ЯҢАЛЫКЛАР
2016 елның 8 июнендә Татарстан Республикасы Премьер-министр урынбасары – ТР сәнәгать һәм сәүдә министры Алберт Кәримов “Сәнәгать үсешенә ярдәм итүче федераль һәм яңа барлыкка килгән республика институтлары һәм сәнәгать предприятиеләренең үзара хәрәкәт итүе турында” темасына багышланган Татарстан Республикасы предприятие һәм эшмәкәрләр Ассоциациясе Советының киңәйтелгән утырышында катнашты.
Татарстан Республикасы предприятие һәм эшмәкәрләр Ассоциациясе Советының киңәйтелгән утырышындагы чыгышында Татарстан Республикасы Премьер-министр урынбасары – ТР сәнәгать һәм сәүдә министры Алберт Кәримов хәзерге вакытта РФ сәнәгать һәм сәүдә министрлыгы тарафыннан гамәлгә ашырылучы программалар кысаларында республика предприятиеләре инвестицион кредитлар буенча процентлар түләүнең кайбер өлешен компенсацияләү мөмкинлегеннән актив рәвештә файдаланалар, дип билгеләде.
2016 елның 8 июнендә ТР Премьер-министр урынбасары – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның ВТБ банкы Идарәсе Рәисе Андрей Костин белән очрашуында катнашты.
Татарстан Республикасы Хөкүмәте Йортында узган очрашу барышында Татарстан Республикасы һәм ВТБ банкы арасында хезмәттәшлек турында Килешү имзаланды. Килешү кече һәм урта эшмәкәрлекне үстерү сораулары буенча ике якның үзара хәрәкәт итүен күздә тота.
Яклар Татарстан Республикасында алгарышлы социаль-икътисади үсеш территориясендә бизнес һәм проектларга дәүләт ярдәме программаларын гамәлгә ашыруда ярдәм итү турында килештеләр. Хезмәттәшлек юнәлешләре арасында - инвестиция, инновация һәм фәнни-техник проектларны гамәлгә ашыру өлешендә уртак эш.
Татарстанның сәнәгать предприятиеләре продукциясенең экспорт өлкәсендәге агымдагы вәзгыяте турында, чимал булмаган экспортка дәүләт ярдәменең төп юнәлешләре, республиканың экспорт потенциалын арттыру буенча чит илләрдә ТР Вәкиллекләренең роле хакында ТР Премьер-министр урынбасары – ТР сәнәгать һәм сәүдә министры Алберт Кәримов "Адымнар" мәгълүмати-аналитик тапшыруына биргән әңгәмәсендә сөйләде. Әңгәмәне “ТНВ” корреспонденты Ләйсән Сабирова алып барды.
Программа эфирга 2016 елның 11 июнендә шимбә көнне “ТНВ” телеканалында 20.00 сәгатьтә, “ТНВ-Планета” -18.00 сәгатьтә чыгачак.
2016 елның 7 июнендә ТР Премьер-министр урынбасары – ТР сәнәгать һәм сәүдә министры Алберт Кәримов Messe Frankfurt халыкара күргәзмә компаниясе вәкилләре белән очрашты.
Очрашуда Messe Frankfurt (Shanghai) CoLtd директорлар Идарә Рәисе Джейсон Цао, "Мессе Франкфурт РУС" ҖЧҖ генераль директоры Ойген Аллес, "Казан ярминкәсе" ААҖ генераль директоры Лев Семенов, "БизнесМедиаРаша" ҖЧҖ генераль директоры Алексей Матвеев катнашты.
ТР сәнәгать һәм сәүдә министрлыгы җитәкчесе кыскача Татарстан Республикасы сәнәгать потенциалын тәкъдир итте.
Messe Frankfurt (Shanghai) CoLtd директорлар Идарә Рәисе Джейсон Цао компания эшчәнлегенең төп юнәлешләре хакында хәбәр итте.
2016 елның 7 июнендә ТР Министрлар Кабинетында Татарстан Президенты башлыгында Татарстан Республикасы делегациясенең Германиягә визиты нәтиҗәләре буенча брифинг булып узды. ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы делегациясенең ГФР Саксония һәм Тюрингиягә булып узган визиты нәтиҗәләре турында мәгълүмат бирде. Ул кыскача Германия, аның икътисадын тасвирлады, Германия Федератив Республикасының 2015 елда эчке тулай продукты 3,413 трл. АКШ доллары тәшкил итүен билгеләп үтте. Татарстан таможнясы биргән мәгълүматларга караганда 2015 елда ике як арасындагы тышкы сәүдә әйләнеше 1 198,8 млн. АКШ доллары тәшкил иткән. Тышкы сәүдә әйләнеше структурасында экспорт һәм импорт операцияләре өлеше 54% һәм 46% чамасы тәшкил иткән.
2016 елның 7 июнендә Иннополиста (Татарстан Республикасы) "Сәнәгый Россиянең цифрлы индустриясе" конференциясенең ачылышы булып узды.
