ЯҢАЛЫКЛАР
Казанда ТР Парламент башлыгы Фәрит Мөхәммәтшин рәислегендә V чакырылыш Дәүләт Советының 26нчы утырышы узды. Чарада ТР Премьер-министры урынбасары- ТР сәнәгать һәм сәүдә министры Альберт Кәримов катнашты.
Президиум утырышында депутатлар 24 сорауны- 11 республика законын һәм 11 федераль закон проектын карадылар. Көн тәртибендә төп сорау - 2016 елда Республика Хакимият башкарма органнары эшчәнлегенең нәтиҗәләре турында ТР Премьер-министры РТ Ильдар Халиков чыгыш ясады.
2016 елда республиканың тулай төбәк продукты, 2015 ел белән чагыштырганда, 102,5 %ка арткан. Россия күләмендә бу күрсәткеч - 99,8%.
2015 ел белән чагыштырганда, авыл хуҗалыгы өлкәсендә үсеш – 105%, сәнәгатьтә 103,5 % тәшкил иткән. Гомумән, Татарстанда барлык юнәлешләрдәге күрсәткечләр дә, Россия белән чагыштырганда, югарырак.
2016 елда Татарстанда 2 млн 406,5 мең кв метр торак кулланылышка тапшырылган. Шуларның 373,6 мең мәйданы социаль ипотека программасы нигезендә бирелгән.
2015 ел белән чагыштырганда, узган ел татарстанлыларның кереме 2,3 %ка арткан һәм 32909 сум тәшкил иткән. Реаль керемнәр исә 2,6 %ка кимегән.
Республика буенча уртача хезмәт хакы 30 409,8 сум тәшкил иткән. 2015 елда бу сумма 5,2 %ка кимрәк булган. Товар һәм хезмәтләргә кулланучылар бәяләре индексын исәпкә алганда, реаль хезмәт хакы 99,7 % булган.
Уртача хезмәт хакы күләме буенча Татарстан Россиядә 28 нче урынны биләгән. Идел буе федераль округы буенча исә, икенче урында. Иң күп хезмәт хакы Пермь краенда яшәүчеләргә бирелгән.
Узган ел республикада 55 853 бала туган. Халыкның табигый үсеше 11 мең кеше тәшкил иткән.
Гадәттәгечә башкарма хакимият хисабы депутатларның фикерен исәпкә алып төзелде. Комитетлар үзләренең сорауларын алдан ук җибәргәннәр иде. Барлыгы Республика Хөкүмәтенә 32 сорау җибәрелгән.
Сораулардан соң депутатлар хисап турында фикер алышуга күчтеләр.
“Тәнкыйтьләр яңгыраса да, без аңлыйбыз, Хөкүмәт үзенең эшчәнлеген зур базарда тотрыклылык булмаган, Россия икътисадының структур проблемалары көчәйгән катлаулы шартларда алып бара”, - дип йомгаклады Фәрит Мөхәммәтшин.
Татарстан Республикасы Дәүләт Сооветы депутатлары ТР Премьер-министры Илдар Халиков тәкъдим иткән хисапны расладылар.
ТР Дәүләт Советы матбугат хезмәте материаллары буенча
Бүген Татарстан Республикасы Хөкүмәте Йортында Татарстан Президенты Рөстәм Миңнеханов «Шнайдер Электрик» компаниясе баш башкарма директоры урынбасары Эммануэль Бабо белән очрашты. Очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов катнашты.
Кунакларны сәламләп, Республика башлыгы Татарстан "Шнайдер Электрик" компаниясе белән хезмәттәшлеккә һәм бу еллар эчендә тупланган уртак тәҗрибәгә аеруча әһәмият бирүен билгеләп үтте.
2016 елның октябрендә «Шнайдер Электрик» компаниясенең зур делегациясе Татарстанда булды, диде Рөстәм Миңнеханов, аннары Татарстан делегациясе үткән елның ноябрендә Парижда компаниянең штаб-квартирасында булды, экспозиция үзәге, яңа технологияләр белән танышты.
«Әлбәттә, бүген «Шнайдер Электрик» – энергиягә, автоматлаштыру процессларына, энергия нәтиҗәлелеге технологияләренә һәм предприятиеләр һәм граждан төзелеш объектлар өчен хәл ителешләргә идарә базарында бөтендөнья лидерларының берсе, – диде Татарстан Республикасы Президенты. – Сезнең компания Россия базарында 100 ел эш итә, безнең илдә сезнең алты заводыгыз бар, һәм, билгеле инде, төбәкләр, шул исәптән Татарстан белән актив эшли».
