ЯҢАЛЫКЛАР
2015 елның 11 ноябрендә Түбән Камада «ТАИФ-НК» ААҖ «Eвро-5» стандартлы бензин җитештерүе эшләтеп җибәрелде. Тантаналы чарада Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов, Түбән Кама муниципаль районы һәм Түбән Кама башлыгы Айдар Метшин, "ТАИФ" ААҖ генераль директоры Альберт Шиһабетдинов катнашты.
"ТАИФ-НК" Россия Федерациясе Хөкүмәтенең "Автомобиль һәм авиация бензинына, реактив двигательләр өчен дизель һәм судно ягулыгы һәм мич мазутына таләпләр турында"гы техник регламенты кабул ителгәнче үк "Евро-5" стандартлы бензин җитештерә башлый. Шул ук вакытта заводта түбәнрәк класслы бензин чыгару тулысынча туктатылачак. "Евро-5" класслы товар бензинын җитештерүгә күчү өчен предприятиедә заманча технологияләр кертү буенча кайбер чаралар башкарылды.
2015 елның 11 ноябрендә Казанда “Текстиль һәм җиңел сәнәгать хезмәткәрләре Татарстан Республикасы профсоюзы” иҗтимагый оешмасының XXIII хисап-сайлау конференциясе узды.
Конференция эшендә Татарстан Республикасы профсоюзлар Федерациясе вәкилләре, Татарстан Республикасы Сәнәгать һәм сәүдә министрлыгы, Татарстан Республикасы текстиль һәм җиңел сәнәгать предприятиеләренең профсоюз хезмәткәрләре катнашты.
2015 елның 11 ноябрендә Татарстан Республикасы Сәнәгать һәм сәүдә министрлыгында Джибути Республикасының Россия Федерациясендәге Гадәттән тыш һәм Тулы вәкаләтле Илчесе Мөхәммәд Али Камил әфәнде белән очрашу узды.
Очрашу кысаларында Татарстан һәм Джибути Республикларының сәнәгать һәм инвестицион потенциалы презентациясе узды. Шулай ук катнашучылар машина төзелеше, төзелеш, туризм, авыл хуҗалыгы өлкәләрендә хезмәттәшлек итүнең перспектив юнәлешләре хакында фикер алыштылар.
Татарстанга визит кысаларында Джибути Республикасының Россия Федерациясендәге Гадәттән тыш һәм Тулы вәкаләтле Илчесе Чаллыдагы «КАМАЗ» һәм «КИП – мастер» индустриаль паркы белән танышты.
2015 елның 10 ноябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның «Хальдор Топсе» компаниясе президенты Бъерне Клаус белән булган очрашуда катнашты.
Очрашу барышында Татарстан Республикасы Президенты «Хальдор Топсе» компаниясенең Татарстанның стратегик партнеры булуын һәм киләчәчәктә дә аның белән хезмәттәшлек итәргә кызыксынуын ассызыклады. “Бүгенге көндә сезнең технологияләр безнең предприятиеләребездә уңышлы эшли”,- диде Рөстәм Миңнеханов. - Алар ТАНЕКО һәм «Аммоний» комплексында кулланалар. Татарстан Президенты билгеләгәнчә, «ТАИФ» компанияләр төркеме предприятиеләре буенча эш дәвам итә, яңа катализаторларны булдыру һәм аны җитештерүдә куллану эшчәнлеге шактый перспективалы күренә.
Очрашу кысаларында «Хальдор Топсе» һәм Казан федераль университет, шулай ук «Хальдор Топсе» һәм Казан милли тикшеренү технологик университеты арасында килешүләр имзаланды.
2015 елның 10 ноябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов рәислегендә ягулык-энергетика объекларының куркынычсызылыгын тәэмин итү өлкәсендә Татарстан Республикасының федераль закончылыгын гамәлгә ашыру буенча ведомствоара эш төркеменең утырышы узды.
Эш төркеме составында - Татарстан Республикасы сәнәгать һәм сәүдә министрлыгы, Экологик, технологик һәм атом күзәтчелеге федераль хезмәтенең Идел буе идарәсе, Татарстан Республикасы Гражданнар оборонасы эшләре һәм гадәттән тыш хәлләр министрлыгы, Татарстан Республикасында Террорчылыкка каршы комиссия аппараты, Федераль Куркынычсызлык хезмәтенең Татарстан Республикасы буенча Идарәсе һәм республиканың ягулык-энергетика комплексының эре субъектлар вәкилләре.
