Җомга көнне Мәскәүдә Россия сәнәгать һәм сәүдә министрлыгы коллегиясенең йомгаклау утырышы булып узды.  “2016 елда Россия Федерациясе сәнәгать һәм сәүдә министрлыгы эшчәнлегенең төп нәтиҗәләре һәм 2017 елга куелган максатлары һәм бурычлары” дип исемләнгән йомгаклау утырышын Россия Федерациясе Хөкүмәте рәисе Дмитрий Медведев алып барды. Чарада ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов катнашты.

Әлеге чараны Россия Федерациясе Хөкүмәте Рәисе Дмитрий Медведев ачты. Үзенең чыгышында Премьер-министр Россиянең сәнәгать һәм сәүдә министрлыгының агымдагы икътисади үсеш  процессындагы ролен билгеләп үтте.

Аннан соң, Дмитрий Медведев сәнәгать җитештерүен үстерүнең агымдагы күрсәткечләренә тукталды. Ул хәбәр иткәнчә, быел сәнәгатьнең аерым тармакларына ярдәм итү йөзеннән 107 миллиард сум акча бүлеп бирү планлаштырыла. Аның сүзләренә караганда, 2016 елда җитештерү үсеше якынча 1,5% тәшкил иткән. Лидерлар арасында - оборона-сәнәгать комплексы: монда арттыру 10% тәшкил иткән. Моннан тыш, 1,5 тапкыр авыл хуҗалыгы техникасы җитештерү арткан.

Утырыш программасының төп өлешендә Россия сәнәгать һәм сәүдә министры Денис Мантуров “2016 елда Россия Федерациясе сәнәгать һәм сәүдә министрлыгы  эшчәнлегенең төп нәтиҗәләре һәм 2017 елга куелган максатлары һәм бурычлары” дип исемләнгән доклад тәкъдим итте. Ул хәбәр иткәнчә, соңгы ярты елда эчендә җитештерү индексы активлыгы соңгы алты елда 55% кадәр үскән.

Утырышта шулай ук, Вице-премьер Дмитрий Рогозин, Россия Федерациясе Хөкүмәте Башлыгы урынбасары Аркадий Дворкович чыгыш ясадылар.

Коллегиянең йомгаклау утырышы программасы азагында Денис Мантуров РФ сәнәгать һәм сәүдә министрлыгы хезмәткәрләренә, РФ регионы сәнәгать предприятиеләре вәкилләренә дәүләт бүләкләрен тапшырды. Россия Федерациясе сәнәгать һәм сәүдә министрлыгының Мактау грамотасы белән Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов та бүләкләнде.

2017 елның 25 мартында махсус химия, гадәти хәрби корал буенча «Ростех» Дәүләт корпорациясенең индустриаль директоры Сергей Абрамов эшлекле визит белән Серго исемендәге заводта булды.

Сергей Абрамовның заводка визиты ТР Премьер-министры урынбасары-Татарстан Республикасы сәнәгать һәм сәүдә министры Альберт Кәримов һәм «ПОЗИС» АҖ генераль директоры Радик Хәсәнов озатуында узды. Мәскәү кунагы Pozis заводының махсус машина төзелеше Үзәге, шулай ук, көнкүреш һәм медицина техникасын җитештерү Комплексы белән танышты. Очрашуда катнашучылар сәнәгать куәтләрен реструктурлаштыру һәм блок-модульле  котельныйлар төзелешенең барышы, башка чаралар комплексының гамәлгә ашырылуы белән кызыксындылар. 

Моннан тыш, визит кысаларында эшлекле киңәшмә узды, анда «ПОЗИС» АҖ үсеш стратегиясе каралды һәм 2025 елга гражданлык продукциясен чыгаруның өлешен 4 тапкыр арттыру бурычы куелды.

Бүген ТР сәнәгать һәм сәүдә министрлыгында Татарстан Республикасы кәсепчелеге һәм көнкүреш хезмәте күрсәтү предприятиеләре  Ассоциациясе әгъзалары белән киңәшмә узды.