Рөстәм Миңнеханов, республика "Шнайдер Электрик" компаниясенә Татарстанның «ТАИФ-НК», «ТАНЕКО» кебек эре предприятиеләрендә, Казан вертолет заводында һәм башка объектларларында нәтиҗәле эшләве өчен рәхмәтле булуын билгеләп үтте.
Үз чиратында «Шнайдер Электрик» компаниясе баш башкарма директоры урынбасары Эммануэль Бабо НИОКР үзәге турында кыскача гына сөйләде, ул 2017 елда Иннополис шәһәрендә ачылачак, шулай ук ул аны үстерү буенча планнары һәм проектларны тулыландыру турында мәгълүмат бирде.
Очрашу азагында Рөстәм Миңнеханов һәм Эммануэль Бабо барында «Шнайдер Электрик» АҖ белән «Иннополис» махсус икътисадый зонасы» АҖ арасында ниятләр турында килешү; шулай ук «Шнайдер Электрик» АҖ һәм «Иннополис университеты» арасында ниятләр турында килешү имзаланды. «Шнайдер Электрик» ягыннан документка Россиядә һәм БДБ илләрендә Schneider Electric президенты Йохан Вандерплаетсе кул куйды.
ТР Президенты Матбугат хезмәте материаллары буенча
20 мартта Татарстан Республикасы сәнәгать һәм сәүдә министрлыгында Кытай HNAC technology Co, Ltd компаниясе вәкиле белән Джон Хуан белән очрашу узды.
Очрашу кысаларында яклар гидроэнергетика үсеше, суларны чистарту системаларын булдыру, шулай ук, ирригация системаларын проектлау өлкәсендә халыкара хезмәттәшлек мәсьәләләре турында фикерләштеләр.
Шунысын өстәргә кирәк, Татарстан Республикасы Кытай Халык Республикасы белән актив хезмәттәшлек итә. 2013 елдан алып Татарстан һәм Кытай арасында югары дәрәҗәдә үзара 30 рәсми визит оештырылган. Моннан тыш, 2016 елда Менделеевск шәһәрендә Кытай милли химия-инженерлык корпорациясе катнашында минераль ашламалар җитештерү буенча "Аммоний" заводы ачылды. Шул ук елның апрелендә Яр Чаллы шәһәрендә "Хайер" кытай корпорациясе Россиядә суыткычлар җитештерү буенча беренче заводын эшләтеп җибәрде, ул бүгенге көндә компаниянең иң алдынгы заводларының берсе булып тора.
Казанда Кытайның Генераль Консуллыгы эшли.
Татарстан Республикасында югары үткәрешле технологияләрне кулланып, энергетика проектлары гамәлгә ашырылырга мөмкин. Бу хакта бүген «Татнефтехиминвест-холдинг» ААҖ директорлар Советының чираттагы утырышында билгеле булды.
Татарстан Республикасы Президенты Рөстәм Миңнеханов рәислегендә чара ТР Хөкүмәте Йортында узды.
Яңа юнәлеш турында «Наука и инновации» һәм «Русский сверхпроводник» компанияләре ("Росатом" ДК составына керә) директоры Виктор Панцырный сөйләде. Югары үткәрешле технологияләрне куллау өлкәләре киң - электр энергетикасы, транспорт, медицина, оборона сәнәгате, металлургия һәм башкалар. Югары үткәрешле кабель 20 югары көчәнешле кабельне алыштыра ала, бу бигрәк тә шәһәр һәм заводлар шартларында мөһим. 300 мВт ток үткәреп була. Шулай ук, подстанцияләрдә ихтыяҗ юкка чыга, шәһәрләрдә саклау зоналары мәсьәләсе хәл ителә.
"Росатом" ДК белән Татарстан Республикасы арасында хезмәттәшлеккә юнәлешләр арасында Виктор Панцырный нефть, газ чыгару һәм эшкәртү өлкәләрендә югары үткәрешле технологияләрне атады.
"ТАНЕКО" нефть эшкәртү комплексында әлеге технологияне куллану мөмкинлеген "Татнефть" ГАҖ генераль директоры Наил Маһанов тәкъдим итте. Аның сүзләренчә, нефть эшкәртү заводында кирәк булган һәрнәрсә бар - азот, криоген булдыру җайланмасы, мегаваттлы двигатель.