Утырыш кысаларында “Ягулык-энергетика объекларының куркынычсызылыгы турында” 2011 елның 21 июлендәге 256-ФЗ номерлы федераль законын Татарстан Республикасында гамәлгә ашыру, Ведомствоара эш төркеме эшчәнлеге һәм ягулык-энергетика объектларында тикшеренүләр үткәрү мәсьәләләре каралды.
2015 елның 10 ноябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнеханов рәислегендә узган «Татнефтехиминвест-холдинг» ААҖ директорлар Советы утырышында катнашты.
Татарстан Республикасының нефть, газ химиясе комплексының төп предприятиеләре гыйнвар-сентябрь нәтиҗәләре буенча 136,6 млрд сум керем алды, бу үткән ел белән чагыштырганда өчтән бер өлешкә күбрәк.
Директорлар советында хәбәр ителгәнчә, НГХКның җитештерү күләме 1,7 % ка артты. Китерелгән продукция күләме 14 % ка артты - 848 млрд сумга кадәр. Төп предприятиеләр 304 млрд. сум өстәмә бәя җитештергәннәр.
Нәтиҗәдә Татарстан бюджетына химия һәм нефть химиясенең төп предприятиеләреннән керем, узган ел белән чагыштырганда, 2,1 мәртәбә артты, ә "ТАИФ-НК"дан түләүләр кимеде. Барлыгы НГХКнең эре компанияләре республика һәм җирле бюджетка 37 млрд сум түләнде.
Төп капиталга инвестицияләр үсеше дә күзәтелә. "ТАНЕКО" һәм "ТАИФ-НК" компанияләре - Россиядә аз санлы заводлар арасында нефтьне тирән эшкәртү җайланмаларын вакытында сафка кертергә тиеш булган предприятиеләр. "Аммоний" комплексын төзү тәмамланды.
Республикада нефть чыгару гыйнвар - сентябрь айлары нәтиҗәсе буенча 1,7 %ка арткан. "Татнефть" 19 млн. 885 мең тонна чыгарган, кече компанияләр - 5,3 млн. тонна. Узган ел белән чагыштырганда, "Татнефть" кереме 12 % арткан, шул исәптән экспорт 29 %ка арткан. Компания сату рентабельлеген саклап кала алды.
"КВАРТ"та һәм "Химград" резидентларында финанс күрсәткечләрнең кимүе күзәтелә. Ә «Нәфис Косметикс», «Түбән Кама нефть химиясе» һәм «Казаноргсинтез»да керем арткан. «Карпов исем. химия заводы», «Менделеевсказот», «Нижнекамсктехуглерод» һәм «Татнефть» шиналар комплексы зыян күрми башлаган.
2015 елның 10 ноябрендә Татарстан Республикасы Президенты Рөстәм Миңнеханов рәислегендә Казан Кремлендә Татарстан Республикасында Коррупциягә каршы эшне координацияләү комиссиянең беренче утырышы узды. Утырышта Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин катнашты. Чара республика министрлыклары һәм ведомстволары җитәкчеләре, иҗтимагый һәм дини конфессия вәкилләре катнашында киңәйтелгән форматта узды.
2015 елның 10 ноябрендә Татарстан Республикасы Президенты Рөстәм Миңнеханов техник фәннәр докторы, профессор, Россия Фәннәр академиясе әгъзасы, Бөтенроссия авиация материаллары институты генераль директоры Евгений Кабловка А.Н.Туполев исемендәге Халыкара премия тапшырды.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов Казан Кремлендә Губернаторлар сараеның камин залында узган бүләкләү тантанасында катнашты.
Премияне тапшырган вакытта Татарстан Президенты мондый бүләкләүнең беренче тапкыр узганын билгеләп үтте. Рөстәм Миңнеханов, премияне алу өчен үзебезнең һәм чит ил инженерларыннан гаризалар алынган, дип искәртеп үтте.