Чара кысаларында катнашучылар кече һәм урта эшкуарлыкка дәүләт ярдәме күрсәтү чараларын карадылар. 

Үзенең докладында Татарстан Республикасы сәнәгать һәм сәүдә министры урынбасары Денис Вәлиев билгеләп үткәнчә, кулланучылар базары хәзерге заман икътисадының әһәмиятле бер өлеше. Нәкъ менә биредә халыкның көндәлек ихтыяҗлары канәгатъләндерелә, аларның хәл ителү дәрәҗәсе, ахыр чиктә, икътисадның нәтиҗәлелеген билгели.

"2016 елда республика халкына якынча 42 млрд сумлык көндәлек хезмәт күрсәтелгән, бу 93,4% тәшкил итә. Идел буе федераль округының башка регионнары белән чагыштырганда Татарстан Республикасының күрсәтелгән хезмәтләр күләме лидерлар рәтендә", - дип сөйләде Денис Вәлиев.

Статистика мәгълүматлары буенча республикада 8200 көнкүреш хезмәте күрсәтү объектлары эшли, аларның 813 – авыл җирендә. 2010 елдан алып бүгенге көнгә кадәр объектларның саны 1,8 тапкыр арткан.

24 мартта ТР сәнәгать һәм сәүдә министрлыгында Татарстан Республикасы һәм Россия Федерациясе төбәкләрендә урнашкан предприятиеләрнең йөк автотранспортын һәм махсус  техникасын ремонтлау  һәм модернизацияләүгә системалы якын килүне гамәлгә ашыру буенча киңәшмә узды.

Чарада Бөтендөнья татар конгрессы Башкарма комитеты, Татарстан Республикасы экспорт Корпорациясе, ТР транспорт һәм юл хуҗалыгы министрлыгы, ТР төзелеш, архитектура и ТКХ министрлыгы, ТР авыл хуҗалыгы һәм азык-төлек министрлыгы вәкилләре катнашты.

Киңәшмә барышында «Ремдизель» АҖ, «Кориб» ҖЧҖ, «Камминз КАМА» ЯАҖ чыгышлары хакында фикер алышу булып узды. ТР экспорт корпорациясе «Ремдизель» АҖ һәм «Кориб» ҖЧҖ проектларын Россия Федерациясе регионнарына һәм чит илләргә тәкъдим итү буенча уртак хезмәттәшлек оештыруны хуплады.

Бүген ИТ-парк мәйданында Форумы һәм «Бердәм Россия» партиясе-Кытай Коммунистлар партиясе» эшлекле Форумы үтте. Чара Евразия икътисади берлеге һәм Яңа ефәк юл проектларына кагылышлы региональ хезмәттәшлек үсешенә багышланды, сүз якларның икътисади хезмәттәшлеге турында барды.

Чарада «Бердәм Россия» партиясенең Югары Советы Рәисе Борис Грызлов, партиянең Генераль Советы секретаре урынбасары Сергей Железняк,  Татарстан Республикасы Дәүләт Советы Рәисе Фәрит Мөхәммәтшин, Кытай Коммунистлар партиясе Үзәк Комитетының Халыкара бүлеге мөдире Сун Тао катнашты.

Тантана башланыр алдыннан адреслы очрашулар булып узды, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Кытайның эре бизнес вәкилләре һәм җитәкчеләре белән күреште. Сөйләшүләр барышында Татарстан Республикасының сәүдә-икътисади һәм сәнәгать потенциалы тәкъдир ителде. Очрашулар нәтиҗәсендә хезмәттәшлекнең перспектив юнәлешләре билгеләнде: машина төзелеше, авыл хуҗалыгы, югары технологияле җитештерү, энергетика, көнкүреш продукция. Моннан тыш, Кытай ягы "Нефть. Газ. Нефть химиясе" һәм "Машина төзелеше. Металл эшкәртү. Казан" республика күргәзмәләрендә катнашуга кызыксыну күрсәтте.

Форумда катнашучыларны сәламләп, Борис Грызлов Россия һәм Кытай арасында мөнәсәбәтләрнең ныгуын ассызыклады. Бүген бу дөньякүләм сәяси һәм икътисадның халыкара мөнәсәбәтләренең иң мөһим факторы, - диде ул.