Татарстан Республикасы Президенты Рөстәм Миңнеханов «Татнефть», «ТАИФ», «Татэнерго» катнашында әлеге юнәлештә хезмәттәшлекне үстерү буенча эш төркемен булдыруны йөкләде.
Утырышта, шулай ук, Heurtey Petrochem компаниясе тәкъдимнәре каралды. Licensing & Equipments, Axens вице-президенты Кристиан Дюпра хәбәр иткәнчә, компаниянең Татарстан белән хезмәттәшлек итү тәҗрибәсе бар. Ул НЭЗ авыр калдыкларын тирән эшкәртү буенча хезмәт күрсәтүне тәкъдим итте. Рөстәм Миңнеханов «ТАИФ-НК» һәм «ТАНЕКО» компанияләренә әлеге юнәлештә эшләргә кирәклеген әйтте.
«Инвестсервис» ҖЧҖ директоры Александр Пликус Новочеркасск нефть машина төзелеше заводы мөмкинлекләре турында сөйләде.
Рөстәм Миңнеханов предприятиегә «ТАИФ», «ТАНЕКО» компанияләре гамәлгә ашырган тендерларында катнашырга тәкъдим итте.
«Диджитал Лоялти Систем» ҖЧҖ директоры Инсаф Хәйруллин универсаль түләү системалары белән таныштырды.
"Девон" мәгълүмат агентлыгы материаллары буенча
Германия Федератив Республикасында Россия сәнәгатьчеләре һәм эшмәкәрләре берлеге рәисе Андрей Зверевым белән очрашу бүген ТР сәнәгать һәм сәүдә министрлыгында узды. Чарада ТР сәнәгать һәм сәүдә министры урынбасарлары, Денис Вәлиев, Алмаз Хөсәенов, Илдар Мингалиев катнаштылар.
Очрашу барышында яклар үзара файдалы хезмәттәшлекнең механизмнары һәм перспективалары, шул исәптән, машина төзелеше, агач эшкәртү кебек сәнәгать өлкәләрендә хезмәттәшлекне үстерү хакында сөйләштеләр. Моннан тыш, очрашуда катнашучылар Татарстан Республикасы территориясендә алман предприятиеләренең җитештерүен локальләштерү темасын да кузгаттылар.
Сөйләшүләр ахырында яклар хезмәттәшлек итүдә кызыксынган компанияләр турында мәгълүмат белән алышыну, шулай ук, төрле юнәлешләрдә хезмәттәшлек итүне киңәйтүгә өмет белдерделәр.
Татарстанда уңышлы гына әйдәп баручы алмания фирмалары эшли:, "Сименс" (элемтә, энергетика, лизинг җиһазлары); "БАСФ" (химия продукциясе); "Бош" (машина төзелеше); "Краус Мафай" (нефть химиясе); "Линде" (химия); "Кнорр-Бремзе" (КАМАЗ комплектлау әйберләре); "Цанрадфабрик" (КАМАЗ тапшырулар тартмасы); "Фойт" (автоматик тапшырулар тартмасы); "Сария Био Индастриз" (хайван чималын эшкәртү) һәм башкалар. Моннан тыш, республикада алман сәүдә челтәрләре зур популярлык казанды: "Метро", "Медиа-Маркт", "Зельгрос" һәм "Вюрт".
ТР Премьер-министры урынбасары – ТР сәнәгать һәм сәүдә министры Алберт Кәримов халыкка көнкүреш хезмәте күрсәтү һәм торак-коммуналь хуҗалыгы хезмәткәрләрен һөнәри бәйрәмнәре белән тәбрик итә:
Хөрмәтле халыкка көнкүреш хезмәте күрсәтү өлкәсендә эшләүчеләр! Татарстан Республикасы сәнәгать һәм сәүдә министрлыгы исеменнән Сезне һөнәри бәйрәмегез –халыкка көнкүреш хезмәте күрсәтү һәм торак-коммуналь хуҗалыгы хезмәткәрләре Көне белән котлыйм.
Көнкүреш хезмәте күрсәтү өлкәсендәге предприятиеләрдән башка хәзерге заман тормышын күз алдына да китереп булмый. Бу өлкәдә хезмәт итү күп тырышлык, сабырлык һәм кешеләр белән эшли белүне таләп итә. Тармак хезмәткәрләренең профессиональлегенә, күрсәтелә торган хезмәтләрнең сыйфатына, күңел җылысына кешеләрнең кәефе һәм тормыш шартлары бәйле.
