ЯҢАЛЫКЛАР
2016 елның 21 сентябрендә Татарстан Республикасы Дәүләт Советының 21 утырышы кысаларында “Хөкүмәт сәгате” барышында ТР Премьер-министры урынбасары –ТР сәнәгать һәм сәүдә министры Алберт Кәримов “Татарстан Республикасы сәнәгать предприятиеләренең импорт продукциясен алыштыру бурычын үтәүләре турында” темасына доклад белән чыгыш ясады.
Үзенең чыгышында ТР сәнәгать һәм сәүдә министрлыгы җитәкчесе Алберт Кәримов кыскача сәнәгать үсеше нәтиҗәләре хакында сөйләде. Әйтик, 2016 елның гыйнварь-август аралыгында республика предприятиеләре үзләре җитештергән товарны 1,2 трлн. сумлык җибәргәннәр. Сәнәгый җитештерү индексы 103,4% тәшкил иткән. Татарстанда файдалы казылмалар чыгаруда сәнәгый җитештерү индексы 104% тәшкил иткән, эшкәртү производстволарында – 102,6%, электр энергиясе, газ, су җитештерүендә – 107,2%.
2016 елның 21 сентябрендә Татарстан Республикасы Президенты Рөстәм Миңнеханов дәүләт мөлкәте белән идарә итү буенча Федераль агентлык (Россия мөлкәте) җитәкчесе Дмитрий Пристансков белән очрашты. Очрашу Татарстан Республикасы Хөкүмәте Йортында узды. Анда ТР Премьер-министры урынбасары –ТР сәнәгать һәм сәүдә министры Алберт Кәримов, ТР Президенты ярдәмчесе Ринат Сабиров, ТР Президенты ярдәмчесе Айрат Нуретдинов, ТР төзелеш, архитектура һәм торак-коммуналь хуҗалыгы министры Ирек Фәйзуллин, ТР җир һәм мөлкәт мөнәсәбәтләре министры Азат Хамаев, ТР транспорт һәм юл хуҗалыгы министры Ленар Сафин, Татарстан Республикасы буенча Россия мөлкәте территориаль идарәсе җитәкчесе Гөлнара Сергеева һәм башкалар катнашты.
ТР дәүләт бүләге тапшырылды
2016 елның 21 сентябрендә ТР Премьер-министры урынбасары – ТР сәнәгать һәм сәүдә министры Алберт Әнвәр улы Кәримов Казан дары заводы коллективы белән очрашу барышында предприятиенең генераль директоры Хәлил Зиннур улы Гыйниятовка югары дәүләт бүләген –"Татарстан Республикасы алдындагы казанышлары өчен" орден медален тапшырды.
2016 елның 20 сентябрендә ТР Премьер-министры урынбасары –ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның "Мубадала" инвестицион фонды делегациясе әгъзалары (Берләшкән Гарәп Әмирлекләре) һәм Россия туры инвестицияләр фонды (РФПИ) генераль директоры Кирилл Дмитриев белән очрашуында катнашты.
Рөстәм Миңнеханов сүзләренчә, Татарстан Берләшкән Гарәп Әмирлекләреннән күп нәрсәгә өйрәнә. "Сезнең байтак тәҗрибәгез бар, илегез чәчәк ата һәм көчле икътисадка ия. Без Россия һәм Берләшкән Гарәп Әмирлекләренең мөнәсәбәтләре динамик рәвештә үсүенә бик шат, - дип билгеләп үтте ул. – Бүген уртак бәйләнеш нокталарын табу, "Мубадала" фонды белән мөмкин булган хезмәттәшлекнең вариантларын билгеләү мөһим.
2016 елның 20 сентябрендә Татарстанның Лаеш районы Столбищи авылында Идел буе федераль округында беренчеләрдән булып Ozon.ru интернет-кибетенең бүленеш үзәге ачылды.
Склад комплексын ачу тантанасында OZON.ru җитәкчелеге вәкилләре, ТР сәнәгать һәм сәүдә министрлыгы, эшкуарлар хокукларын яклау буенча ТР Президенты каршындагы Вәкаләтле Вәкил катнашты.
ТР сәнәгать һәм сәүдә министры урынбасары Алмаз Хөсәенов әйтүенчә, Татарстан Республикасында Ozon.ru интернет-кибете аша товарларны сатып алу 2016 елның беренче яртыеллыгында 15% арткан. Бу халыкта OZON онлайн-ритейлеры товарларына ихтияҗ барлыгы турында һәм товар бәяләренең актуальлеге, ассортимент сәясәтенең канәгатьләндерерлек булуы хакында сөйли. РФ регионнарына товарларны сыйфатлы итеп кайтарту сәясәтен тормышка ашыру максаты белән төзелгән заманча склад комплексын ачу Казан һәм якын-тирәдәге Идел буе федераль округындагы шәһәрләргә заказларны кайтарту кимендә бер көнгә кыскарачак.
2016 елның 20 сентябрендә Яшел Үзәндә ТР Премьер-министры урынбасары –ТР сәнәгать һәм сәүдә министры Алберт Кәримов "Кызыл металлист" комплексының икенче чират торак йортын файдалануга тапшыру һәм Яшел Үзән судно төзү заводының машина төзелеше цехын эшләтеп җибәрү тантаналы чараларында катнашты.