Борис Грызлов Россиядә гамәлгә ашырыла торган проект “Мәскәү –Пекин” югары тизлекле тимер юлы, шуның мөһим өлеше булган “Мәскәү-Казан” магистрале турында җентекләп сөйләде. Проектның инвесторы һәм төзелештә катнашучыларның берсе- Кытай.

Кытай Коммунистлар партиясе Үзәк Комитетының Халыкара бүлеге мөдире Сун Тао Евразия икътисади берлеге һәм Яңа ефәк юл проектлары хакында чыгыш ясады.

Чара барышында Россия һәм Кытай делегациясе вәкилләре төрле тармакларда хезмәттәшлек итү мәсьәләләре буенча чыгыш ясадылар.

Форум эшен тәмамлап Фәрит Мөхәммәтшин, Татарстандагы Форумга алдан урнаштырылган эшлекле элемтәләр буенча бизнес вәкилләренең килүе бик мөһим дип белдерде. "Без бер-беребезгә мөмкинлекләр турында ачыктан-ачык сөйләдек. Ышанам ки, яңа көч һәм энергия белән кара-каршы хәрәкәт итә башларбыз, куйган максатларга ирешергә омтылырбыз", – диде ТР Дәүләт Советы Рәисе.

Чараның йомгаклау өлешендә икеяклы килешүләр һәм хезмәттәшлек проектлары имзаланды. Очрашулар нәтиҗәсендә, Россия-Кытай регионара хезмәттәшлек үсеше Фонды оештырылачак.

Бу көннәрдә Комсомольск-на-Амуре шәһәрендә (Хабаровск крае) сайлап алу ярышлары үткәрелә, аның нәтиҗәләре буенча финалистлар "Яшь профессионаллар" Милли чемпионатына юл тотачаклар.  WorldSkills Russia  16-19 май көннәрендә Краснодарда узачак. “Сәнәгать җитештерүендә мәшгуль белгечләр” блогының  6 компетенциясе буенча ярышлар 28 мартка кадәр дәвам итәчәк. Чараларда Татарстан Республикасы сәнәгать һәм сәүдә министры урынбасары Алмаз Хөсәенов катнаша, 24-25 мартта ярышларда катнашучылар һәм экспертлар белән очрашачак.

Конкурс мәйданчыкларында Россия региональ беренчелегендә 153 җиңүче катнаша. Барлыгы Комсомольск-на-Амуре шәһәренә Россиянең 71 регионыннан яшь белгечләр килгән, аларның профессиональ күнекмәләрен 161 эксперт бәяләячәк. Хабаровском краенда сайлап алу ярышларының эшлекле программасы кысаларында экспертларның регинара форумы узачак.

Подольск шәһәрендә эре автомобиль заводлары вәкилләре белән күчмә техник советы кысаларында икенче буын КАМАЗ-6282 электробусы мөмкинлекләре күрсәтелде.

Автобус күчмә техник совет барышында тәкъдим ителде, анда  «Мострансавто» белгечләре һәм төрле автозавод- «Группа ГАЗ», «Скания Русь», «ZF Руссия», «МАЗ» вәкилләре катнашты. Алар барысы да автобусларны эксплуатацияләү буенча тәҗрибә уртаклашу һәм киләчәктә «Мострансавто» алырга планлаштырган перспектив модельләр хакында фикер алышырга җыелды.

Турында фикер алышканда мөмкинлекләр камазовского электробуса, баш инженер ДУП "Мострансавто" Виктор Хальзов дип билгеләп үтте, аның уңай яклар.

«Мострансавто» ДУП баш инженеры Виктор Хальзов КАМАЗ электробусының пассажирлар өчен булган уңайлыкларын билгеләп үтте.

КАМАЗ-6282 уникаль электробусы – "КАМАЗ" һәм Россия фәнни-техник Drive Electro компанияләренең уртак проекты. Аның гомуми пассажирлар сыйдырышлыгы – 85 кеше, шуның 24 урыны утыру өчен исәпләнгән. Әйтергә кирәк, узган елның май аенда Мәскәүдә электробусны тест  эксплуатацияләүләр башланды, ә соңыннан электробус Санкт-Петербург шәһәре маршрутлары буенча җибәрелде.