2017 елның 14-16 март көннәрендә “Казан ярминкәсе” күргәзмә үзәгендә "Энергия ресурсларының нәтиҗәлелеге һәм энергияне саклау" XVII Халыкара симпозиумы һәм "Энергетика. Ресурсларны саклау-2017" XVIII Халыкара махсуслаштырылган күргәзмәсе узды. Шулай ук, “2016 ел нәтиҗәләре буенча 2014 – 2020 елларга Татарстан Республикасында энергетика нәтиҗәлелеген арттыру һәм энергияне сак тоту һәм 2017 елга бурычлар” дәүләт программасын гамәлгә ашыру мәсьәләсе буенча” Татарстан Республикасы Хөкүмәте утырышы үтте.
Чарада Татарстан Республикасы Президенты Р.Н.Миңнеханов, Татарстан Республикасы Премьер-министры И.Ш.Халиков, Россия Федерациясе энергетика министры урынбасары А.Ю.Инюцын, Үзбәкстан Республикасының Самарканд өлкәсе хакиме Химмәт Окбутаев, эре сәнәгать предприятиеләре вәкилләре һәм башкалар катнашты.
Чара 15 март көнне ТР яшьләр эшләре һәм спорт министрлыгы бинасында үтте.
Конференция барышында яңа редакциядәге Устав, шулай ук, Попечительләр советы турында Нигезләмә расланды.
Президиум составына ТР Премьер-министры урынбасары - Татарстан Республикасы сәнәгать һәм сәүдә министры Алберт Кәримов, ТР яшьләр эшләре һәм спорт министры урынбасары Алмаз Мингулов, Татарстан Республикасы җилкән спорты Федерациясе идарәсе рәисе Алмаз Алеев һәм Татарстан Республикасы туризм буенча Дәүләт комитеты рәисе Сергей Иванов керде.
Моннан тыш, конференция барышында Татарстан Республикасы җилкән спорты Федерациясенең Попечительләр советы әгъзаларын һәм рәисен сайлау узды, рәис итеп Алберт Кәримов сайланды.
Конференция ахырында 2017 елга ярышлар планы буенча фикер алышынды һәм әлеге план расланды.
ТР яшьләр эшләре һәм спорт министрлыгы матбугат хезмәте материаллары буенча
2017 елның 16-21 мартында “Маяк” спорт комплексы нигезендә Татарстан Республикасы уйлап табучылары һәм рационализаторларының IX Мәгариф форумы узачак.
Форум ачылышы ТР яшьләр эшләре һәм спорт министрлыгында Татарстан Республикасы сәнәгать һәм сәүдә министры урынбасары Алмаз Хөсәенов катнашында үтте.
Ачылыш кысаларында “Татарстан Республикасының 2016 ел яшь рационализаторы һәм уйлап табучысы” конкурсы җиңүчеләрен бүләкләү узды, ТР Премьер-министры урынбасары – Татарстан Республикасы сәнәгать һәм сәүдә министры Рәхмәт хатлары тапшырылды һәм “Татарстан Республикасының 2017 ел яшь рационализаторы һәм уйлап табучысы” Республика конкурсы башланып китүе игълан ителде.
ТР сәнәгать һәм сәүдә министрлыгы һәм Федераль техник җайга салу һәм метрология Агентлыгы (Росстандарт) эгидасы астында 2017 елның 17 мартында Казан шәһәренең "Радиоприбор" АҖ базасында "Оборона-сәнәгать комплексы предприятиеләре эшчәнлегендә метрологик тәэмин итү һәм стандартлаштыруны камилләштерү" Бөтенроссия конференциясе узачак. Чара икътисад секторы үсешенең актуаль мәсьәләләрен карауга һәм аның конкурентлыгын арттыруга юнәтелгән.
Әлеге теманың актуаль булуы 2017 елның 3 мартында Росстандарт Җитәкчесе Алексей Абрамов рәислегендә узган киңәшмәдә тагын бер кабат расланды
Конференциядә докладлар белән Россия сәнәгать һәм сәүдә министрлыгыннан Кузнецов Дмитрий Александрович, Росстандарт метрология идарәсе җитәкчесе Родин Роман Александрович, Российской Федерациясе метрология институтыннан, "Рособоронстандарт" вәкилләре чыгыш ясар дип көтелә.