Инженерия фәннәре өлкәсендә А.Н.Туполев исемендәге Халыкара премия 2014 елның ноябрендә Татарстан Республикасы Президенты Указы белән гамәлгә кертелгән. Премия алга таба республикада инженерия фәннәрен үстерү, галимнәрне атаклы фәнни хезмәтләре, ачышлары өчен бүләкләү һәм танылган самолет төзүчесе, конструктор Андрей Туполев исемен мәңгелләштерү максаты белән булдырылды.
Инженерия фәннәре өлкәсендә А.Н.Туполев исемендәге Халыкара премия Татарстан Республикасы Президенты указы нигезендә ике елга бер тапкыр, Андрей Туполевның туган көне - 10 ноябрьдә тапшырыла (2015 елдан башлап). Бүләккә лаек булган шәхесләргә "Инженерия фәннәре өлкәсендә А.Н.Туполев исемендәге Халыкара премия лауреаты" исеме бирелә һәм премияне гамәлгә кую турындагы указ имзаланган көнгә 5 мең долларга тәңгәл акча (Россия акчасы белән), диплом һәм истәлек медале тапшырыла.
2015 елның 10 ноябрендә ENES энергияне саклау һәм энергия нәтиҗәлелеген арттыру һәм энергетиканы үстерү өлкәсендә гамәлгә ашырылган проектлар Бөтенроссия бәйгесе җиңүчеләрен һәм массакүләм мәгълүмат чаралары, ягулык-энергетика комплексы компанияләренең мәгълүмат хезмәтләре һәм «МедиаТЭК» төбәк администрацияләрен сайлау буенча ачык интернет-тавыш бирү тәмамлана.
Интернет тавыш бирүдә федераль эксперт комиссиясе сайлаган төбәк этаплар проектлары катнаша. Татарстан Республикасынан бәйгедә катнашу өчен 12 якын заявка җибәрелде.
2015 елның 9 ноябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнеханов рәислегендә узган Татарстан Республикасында Алкоголь һәм спиртлы продукция әйләнеше өлкәсендәге хәлләрне тикшереп тору советы утырышында катнашты.
Киңәшмәне ачып, Рөстәм Миңнеханов хәбәр иткәнчә, республикада алкоголь продукциясен ваклап сату 5%ка кимегән, шулай ук республикада җитештерелгән алкогольне реализацияләү – 4%ка. Бу күрсәткеч аеруча Аксубай, Югары Ослан, Алексеевск районнарында һәм Казанда кимегән.
Ул ассызыклаганча, алкоголь һәм спиртлы продукция әйләнеше өлкәсендәге хәлләрне тикшереп тору, алкоголь белән законсыз сәүдә итүне кисәтү буенча җитди эш алып барырга кирәк, бу аеруча мунициципаль районнарда актуаль. Ул билгеләп үткәнчә, кайбер районнарда алкоголь продукциясен законсыз сату урыннары юк ителгән. Мәсәлән, өченче кварталда Әлмәт районында 19 мең литрдан артык законсыз алкоголь продукциясе сатылган, Кукмара районында – 10 мең литрдан артык, Мөслим, Әтнә, Лениногорск районнарында өч ай эчендә берәр шешә аракы тартып алынган. Әлки һәм Алексеевск районнарында өченче кварталда 17 һәм 16 суррогат алкоголь сату урыны юк ителгән.
Татарстан Республикасында 2015 елның 9 ае эчендә алкоголь белән агулануның 973 очрагы теркәлгән, шулардан 44е – балалар. 9 ай эчендә алкогольдән агуланып республикада 274 кеше һәлак булган.
Татарстан Президенты шулай ук ассызыклаганча, алкоголь һәм спиртлы продукция әйләнешен тикшереп тору буенча җитди чаралар федераль дәрәҗәдә дә кабул ителә.
Татарстан Республикасы Дәүләт алкоголь инспекциясе мәгълүматларына караганда, 2015 елның 9 ае эчендәге 5023 алкоголь базары объекты тикшерелгән, аеруча Алексеевск районында, Казанда актив эш алып барылган. Тикшерүләр нәтиҗәсендә 45 мең литр законсыз алкоголь продукциясе тартып алынган. Ел башыннан бирле республикада 119 мең литрдан артык легаль булмаган алкоголь тартып алынган. 2015 елның 9 ае эчендә штрафлар суммасы 7,8 млн. сум тәшкил иткән. Алкоголь продукциясен законсыз тарату буенча117 сату урыны юк ителгән.