ЯҢАЛЫКЛАР
2015 елның 25 сентябрендә “Россия радиоэлектроникасы: яңа вызовы һәм перспективалар” XIV тармак фәнни-техник конференциясе кысаларында “Россиянең чималлы булмаган экспорты - икътисад үсешенең векторы” түгәрәк өстәле үткәрелде.
Түгәрәк өстәлне оештыручылар – Татарстан Республикасы Сәнәгать һәм сәүдә министрлыгы, модераторы – “Россия экспорт үзәге” АҖ төбәкләрнең экспорт эшчәнлегенә ярдәм итү буенча директоры С.В. Колдаев, катнашучылары – эре һәм кече сәнәгать предприятиләре-экспортёрлар вәкилләре.
2015 елның 24 сентябрендә тау чаңгысы спорт-сәламәтләндерү комплексы базасында «Россия радиоэлектроникасы: яңа чакырулар һәм перспективалар» XIV тармак фәнни-техник конференция ачылды.
Ике көн дәвамында 300 дән артык радиоэлектроника предприятиеләре җитәкчеләре һәм вәкилләре тармакның проблемалары һәм алардан чыгу юллары буенча фикер алышачак.
Тантаналы чарада Татарстан Республикасы Премьер-министры вазыйфаларын башкаручы Илдар Халиков, Татарстан Республикасы Премьер-министры урынбасары вазыйфаларын башкаручы – Татарстан Республикасы сәнәгатьһәм сәүдә министры Равил Зарипов, Россия сәнәгать һәм сәүдә министры урынбасары Андрей Богинский, Россия оборона министры урынбасары Юрий Борисов, Россия Федерациясе Сәүдә һәм сәнәгать министрлыгының радиоэлектроника сәнәгате департаменты директоры Сергей Хохлов катнашты.
2015 елның 24 һәм 25 сентябрендә Россия Федерациясе Сәнәгать һәм сәүдә министрлыгы эгидасы астында Казанда “Россия радиоэлектроникасы: яңа вызовы һәм перспективалар” XIV тармак фәнни-техник конференция узачак.
Конференция эшендә Россия Федерациясе Хөкүмәте Аппараты, Татарстан Республикасы Хөкүмәте, Россия Федерацисе министырлыклар һәм ведомстволар, Дәүләт Думасы, Россия Оборона министрлыгы, Россия төбәкләре җитәкчеләре, дәүләт корпорацияләре вәкилләре, Россия радио электроника комплексы предприятиеләре һәм оешмалары җитәкчеләре катнашачаклар.
2015 елның 21 сентябрендә Татарстан Республикасы Премьер-министры вазыйфаларын башкаручы Илдар Халиков Кувейт дәүләте вәкилләре белән очрашуы кысаларында Татарстан белән Кувейт арасындагы хезмәттәшлек итү юнәлешләре хакында фикер алышты.
Татарстан Республикасы Премьер-министры вазыйфаларын башкаручы билгеләгәнчә, әлеге визит ике республика арасындагы нәтиҗәле һәм озак елгы хезмәттәшлеге өчен яңа этәргеч булачак. Ул чит ил делегациясе вәкилләренә Татарстан Республикасы белән сәүдә-икътисадый һәм инвестицион хезмәттәшлекне үстерергә омтылулары өчен рәхмәтен белдерде.
Татарстан Республикасы Сәнәгать һәм сәүдә министрлыгында ENES-2015 энергия нәтиҗәлелеген арттыру һәм энергетиканы үстерү буенча IV халыкара форумы кысаларында үткәрелгән Бөтенроссия бәйгеләренең төбәк этабының нәтиҗәләре билгеләнде:
ENES-2015 энергияне саклау, энергия нәтиҗәлелеген арттыру һәм энергетиканы үстерү өлкәләрендәге проектларны гамәлгә ашырылган проектларның икенче Бөтенроссия бәйгесе буенча (алга таба- Проектлар бәйгесе);
Массакүләм мәгълүмат чаралары, ягулык-энергетика комплексы компанияләренең мәгълүмат хезмәте һәм «МедиаТЭК» төбәк администрацияләренең беренче Бөтенроссия бәйгесе (алга таба - «МедиаТЭК» бәйгесе).
2015 елның 19 сентябре - Коралчылар көне! Татарстан Республикасы Премьер-министры урынбасары вазыйфаларын башкаручы– Татарстан Республикасы сәнәгать һәм сәүдә министры Равил Зариповның Коралчылар көне белән котлауы.
“Хөрмәтле республиканың оборона-сәнәгать комплексы предприятиеләре хезмәткәрләре!
Сезне чын күңелдән Коралчылар көне белән котлыйм.
Бу бәйрәм – илне саклау, Ватаныбызның оборонасын ныгыту өчен, хәрби техника һәм корал эшләүчеләр хезмәтен тану билгесе.
Бөек Ватан сугышы елларында Бөек Җиңүгә Татарстанлыларның керткән өлеше гаять зур. Татарстанның хәрби техника һәм продукция чыгаручы иң эре җитештерүчесе булуы белән горурланабыз.
