы Хәтер мемориалы мәйданында чәчәкләр салдылар.

9 май көнне Алабугада “Хәтер музее” яңа музей ачылды.

Кич белән Ленин мәйданында “Җиңүнең салават күпере”  халык иҗаты  муниципаль бәйге җиңүчеләренең гала-концерты узды.

Бәйрәм чаралары бәйрәм салюты белән тәмамланды.