ENES-2015 энергия нәтиҗәлелеген арттыру һәм энергетиканы үстерү буенча IV халыкара форумы кысаларында үткәрелгән Бөтенроссия бәйгеләренең төбәк этабының нәтиҗәләре билгеләнде
Татарстан Республикасы Сәнәгать һәм сәүдә министрлыгында ENES-2015 энергия нәтиҗәлелеген арттыру һәм энергетиканы үстерү буенча IV халыкара форумы кысаларында үткәрелгән Бөтенроссия бәйгеләренең төбәк этабының нәтиҗәләре билгеләнде:
ENES-2015 энергияне саклау, энергия нәтиҗәлелеген арттыру һәм энергетиканы үстерү өлкәләрендәге проектларны гамәлгә ашырылган проектларның икенче Бөтенроссия бәйгесе буенча (алга таба- Проектлар бәйгесе);
Массакүләм мәгълүмат чаралары, ягулык-энергетика комплексы компанияләренең мәгълүмат хезмәте һәм «МедиаТЭК» төбәк администрацияләренең беренче Бөтенроссия бәйгесе (алга таба - «МедиаТЭК» бәйгесе).
Бөтенроссия бәйгеләренең төбәк этапларының нәтиҗәләре белән Татарстан Республикасы Сәнәгать һәм сәүдә министрлыгының рәсми сайтында “Энергияне саклау һәм энергия нәтиҗәлелеге” бүлегендә танышырга мөмкин: http://mpt.tatarstan.ru/rus/enes-2015.htm.
Төбәк этапларының иң яхшы эшләре бәйгеләрнең федераль дәрәҗәләрендәге этапларында катнашу өчен җибәреләчәк.
Октябрь дәвамында федераль эксперт шуралары һәр төбәктән җибәрелгән эшләргә экспертизалар үткәрә һәм җиңүчеләрне сайлау өчен ачык интернет-тавыш бирүдә катнашу өчен җибәрә.
Проектлар бәйгесе җиңүчеләре http://www.enes-expo.ru/ сайтында, «МедиаТЭК» бәйгесе http://медиатэк.рф/ рәсми сайтында ачык интернет тавыш бирү юлы белән билгеләнәләр.
Ачык интернет- тавыш бирү 2015 елның 1 ноябреннән 10 ноябренә кадәр дәвам итәчәк. Бәйге җиңүчеләре 19-21 ноябрьдә Мәскәүдә ENES-2015 энергия нәтиҗәлелеген арттыру һәм энергетиканы үстерү буенча IV халыкара форумын үткәрү көннәрендә узачак.