Бүген республиканың оборона предприятиеләре коллективлары данлы традицияләрне дәвам итә, Россия коралы данын күтәрә.
Сугыш елларында республикадан фронтка бик күп хәрби продукция җибәрелде, бомбардировщикларның өчтән ике өлеше Казанда җитештерелде, фронтка 90 мең тоннадан артык дары һәм зарядлар озатылды.
“Россия вертолетлары” холдингы техникасы (Ростех Дәүләт корпорациясенә керә) 2015 елның 19 сентябрендә “Төлке оясы” спорт-ату клубында узачак КБ Миля Кубогы партнеры булачак.
КБ Миля Кубогына ярышлар үткәрү көнендә Россиядә җитештерелгән өр яңа җиңел вертолет презентациясе узачак.
«Россия вертолетлары» холдингы чарада катнашучы кунакларга “Россия вертолетлары” холдингына кергән “Казан вертолетлар заводы” эшләп чыгарган һәм җитештергән күпмаксатлы җиңел “Ансат” вертолетын тәкъдим итәчәк.
2015 елның 18 сентябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов "Заречье" ЯАҖ хезмәт коллективын предприятие оешуның 25 еллыгы белән котлады.
Равил Зарипов билгеләгәнчә, "Заречье" ЯАҖ ("КВЗ" САҖ ярдәмчел предприятиесе) Россиядә самолетларның һәм вертолетларның медицина модульләрен бердәнбер уйлап чыгаручысы һәм җитештерүчесе. Әлеге продукция уңышлы гына россия Федерациясе Гражданнар оборонасы эшләре һәм гадәттән тыш хәлләр министрлыгының, Россия Федерациясе Федераль куркынычсызлык хезмәтенең, Россия Федерациясе Эчке эшләр министрлыгының, Россиянең Оборона министрлыгының махсус тармакларында куллана. Сәламәтлек саклау үсешенә зур өлеш керткән өчен «Заречье» ЯАҖ берничә тапкыр Россиянең Гражданнар оборонасы эшләре һәм гадәттән тыш хәлләр министрлыгының рәхмәтләре билдерелде.
Татарстан Республикасы Казахстан белән сәүдә-икътисадый хезмәттәшлек буенча лидер регионнарның берсе. Бу хакта 2015 елның 16 сентябрендә Россия Федерациясе Президенты Владимир Путин Сочи шәһәрендәге Россия һәм Казахстан XII төбәкара хезмәттәшлек форумының пленар утырышында хәбәр итте. Утырыш эшендә Татарстан Республикасы Президенты вазыйфаларын вакытлыча башкаручы Рөстәм Миңнеханов та катнашты.
Владимир Путин форумда катнашучыларны сәламләп билгеләп үткәнчә, төбәк башлыклары катнашында ел саен уздырыла торган уртак очрашулар күптән инде яхшы традициягә әверелде. Алар Россия белән Казахстан арасындагы күппланлы стратегик партнерлык үсешендә зур роль уйныйлар, -дип ассызыклады ул.
2015 елның 16 сентябрендә Казанда Россия - Словения Сәүдә-икътисадый һәм фәнни-техник хезмәттәшлек буенча Хөкүмәтара комиссия утырышы кысаларында Татарстан –Словения эшлекле форумы узды.
Утырышта катнашучыларны Татарстан Республикасы Премьер-министры Илдар Халиков, Хөкүмәтара комиссиясенең Россия вәкиле – Россия Федерациясе элемтә һәм массакүләм коммуникацияләр министры Николай Никифоров, Словения Республикасы Хөкүмәте рәисе урынбасары, тышкы эшләр министры Карл Эрьявец сәламләде. Эшлекле форум башланганчы, кунаклар Татарстан куәте-мөмкинлекләре чагылдырылган күргәзмә экспозициясе белән танышты.
Татарстан Республикасы Премьер-министры Илдар Халиков ассызыклаганча, Хөкүмәтара комиссия утырышы кысаларында Татарстанның агымдагы булган һәм яңа элемтәләр булдырырга зур мөмкинчелеге бар. “Мондый мөмкинлекләр безнең шактый. Хезмәттәшлек төрле өлкәләрдә, мәсәлән, мәгълүмати технологияләр, машина төзелеше, фән, мәгариф системасы, авыл хуҗалыгы өлкәләрендә булырга мөмкин”, - дип ассызыклады Илдар Халиков.
Форум кысаларында Иделбуе федераль округында һәм башка төбәкләрдә “Чиста су” Россия-Словения уртак проекты, «ТД Связь Инжиниринг» Россия компаниясе һәм «Элти» Словения предприятиесе арасындагы үзара аңлашу турында меморандумнар (килешүләр) имзаланды.
Шулай ук Россия Федерациясе төбәкләрендә һәм өченче илләрдә, автотөзелеш, энергетика, төзелеш, әйләнә-тирә табигый мохитне саклау өлкәләренә, шул исәптән, Словения Республикасыннан экспорт проектлы финанслауны кулланып, Словения инновацион технологияләрен кертү һәм үстерү буенча стратегик партнерлык турында, Россия-Словения уртак СП KOLEKTOR RUS PROM проектын булдыру хакында меморандум имзаланды.