Татарстан Республикасы Премьер-министры Илдар Халиков конференциядә катнашучыларны сәламләп, «Ростех» дәүләт корпорациясе тарафыннан әйдәлгән "Сәнәгый Россиянең цифрлы индустриясе" проекты дәвам итүенә канәгать булуын белдерде.
"Бу очрашулар даими булыр дип ышанам . Бүген "Сәнәгый Россиянең цифрлы индустриясе" - яңа бренд, - дип билгеләп үтте Илдар Халиков. - "Ростех" дәүләт корпорациясе төрле тармак компанияләренең берләшү вариантын тәкъдим итте, хәрби-сәнәгать комплексында эшләүче предприятиеләр генә түгел, ә гражданлык сегментында эшләүче предприятиеләр дә".
2016 елның 6 июнендә ТР Президенты Рөстәм Миңнеханов рәислегендә Татарстан Республикасы Министрлар кабинеты каршындагы Икътисадый Совет утырышы узды. Утырышта “Татарстан Республикасы предприятиеләре продукциясе экспортын үстерү турында” фикер алыштылар.
"Татарстан Республикасы сәнәгать предприятиеләре продукциясе экспорты үсешенең перспективалары һәм агымдагы вәзгыяте турында” темасына доклад белән ТР Премьер-министры урынбасары – ТР сәнәгать һәм сәүдә министры Алберт Кәримов чыгыш ясады. ТР сәнәгать һәм сәүдә министрлыгы җитәкчесе билгеләп үткәнчә, 2015 елда Татарстанның 50гә якын предприятие һәм оешмасы тарафыннан 1 млн АКШ долларыннан артык экспорт күләме тормышка ашырылган, дөньяның 100дән артык иленә продукция җибәрелгән. Татарстан экспорт күләме буенча Идел буе федераль округында беренче урынны тота. Чимал булмаган экспортның өлеше 61,8%. Шулай да, Алберт Кәримов сүзләренчә республика экспортының күләме таможня статистикасы мәгълүматларына караганда 2015 елда 2014 ел белән чагыштырганда 37,4 % кимегән һәм 11,4 млрд АКШ доллары тәшкил иткән.
2016 елның 6 июнендә Казанда 21st International Conference on Phosphorus Chemistry (ICPC 2016) фосфор химиясе буенча XXI халыкара конференция үз эшен башлады, ул Татарстан Республикасы Президенты Рөстәм Миңнеханов күзәтүе астында үтә.
5-10 июнь көннәрендә дөньяның 32 иленнән 350 артык әйдәп баручы галим органик химияне үстерүнең теоретик һәм практик юнәлешләрендә эшләячәк.
“Конференция һәр ике ел саен дөньяның фәнни үзәкләре булган эре шәһәрләрдә уза. Беренче тапкыр ул 1960 елларда Германияда, хәзер исә тарихта беренче тапкыр Россияда –Казанда узды”, - дип билгеләде үзенең сәламләү сүзендә Россия Фәннәр Академисе академигы Олег Синяшин.
Татарстан Республикасы сәнәгать һәм сәүдә министрлыгы "Горький исемендәге Яшел Үзән заводы", "Казан вертолет заводы", "КАМАЗ" белән берлектә 2016 елның 4-5 июнендә Казанда уза торган блогерлар НеФорумында катнашучылар өчен “Сәнәгый Татарстан” блог-туры үткәрде.
Блогерлар НеФорумында катнашучылар өчен беренче сәнәгать объекты "Горький исемендәге Яшел Үзән заводы" булды. Завод Россия иң мөһим стратегик судно төзелеше предприятиеләренең берсе булып тора. Эшчәнлек еллары дәвамында завод 1500 дән артык диңгез һәм елга суднолары, шул исәптән 600 гә якын хәрби билгеләнештәге кораб һәм суднолар чыгарган. Заводның маркасы сыйфат һәм ышаныч гарантиясе булып тора. Моңа дәлил – РФ Хәрби –диңгез Флотының Каспий флотилиясенең сугышчан кораблары – “Дагестан” ракета корабы һәм “Углич”, “Град Свияжск”, “Великий Устюг” һәм башка бик күп 21631 серияле кече ракета кораблары.
2016 елның 3 июнендә Татарстан Республикасы делегациясенең Тюрингиягә эшлекле визиты нәтиҗәләре буенча Татарстан Республикасы Президенты Рөстәм Миңнеханов һәм Тюрингия Премьер-министры Бодо Рамелов үзара аңлашу турында Меморандумга һәм хезмәттәшлек турында беркетмәгә кул куйдылар.
Татарстан Республикасы Президенты Рөстәм Миңнеханов һәм Тюрингия Премьер-министры Бодо Рамелов очрашуында ТР Премьер-министр урынбасары – ТР сәнәгать һәм сәүдә министры Алберт Кәримов, Татарстан Республикасы делегациясе вәкилләре, Тюрингиянең бизнес даирә вәкилләре катнашты.