Машина төзүчеләр Көне алдыннан “Горький исемендәге Яшел Үзән заводы” АҖ "Кызыл металлист" комплексының икенче чират торак йортын файдалануга тапшыру тантанасы булып узды. Искә төшереп үтик, "Кызыл металлист" комплексының торак йортын күтәрә башлау 2013 елның октябрендә Россия Федерациясе Хөкүмәте Рәисе урынбасары Дмитрий Рогозин һәм Татарстан Республикасы Премьер-министры Илдар Халиков катнашында булып узган иде.
2016 елның 20 сентябрендә Казанда “Сәүдә эшчәнлеге өлкәсендә конкуренцияне тәэмин итү” Халыкара фәнни-гамәли конференция булып узды.
Конференция эшендә Татарстан Республикасы Премьер-министры Илдар Халиков, Россиянең Монополиягә каршы Федераль Хезмәт җитәкчесе урынбасары Андрей Кашеваров, ТР Премьер-министры урынбасары –ТР сәнәгать һәм сәүдә министры Алберт Кәримов, Татарстан Республикасы Дәүләт Советы экология, табигатьтән файдалану, агросәнәгать һәм азык-төлек сәясәте Комитеты Рәисе Таһир Һадиев, Россия бәйсез челтәрләр Берлеге директоры Сергей Кузнецов катнашты.
Конференциядә катнашучыларны Россия бәйсез челтәрләр Берлеге директоры Сергей Кузнецов һәм Татарстан Республикасы Премьер-министры Илдар Халиков сәламләделәр.
2016 елның 20 сентябрендә ТР Премьер-министры урынбасары –ТР сәнәгать һәм сәүдә министры Алберт Кәримов ТР Президенты Рөстәм Миңнехановның Россия Федерациясендә Беларусь Республикасының Гадәттән Тыш һәм Тулы Вәкаләтле Илчесе Игорь Петришенко белән очрашуында катнашты. Очрашу барышында Россия –Беларусь мөнәсәбәтләре кысаларында ике як Татарстан һәм Беларусь Республикасы арасында киләчәктә үзара файдалы хезмәттәшлек мәсьәләләре хакында фикерләштеләр. Шулай ук, уртак проектларны гамәлгә ашыру турында да сүз барды.
Мәгълүмат өчен:
Татарстан Республикасының Беларусь партнерлар белән хезмәттәшлеге даими рәвештә үсә. 2015 ел нәтиҗәләре буенча Татарстанның Беларусь Республикасы белән тышкы сәүдә әйләнеше 878,3 млн. АКШ доллары тәшкил иткән. Шулардан Беларусиягә 676,9 млн. АКШ долларык экспорт җибәрелгән, чит илдән Татарстанга 201,4 млн. АКШ долл. импорт кертелгән.
Ике яклы хезмәттәшлекнең төп юнәлешләре, гадәттәгечә, машина төзелеше, авыл хуҗалыгы машина төзелеше һәм махсус техника җитештерү, нефтегазохимия, текстиль, фармацевтика, авыл хуҗалыгы һәм азык-төлек товарлары.
2016 елның 19 сентябрендә Казанда «Корстон» кунакханә сәүдә күңел ачу комплексы мәйданында Россия икътисадын модернизацияләү буенча Россия-Япония консультатив советының VI утырышы узды. Чарада Татарстан Республикасы Президенты Рөстәм Миңнеханов, Россия Федерациясендә Япониянең Гадәттән Тыш һәм Тулы Вәкаләтле Илчесе Тоёхиса Кодзуки, Татарстан Республикасы Премьер-министры Илдар Халиков, Россия икътисадый үсеш министры урынбасары Станислав Воскресенский, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов, Япониянең икътисадый оешмалар Федерациясенең икътисадый хезмәттәшлек буенча Япония-Россия Комитетының транспорт буенча ярдәмче төркеме рәисе Такеши Хасимото, «Эшлекле Россия» Бөтенроссия иҗтимагый оешмасы президенты - Россия-Япония Эшлекле советы рәисе Алексей Репик, Россия һәм Татарстан министрлыклары һәм ведомстволары җитәкчеләре катнашты.
2016 елның 19 сентябрендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Россия Федерациясендә Япониянең Гадәттән Тыш һәм Тулы Вәкаләтле Илчесе Тоехиса Кодзуки әфәнде җитәкчелегендәге Япония делегациясе белән очрашуында катнашты. Япония делегациясе Казанга Россия икътисадын модернизацияләү буенча VI Россия-Япония консультатив Советы утырышында катнашу өчен килделәр.
"Без Россия-Япония мөнәсәбәтләре кысаларында Татарстан Республикасы һәм Япония арасындагы элемтәләрне киңәйтүгә зур игътибар бирәбез, - диде Рөстәм Миңнеханов. - Катлаулы сәяси вәзгыятькә карамастан, илләребез арасында мөнәсәбәләр прагматик характерда булырга тиеш. Безнең җитәкчеләребез - Россия Президенты Владимир Путин һәм Япония Премьер-министры Синдо Абэ Владивостокта узган очрашуларында бу хакта сөйләштеләр".