22 мартта Казанның "Корстон" кунакханә-ял итү-сәүдә комплексында Татарстан Республикасы Президенты Рөстәм Миңнеханов Россия - Кытай VI Эшлекле Форумы һәм "Бердәм Россия партиясе-Кытай Коммунистлар партиясе" партияара диалогында катнашучылар белән очрашты.

Очрашуда «Бердәм Россия» партиясе Югары советы Рәисе Борис Грызлов, Татарстан Республикасы Дәүләт Советы Рәисе Фәрит Мөхәммәтшин, Кытай Коммунистлар партиясе ҮКның Халыкара бүлеге мөдире Сун Тао, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицияләр үсеше Агентлыгы җитәкчесе Талия Миңнуллина, Казан мэры Илсур Метшин һәм башкалар катнашты.

Очрашуда катнашучыларны сәламләп, Рөстәм Миңнеханов билгеләп үткәнчә, Россия-Кытай мөнәсәбәтләре төрле яклы стратегик партнёрлык характерында. Югары дәрәҗәдә даими сәяси диалог бара, илләрнең халыкара һәм төбәк актуаль мәсьәләләре буенча уртак позицияләре бар. 2016 елда  Россия Федерациясе белән КХР арасында Дустанә күршелек, дуслык һәм хезмәттәшлек турында шартнамәгә имза салуга 15 ел тулды. 

«Россия төбәкләре белән Кытай провинцияләре арасындагы багланышларга зур игътибар бирелә. Без Кытай белән бүгенге мөнәсәбәтләрнең югары дәрәҗәдә булуын бик хуплыйбыз», - дип белдерде Рөстәм Миңнеханов.

Ул хәбәр иткәнчә, Татарстан Кытай партнерлары белән актив хезмәттәшлек итә. Республикада Кытай Рәисе Ху Цзиньтао әфәнде, КХР Дәүләт Советы Премьеры Ли Кэцян әфәнде, Бөтенкытай халык вәкилләре собраниесенең (парламентының) Даими  комитеты Рәисе Чжан Дэцзян әфәнде булганы бар. Татарстаннан делегацияләр шулай ук Кытай Халык Республикасында еш булалар.  

Рөстәм Миңнеханов искәртеп узганча, күптән түгел Казанда Кытай Генераль консуллыгы ачылды. Пекинда Татарстанның сәүдә-икътисад вәкиллеге эшләп килә. Кытайның кайбер провинцияләре компанияләре һәм югары уку йортлары белән килешүләр төзелгән һәм гамәлгә ашырыла. Республика «Идел–Янцзы» уртак төбәк төркемендә актив эшли.

«Үткән ел Менделеевск шәһәрендә "Аммоний"  минераль ашламалар җитештерү заводы эшләтеп җибәрелде. "Хайер" компаниясе Татарстанда суыткычлар чыгару заводын ачты», - диде Татарстан Республикасы Президенты.

«Парламентара һәм партияара хезмәттәшлек мөһим юнәлеш булып тора. 2015 елда Татарстан Республикасы Дәүләт Советы Рәисе Фәрит Мөхәммәтшин "Бердәм Россия" партиясе делегациясе составында Кытайда булды», - диде ул.
 
Җавап сүзендә Сун Тао, бүген Россия-Кытай мөнәсәбәтләре үсә бара: «Безнең партияара диалог мәйданчыгындагы төп бурыч – төрле яклы партнёрлыкка һәм хезмәттәшлеккә ярдәм»,-диде. Ул республиканың Кытай белән төбәкара мөнәсәбәтләргә керткән өлешен югары бәяләде.

Бүген Казан Ратушасында Идел буе федераль округында кече һәм урта эшмәкәрлекне үстерү һәм административ киртәләрне киметү, инвестиция климатын яхшырту буенча Комиссия утырышы узды.

Чарада РФ Президентының Идел буе федераль округында Вәкаләтле вәкиле Михаил Бабич, "Федераль кече һәм урта эшмәкәрлекне үстерү корпорациясе" АҖ генераль директоры Александр Браверман, Татарстан Республикасы Президенты Рөстәм Миңнеханов, ТР Премьер-министры урынбасары – Татарстан Республикасы сәнәгать һәм сәүдә министры Альберт Кәримов, республика министрлык һәм ведомстволары җитәкчеләре, Идел буе федераль округы вәкилләре, хокук саклау структуралары, төрле финанс учреждение җитәкчеләре катнашты.

Үзенең сәламләү сүзендә Рөстәм Миңнеханов, Татарстанда инвестиция климатын яхшырту һәм эшкуарлыкка ярдәм итү буенча күп кенә чаралар федераль үзәк ярдәме белән тормышка ашырылуы турында әйтеп үтте. Бизнес алып бару өчен уңайлы шартлар тудыру, озак вакытка имзаланган инвестиция проектларын һәм җитештерүне модернизацияләүне тормышка ашыруга басым ясала, диде ул.

Аның сүзләренчә, республиканың үсеш нокталары эшмәкәрлеккә ярдәм итү инфраструктурасы объектлары булып махсус икътисади зоналар, сәнәгый парк һәм технопарклар тора. Узган елда аларның резидентлары 167,5 млрд сумлык продукция җитештерде, бу гомуми сәнәгый җитештерү күләменең 8,5% тәшкил итә. Аерым игътибар "Алабуга" МИЗ бирелә. Бу зонада Россиянең барлык махсус икътисади зоналарына караганда 70% табыш кертелә. Алабуга МИЗ бүгенге көндә 22 завод эшли, быел тагын 5-6 предприятие ачып җибәрү планлаштырыла. "Иннополис" МИЗ актив эш алып барыла. Киләчәктә фәнни шәһәр барлык ил өчен ИТ өлкәдә ресурлар һәм инновацияләр үзәге булачак.

Үсешнең яңа ноктасы -Яр Чаллы моношәһәрендә өстенлекле социаль -икътисади үсеш территориясе. Монда 7 резидент эшли, 2016 елда табыш 2,6 млрд сум тәшкил итте, барлыгы 1300 эш урыны булдырылды. Тагын шундый территорияләр Яшел Үзән һәм Түбән Кама шәһәрләрендә дә оештыруны планлаштырабыз, -дип билгеләп үтте ТР Президенты. 

Үз чиратында Михаил Бабич чыгышында Татарстанның Идел буе федераль округында лидер булуын ассызыклады. 2016 елда 2030 елга кадәр кече һәм урта бизнены үстерү стратегиясе раслануын хәбәр итте Бабич. Шулай ук эшмәкәрләр реестры булдырылды, диду ул.

Бүген Беларусь Республикасы оборона министрлыгы делегациясе министр урынбасары Игорь Лотенков җитәкчелегендә "Россия Вертолетлары" холдингының (Ростех Дәүләт корпорациясенә керә) "Казан вертолет заводы"нда булды. Рәсми визит Беларусь Республикасы оборона министрлыгына (Ми-8МТВ-5) 12 вертолет җибәрү буенча контрактның тәмамлануы белән бәйле иде. Чираттагы алты машинадан торган партияне "Россия Вертолетлары" холдингы заказ бирүчегә вакытыннан алда тапшырачак.

Предприятие белән танышу вакытында Беларусь Республикасы оборона министрлыгы делегациясе вәкилләре Ми-8МТВ-5 вертолетларының икенче партиясен тәмамлау эшләренең барышын карадылар һәм Беларусь Республикасы оборона министрлыгы кабул итү комиссиясе җитәкчесенең икенче партияне кабул итү шартларын тәэмин итү буенча барган эшләр турында докладын тыңладылар. 

Кунаклар "Казан вертолетлар заводының" җитештерү цехларында булдылар, "Ансат" вертолеты җыелган участокларны карадыла. Җиңел күп максатлы "Ансат" машинасы белән кызыксынуларын белдерделәр.